Gandhinagar : અમિત શાહના જન્મદિને ભાજપ દ્વારા વિવિધ કાર્યક્રમો યોજાયા
ગાંધીનગર શહેર ભાજપા દ્વારા કેન્દ્રિય ગૃહમંત્રી અમિત શાહના જન્મ દિવસની વિવિધ સેવાકિય કાર્યો દ્વારા ઉજવણી કરવામાં આવી હતી. જે અંતર્ગત સફાઇ કામદાર બહેનોને સાડી, મીઠાઇનું વિતરણ ઉપરાંત શહેરની 111 આંગણવાડીના સૌ બાળકોને સુખડી વિતરણ કરાયુ હતું.આ પ્રસંગે મેગા બ્લડ ડોનેશન કેમ્પ પણ યોજવામાં આવ્યો હતો. આ પ્રસંગે રાજ્ય સરકારના મંત્રી પ્રવિણ માળી, શહેર ભાજપા પ્રમુખ ડો. આશિષ દવે, ધારાસબ્ય રીટાબેન પટેલ સહિતના આગેવાનો ઉપસ્થિત રહ્યા હતા. જન્મદિવસની ઉજવણીને જનસેવા સાથે જોડવાના ઉદ્દેશ્યથી સે.2 સ્થિત સ્વામિનારાયણ મંદિર ખાતે ગૌમાતાને ઘાસચારો તથા વિવિધ પ્રાકરના ધાનની સેવા કરાઇ હતી. સે.3 સ્થિત મહાકાલેશ્વર મહાદેવ મંદિર ખાતે વોર્ડ-10ની સફાઇ કામદાર બહેનોને સાડી, મીઠાઇ વિતરણ, સે.12 સ્થિત સિવિલ હોસ્પિટલ ખાતે કુસુમબા નિશુલ્ક આહાર કેન્દ્ર ખાતે દર્દીઓના સગાને મીઠાઇ વિતરણ અને ભોજન પીરસવામાં આવ્યુ હતું. સે.2 સ્થિત સિધ્ધેશ્વર મહાદેવ મંદિર ખાતે અમિત શાહના દિર્ધાયુ માટે પ્રાથના કરાઇ હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
