Community News & Updates

Stay informed with the latest happenings, achievements, and announcements from our community.

All News

calendar_today January 21, 2026

કોન્સર્ટ ક્રેઝ! કેમ international સિંગર્સ હવે ભારતને પહેલી પસંદ બનાવી રહ્યા છે?

છેલ્લા કેટલાક વર્ષોમાં ભારતનો લાઈવ મ્યુઝિક અને કોન્સર્ટ પ્રત્યેનો પ્રેમ અદભૂત રીતે વધ્યો છે. ખાસ કરીને 2025નું વર્ષ ભારત માટે ઐતિહાસિક સાબિત થયું, જેમાં Coldplay, Ed Sheeran, Travis Scott અને Akon જેવા ઇન્ટરનેશનલ સુપરસ્ટાર્સે દેશભરમાં ધૂમ મચાવી હતી. આ કાર્યક્રમોએ સાબિત કરી દીધું કે હવે ભારત વૈશ્વિક કોન્સર્ટ ટૂર માટે વૈકલ્પિક નહીં, પરંતુ ફરજિયાત સ્ટોપ બની ગયું છે.  સંગીતપ્રેમીઓ માટે ઉત્સાહજનક 2026 ની શરૂઆત પણ સંગીતપ્રેમીઓ માટે ઉત્સાહજનક રહેવાની છે. જાન્યુઆરી 2026માં મુંબઈ ખાતે યોજાનાર Lollapalooza India માં Playboi Carti, Fuji Kaze જેવા મોટા આંતરરાષ્ટ્રીય કલાકારો પરફોર્મ કરશે. તે ઉપરાંત, The Lumineers ફેબ્રુઆરીમાં દિલ્હી અને ગુડગાંવમાં લાઈવ શો કરશે, જ્યારે John Mayer મુંબઈમાં પોતાનો સોલો કોન્સર્ટ લઈને આવી રહ્યા છે. આ તમામ કાર્યક્રમો ભારતની વૈશ્વિક લોકપ્રિયતાને વધુ મજબૂત બનાવે છે. 2025 માં Coldplay 2025 માં Coldplay એ અમદાવાદમાં પોતાના શોઝ માટે વધારાની તારીખો ઉમેરવી પડી હતી, કારણ કે ટિકિટો સેકન્ડોમાં સોલ્ડઆઉટ થઈ ગઈ હતી. લાખો ચાહકો દેશ-વિદેશમાંથી અમદાવાદ પહોંચ્યા, જેના કારણે હોટલ, ફ્લાઇટ, ટ્રાન્સપોર્ટ અને લોકલ બિઝનેસને મોટો ફાયદો થયો. માત્ર એક Coldplay કોન્સર્ટે જ શહેર માટે અંદાજે ₹641 કરોડનો આર્થિક પ્રભાવ પેદા કર્યો હતો. 2024 માં ₹12,000 કરોડને પાર રિપોર્ટ મુજબ, ભારતનો સંગઠિત લાઈવ ઇવેન્ટ્સ સેગમેન્ટ 2024 માં ₹12,000 કરોડને પાર કરી ગયો છે અને આવનાર વર્ષોમાં તે દર વર્ષે 18-19% ની ઝડપે વધવાની શક્યતા છે. રિપોર્ટ મુજબ, ભારતનું મીડિયા અને મનોરંજન ક્ષેત્ર ₹2.5 ટ્રિલિયનથી વધુનું બની ગયું છે, જેમાં લાઈવ ઇવેન્ટ્સ સૌથી ઝડપી વિકસતા ક્ષેત્રોમાંથી એક છે. કલાકારો માટે ભારત હવે આકર્ષક માર્કેટ કલાકારો માટે ભારત હવે આકર્ષક માર્કેટ બની ગયું છે કારણ કે અહીં યુવા વસ્તી મોટી છે, ચાહકો ઉત્સાહી છે અને ડિજિટલ પ્લેટફોર્મ દ્વારા ટિકિટ વેચાણ સરળ બન્યું છે. 2017 માં જ્યારે Justin Bieber ભારત આવ્યો હતો ત્યારે તે એક ખાસ ઘટના ગણાતી હતી, પરંતુ આજે એવા કાર્યક્રમો સામાન્ય બન્યા છે. કોન્સર્ટ માત્ર મનોરંજન પૂરતું સીમિત નથી રહ્યું; તે સમગ્ર શહેરને જીવંત બનાવી દે છે. સ્થાનિક અર્થતંત્રને વેગ મળે છે, રોજગાર વધે છે અને ભારતની વૈશ્વિક છબી મજબૂત બને છે. આ તમામ કારણોને કારણે, 2026 અને તે પછીના વર્ષોમાં પણ ભારત વૈશ્વિક સંગીત નકશા પર ટોપ પર રહેવાની પૂરી શક્યતા છે.આ પણ વાંચો : Maharashtraની રાજનીતિમાં મોટો વળાંક? રાજ ઠાકરે શું ઉદ્ધવને સાઈડલાઈન કરી શિંદેને ટેકો આપશે!

