Community News & Updates

Stay informed with the latest happenings, achievements, and announcements from our community.

All News

calendar_today January 21, 2026

Anand News : આણંદ-કરમસદ મનપાની મોટી સ્ટ્રાઈક, વેરો ન ભરનાર 57 દુકાનોને ઝીંકાયા સીલ

કરમસદ-આણંદ મ્યુનિસિપલ કોર્પોરેશન દ્વારા બાકી વેરાની વસૂલાત માટે કડક ઝુંબેશ હાથ ધરવામાં આવી છે. આ કામગીરી અંતર્ગત કરમસદ વિસ્તારમાં આવેલા 'સ્વયં સેફાયર કોમ્પ્લેક્સ'માં લાંબા સમયથી ટેક્સ ન ભરનારા મિલકત ધારકો સામે તંત્રએ લાલ આંખ કરી છે. કોમ્પ્લેક્સની કુલ 57 જેટલી દુકાનો કે જેમના માલિકોએ વારંવારની સૂચના છતાં વેરો ભર્યો ન હતો, તેવી મિલકતોને મનપાની ટીમ દ્વારા સીલ કરી દેવામાં આવી છે. આ 57 દુકાનોનો અંદાજે 12,20,963 રૂપિયા જેટલો મસમોટો વેરો બાકી હોવાનું સત્તાવાર રીતે જાણવા મળ્યું છે.કરમસદમાં સીલિંગ ડ્રાઈવ મનપાની આ આકસ્મિક કાર્યવાહીને પગલે સમગ્ર વિસ્તારના વેપારી આલમમાં ફફડાટ વ્યાપી ગયો છે. સીલિંગની કામગીરીની સાથે-સાથે મનપાની ટીમે અન્ય મિલકત ધારકો પાસેથી સ્થળ પર જ બાકી વેરાની વસૂલાત પણ કરી હતી. અધિકારીઓના જણાવ્યા અનુસાર, જે મિલકત ધારકો હજુ પણ વેરો ભરવામાં વિલંબ કરશે તેમની સામે આગામી દિવસોમાં વધુ કડક પગલાં લેવામાં આવશે. કોર્પોરેશને સ્પષ્ટ સંકેત આપ્યો છે કે શહેરના વિકાસ કામો માટે ટેક્સની આવક અનિવાર્ય છે, તેથી બાકીદારોએ વહેલી તકે પોતાના લેણાં ભરી દેવા જોઈએ. આ પણ વાંચો : Surat ટાંકી દુર્ઘટનામાં એક્શન, માંડવી પોલીસે બે એન્જિનિયર સહિત 7 આરોપીઓને જેલભેગા કર્યા

Read Full Story arrow_forward

calendar_today January 21, 2026

Union Budget 2026: 1 ફેબ્રુઆરીએ બજેટ, જાણો સૌથી લાંબુ ભાષણ કયા નાણામંત્રીનું?

1 ફેબ્રુઆરીએ નાણામંત્રી નિર્મલા સીતારમણ લોકસભામાં કેન્દ્રીય બજેટ રજૂ કરશે. આ વખતે નિર્મલા સીતારમણ બજેટ રજૂ કરીને અનોખો રેકોર્ડ બનાવશે. તેઓ સતત 9મી વખત બજેટ રજૂ કરનાર દેશના પ્રથમ નાણામંત્રી છે. સીતારમણ સિવાય અત્યાર સુધી સૌથી વધુ છ વખત બજેટ રજૂ કરવાનો રેકોર્ડ પૂર્વ વડાપ્રધાન મરોરજી દેસાઈના નામે છે. જો કે આ વખતે સીતારમણ પૂર્વ પીએમ દેસાઈનો પણ રેકોર્ડ તોડી દેશે. ત્યારે જાણીએ અત્યાર સુધીમાં બજેટમાં સૌથી લાંબી સ્પીચ કયા નાણામંત્રીની રહી છે.નિર્મલા સીતારમણે ક્યારે કેટલા મિનિટનું આપ્યું ભાષણ ? વર્ષસમયગાળો1 ફેબ્રુઆરી 2024 વચગાળાનું બજેટ 56 મિનિટ2023-2024 87 મિનિટ2022-2023 1 કલાક 30 મિનિટ2021-2022 100 મિનિટ2020-2021 2 કલાક 40 મિનિટ2019-2020 2 કલાક 17 મિનિટસૌથી લાંબુ ભાષણ કયા નાણામંત્રીનું ?ભારતીય ઈતિહાસમાં સૌથી લાંબુ બજેટ ભાષણ વાંચવાનો રેકોર્ડ પણ નિર્મલા સીતારમણના નામે છે. નાણામંત્રી નિર્મલા સીતારમણનું કેન્દ્રીય બજેટ 2020 ભાષણ ભારતીય ઈતિહાસનું સૌથી લાંબુ બજેટ ભાષણ છે જે 2 કલાક 40 મિનિટ સુધી ચાલ્યું હતું. આ દરમિયાન તેમણે કેન્દ્રીય બજેટ 2019 રજૂ કરવાનો 2 કલાક 17 મિનિટનો પોતાનો જ રેકોર્ડ તોડ્યો. તેમના પહેલા સૌથી લાંબા બજેટ ભાષણનો રેકોર્ડ સ્વર્ગસ્થ અરુણ જેટલીના નામે હતો. જેટલીનું 2014નું બજેટ ભાષણ 2 કલાક 10 મિનિટનું હતું. સૌથી ટૂંકુ ભાષણ કોનું ? નિર્મલા સીતારમણ પહેલા ભાજપના નેતા જસવંત સિંહે સૌથી લાંબુ બજેટ ભાષણ આપવાનો રેકોર્ડ બનાવ્યો હતો. 2003માં તેમણે 2 કલાક 15 મિનિટનું બજેટ રજૂ કર્યું હતું. જ્યારે સ્વતંત્ર ભારતના ઈતિહાસમાં સૌથી ટૂંકું બજેટ ભાષણ હિરુભાઈ એમ પટેલ દ્વારા 1977માં આપવામાં આવ્યું હતું. તેમણે માત્ર 800 શબ્દોનું વચગાળાનું બજેટ ભાષણ આપ્યું હતું. સૌથી ટૂંકું પૂર્ણબજેટ ભાષણ વાઇ. બી ચૌહાણનું હતું. જે માત્ર 9300 શબ્દોનું હતું. મોરારજી દેસાઈએ 10 હજાર શબ્દોનું બીજું સૌથી ટૂંકું ભાષણ રજૂ કર્યું હતું. 

