Community News & Updates

Stay informed with the latest happenings, achievements, and announcements from our community.

All News

calendar_today January 10, 2026

Surendranagar News: કરોડોના વિદેશી દારૂ પર ફર્યું બુલડોઝર

સુરેન્દ્રનગર જિલ્લાના ચોટીલા અને નાની મોલડી પોલીસ સ્ટેશન વિસ્તારમાં પકડાયેલા વિદેશી દારૂના જંગી જથ્થાનો આજે ઉચ્ચ અધિકારીઓની હાજરીમાં નાશ કરવામાં આવ્યો હતો. વહીવટી પ્રક્રિયા અને કોર્ટના આદેશ બાદ લાખોની સંખ્યામાં રહેલી દારૂની બોટલો પર રોડ રોલર ફેરવી દેવામાં આવ્યું હતું.29 ગુનાનો મુદ્દામાલનો નાશ કરાયો મળતી માહિતી અનુસાર, સુરેન્દ્રનગર જિલ્લાના ચોટીલા અને નાની મોલડી પોલીસ સ્ટેશનના અલગ-અલગ કુલ 29 ગુનાઓમાં અગાઉ વિદેશી દારૂનો જથ્થો ઝડપાયો હતો. આ તમામ કેસોનો નિકાલ કરવાના ભાગરૂપે આજે પોલીસ તંત્ર દ્વારા સત્તાવાર રીતે નાશ કરવાની કામગીરી હાથ ધરાઈ હતી. કેટલો દારૂનો જથ્થો? આ દરમિયાન 53,947 કુલ બોટલોનો નાશ કરવામાં આવ્યો હતો. જેની કુલ કિંમત 4,22,55,193 આંકવામાં આવી રહી છે. આ તમામ મુદ્દામાલ પર તંત્રનું બુલડોઝર ફરી વળ્યું છે. કડક સુરક્ષા વચ્ચે કામગીરી દારૂના નાશની આ પ્રક્રિયા ચોટીલા હાઈવે નજીક ખુલ્લા મેદાનમાં રાખવામાં આવી હતી. જેમાં પ્રાંત અધિકારી, ડીવાયએસપી અને મામલતદાર સહિતના ઉચ્ચ અધિકારીઓની સમક્ષ દારૂની બોટલો પર બુલડોઝર અને રોલર ફેરવી દેવાયું હતું. દારૂનો નાશ કર્યા બાદ ખાલી બોટલોના કાચ અને પ્રવાહીના નિકાલ માટે ઊંડો ખાડો ખોદીને તેને ડાટી દેવાની પ્રક્રિયા પણ પૂર્ણ કરવામાં આવી હતી. ગુજરાતમાં દારૂબંધીના કડક અમલ વચ્ચે આટલી મોટી કિંમતના મુદ્દામાલનો નાશ થતા બુટલેગરોમાં ફફડાટ વ્યાપી ગયો છે. આ પણ વાંચો - Surendranagar: થાનગઢના વર્ષ 2016ના મારામારી કેસમાં બે આરોપીને કોર્ટે સજા ફટકારી

