Community News & Updates

Stay informed with the latest happenings, achievements, and announcements from our community.

All News

calendar_today January 9, 2026

Ahmedabad: બલોચ સમુદાયની અરજી પર સુનાવણી, હાઈકોર્ટે ધૂરંધર ફિલ્મમાંથી વિવાદાસ્પદ ડાયલોગ દૂર કરવા આદેશ કર્યો

ગાંધીનગરથી બે અરજદારોએ તાજેતરમાં રિલીઝ થયેલી હિન્દી ફિલ્મ ધુરંધરમાં બલોચ સમુદાય વિરુદ્ધ અપમાનજનક ભાષાનો ઉપયોગ કરીને સમુદાયને બદનામ કરવામાં આવ્યો હોવાનો આક્ષેપ કરીને ગુજરાત હાઇ કોર્ટમાં અરજી દાખલ કરી હતી.આ અરજીમાં ફિલ્મમેકર આદિત્ય ધાર, પ્રોડક્શન હાઉસ જિયો સ્ટુડિયો,સેન્ટ્રલ બોર્ડ ઑફ ફિલ્મ સર્ટિફિકેશન તેમજ બોલિવૂડ અભિનેતા સંજય દત્ત સહિતને પક્ષકાર બનાવવામાં આવ્યા છે.અરજદાર પૈકી એક ઉત્તર ગુજરાત બલોચ સમાજ ટ્રસ્ટના ઉપપ્રમુખ છે.અરજદારોએ ફિલ્મમાં અભિનેતા સંજય દત્ત દ્વારા ભજવવામાં આવેલ પાત્ર SP ચૌધરી અસલમ દ્વારા બોલવામાં આવેલા એક સંવાદ પર વાંધો ઉઠાવ્યો છે.જેમાં કહેવામાં આવે છે કે,તમે મગર પર ભરોસો રાખી શકો પરંતુ બલોચ પર નહીં. વાણી સ્વતંત્રતાનો આડેધડ દુરુપયોગ અરજદારો દ્વારા માગ કરવામાં આવી હતી કે ફિલ્મ ધુરંધરમાંથી તેમજ તેના પ્રમોશનલ સામગ્રી અને ઓનલાઈન કન્ટેન્ટ સહિત બલોચ સમુદાય વિરુદ્ધના તમામ અપમાનજનક સંદર્ભો દૂર કરવામાં આવે. ડિલીટ કરવામાં આવે અથવા સેન્સર કરવામાં આવે.અરજદારોનું કહેવું છે કે વાણી સ્વતંત્રતાનો આડેધડ દુરુપયોગ કરી કોઈપણ સમુદાયની લાગણીઓ આઘાત પામે તે સ્વીકાર્ય નથી. આ અરજી અંગે 9 જાન્યુઆરી, 2026ના રોજ ગુજરાત હાઇકોર્ટમાં સુનાવણી હાથ ધરવામાં આવી હતી. અરજી કોર્ટ સમક્ષ પેન્ડિંગ હતી તે દરમિયાન મિનિસ્ટ્રી ઑફ ઇન્ફોર્મેશન એન્ડ બ્રોડકાસ્ટિંગ દ્વારા ફિલ્મના પ્રોડ્યુસર-ડિરેક્ટર આદિત્ય ધાર તથા પ્રોડક્શન હાઉસ જિયો સ્ટુડિયો ને અપમાનજનક સંવાદો દૂર કરવા અંગે સ્પષ્ટ નિર્દેશ આપવામાં આવ્યા હોવાનું જાહેર કરવામાં આવ્યું હતું. કોર્ટને વિવાદાસ્પદ સંવાદો દૂર કરવાની ખાતરી આપી ગુજરાત હાઇકોર્ટમાં ફિલ્મના ડિરેક્ટર આદિત્ય ધાર તથા પ્રોડક્શન હાઉસ જિયો સ્ટુડિયો તરફથી હાજર રહેલા વકીલે વિવાદાસ્પદ અને અપમાનજનક સંવાદો સંપૂર્ણપણે દૂર કરવાની ખાતરી કોર્ટને આપી હતી.બલોચ સમાજ દ્વારા કરવામાં આવેલી રજૂઆત અને માંગને ગુજરાત હાઇકોર્ટ તથા CBFC દ્વારા ગંભીરતાથી ધ્યાનમાં લેવામાં આવી હતી. આ સમગ્ર મામલે અરજદાર તરફેથી એડવોકેટ હિતેન્દ્ર રાજપૂત તથા એડવોકેટ ભાર્ગવ ડાંગરએ વિગતવાર દલીલો કરી હતી જે ગુજરાત હાઇ કોર્ટ તથા સેન્ટ્રલ બોર્ડ ઑફ ફિલ્મ સર્ટિફિકેશન (CBFC) દ્વારા માન્ય રાખવામાં આવી હતી. આ પણ વાંચોઃ Ahmedabad News: ચાઈનીઝ દોરીના વેચાણ અને સંગ્રહ અંગેના 409 ગુના નોંધાયા, 477 આરોપીઓની ધરપકડ