Read Full Story arrow_forward

calendar_today January 21, 2026

Republic Day 2026: કર્તવ્ય પથ પર પરેડ જોવા 10,000 વિશેષ મહેમાનોને આમંત્રણ, જાણો કોણ છે આ મહેમાનો

ભારતમાં 77મા પ્રજાસત્તાક દિવસની ઉજવણીની ધામધૂમથી તૈયારીઓ થઈ રહી છે. દિલ્હીમાં કર્તવ્ય પર પથ પર 26 જાન્યુઆરીના દિવસે સેનાઓની પરેડ અને વિવિધ રાજ્યોની ઝાંખીને ખાસ આયોજન થઈ રહ્યા છે. 26 જાન્યુઆરી પ્રજાસત્તાક દિવસની આમંત્રણ પત્રિકા સોશિયલ મીડિયામાં વાયરલ થઈ હતી. ત્યારે પ્રજાસત્તાક દિવસને લઈને નવું અપડેટ સામે આવ્યું છે. આ રાષ્ટ્રીય તહેવારની ઉજવણીમાં 10,000 જેટલા ખાસ મહેમાનોને આમંત્રણ અપાયું છે.  કર્તવ્ય પથની પરેડ જોવા દેશના મહેમાનોને આમંત્રણ 26 જાન્યુઆરી પ્રજાસત્તાક દિવસમાં આ વખતે ભાગ લેનારાઓ પર ખાસ ધ્યાન આપવામાં આવ્યું છે. આ વર્ષે પ્રજાસત્તાક દિવસે કોઈ વિદેશ અગ્રણી મહેમાન નહીં પરંતુ દેશના જ લોકોને મહેમાન બનાવવામાં આવ્યા છે. આ મહેમાનોમાં ખેડૂતો, મજૂરો, વૈજ્ઞાનિકો, સ્ટાર્ટઅપ ઇનોવેટર્સ, મહિલા ઉદ્યોગસાહસિકો અને વિવિધ સરકારી યોજનાઓના લાભાર્થીઓનો સમાવેશ થાય છે. સંરક્ષણ મંત્રાલયે એક સત્તાવાર નિવેદનમાં જણાવ્યું હતું કે આ મહેમાનોને તેમના જીવનસાથી સાથે કર્તવ્ય પથ પર શાનદાર પરેડ જોવા માટે આમંત્રિત કરવામાં આવ્યા છે.