Community News & Updates

Stay informed with the latest happenings, achievements, and announcements from our community.

All News

calendar_today January 21, 2026

Republic Day 2026: આ ગણતંત્ર દિવસે યુરોપિયન દિગ્ગજ બનશે મહેમાન, જાણો કોણ છે?

યુરોપિયન કાઉન્સિલના પ્રમુખ એન્ટોનિયો લુઈસ સાન્તોસ દા કોસ્ટા અને યુરોપિયન કમિશનના પ્રમુખ ઉર્સુલા વોન ડેર લેયેન દેશના 77મા પ્રજાસત્તાક દિવસના સમારોહમાં મુખ્ય અતિથિઓ હશે. વડા પ્રધાન નરેન્દ્ર મોદીના આમંત્રણ પર, આ ટોચના અધિકારીઓ 25 થી 27 જાન્યુઆરી 2026 દરમિયાન ભારતની મુલાકાતે રહેશે. ભારત અને યુરોપિયન યુનિયન વચ્ચે વધતા વ્યૂહાત્મક સંબંધોના સંદર્ભમાં આ મુલાકાત અત્યંત મહત્વપૂર્ણ માનવામાં આવે છે. વિદેશ મંત્રાલયે કરી જાહેરાત વિદેશ મંત્રાલયે ગુરુવારે જાહેરાત કરી હતી કે યુરોપિયન કાઉન્સિલના પ્રમુખ એન્ટોનિયો લુઈસ સાન્તોસ દા કોસ્ટા અને યુરોપિયન કમિશનના પ્રમુખ ઉર્સુલા વોન ડેર લેયેન 25 થી 27 જાન્યુઆરી સુધી 77મા પ્રજાસત્તાક દિવસના સમારોહમાં મુખ્ય અતિથિ તરીકે ભારતની મુલાકાતે રહેશે. આ મુલાકાત દરમિયાન નેતાઓ 27 જાન્યુઆરીએ 16મા ભારત-EU સમિટની સહ-અધ્યક્ષતા પણ કરશે, જ્યાં મુક્ત વેપાર કરાર (FTA) ની જાહેરાત કરવામાં આવશે. ભારત અને EU વચ્ચે આર્થિક સંબંધો મજબૂત થશે FTA ભારત અને યુરોપિયન યુનિયન વચ્ચેના આર્થિક સંબંધોને મજબૂત બનાવવાની અપેક્ષા રાખે છે, જેમાં વેપાર, રોકાણ અને બજાર ઍક્સેસ જેવા ક્ષેત્રોને આવરી લેવામાં આવશે અને યુએસ ટેરિફથી પ્રભાવિત ભારતીય નિકાસકારોને થોડી રાહત મળશે. આ કરાર માટે ઘણા મહિનાઓથી સઘન વાટાઘાટો ચાલી રહી છે, અને એવું અહેવાલ છે કે બંને પક્ષોએ મોટાભાગના જટિલ વેપાર-સંબંધિત મુદ્દાઓનું નિરાકરણ લાવ્યું છે. પ્રતિનિધિમંડળ-સ્તરની વાટાઘાટો સુનિશ્ચિત બંને ટોચના અધિકારીઓ રાષ્ટ્રપતિ દ્રૌપદી મુર્મુને મળવાના છે અને વડા પ્રધાન મોદી સાથે પ્રતિનિધિમંડળ-સ્તરની વાટાઘાટો કરવાના છે. વધુમાં, સમિટની બાજુમાં 'ભારત-EU બિઝનેસ ફોરમ' પણ યોજાવાની અપેક્ષા છે. ભારત અને EU, 2004 થી વ્યૂહાત્મક ભાગીદારો, ફેબ્રુઆરી 2025 માં EU કમિશનરોની ભારતની ઐતિહાસિક મુલાકાત પછી દ્વિપક્ષીય સંબંધોમાં નોંધપાત્ર વિસ્તરણ જોવા મળ્યું છે. પ્રજાસત્તાક દિવસની ઉજવણીમાં તેમની ભાગીદારી બંને પક્ષો વચ્ચે સહયોગને વધુ મજબૂત બનાવશે અને પરસ્પર હિતના ક્ષેત્રોને પ્રાથમિકતા આપશે. દ્વિપક્ષીય સંબંધો અનેક ક્ષેત્રોમાં ફેલાયેલા મંત્રાલયે જણાવ્યું હતું કે ગયા વર્ષે ફેબ્રુઆરીમાં EU કોલેજ ઓફ કમિશનર્સની ભારતની ઐતિહાસિક મુલાકાત બાદ, દ્વિપક્ષીય સંબંધો અનેક ક્ષેત્રોમાં વિસ્તર્યા છે. EU હાલમાં માલસામાનમાં ભારતનો સૌથી મોટો વેપારી ભાગીદાર છે, અને 2024-25માં દ્વિપક્ષીય વેપાર $136 બિલિયનથી વધુ થવાનો અંદાજ છે. 27 દેશોના રાજકીય અને આર્થિક બ્લોક સાથે FTA ભારતનો 19મો વેપાર કરાર હશે અને તેની વેપાર વ્યૂહરચનાનો મુખ્ય આધારસ્તંભ હશે. BJP National President: હું કાર્યકર્તા છું અને નીતિન નબીનજી મારા બોસ છે.. બોલ્યા પીએમ મોદી

Read Full Story arrow_forward

calendar_today January 21, 2026

તાલીમ દરમિયાન માર્શલ સાથે પ્રેમમાં પડી Sunita Williams! જાણો ક્યારે થયા લગ્ન

સુનિતા વિલિયમ્સ, ભારતીય મૂળની પ્રખ્યાત નાસા અવકાશયાત્રી, 27 વર્ષની સેવા બાદ નાસામાંથી નિવૃત્ત થઈ ગઈ છે. તેમણે ત્રણ આંતરરાષ્ટ્રીય અવકાશ મિશનમાં ભાગ લઈ 608 દિવસ અવકાશમાં વિતાવ્યા છે. તેમનાં કામ અને સિદ્ધિઓને કારણે તેઓ માત્ર અવકાશપ્રેમીઓ માટે જ નહીં, પરંતુ સમગ્ર ભારત અને વિશ્વ માટે પ્રેરણા બની છે. અંગત જીવન પણ એટલું જ સુંદર પરંતુ સુનિતાનું જીવન માત્ર કારકિર્દી પર કેન્દ્રિત નથી. તેમનું અંગત જીવન પણ એટલું જ સુંદર છે. સુનિતાએ 1990માં એક તાલીમ કાર્યક્રમ દરમિયાન માઈકલ જે. વિલિયમ્સ સાથે મુલાકાત કરી. માઈકલ એક ફેડરલ માર્શલ છે, જે યુનાઇટેડ સ્ટેટ્સની ન્યાયિક વ્યવસ્થા જાળવવામાં મદદ કરે છે. તેમની વ્યાવસાયિક જીવન અલગ હોવા છતાં, પ્રેમ અને સમજણથી બંને એકબીજાને નજીક આવ્યા.  5 વર્ષ સુધી ડેટિંગ કર્યા પછી 1995માં લગ્ન સુનિતાએ માઈકલ સાથે 5 વર્ષ સુધી ડેટિંગ કર્યા પછી 1995માં લગ્ન કર્યા. એક ઇન્ટરવ્યુમાં સુનિતાએ કહ્યું, “માઇકલની ધીરજ અને સમજણ મારી શક્તિ છે. તે મારો સપોર્ટ સિસ્ટમ છે અને હંમેશા મારી સાથે છે.” તેમણે તેમના જીવનમાં એ પણ બતાવ્યો કે સત્તા, મહાનતા અને વ્યસ્તતાના બાવજુદ પ્રેમ અને સમર્પણ કઈ રીતે જાળવવું. માઈકલ તેમના દરેક સિદ્ધિ પર ગર્વ કરે છે અને સુનિતાનું મોટું સમર્થન છે. અંગત જીવન અને પરિવાર સુનિતા હિન્દુ ધર્મ પાળે છે, જ્યારે માઈકલ તેમના ધર્મનો આદર કરે છે. દંપતી હજુ માતાપિતા બન્યા નથી, પરંતુ 2012માં તેઓએ ગુજરાતની એક છોકરીને દત્તક લેવાની ચર્ચા કરી હતી, જે અંતે પૂર્ણ ન થઈ. સુનિતાનો જન્મ 19 સપ્ટેમ્બર, 1965ના રોજ ઓહાયોમાં થયો હતો. તેમના પિતા દીપક પંડ્યા ભારતીય મૂળના છે, જ્યારે માતા ઉર્સુલા પંડ્યા સ્લોવેનિયન મૂળની છે. સુનિતાના ભાઈ જય થોમસ ચાર વર્ષ મોટા છે અને બહેન દીના અન્નદ ત્રણ વર્ષ મોટી છે. નાસામાં કારકિર્દી સુનિતાએ US નેવીમાંથી શરૂઆત કરી અને નાસામાં 27 વર્ષ સેવા આપી. તેમણે બે વાર આંતરરાષ્ટ્રીય અવકાશ મથક (ISS) ની મુલાકાત લીધી છે અને અવકાશમાં 300 થી વધુ દિવસ વિતાવ્યા છે. તેઓ મહિલા અવકાશયાત્રીઓમાં અગ્રણી છે અને અનેક રેકોર્ડ ધરાવે છે. સુનિતા વિલિયમ્સનું જીવન કારકિર્દી, પ્રેમ અને પરિવારના સંતુલનનું ઉદાહરણ છે. તે બતાવે છે કે મહેનત, પ્રણય અને સમર્પણ સાથે દરેક સપનું સાકાર થઈ શકે છે.આ પણ વાંચો : સ્પેસમાં 608 દિવસ ! જાણો Sunita Williamsની અંતરિક્ષ યાત્રાઓ

Read Full Story arrow_forward

calendar_today January 21, 2026

Plane Crash: પ્રયાગરાજમાં સેનાનું ટ્રેઇની પ્લેન ક્રેશ, રેસ્કયુ કામગીરી તેજ

યુપીના પ્રયાગરાજમાં સેનાનું ટ્રેની વિમાન ક્રેશ થયું હોવાનું સામે આવ્યું ેછે. હાલ રેસ્ક્યુની કામગીરી તેજ કરવામાં આવી છે. મળતી માહિતી મુજબ આ પ્લેન તળાવમાં જઇને પડી ગયું. હાલ પ્લેનને બહાર કાઢવાની કામગીરી કરવામાં આવી રહી છે. સમાચાર અપડેટ થઇ રહ્યા છે...

Read Full Story arrow_forward