Community News & Updates

Stay informed with the latest happenings, achievements, and announcements from our community.

All News

calendar_today October 18, 2026

ચણોદમાં મિત્ર સાથેના ઝઘડામાં યુવકને પેટમાં ચપ્પુના ઘા ઝીંકાયા

વાપીના ભડકમોરા વિસ્તારમાં શાંતિનગર ખાતે રહેતા શ્રીકાંત અંબિકા તિવારી વાપી જીઆઈડીસીની એક કંપનીમાં છેલ્લા 22 વર્ર્ષથી ઓપરેટર તરીકે નોકરી કરે છે. તા. 17 ઓક્ટોબર, 2026ના રોજ તેઓ કંપનીમાં નોકરી પર હતા, ત્યારે બપોરે આશરે બે વાગ્યે તેમની પત્ની સરિતાદેવીએ આવીને જાણ કરી હતી કે, તેમના પુત્ર વિષ્ણુને તેના મિત્ર ગોવિંદા સુરજ પાસવાને ચપ્પુ જેવા ધારદાર હથિયારથી પેટના ભાગે મારતાં ગંભીર ઇજા થઈ હતી. આ સમાચાર મળતાં શ્રીકાંત તિવારી પત્ની સાથે ઘરે પહોંચ્યા હતા. દરમિયાનમાં પુત્રના મિત્ર અમુલ કાટેકરે ફોન પર જાણ કરી હતી કે, વિષ્ણુને વધુ સારવાર માટે સેલવાસની નમો હોસ્પિટલમાં રિફર કરવામાં આવ્યો હતો. ત્યારબાદ અમુલ વિષ્ણુને રિક્ષામાં લઈને ઘરે પહોંચ્યો હતો. તે સમયે વિષ્ણુ બેભાન હાલતમાં હતો અને તેના પેટના ડાબા ભાગે પાટા બાંધેલા હતા. ફરિયાદ મુજબ, અમુલ કાટેકરે જણાવ્યું હતું કે વિષ્ણુ અને ગોવિંદા વચ્ચે સવારે 10થી બપોરે 12 વાગ્યાની આસપાસ કોઈ કારણસર બોલાચાલી અને ઝઘડો થયો હતો. ઘટનાસ્થળે પહોંચતાં વિષ્ણુ જમીન પર પડેલો હતો અને તેના પેટમાંથી લોહી નીકળતું હતું. ગોવિંદાએ ઝઘડાને કારણે ધારદાર હથિયારથી વિષ્ણુના પેટમાં માર્યાની વાત પણ અમુલને કહી હોવાનું ફરિયાદમાં જણાવાયું છે. ઇજાગ્રસ્ત વિષ્ણુને પ્રથમ વાપીની જીવનદીપ હોસ્પિટલમાં લઈ જવાયો હતો. તેની ગંભીર હાલતને પગલે વધુ સારવાર માટે સેલવાસની નમો હોસ્પિટલમાં ખસેડાયો હતો, જ્યાં તેને આઈસીયુમાં દાખલ કરી સારવાર આપવામાં આવી રહી છે. આ મામલે વિષ્ણુના પિતા શ્રીકાંત તિવારીએ ગોવિંદા સુરજ પાસવાન (રહે. ચણોદ ભાનુસાગર એપાર્ટમેન્ટ, વાપી) વિરુદ્ધ ફરિયાદ નોંધાવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 18, 2026

