Community News & Updates

Stay informed with the latest happenings, achievements, and announcements from our community.

All News

calendar_today January 3, 2026

Morbi News : ઝઘડાની અદાવતમાં બાળકનો ભોગ લેવાયો, ટંકારામાં નરાધમ પાડોશીએ માનવતાની હદ વટાવી

મોરબી જિલ્લાના ટંકારા પંથકમાં માનવતાને લાંછન લગાડતી એક અત્યંત શરમજનક ઘટના સામે આવી છે. અહીં એક શ્રમિક પરિવારના માત્ર 2 વર્ષના માસૂમ બાળક સાથે પાડોશમાં રહેતા શખ્સે સૃષ્ટિ વિરુદ્ધનું કૃત્ય આચરતા ચકચાર મચી ગઈ છે. પોલીસ તપાસમાં સામે આવ્યું છે કે, આરોપી અને બાળકના પિતા વચ્ચે અગાઉ કોઈ બાબતે બોલાચાલી થઈ હતી. આ સામાન્ય ઝઘડાનો બદલો લેવા માટે પાષાણ હૃદયના આરોપીએ માસૂમ બાળકને નિશાન બનાવ્યું અને તેની સાથે કુકર્મ આચર્યું હતું. આ હૃદયદ્રાવક ઘટનાને પગલે શ્રમિક પરિવારોમાં ભારે રોષ અને ડરનો માહોલ જોવા મળી રહ્યો છે.ટંકારામાં શરમજનક ઘટના ઘટનાની જાણ થતા જ ટંકારા પોલીસે ત્વરિત કાર્યવાહી હાથ ધરી હતી અને મૂળ બિહારના વતની એવા નરાધમ આરોપી રામવિકાસ તૈલીની ધરપકડ કરી જેલના સળિયા પાછળ ધકેલી દીધો છે. ભોગ બનનાર માસૂમ બાળકની તબિયત લથડતા તેને તાત્કાલિક હોસ્પિટલ ખસેડવામાં આવ્યો હતો, જ્યાં તબીબોની સઘન સારવાર બાદ બાળકની સ્થિતિમાં સુધારો થતા તેને હોસ્પિટલમાંથી ડિસ્ચાર્જ આપવામાં આવ્યો છે. પોલીસે આરોપી વિરુદ્ધ પોક્સો (POCSO) સહિતની કડક કલમો હેઠળ ગુનો નોંધી આગળની કાયદેસરની કાર્યવાહી હાથ ધરી છે. આ પણ વાંચો : Dwarka News : જામખંભાળીયા હાઈવે પર કાળમુખી કારનો કહેર, હિટ એન્ડ રનમાં ફુવા-ભત્રીજાના કરુણ મોત

Read Full Story arrow_forward

calendar_today January 3, 2026

Ahmedabad News: ટ્રાફિક નિયમો તોડતા 1250 સરકારી બાબુઓ દંડાયા

અમદાવાદ શહેરમાં ટ્રાફિક વ્યવસ્થાને સુધારવા તેમજ નિયમોનું પાલન કરાવવા માટે અમદાવાદ પોલીસ હવે એક્શન મોડમાં આવી છે. સામાન્ય જનતા બાદ હવે નિયમ તોડનારા સરકારી કર્મચારીઓ અને પોલીસકર્મીઓ વિરૂદ્ધ પણ કડક ઝુંબેશ શરૂ કરવામાં આવી છે. તાજેતરમાં યોજાયેલી એક દિવસની વિશેષ ડ્રાઇવ દરમિયાન અમદાવાદ પોલીસે 1250થી વધુ સરકારી કર્મચારીઓને દંડ ફટકારી લાખો રૂપિયાની વસૂલાત કરી છે.સિવિલિયન કર્મચારીઓ પાસેથી 5.77 લાખનો દંડ આ ડ્રાઇવ દરમિયાન વિવિધ સરકારી વિભાગોમાં ફરજ બજાવતા સિવિલિયન કર્મચારીઓ સૌથી વધુ ઝપટે ચડ્યા હતા. ટ્રાફિક પોલીસ દ્વારા કુલ 1250 કેસ નોંધવામાં આવ્યા છે. જેમાં આ કર્મચારીઓ પાસેથી રૂપિયા 5.77 લાખ જેટલો માતબર દંડ વસૂલ કરવામાં આવ્યો છે. એટલું જ નહીં, ગંભીર ઉલ્લંઘન બદલ 10 જેટલા વાહનોને ડિટેઈન પણ કરવામાં આવ્યા છે. પોલીસકર્મીઓ પણ દંડાયા "કાયદો બધા માટે સમાન છે" તે સૂત્રને સાર્થક કરતા પોલીસે પોતાના જ વિભાગના કર્મચારીઓ સામે પણ લાલ આંખ કરી છે. ટ્રાફિક નિયમોનું ઉલ્લંઘન કરનાર 80 પોલીસકર્મીઓ વિરૂદ્ધ ગુના નોંધી તેમની પાસેથી રૂપિયા 38,800 થી વધુનો દંડ વસૂલવામાં આવ્યો છે. આ કાર્યવાહીથી પોલીસ બેડામાં પણ ફફડાટ વ્યાપી ગયો છે. શા માટે આ કાર્યવાહી? અમદાવાદ શહેરમાં અવારનવાર એવી ફરિયાદો ઉઠતી હોય છે કે સરકારી હોદ્દા અથવા પોલીસની ઓળખ આપીને લોકો ટ્રાફિક નિયમોનું ઉલ્લંઘન કરે છે. હેલ્મેટ ન પહેરવું, રોન્ગ સાઈડ ડ્રાઈવિંગ અને લાયસન્સ વગર વાહન ચલાવવા જેવા કિસ્સાઓમાં હવે કોઈની પણ શરમ રાખ્યા વગર દંડ વસૂલવાની સૂચના આપવામાં આવી છે. આગામી દિવસોમાં પણ આ પ્રકારની ડ્રાઇવ ચાલુ રહેશે તેવી શક્યતા છે. આ પણ વાંચો - Ahmedabad News: ગુજરાત યુનિવર્સિટી પરીક્ષા લેવામાં નાપાસ; ખોટું પેપર અપાતા વિદ્યાર્થીઓનો હોબાળો

