Community News & Updates

Stay informed with the latest happenings, achievements, and announcements from our community.

All News

calendar_today January 28, 2026

Banaskantha News : ઠાકોર સમાજના સંમેલનની અસર, પાકિસ્તાનના ઠાકોર સમાજે બંધારણના અમલનો નિર્ણય લીધો

તાજેતરમાં ઠાકોર સમાજ દ્વારા બનાસકાંઠામાં એક સંમેલન યોજવામાં આવ્યું હતું. આ સંમેલનમાં સમાજના બંધારણનો અમલ કરવામાં આવ્યો હતો. ઠાકોર સમાજના બંધારણ માટે યોજાયેલા સંમેલનની અસર પાકિસ્તાનમાં જોવા મળી છે. પાકિસ્તાનના ઠાકોર સમાજે બનાસકાંઠામાં ઘડવામાં આવેલા બંધારણનો અમલ કરવાનો નિર્ણય લીધો છે. વાવના સરહદી વિસ્તારના લોકો પાકિસ્તાનમાં પણ રહે છે. બંધારણનો અમલ કરવાના નિર્ણયનો વીડિયો વાયરલ કરવામાં આવ્યો છે. ઠાકોર સમાજનું બંધારણ પાકિસ્તાન પહોંચ્યું બનાસકાંઠામાં યોજાયેલા સંમેલનમાં ઠાકોર સમાજ દ્વારા ઘડવામાં આવેલા બંધારણનો અમલ કરવામાં આવ્યો હતો. ત્યારે ઠાકોર સમાજનું બંધારણ પાકિસ્તાન પહોંચ્યું છે. પાકિસ્તાનના ઠાકોર સમાજના લોકોએ બંધારણનો અમલ કરવાનો નિર્ણય લીધો છે. લગ્ન પ્રસંગ અને સામાજિક પ્રસંગે ખર્ચ ઘટાડવાનો પાકિસ્તાનમાં રહેતા ઠાકોર સમાજના લોકોએ નિર્ણય કર્યો છે. વાવ અને ભાભરના સરહદી વિસ્તારમાં ઠાકોર સમાજના નાતો ધરાવતા લોકો પાકિસ્તાનમાં રહે છે. પાકિસ્તાનમાં રહેતા ઠાકોર સમાજના લોકોએ સમાજનું બંધારણ અમલમાં મુકવાનો વીડિયો વાયરલ કર્યો હતો. આ પણ વાંચોઃ Gandhinagar News: આદિવાસી વિસ્તારોમાં 2600 કરોડના ખર્ચે 2020 કિ.મીના પાકા બારમાસી રસ્તા તૈયાર કરાશે

Read Full Story arrow_forward

calendar_today January 28, 2026

Ahmedabad News : જસપ્રિત બુમરાહના સન્માનમાં નિર્માણ સ્કૂલમાં T20 વર્લ્ડ કપની ટ્રોફીનું નિદર્શન

અમદાવાદના વસ્ત્રાપુરમાં સ્થિત નિર્માણ હાઈસ્કૂલ ખાતે આજે ICC ક્રિકેટ બોર્ડ દ્વારા T-20 વર્લ્ડ કપની ઓફિશિયલ ટ્રોફી લાવવામાં આવી હતી. 17 વર્ષના લાંબા વિરામ બાદ ભારતીય ક્રિકેટ ટીમને મળેલી આ T 20 વર્લ્ડ કપ ટ્રોપીને નિર્માણ હાઈસ્કૂલના ભૂતપૂર્વ વિદ્યાર્થી અને ભારતીય ક્રિકેટ ટીમના ફાસ્ટ બોલર જસપ્રીત બુમરાહના સન્માન માટે લાવવામાં આવી હતી. વિદ્યાર્થીઓથી લઈને સમગ્ર યુવાધનમાં આ T20 વર્લ્ડકપ ટ્રોફી સાથે સેલ્ફી/ફોટોગ્રાફ્સ લેવા માટેનો ઉત્સાહ જોવા મળ્યો હતો. નિર્માણ સ્કૂલમાં T20 વર્લ્ડ કપની ટ્રોફીનું નિદર્શન આ ઓફિશિયલ T 20 વર્લ્ડ કપ ટ્રોફીને સન્માનવા તથા ઇવેન્ટના પ્રત્યક્ષ સહભાગી થવા જસપ્રીત બુમરાહની માતા દલજીત કૌર,જશપ્રીત બુમરાહના Under 19 મુસ્તાક અલી ચેમ્પિયન કોચ રાજીવ દેસાઈ, જસપ્રિત બુમરાહના રણજી ટ્રોફીના કોચ જયેન્દ્ર સાઇગલ અને હિતેશ મજમુદાર , GCAના સેક્રેટરી અનિલભાઈ પટેલ તથા રણજીત ટ્રોફી પ્લેયરરૂપ કાલેરીયા, ગુજરાતી સાહિત્યના શિરતાજ કુમારપાળ દેસાઈ તથા વિવિધ કેડરના આમંત્રિત મહેમાનો ઉપસ્થિત રહ્યા હતા.ભારતીય ક્રિકેટ ટીમને 17 વર્ષ બાદ મળેલ T20 વર્લ્ડ કપ ઓફિસિયલ ટ્રોફી નિર્માણ હાઇસ્કુલ વસ્ત્રાપુર ખાતે આજે બુધવારે સવારે શાળામાં નિદર્શન માટે મૂકવામાં આવી હતી. તથા અન્ય શાળાના વિદ્યાર્થીઓ અને સૌ ક્રિકેટ રસીકો માટે બપોરે વર્લ્ડ કપની ટ્રોફીને નિહાળવા માટે ખુલ્લી રાખવામાં આવેલ હતી.