અનેક દેશોના અર્થતંત્ર નબળા પડયા, ત્યાં ભારતનો જીડીપી વધ્યો છે : મંત્રી કનુભાઈ

રાજ્યના નાણાં, શહેરી વિકાસ અને શહેરી ગૃહ નિર્માણ વિભાગના મંત્રી કનુભાઈ દેસાઈના હસ્તે વાપીના મોરાઈ વટાર મુખ્ય રસ્તાથી બગવાડા વચ્ચે કોલક નદી ઉપર રૂ. 1515.59 લાખના ખર્ચે તૈયાર થયેલા મેજર બ્રિજનું લોકાર્પણ કરવામાં આવ્યું હતું. આ પ્રસંગે જિલ્લા પંચાયત પ્રમુખ હેતલબેન પટેલ અને સાંસદ ધવલભાઈ પટેલ ખાસ ઉપસ્થિત રહ્યા હતા. આ પ્રસંગે નાણા મંત્રી કનુભાઈ દેસાઈએ જણાવ્યું કે, સમગ્ર દુનિયામાં અનેક દેશોનો અર્થતંત્ર નબળા પડયા હતા, તેવી સ્થિતિમાં પણ આપણા દેશનું સુકાન અને કુશળ નેતૃત્વ વડાપ્રધાન નરેન્દ્રભાઈ મોદીના હાથમાં હોવાથી દેશનો જીડીપી દર વધતો ગયો છે. આપણે સૌએ જાગૃત થઈને વડાપ્રધાન નરેન્દ્રભાઈ મોદીના હાથ મજબૂત કરવાના છે. દેશમાં, રાજ્યમાં તેમજ આપણા જિલ્લામાં વિકાસના અનેકવિધ કામો થયા છે અને થઈ રહ્યા છે જેના દ્વારા આપણે વિકસિત ભારત 2047ના સપનાને સાકાર કરીશું. લોકસભાના દંડક અને સાંસદ ધવલભાઈ પટેલે જણાવ્યું કે, નરેન્દ્રભાઈ ગુજરાતના મુખ્યમંત્રી બન્યા ત્યારે આપણુ ગુજરાત વિકાસ પામતુ રાજ્ય હતુ. પરંતુ જ્યારથી તેઓ મુખ્યમંત્રી બન્યા, ત્યારથી તેમણે લોકોના કલ્યાણ માટે અનેક યોજનાઓ મુકી છે. લોકોને રોજગારી મળી રહે તે માટે વાઈબ્રન્ટ ગુજરાત સમિટ શરૂ કરાવાઈ હતી. તેથી દેશ વિદેશની કંપનીઓએ ગુજરાતમાં રોકાણ કર્યુ અને ગુજરાત આજે મેન્યુફ્રેક્ચર હબ તરીકે જાણીતુ બન્યુ છે. આજે ભારત વિશ્વનું સૌથી મોટુ અર્થતંત્ર બનવા જઈ રહ્યું છે ત્યારે 2047 સુધીમાં વિકસિત રાષ્ટ્ર બને તે માટે પાયાનું કામ થઈ રહ્યુ છે. માર્ગ અને મકાન (સ્ટેટ)ના વલસાડ જિલ્લાના કાર્યપાલક ઈજનેર જતીન પટેલે જણાવ્યું કે, આ ફલાયઓવરબ્રિજ બનવાથી વાપી, સલવાવ, ટુકવાડા, મોરાઈ, વટાર, દમણ જીઆઈડીસી તરફથી આવતા અને ને.હા. 48 તરફ જતા ટ્રાફિક માટે ખૂબ જ ટૂંકો સમય લાગશે. આ બ્રિજ એક બાજુ વાપી શહેર અને બીજી બાજુ વટાર અને દમણ ઈન્ડસ્ટ્રીયલ એરિયાને જોડે છે. જેથી લોકોને સરળતા રહેશે. આ પ્રસંગે મોરાઈ ઈન્ડસ્ટ્રીઝ એસો. દ્વારા મંત્રી અને સાંસદનું પુષ્પગુચ્છથી ભવ્ય સ્વાગત કરાયુ હતું. કાર્યક્રમમાં વાપીના મેયર દક્ષાબેન પટેલ, ડે.મેયર મિતેશ દેસાઈ, સ્ટેન્ડિંગ કમિટી ચેરમેન સતિગ પટેલ, વાપી મનપા કમિશ્નર એન.એફ.ચૌધરી અને ઉદ્યોગપતિઓ ઉપસ્થિત રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 18, 2026