Read Full Story arrow_forward

calendar_today January 3, 2026

Ahmedabad; ડિજિટલ અરેસ્ટના નામે વૃદ્ધ પાસેથી 7.12 કરોડ પડાવ્યા, સાયબર ક્રાઇમે ચાઈનીઝ કનેક્શન ધરાવતી ગેંગના 12 સાગરીતોને ઝડપ્યા

કેન્દ્ર સરકાર અને પોલીસની વારંવારની જાગૃતિ ઝુંબેશ છતાં, સાયબર ગઠિયાઓ નિર્દોષ નાગરિકોને શિકાર બનાવવામાં સફળ રહ્યા છે. અમદાવાદમાં એક વૃદ્ધને 'ડિજિટલ અરેસ્ટ' કરી માત્ર 10 જ દિવસમાં રૂપિયા 7 કરોડ 12 લાખ પડાવી લેવાનો ચોંકાવનારો કિસ્સો પ્રકાશમાં આવ્યો છે. આ મામલે અમદાવાદ સાયબર ક્રાઇમે સપાટો બોલાવી ગેંગના 12 સાગરીતોની ધરપકડ કરી છે.એક વૃદ્ધને ડિજિટલ અરેસ્ટ કરી 7 કરોડ 12 લાખ પડાવ્યાગઠિયાઓએ વૃદ્ધને ફોન કરી પોતે TRAI અને મુંબઈ ક્રાઈમ બ્રાન્ચના અધિકારી હોવાની ઓળખ આપી હતી. આરોપીઓએ વૃદ્ધને ડરાવ્યા હતા કે તેઓ મની લોન્ડરિંગ જેવી ગેરકાયદે પ્રવૃત્તિમાં સંકળાયેલા છે અને તેમના વિરુદ્ધ ફરિયાદ નોંધાઈ છે. 'ઈડી (ED) વેરીફિકેશન'ના બહાને વૃદ્ધના બેંક એકાઉન્ટની વિગતો મેળવી લેવામાં આવી હતી. ગઠિયાઓએ વિશ્વાસ અપાવ્યો હતો કે વેરીફિકેશન બાદ તમામ રકમ પરત કરી દેવાશે, જેના કારણે વૃદ્ધે 10 દિવસમાં કરોડો રૂપિયા ટ્રાન્સફર કરી દીધા હતા.ચાઈનીઝ ગેંગ અને ક્રિપ્ટોકરન્સીનું કનેક્શનસાયબર ક્રાઇમની તપાસમાં ખુલાસો થયો છે કે આ કૌભાંડના તાર છેક કંબોડિયા અને ચીન સુધી જોડાયેલા છે. હિતેન્દ્ર સોલંકી અને નયન પટેલ રાજસ્થાનના એક વ્યક્તિના સંપર્કમાં હતા, જે બેંક એકાઉન્ટ પૂરા પાડતો હતો. જમા થયેલા રૂપિયા ક્રિપ્ટોકરન્સીમાં ટ્રાન્સફર થતા હોવાની આશંકા છે.જનક ગઢાદરા અને અનિકેત ઢોલા નામના આરોપીઓ સીધી રીતે ચાઈનીઝ ગેંગ સાથે સંકળાયેલા હોવાનું બહાર આવ્યું છે.પોલીસની કાર્યવાહી અને 'ઓપરેશન મ્યુલ હંટસાયબર ક્રાઇમે બિહાર, આસામ અને દિલ્હીના બેંક એકાઉન્ટ્સ ટ્રેસ કરીને તપાસ તેજ કરી હતી. ઝડપાયેલા 12 આરોપીઓ પાસેથી 16 મોબાઈલ ફોન, રૂપિયા 1.73 લાખ રોકડા જપ્ત કરવામાં આવ્યા છે. તપાસમાં એવું પણ સામે આવ્યું કે આરોપીઓ 'ઓપરેશન મ્યુલ હંટ' (બેંક એકાઉન્ટ ભાડે આપતા એજન્ટો વિરુદ્ધની ઝુંબેશ) થી માહિતગાર હતા, છતાં લાલચમાં આવી આ ગુના આચરતા હતા.ઝડપાયેલા આરોપીઓના નામદશરથ નાયક, બ્રીજેશ શાહ, હિતેન્દ્ર સોલંકી, વિજય કોરી, નયન પટેલ, જલદીપ ડાખરા, રોહન પટેલ, સુનીલ ધામેચા, જનક ગઢાદરા, રાહુલ મોરડીયા, અનિલ મોરડીયા અને અનિકેત ઢોલા.આ પણ વાંચો: રેલવે ડિવિઝનમાં ચેઇન પુલિંગનો આતંક, વર્ષ 2025માં લોકો પાસેથી 5.65 લાખનો દંડ વસૂલ્યો

Read Full Story arrow_forward