Read Full Story arrow_forward

calendar_today January 9, 2026

Ahmedabad : ઓસ્ટ્રેલિયા-કેનેડાના વિઝાના બહાને 2.02 કરોડની ઠગાઈ, નડિયાદના વિઝા એજન્ટ વિરુદ્ધ આર્થિક ગુના શાખામાં ફરિયાદ

ઓસ્ટ્રેલિયા અને કેનેડાના વિઝા અપાવવાના બહાને 25 લોકો સાથે કુલ રૂપિયા 2.02 કરોડની ઠગાઈ કરવાના મામલે નડિયાદના એક વિઝા એજન્ટ સામે ફરિયાદ નોંધાઈ છે. આ સમગ્ર મામલે આર્થિક ગુના નિવારણ શાખા (EOW) દ્વારા તપાસ હાથ ધરવામાં આવી છે.બનાવટી લેટરો તૈયાર કરી ફરિયાદીઓને આપ્યા પ્રાપ્ત માહિતી મુજબ, નડિયાદના જલ્પેશ ઠક્કરે પોતે વિઝા એજન્ટ હોવાનું જણાવી અનેક લોકોને વિદેશ મોકલવાના વચનો આપ્યા હતા. આરોપ છે કે તેણે ઓસ્ટ્રેલિયા અને કેનેડાના વિઝા મંજુર થયા હોવાનું દર્શાવવા માટે બનાવટી લેટરો તૈયાર કરી ફરિયાદીઓને આપ્યા હતા. 25 લોકો પાસેથી મોટી રકમ ઉઘરાવી વિઝા મળશે એવી વિશ્વાસ અપાવી આરોપીએ અલગ અલગ સમયમાં કુલ 25 લોકો પાસેથી મોટી રકમ ઉઘરાવી હતી. લાંબા સમય સુધી વિઝા ન મળતા તેમજ આપેલા દસ્તાવેજો ખોટા હોવાનું સામે આવતા પીડિતોએ આર્થિક ગુના નિવારણ શાખામાં ફરિયાદ નોંધાવી હતી. પોલીસે આરોપી વિરુદ્ધ ગુનો નોંધી વધુ તપાસ શરૂ કરી ફરિયાદના આધારે પોલીસે આરોપી વિરુદ્ધ ગુનો નોંધી વધુ તપાસ શરૂ કરી છે. પોલીસ દ્વારા બનાવટી દસ્તાવેજો, નાણાકીય વ્યવહાર અને અન્ય સંકળાયેલા લોકો અંગે પણ ઊંડાણપૂર્વક તપાસ હાથ ધરવામાં આવી રહી છે. આ પણ વાંચો----  Ahmedabad: પોલીસ કોન્સ્ટેબલ પર કાર ચઢાવવાનો પ્રયાસ, કોન્સ્ટેબલને બોનેટ પર જ રાખીને એકથી દોઢ કીલોમીટર ગાડી ચલાવી