Read Full Story arrow_forward

calendar_today January 10, 2026

Ayodhya: રામ મંદિરમાં નમાજ પઢવાનો પ્રયત્ન, પોલીસે કાશ્મીરી યુવકને કસ્ટડીમાં લીધો

અયોધ્યામાં રામ મંદિર પરિસરમાં સુરક્ષા વ્યવસ્થાને લઈને મોટી અફરાતફરી મચી ગઈ, જ્યારે એક યુવકને ધાર્મિક ગતિવિધ કરતા સુરક્ષા દળોએ કસ્ટડીમાં લીધો. સુત્રોના જણાવ્યા મુજબ યુવકે રામમંદિર પરિસરના દક્ષિણ પરકોટા વિસ્તારમાં નમાજ પઢવાનો પ્રયાસ કર્યો. યુવક કાશ્મીરી વેશભૂષામાં હતો અને રામમંદિરના ગેટ D1થી એન્ટ્રી કરી હતી. પકડાયેલા યુવકનું નામ અહેમદ શેખ છે અને તે કાશ્મીરના શોપિયામાં રહેનારો છે. સ્થળ પર હાજર સુરક્ષા દળોએ યુવકને તાત્કાલિક કસ્ટડીમાં લઈ લીધો સુત્રો દ્વારા મળતી માહિતી મુજબ સુરક્ષાકર્મીઓ દ્વારા રોકવા પર યુવકે કથિત રીતે નારાબાજી શરૂ કરી દીધી, ત્યારબાદ તે સ્થળ પર હાજર સુરક્ષા દળોએ તેને તાત્કાલિક કસ્ટડીમાં લઈ લીધો. ઘટનાની સુચના મળતા જ ગુપ્ત એજન્સીઓ, સ્થાનિક પોલીસ અને વરિષ્ઠ અધિકારીઓ એક્ટિવ થયા, હાલમાં યુવક સાથે પુછપરછ કરવામાં આવી રહી છે અને તેના ઈરાદા અને હિસ્ટ્રીની ઉંડી તપાસ કરવામાં આવી રહી છે. આ ઘટના આજે સવારની હોવાનું જણાવવામાં આવી રહ્યું છે. આ મામલે જિલ્લા તંત્ર તરફથી કોઈ સત્તાવાર નિવેદન સામે આવ્યું નથી. ત્યારે રામમંદિર ટ્રસ્ટે પણ સમગ્ર કેસ મામલે મૌન ધારણ કર્યું છે. સુત્રોનું કહેવું છે કે કેસની સંવેદનશીલતાને જોતા સુરક્ષા એજન્સીઓ દરેક પાસાની તપાસ કરી રહી છે, જેથી કોઈ પણ પ્રકારની અફવા કે કાયદાકીય-વ્યવસ્થાની સ્થિતિ ઉભી ના થાય. 15 કિલોમીટરના દાયરામાં માંસાહારી ભોજનના વેચાણ પર પ્રતિબંધ અયોધ્યામાં હવે રામમંદિર પરિસરની ચારેબાજુ 15 કિલોમીટરના દાયરામાં કોઈ પણ પ્રકારના માંસાહારી ભોજનના વેચાણ અને હોમ ડિલીવરી પર સંપૂર્ણ રીતે પ્રતિબંધ લાગુ કરવામાં આવ્યો છે. તંત્રનું કહેવું છે કે આ પગલું આસ્થા અને ધાર્મિક ભાવનાઓની રક્ષાના ઉદ્દેશ્યથી ઉઠાવવામાં આવ્યું છે. અધિકારીઓએ જણાવ્યું કે કેટલીક હોટલ અને હોમસ્ટેમાં મેહમાનોને ના માત્ર માંસાહારી ભોજન પણ દારૂનું વેચાણ પણ કરવામાં આવતું હોવાની ફરિયાદો સામે આવી હતી. આ કેસને ગંભીર માનતા સંબંધિત સ્થળોને કડક ચેતવણી આપવામાં આવી અને નિયમોનું ઉલ્લંઘન કરવા પર કાર્યવાહીની વાત કરવામાં આવી. માંસની દુકાનોને હટાવવાની કાર્યવાહી પુરી કરી લેવામાં આવી ઉલ્લેખનીય છે કે અયોધ્યા નગર નિગમે અયોધ્યા-ફૈઝાબાદને જોડનારા 14 કિલોમીટર લાંબા રામ પથ પર માંસ અને દારૂના વેચાણ બંધ કરવાનો નિર્ણય લીધો હતો. સ્થાનિક લોકોનો આરોપ છે કે દારૂના વેચાણ પર આ પ્રતિબંધ અત્યાર સુધી લાગુ ના થઈ શક્યો અને રામ પથ વિસ્તારમાં ઘણી દારૂની દુકાનો હજુ પણ સંચાલિત થઈ રહી છે. તેની પર નગર નિગમના એક અધિકારીએ સ્પષ્ટ કર્યું કે માંસની દુકાનોને હટાવવાની કાર્યવાહી પુરી કરી લેવામાં આવી છે પણ દારૂની દુકાનો પર કાર્યવાહી માટે જિલ્લા તંત્રની પરવાનગીની જરૂર હોય છે, જેનાથી પ્રક્રિયામાં વિલંબ થઈ રહ્યો છે. આ પણ વાંચો: હલ્દિયામાં નવું Indian Navy બેઝ, ચીન અને બાંગ્લાદેશ પર રહેશે કડક નજર     