Read Full Story arrow_forward

calendar_today January 21, 2026

Union Budget 2026 : મૂડી મર્યાદા હળવી થશે? બજેટથી ફાઈનાન્સ સેક્ટરને આશા

કેન્દ્રીય બજેટ 2026 હવે થોડા સમયમાં રજૂ થવાનું છે અને દેશનું નાણાકીય ક્ષેત્ર આ બજેટ તરફ ખાસ આશા સાથે જોઈ રહ્યું છે. નાણાકીય ક્ષેત્રના નિષ્ણાતો માને છે કે આવનાર બજેટ માત્ર મોટા આંકડા કે ઘોષણાઓ પૂરતું ન રહે, પરંતુ તે દેશના નાણાકીય માળખાને મજબૂત બનાવે તેવો હોવો જોઈએ. નાણાકીય ક્ષેત્રીની સૌથી મોટી માંગ નાણાકીય ક્ષેત્રની સૌથી મોટી માંગ એ છે કે મૂડી સંબંધિત મર્યાદાઓને હળવી કરવામાં આવે જેથી બેંકો અને અન્ય નાણાકીય સંસ્થાઓ વધુ સારા રીતે ધિરાણ આપી શકે. મૂડીની ઉપલબ્ધતા વધવાથી નાના વ્યવસાયો, સ્ટાર્ટઅપ્સ અને વંચિત વર્ગોને સરળતાથી લોન મળી શકે અને નાણાકીય સમાવેશ વધે. નિષ્ણાતોનો મત નિષ્ણાતોના કહેવા મુજબ, બજેટમાં બચત, ધિરાણ અને ડિજિટલ ચુકવણી પર ખાસ ધ્યાન આપવું જોઈએ. છેલ્લા કેટલાક વર્ષોમાં ખાતા ખોલવામાં અને ડિજિટલ અપનાવવામાં પ્રગતિ થઈ છે, પરંતુ હવે આગળનો પડકાર એ છે કે ખાતાઓ સક્રિય રહે, લોકો લોનનો યોગ્ય ઉપયોગ કરી શકે અને અંતિમ સ્તરે સેવાઓ અસરકારક રીતે પહોંચે. આ માટે બેંકો અને ફાઇનાન્સિયલ મધ્યસ્થીઓ માટે ટકાઉ બિઝનેસ મોડેલ, પૂરતી પ્રવાહિતા અને સરકાર તરફથી યોગ્ય પ્રોત્સાહન જરૂરી છે. ક્રેડિટ વધારવા પર નહીં પરંતુ તેની ગુણવત્તા નિષ્ણાતોનું એવું પણ કહેવું છે કે , હવે ફક્ત ક્રેડિટ વધારવા પર નહીં પરંતુ તેની ગુણવત્તા પર ધ્યાન આપવાની જરૂર છે. જવાબદાર ધિરાણ, જોખમ વહેંચણી અને લાંબા ગાળાની સ્થિરતા ખૂબ જ મહત્વપૂર્ણ બનશે. તેમણે સૂચન કર્યું કે ક્રેડિટ ગેરંટી યોજના અને સહ-ધિરાણ માળખાને વધુ મજબૂત બનાવવામાં આવે. બેંકિંગ ક્ષેત્ર માટે પણ સુધારા જરૂરી છે. નાની ફાઇનાન્સ બેંકો અને શહેરી સહકારી બેંકો માટે મર્જર અને એક્વિઝિશન સરળ બનાવવાની શક્યતા છે. સાથે સાથે AI અને નવી ટેકનોલોજીનો ઉપયોગ વધારવા માટે નીતિઓ લાવવામાં આવી શકે છે. મોટી જાહેરાતોથી વધારે નીતિમાં સ્થિરતા ખાનગી અને વિદેશી મૂડીને આકર્ષવા માટે જાહેર ક્ષેત્રની બેંકોમાં FDI મર્યાદા વધારવી અને વિદેશી બેંકો માટે કર પ્રક્રિયા સરળ બનાવવાની પણ માંગ છે. મૂડી બજારના દૃષ્ટિકોણથી, એક્સિસ સિક્યોરિટીઝના પ્રણવ હરિદાસને જણાવ્યું કે બજારને મોટી જાહેરાતોથી વધારે નીતિમાં સ્થિરતા અને વિશ્વસનીયતા જોઈએ છે. લાંબા ગાળાની બચતને પ્રોત્સાહન આપતી કર નીતિઓ ભારતને વૈશ્વિક રોકાણકારો માટે આકર્ષક બનાવશે. એકંદરે, નાણાકીય ક્ષેત્ર એવું બજેટ ઈચ્છે છે જે જમીન પર અસર કરે, નાણાકીય સમાવેશને સાચે મજબૂત બનાવે અને દેશના આર્થિક વિકાસને લાંબા ગાળે ટેકો આપે.આ પણ વાંચો : Union Budget 2026: 1 ફેબ્રુઆરીએ બજેટ, જાણો સૌથી લાંબુ ભાષણ કયા નાણામંત્રીનું?

Read Full Story arrow_forward