Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 14 જાન્યુઆરીના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
ખેડા જિલ્લાના મુખ્ય મથક નડિયાદ શહેરમાં આવેલું શ્રદ્ધાનું કેન્દ્ર અને અતિપ્રાચીન એવા મોટા કુંભનાથ મહાદેવ મંદિરમાં ચોરીની મોટી ઘટના સામે આવી છે. વહેલી સવારે તસ્કરોએ મંદિરના તાળા તોડી કરોડોની કિંમતના ચાંદી અને સોનાના આભૂષણો પર હાથ સાફ કર્યો છે. આ ઘટનાને પગલે નડિયાદ સહિત સમગ્ર જિલ્લામાં ચકચાર મચી જવા પામી છે.ચોરીની મોડસ ઓપરેન્ડી ઘટનાની મળતી માહિતી અનુસાર, ચોરીની આ ઘટના આજે વહેલી સવારે 2:30 થી 5:00 વાગ્યાના અરસામાં બની હતી. તસ્કરો આયોજનબદ્ધ રીતે મંદિરમાં પ્રવેશ્યા હતા અને ગર્ભગૃહમાં રહેલા મહાદેવના શણગાર અને માતાજીના આભૂષણોની ચોરી કરી હતી. સવારે જ્યારે મંદિરના દ્વાર ખુલ્યા ત્યારે ચોરીની જાણ થતા ભક્તોમાં ભારે રોષ અને આઘાત જોવા મળ્યો હતો. કઈ કઈ વસ્તુઓની ચોરી થઈ? તસ્કરો મંદિરમાંથી આશરે 13 કિલો ચાંદી અને 3 તોલા સોનાના ઘરેણાં ચોરી ગયા છે. જેમાં ચાંદીની વસ્તુઓમાં 8 કિલોના ચાંદીના નાગ, 2.50 કિલોનો ચાંદીનો ઘડો, 2.50 કિલોની ચાંદીની પાવડી અને 500 ગ્રામનો ચાંદીનો મુગટની ચોરી થઈ છે. જ્યારે સોનાની વસ્તુઓમાં માતાજીનો 2 તોલાનો સોનાનો સેટ અને 1 તોલાની સોનાની વાળીની ચોરી થઈ છે. પોલીસ તપાસ તેજ ચોરીની જાણ થતા જ નડિયાદ ટાઉન પોલીસ, ખેડા LCB (લોકલ ક્રાઈમ બ્રાન્ચ) સહિતના ઉચ્ચ પોલીસ અધિકારીઓનો કાફલો ઘટનાસ્થળે દોડી આવ્યો હતો. પોલીસે મંદિરના સીસીટીવી ફૂટેજ ચકાસવાની સાથે ડોગ સ્ક્વોડ અને ફિંગરપ્રિન્ટ નિષ્ણાતોની મદદથી તસ્કરોનું પગેરું મેળવવા તપાસના ચક્રો ગતિમાન કર્યા છે. ભક્તોની આસ્થા સાથે જોડાયેલા આ મંદિરમાં થયેલી ચોરીના આરોપીઓને વહેલી તકે પકડવા લોકો માંગ કરી રહ્યા છે. આ પણ વાંચો - Nadiad: પતંગ રસિકો આનંદો: ઉત્તરાયણે પવનની ગતિ 9થી 14 કિલોમીટર સુધીની રહેશે
Read Full Story arrow_forward
અરવલ્લી જિલ્લાના બાયડ તાલુકાના ચોઇલા ગામમાં પતંગની ચાઇના દોરીએ એક સગીરનો જીવ લઈ લીધો છે. મોપેડ પર જઈ રહેલા 17 વર્ષીય તીર્થ પટેલનું ગળું ચાઇના દોરીમાં ફસાતા ગંભીર રીતે ગળું કપાઈ ગયું હતું જેથી તેનું ઘટનાસ્થળે જ કરુણ મોત નીપજ્યું હતું.ચોઇલા ગામના બીજા સ્ટેન્ડ પાસેની ઘટના આ દુર્ઘટના ચોઇલા ગામના બીજા સ્ટેન્ડ પાસે બની હતી. તીર્થ પટેલ મોપેડ લઈને પસાર થઈ રહ્યો હતો તે દરમિયાન અચાનક પતંગની ચાઇના દોરી તેના ગળામાં ભરાઈ ગઈ હતી, જેના કારણે તે લોહીલુહાણ હાલતમાં પડી ગયો હતો. તાત્કાલિક તેને નજીકની ખાનગી હોસ્પિટલમાં ખસેડ્યો સ્થાનિક લોકોએ તાત્કાલિક તેને નજીકની ખાનગી હોસ્પિટલમાં ખસેડ્યો હતો, જ્યાં તબીબોએ તેને મૃત જાહેર કર્યો હતો. ઘટનાની જાણ થતાં પરિવારજનોમાં શોકનો માહોલ છવાઈ ગયો હતો. સમગ્ર પંથકમાં ગમગીની પ્રસરી ગઈ આ ઘટનાને લઈ સમગ્ર પંથકમાં ગમગીની પ્રસરી ગઈ છે. પતંગોત્સવ દરમિયાન ચાઇના દોરીના ઉપયોગને લઈ ફરી એકવાર ગંભીર પ્રશ્નો ઉભા થયા છે અને લોકો દ્વારા તેના પર કડક પ્રતિબંધ અને કાર્યવાહી કરવાની માંગ ઉઠી રહી છે. આ પણ વાંચો---- Amit Shah In Gujarat : ઉત્તરાયણ પર્વે કેન્દ્રીય ગૃહમંત્રી અમિત શાહે પરિવાર સાથે કર્યા ભગવાન જગન્નાથના દર્શન
Read Full Story arrow_forward