Read Full Story arrow_forward

calendar_today January 10, 2026

Bihar: વારસાને નષ્ટ કરતા કોઇ અજાણ્યાની જરૂર નથી, રોહિણી આચાર્યનું દર્દ છલકાયું

રાષ્ટ્રીય જનતા દળ (RJD) માં લાંબા સમયથી ચાલી રહેલા આંતરિક ઝઘડા અને તેના નિર્ણયોને લગતા પ્રશ્નો વચ્ચે RJD સુપ્રીમો લાલુ પ્રસાદ યાદવની પુત્રી રોહિણી આચાર્યની બીજી પોસ્ટ સામે આવી છે. સોશિયલ મીડિયા પ્લેટફોર્મ X પર પોસ્ટ કરાયેલા એક નિવેદનમાં, રોહિણી આચાર્યએ "વારસો," "ઓળખ," "અસ્તિત્વ," અને "આપણા પોતાના લોકો દ્વારા કાવતરું" વિશે લખ્યું. વારસો અને આપણા પોતાના પર પ્રશ્નો રોહિણી આચાર્યએ પોતાની પોસ્ટમાં લખ્યું, "બહારના લોકો દ્વારા ખૂબ જ ઉત્સાહથી બનેલ અને સ્થાપિત "મહાન વારસો" ને નષ્ટ કરવાની જરૂર નથી; થોડા "આપણા પોતાના" અને "નવા બનાવેલા આપણા પોતાના" કાવતરાખોરો પૂરતા છે." ઓળખ અને અસ્તિત્વ પર હુમલો રોહિણી આચાર્યએ પોતાના નિવેદનમાં આગળ લખ્યું, "જ્યારે આપણા પોતાના લોકો, બીજાઓના પ્રભાવ હેઠળ, ઓળખ અને અસ્તિત્વના નિશાનોને ભૂંસી નાખવા અને દૂર કરવા માટે તૈયાર હોય છે ત્યારે તે આશ્ચર્યજનક છે." આ સ્પષ્ટપણે સંદેશ આપે છે કે પાર્ટીની સ્થાપના કરનારા મુખ્ય વિચારો અને સંઘર્ષોને ભૂલી જવાના પ્રયાસો થઈ રહ્યા છે.અંતરાત્મા અને અહંકારની ચેતવણી પોસ્ટના અંતે, તેણીએ લખ્યું કે જ્યારે અંતરાત્મા ઢંકાયેલો હોય છે, ત્યારે અહંકાર કબજો કરે છે. પછી વિનાશક આંખ, નાક અને કાન બની જાય છે અને શાણપણ અને અંતરાત્મા છીનવી લે છે." રોહિણી આચાર્યની પોસ્ટ પછી, ફરી એકવાર આરજેડીના આંતરિક રાજકારણ વિશે પ્રશ્નો ઉભા થયા છે. જોકે તેણીએ કોઈનું નામ લીધું નથી, રાજકીય વર્તુળોમાં તેમના નિવેદનને અત્યંત મહત્વપૂર્ણ માનવામાં આવી રહ્યું છે. કોઈ પણ વ્યક્તિનું નામ લીધા વિના, તેમના શબ્દો સીધા જ પ્રશ્ન ઉભા કરે છે કે શું પક્ષનો પાયો, તેના સંઘર્ષો અને તેની લાંબા સમયથી સ્થાપિત ઓળખ તેના પોતાના લોકો દ્વારા નબળી પડી રહી છે.

Read Full Story arrow_forward