Dahod : આંબા ગામે ભારતમાળા પ્રોજેક્ટમાં સ્ટીલ ચોરી, 5 લાખથી વધુની કિંમતના સળિયા ગાયબ, 3 આરોપી ઝડપાયા
દાહોદ જિલ્લામાંથી પસાર થતા દિલ્હી–મુંબઈ એક્સપ્રેસવે કોરિડોર અંતર્ગત ચાલી રહેલા ભારતમાળા પ્રોજેક્ટમાં સ્ટીલના સળિયાની ચોરીનો ગંભીર મામલો સામે આવ્યો છે. દાહોદ તાલુકાના આંબા ગામ નજીક ભારતમાળા પ્રોજેક્ટના રોડ કામ પાસેથી રૂ. 5 લાખથી વધુ કિંમતના સ્ટીલના સળિયા ચોરી ગયા હોવાનું બહાર આવ્યું છે.આશરે 8 હજાર કિલો સ્ટીલના સળિયા ચોરાયા હતા મળતી માહિતી મુજબ દિલ્હી–મુંબઈ કોરિડોરના પેકેજ નંબર 26 હેઠળ ચાલી રહેલા કામમાંથી આશરે 8 હજાર કિલો સ્ટીલના સળિયા ચોરાયા હતા. ચોરી કરાયેલા સળિયા બાદમાં ચોરોએ સ્થાનિક સળિયા ભંગારમાં વેચી નાખ્યા હોવાનું તપાસમાં ખુલ્યું છે. પોલીસે સ્ટીલના સળિયા ભરેલી બોલેરો પીકઅપ ગાડી ઝડપી પાડી આ મામલે લીમડી પોલીસે કાર્યવાહી કરી સ્ટીલના સળિયા ભરેલી બોલેરો પીકઅપ ગાડી ઝડપી પાડી હતી. પોલીસે રૂ. 5.20 લાખની કિંમતના સ્ટીલના સળિયા સાથે ત્રણ ઇસમોની અટકાયત કરી છે. પેટા કોન્ટ્રાક્ટર આશાપુરા પ્રા. લિ. કંપનીના સુપરવાઇઝરની પણ ચોરીમાં મીલીભગત પોલીસ તપાસ દરમિયાન વધુ એક મહત્વની બાબત સામે આવી છે કે ભારતમાળા પ્રોજેક્ટમાં પેટા કોન્ટ્રાક્ટ તરીકે કાર્યરત આશાપુરા પ્રા. લિ. કંપનીના સુપરવાઇઝરની પણ આ ચોરીમાં મીલીભગત હોવાનું સામે આવ્યું છે. જોકે, ચોરીમાં સંડોવાયેલો સુપરવાઇઝર હાલ ફરાર હોવાનું પોલીસે જણાવ્યું છે. ફરાર સુપરવાઇઝરની શોધખોળ પોલીસ દ્વારા ઝડપાયેલા ત્રણેય આરોપીઓની પૂછપરછ ચાલી રહી છે, તેમજ ફરાર સુપરવાઇઝરની શોધખોળ માટે કાર્યવાહી તેજ કરવામાં આવી છે. આ ઘટનાએ મોટા ઇન્ફ્રાસ્ટ્રક્ચર પ્રોજેક્ટની સુરક્ષા અને દેખરેખ વ્યવસ્થા પર પણ સવાલો ઊભા કર્યા છે.આ પણ વાંચો---- DyCM હર્ષ સંઘવીનો મનપા અધિકારીઓ અને પદાધિકારીઓને સીધો આદેશ, કોઈપણ મનપાની ફરીયાદ ગાંધીનગર સુધી ન આવવી જોઈએ
Read Full Story arrow_forward
