Weather News : ગુજરાતમાં હાડ થીજવતી ઠંડી, જાણો કયા શહેરમાં કેટલા ડિગ્રી તાપમાન નોંધાયું...
સમગ્ર ગુજરાતમાં અત્યારે કાતિલ ઠંડીનું મોજું ફરી વળ્યું છે, જેના કારણે જનજીવન પ્રભાવિત થયું છે. ખાસ કરીને કચ્છનું નલિયા સીઝનનું સૌથી ઠંડું શહેર નોંધાયું છે, જ્યાં લઘુતમ તાપમાન ઘટીને 4.8 ડિગ્રી સુધી પહોંચી ગયું છે. નલિયાના તાપમાનમાં છેલ્લા 24 કલાકમાં 4 થી 5 ડિગ્રીનો મોટો ઘટાડો જોવા મળ્યો છે, જેને કારણે વહેલી સવારે અને મોડી રાત્રે રસ્તાઓ સુમસામ ભાસી રહ્યા છે. લોકો ઠંડીથી બચવા માટે તાપણાં અને ગરમ વસ્ત્રોનો સહારો લઈ રહ્યા છે.રાજ્યમાં શીતલહેરનો પ્રકોપ માત્ર નલિયા જ નહીં, પરંતુ રાજ્યના અન્ય મોટા શહેરોમાં પણ ઠંડીનો જોરદાર પ્રભાવ જોવા મળી રહ્યો છે. અમરેલીમાં 8.6 ડિગ્રી અને રાજકોટમાં 9.4 ડિગ્રી તાપમાન નોંધાતા સૌરાષ્ટ્રમાં ધ્રુજારી વ્યાપી ગઈ છે. બીજી તરફ ગાંધીનગરમાં 10.08 ડિગ્રી, ડીસામાં 10.1 ડિગ્રી અને અમદાવાદમાં 11.7 ડિગ્રી તાપમાન રહેતા મધ્ય અને ઉત્તર ગુજરાતમાં પણ હાડ થીજવતી ઠંડી અનુભવાઈ રહી છે. હવામાન વિભાગની આગાહી મુજબ, આગામી દિવસોમાં હજુ પણ ઠંડીનું જોર વધી શકે તેવી શક્યતા છે. આ પણ વાંચો : Rajkot News : ધોરાજીમાં ભૂકંપના ઉપરાઉપરી 8 આંચકા, ફફડાટ વચ્ચે ખાનગી શાળાઓમાં રજા જાહેર
Read Full Story arrow_forward