પ્રજાસત્તાક દિવસે આ લોકો બનશે ખાસ મહેમાનનિવેદન અનુસાર, આ મહેમાનોમાં ખેડૂતો, વર્લ્ડ પેરા એથ્લેટિક્સ ચેમ્પિયનશિપના વિજેતાઓ, ગગનયાન, ચંદ્રયાન વગેરે જેવા ઇસરો મિશનમાં પોતાના કાર્ય દ્વારા નવી ઓળખ બનાવનારા વૈજ્ઞાનિકો આ દિવસે મહેમાન બનશે.  આ ઉપરાંત લખપતિ દિદિ, આરોગ્ય અને શિક્ષણ ક્ષેત્રે ઉત્તમ કાર્ય કરનારા લોકો પણ ખાસ મહેમાનોની યાદીમાં છે. પીએમ મુદ્રા યોજનામાંથી લોન મેળવીને સફળ વ્યવસાય ચલાવનારા શેરી વિક્રેતાઓ, ગાયકો અને મહિલાઓનો પણ સમાવેશ થાય છે. પાયાના સ્તરે વિકાસમાં નોંધપાત્ર યોગદાન આપી રહેલા લોકોને પણ આ યાદીમાં આમંત્રણ આપવામાં આવ્યું છે. આ ઉપરાંત, અન્ય ઘણા ક્ષેત્રોમાં ઉત્તમ કાર્ય કરનારા લોકોને પણ આ યાદીમાં આમંત્રણ આપવામાં આવ્યું છે.પ્રજાસત્તાક દિવસે VIP સંસ્કૃતિના અંતનો આરંભજણાવી દઈએ કે આ વખતે સંરક્ષણ મંત્રાલયે VIP સંસ્કૃતિનો અંત લાવ્યો છે. એટલે જે પ્રજાસત્તાક દિવસે દેશના જ લોકોને મહેમાન તરીકે આમંત્રિત કર્યા છે. આ મહેમાનોને આમંત્રણ આપવાનો હેતુ રાષ્ટ્ર નિર્માણમાં તેમના યોગદાનનું સન્માન કરવાનો અને રાષ્ટ્રીય મહત્વના કાર્યક્રમોમાં જાહેર ભાગીદારી વધારવાનો છે. તેમજ ગંગા, યમુના, બ્રહ્મપુત્રા, કાવેરી, કોસી, કૃષ્ણા, મહાનદી, નર્મદા, પેન્નાર, પેરિયાર, રવિ, સોન, સતલજ, તિસ્તા, વૈગાઈ વગેરે નદીઓના નામ પરથી જોવા માટેની ગેલેરીઓનું નામકરણ કર્યું છે.આ પણ વાંચો : Republic Day 2026: શું છે ગણતંત્રનો સાચો અર્થ? જાણો 26 જાન્યુઆરીએ કેવી રીતે બદલાઈ ગયું દરેક ભારતીયોનું નસીબ

Read Full Story arrow_forward

calendar_today January 21, 2026

Stock Market Closing: લાલ નિશાનમાં માર્કેટ બંધ, સેન્સેક્સ 81,909 અંકે બંધ

ભારતીય શેરબજાર ઘટાડા સાથે બંધ થયું છે. સેન્સેક્સ અને નિફ્ટી બંને લાલ નિશાનમાં બંધ થયા છે. ભારતીય શેરબજાર નબળા એશિયન બજારો વચ્ચે નીચા સ્તરે ખુલ્યા. ગ્રીનલેન્ડને લઈને અમેરિકા અને યુરોપ વચ્ચેના તણાવને કારણે રોકાણકારોની ચિંતા વધી છે, જેના કારણે રોકાણકારોના સેન્ટિમેન્ટ પર નકારાત્મક અસર પડી છે, જેના કારણે બજારમાં અસ્થિરતા જોવા મળી છે. દરમિયાન, બેંકિંગ શેરોમાં નફા-બુકિંગને કારણે બેન્ચમાર્ક સૂચકાંકો નિફ્ટી 50 અને સેન્સેક્સ નીચે આવી ગયા.શેર બજાર લાલ નિશાને બંધ બપોરે 3.30 કલાકની વાત કરીએ તો, સેન્સેક્સ અને નિફ્ટી બંને લાલ નિશાનમાં જ બંધ થયા. સેન્સેક્સ 270.84 પોઇન્ટના ઘટાડા સાથે 81,909 અંકે બંધ થયો. જ્યારે નિફ્ટી 75 પોઇન્ટના ઘટાડા સાથે 25,157 અંકે બંધ થયો. ટ્રમ્પે 200% ટેરિફની ધમકી આપી અમેરિકાએ ફરી એકવાર ટેરિફ બોમ્બ ફેંક્યો છે. રાષ્ટ્રપતિ ડોનાલ્ડ ટ્રમ્પે ગયા શનિવારે આઠ યુરોપિયન દેશો પર 10% ટેરિફની જાહેરાત કરી હતી, જે 1 ફેબ્રુઆરીથી અમલમાં આવશે. અમેરિકાની ગ્રીનલેન્ડ યોજનાના વિરોધના જવાબમાં આ ટ્રમ્પ ટેરિફ ચેતવણી જારી કરવામાં આવી છે, અને ટ્રમ્પે સ્પષ્ટપણે કહ્યું છે કે જો ગ્રીનલેન્ડના જોડાણમાં કોઈ અવરોધો આવશે, તો 1 જૂનથી ટેરિફ વધારીને 25% કરવામાં આવશે. આ પછી, ડોનાલ્ડ ટ્રમ્પે અચાનક ફ્રેન્ચ વાઇન અને શેમ્પેન પર 200% ટેરિફ લાદવાની નવી ધમકી આપી. જાપાનથી કોરિયા સુધી બજાર કડાકો ટ્રમ્પ દ્વારા આપવામાં આવેલા આ નવા ખતરાની સીધી અસર એશિયન શેરબજારો પર ગભરાટના સ્વરૂપમાં પડી છે. બુધવારે જ્યારે ટ્રેડિંગ શરૂ થયું ત્યારે મોટાભાગના એશિયન શેરબજારો ફ્રી ફોલમાં હતા. જાપાનનો નિક્કી 297 પોઈન્ટ ઘટીને 52,693 પર બંધ થયો, જે શરૂઆતના ટ્રેડિંગમાં 796 પોઈન્ટ ઘટીને 52,194 પર બંધ થયો હતો. જાપાન ઉપરાંત, હોંગકોંગનો હેંગ સેંગ 112 પોઈન્ટ ઘટીને 26,423 પર બંધ થયો. દક્ષિણ કોરિયાનો KOSPI ઇન્ડેક્સ પણ 1 ટકાથી વધુ ઘટ્યો. અન્ય બજારોમાં, ઓસ્ટ્રેલિયાનો S&P/ASX 200, DAX અને CAC પણ રેડ ઝોનમાં દેખાયા. અમેરિકામાં જ પરિસ્થિતિ ભયાનક ટ્રમ્પ ટેરિફની અસર ફક્ત એશિયન બજારોમાં જ નહીં પરંતુ યુનાઇટેડ સ્ટેટ્સમાં પણ મોટા પાયે અનુભવાઈ છે. ગઈકાલે યુએસ શેરબજારો પણ તીવ્ર નુકસાન સાથે બંધ થયા હતા. ડાઉ જોન્સ ઇન્ડસ્ટ્રિયલ એવરેજ 870 પોઈન્ટ ઘટીને 48509 પર બંધ થયો, જ્યારે S&P ૫૦૦ ઇન્ડેક્સ પણ અવ્યવસ્થિત દેખાયો. બંધ થતાં સુધીમાં તે 143 પોઈન્ટ ઘટીને 6817 પર બંધ થયો..BJP National President: હું કાર્યકર્તા છું અને નીતિન નબીનજી મારા બોસ છે.. બોલ્યા પીએમ મોદી

Read Full Story arrow_forward