Read Full Story arrow_forward

calendar_today January 28, 2026

Navneet Baladhiya કેસમાં લાઈવ વીડિયો મેળવનારા પોલીસ રડારમાં, SIT દ્વારા વધુ 3 શખ્સોની આકરી પૂછપરછ

નવનીત બાલધિયા પર થયેલા હિંસક હુમલાની ઘટનાને આજે 30 દિવસ વીતી ગયા હોવા છતાં, પોલીસ અને SIT હજુ પણ આ ગુનાના મૂળ સુધી પહોંચવા મથામણ કરી રહી છે. છેલ્લા 23 દિવસથી SIT આ કેસની ઝીણવટભરી તપાસ કરી રહી છે, જેમાં અત્યાર સુધી લોકસાહિત્યકાર માયા આહીરના પુત્ર જયરાજ આહીર સહિત 14 લોકોની ધરપકડ કરવામાં આવી છે. પૂછપરછનો નવો દોર શરૂ આજે SIT દ્વારા વધુ ત્રણ શખ્સો શૈલેષ બારૈયા, પ્રવીણ બાંભણીયા અને દિનેશ ઉર્ફે ગોલ્ડનને પૂછપરછ માટે તેડું મોકલવામાં આવ્યું હતું. આ ત્રણેય શખ્સોની સતત દોઢ કલાક સુધી સઘન પૂછપરછ કરવામાં આવી હતી. તપાસમાં બહાર આવ્યું છે કે જ્યારે નવનીત બાલધિયાને નિર્દયતાથી માર મારવામાં આવી રહ્યો હતો, ત્યારે આરોપીઓએ આ ઘટનાનો લાઈવ વીડિયો ઉતાર્યો હતો. આ વીડિયો જે-તે સમયે જે વ્યક્તિઓને મોકલવામાં આવ્યો હતો, તેમાં આ ત્રણેયનો સમાવેશ થાય છે. વીડિયો મોકલવા પાછળનો હેતુ શું હતો SIT અત્યારે એ જાણવાનો પ્રયાસ કરી રહી છે કે આ વીડિયો મોકલવા પાછળનો હેતુ શું હતો? શું આ કોઈ ડર ફેલાવવાનું ષડયંત્ર હતું કે પછી અન્ય કોઈ વ્યક્તિઓના ઈશારે આ કૃત્ય આચરવામાં આવ્યું હતું? પોલીસ અત્યાર સુધી 23થી વધુ લોકોના નિવેદનો નોંધી ચૂકી છે. ઘટનાના એક મહિના બાદ પણ તપાસની આંચ ઓછી થઈ નથી. ડિજિટલ પુરાવાઓ અને વાયરલ થયેલા વીડિયોના આધારે SIT આ કેસમાં અન્ય મોટા માથાઓની સંડોવણી છે કે કેમ તે દિશામાં તપાસ તેજ કરી રહી છે. આગામી દિવસોમાં વધુ કેટલીક ચોંકાવનારી ધરપકડો થવાની શક્યતા નકારી શકાય તેમ નથી.આ પણ વાંચોઃ Ahmedabad ક્રાઇમ બ્રાન્ચની ઐતિહાસિક સિદ્ધિ, UIDAI સાથે કરાર કરનાર દેશની પ્રથમ એજન્સી બની

Read Full Story arrow_forward