નવસારીમાં યુપીવાસી પરિવારે ઇસ્લામ ધર્મ છોડી સનાતન ધર્મમાં ઘરવાપસી કરી

નવસારીમાં હિન્દુ ધર્મ છોડીને ઇસ્લામ ધર્મ અપનાવનાર ચાર સંતાનો સાથેના યુપીવાસી પરિવારને દુધિયા તળાવ સ્થિત રામજી મંદિરે ગાયત્રી પરિવાર અને સ્થાનિક હિન્દુ સંગઠનોના સહયોગથી યોજાયેલા શાસ્ત્રોક્ત વિધિથી પંચકુંડી ગાયત્રી મહાયજ્ઞમાં વૈદિક મંત્રોચ્ચાર સાથે પરિવારનું શુદ્ધિકરણ કરી સનાતન ધર્મમાં ઘર વાપસી કરાવવામાં આવી હતી. પ્રાપ્ત માહિતી મુજબ ઉત્તરપ્રદેશથી 12 વર્ષની વયે નવસારી લાવવામાં આવેલા સગીરને કેટલાક મુસ્લિમ ધાર્મિક વ્યક્તિઓ દ્વારા સુન્નત કરાવી ઇસ્લામ ધર્મ કબૂલ કરાવ્યો હતો. જોકે કેટલાક વર્ષો નવસારીમાં રહ્યા બાદ સગીર માટે પુખ્ત બનેલો યુવક કટ્ટરપંથીઓની ચુંગાલમાંથી છટકી અંકલેશ્વર અને ત્યારબાદ વડોદરા ચાલી ગયો હતો, જ્યાં તેને સર્કસમાં કામ કરતી વખતે એક હિન્દુ યુવતી સાથે પ્રેમસંબંધ બંધાતા તેની સાથે લગ્ન કરી ઉત્તરપ્રદેશ ગયો હતો. ત્યાં તેને સંસારી જીવનમાં સંતાનમાં એક પુત્ર થયો હતો. જોકે વર્ષો પહેલાં ઉત્તરપ્રદેશથી નવસારી લાવનાર ઇસમોને આ યુવક, તેની પત્ની અને બાળક સાથે સનાતન ધર્મ અપનાવીને રહેતો હોવાની જાણ થતાં કટ્ટરપંથીઓએ યુવક અને તેના પરિવારને નવસારીમાં મકાન અને રૂપિયાની લાલચ આપી ફરીથી ઇસ્લામ ધર્મ કબૂલ કરાવી કલમાં પઢાવ્યા હતા અને દસ્તાવેજોમાં તેનું હિન્દુ નામ બદલીને મુસ્લિમ નામ કરાવવામાં આવ્યું હતું. છેલ્લા કેટલાક વર્ષોથી નવસારીમાં રહેતા હાલ 46 વર્ષની વયે પહોંચેલા યુપીવાસીને નવસારી આવ્યા બાદ બે પુત્ર અને એક પુત્રીનો જન્મ થયો હતો. હાલમાં ચાર સંતાનો અને પત્ની સાથે રહેતા યુવકને ઇસ્લામ ધર્મ કબૂલ કરાવ્યા બાદ પણ તેને ધર્મ પરિવર્તન કરાવનાર ઇસમોએ આપેલી મકાન અને રૂપિયાની લાલચ ખોટી સાબિત થઈ હતી. વર્ષો પહેલાં ધર્મ પરિવર્તન વખતે આપવામાં આવેલા વચનોનો અમલ થયો ન હતો. સમય જતાં તેને પોતાના ધર્મ પરિવર્તન અંગે પસ્તાવો થવા લાગ્યો હતો, અને ફરી સનાતન ધર્મમાં પરત ફરવાની ઇચ્છા પ્રબળ બની હતી. આ માટે તે છેલ્લા છ વર્ષથી યોગ્ય માર્ગ અને સહયોગ શોધી રહ્યો હતો. આ દરમિયાન નવસારીના હિન્દુ સંગઠનો સાથે સંકળાયેલા અશ્વિન બારોટનો સંપર્ક થતાં તેમને પોતાની આપવીતી જણાવી હતી. તેણે પત્ની અને સંતાનો સાથે સનાતન ધર્મમાં પરત ફરવાની ઇચ્છા વ્યક્ત કરતાં હિન્દુ અગ્રણીઓએ તેને જરૂરી માર્ગદર્શન અને સહયોગ આપી ધર્મ પરિવર્તન અને પુનઃપ્રવેશ સંબંધિત જરૂરી કાયદાકીય પ્રક્રિયા પૂર્ણ કરી રવિવારના રોજ નવસારીના દુધિયા તળાવ ખાતે આવેલા રામજી મંદિરમાં ગાયત્રી પરિવારના સહયોગથી પંચકુંડી ગાયત્રી મહાયજ્ઞનું આયોજન કરી ધાર્મિક વિધિ અને વૈદિક મંત્રોચ્ચાર સાથે દંપતી અને ચાર સંતાનો સહિત સમગ્ર પરિવારનું શુદ્ધિકરણ કરી સનાતન ધર્મમાં લાવી ઘર વાપસી કરાવવામાં આવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward