અનાવલમાં આગથી યુવકની ઘરવખરી બળીને ખાખ
અંબિકા તાલુકાના અનાવલ કોષ રોડ ઉપર રહેતા મુકેશભાઈ બાબુભાઈ પટેલના ઘરમાં આગ લાગતાં સમગ્ર ઘર અને સામાન બળીને ખાખ થઈ ગયો હતો. મુકેશભાઈનાં માતા-પિતાનું અવસાન થતાં તેમનો ઉછેર તેમના મામાએ કર્યો હતો. ત્યારબાદ લગ્ન કરીને મુકેશભાઈ છેલ્લા ત્રણ વર્ષથી અનાવલ ખાતે અહીં ઘર બનાવી પત્ની સાથે રહેતા હતા. જોકે, છેલ્લા છથી સાત મહિનાથી તેમની પત્ની પણ તેમને છોડીને જતી રહેતાં તેઓ એકલા જ જીવન ગુજારી રહ્યા હતા. આગની જાણ થતાં જિલ્લા પંચાયત સભ્ય રમીલાબેન, અનાવલના સરપંચ, સામાજિક આગેવાન જીતુભાઈ સહિત ગામના લોકો તાત્કાલિક ઘટનાસ્થળે દોડી આવ્યા હતા અને આગ પર કાબૂ મેળવવાના પ્રયાસો કર્યા હતા. જોકે, આગમાં ઘરની તમામ ઘરવખરી બળીને ખાખ થઈ જતાં મુકેશભાઈને ભારે નુકસાન થયું હતું. ગામના આગેવાનો, દાતાઓ અને સેવાભાવી લોકો આગળ આવે તેવી અપીલ કરવામાં આવી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