Read Full Story arrow_forward

calendar_today January 9, 2026

Budget Session 2026 News: બજેટ 1 ફેબ્રુઆરીએ થશે રજૂ, 28 જાન્યુઆરીથી સત્રની શરૂઆત

રાષ્ટ્રપતિનું ભાષણ 28 જાન્યુઆરીએ રજૂ કરવામાં આવશે અને 29 જાન્યુઆરીએ આર્થિક સર્વે રજૂ કરવામાં આવશે. આ સત્ર બે તબક્કામાં યોજાશે. બજેટ સત્રનો પ્રથમ તબક્કો 13 ફેબ્રુઆરી સુધી આ વર્ષે, 2026નું બજેટ 1 ફેબ્રુઆરી રવિવારના રોજ રજૂ કરવામાં આવશે. સંસદનું બજેટ સત્ર 28 જાન્યુઆરીથી શરૂ થશે અને 2 એપ્રિલ સુધી ચાલશે. રાષ્ટ્રપતિએ તેને મંજૂરી આપી દીધી છે. રાષ્ટ્રપતિનું ભાષણ 28 જાન્યુઆરીએ યોજાશે. આર્થિક સર્વે 29 જાન્યુઆરીએ રજૂ કરવામાં આવશે. રવિવાર હોવા છતાં, બજેટ 1 ફેબ્રુઆરીએ રજૂ કરવામાં આવશે. બજેટ સત્રનો પ્રથમ તબક્કો 13 ફેબ્રુઆરીએ સમાપ્ત થશે. બીજો તબક્કો 9 માર્ચથી શરૂ થશે અને 2 એપ્રિલ સુધી ચાલુ રહેશે. 28 જાન્યુઆરીએ રાષ્ટ્રપતિનું અભિભાષણ સંસદીય બાબતોની કેબિનેટ સમિતિ દ્વારા અંતિમ સ્વરૂપ આપવામાં આવેલા કામચલાઉ સમયપત્રકને ટાંકીને, અધિકારીઓએ શુક્રવારે જણાવ્યું હતું કે રાષ્ટ્રપતિ દ્રૌપદી મુર્મુ 28 જાન્યુઆરીએ બંને ગૃહોની સંયુક્ત બેઠકને સંબોધિત કરશે. રાષ્ટ્રપતિનું પરંપરાગત ભાષણ વર્ષના પ્રથમ સત્રના પહેલા દિવસે આપવામાં આવે છે. બીટિંગ રિટ્રીટ સમારોહને કારણે 29 જાન્યુઆરીએ બંને ગૃહો મળશે નહીં. લોકસભા અને રાજ્યસભા 31 જાન્યુઆરીએ નહીં મળશે સંસદ 30 જાન્યુઆરીએ મળશે, જ્યારે આર્થિક સર્વે રજૂ થવાની અપેક્ષા છે. આ પછી, લોકસભા અને રાજ્યસભા 31 જાન્યુઆરીએ મળશે નહીં. કેન્દ્રીય બજેટ 1 ફેબ્રુઆરીએ રજૂ કરવામાં આવશે. રાષ્ટ્રપતિના સંબોધન અને કેન્દ્રીય બજેટ પર આભાર પ્રસ્તાવ પર ચર્ચા પછી, સંસદ 13 ફેબ્રુઆરીએ લગભગ એક મહિનાના વિરામ માટે સ્થગિત કરવામાં આવશે. 9 માર્ચે સંસદ ફરી શરૂ થશે સંસદ 9 માર્ચે ફરી શરૂ થશે અને સત્ર ગુરુવાર, 2 એપ્રિલે સમાપ્ત થશે. અધિકારીઓએ જણાવ્યું હતું કે સંસદ સામાન્ય રીતે શુક્રવારે મુલતવી રાખવામાં આવે છે. જોકે, 3 એપ્રિલે ગુડ ફ્રાઈડે અને ત્યારબાદના સપ્તાહના અંતે, સત્ર 2 એપ્રિલે સમાપ્ત થઈ શકે છે. આ વખતે બજેટ કેટલું ખાસ ? આ વર્ષનું બજેટ ઘણી રીતે અલગ હશે. પ્રથમ, પરંપરા તોડીને, બજેટ 1 ફેબ્રુઆરી, રવિવારના રોજ રજૂ કરવામાં આવશે. તેનાથી પણ વધુ ચિંતાજનક બાબત એ છે કે પહેલીવાર, નાણા મંત્રાલયમાં કોઈ નાણા સચિવ હાજર નથી, છતાં બજેટની તૈયારીઓ પૂરજોશમાં ચાલી રહી છે. નાણા સચિવ સામાન્ય રીતે મંત્રાલયના સૌથી વરિષ્ઠ અધિકારી હોય છે. મંત્રાલયની અંદર વિવિધ વિભાગો વચ્ચે સંકલન કરવું, બજેટ સંબંધિત મુખ્ય નિર્ણયોનું નિરીક્ષણ કરવું અને સમગ્ર પ્રક્રિયાનું માર્ગદર્શન કરવું એ તેમની પ્રાથમિક જવાબદારી છે. આ પણ વાંચોઃ યુએસે ફરી એકવાર દર્શાવ્યો વૈશ્વિક સંરક્ષણ રાજકારણમાં પોતાનો શક્તિશાળી પક્ષ, જાણો શું છે મામલો?  

Read Full Story arrow_forward