android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Dahod : ઈકો, ક્રૂઝર અને બાઈક વચ્ચેના ત્રિપલ અકસ્માતમાં 3 વ્યક્તિનાં કમકમાટીભર્યા મોત
calendar_today October 22, 2026

Dahod : ઈકો, ક્રૂઝર અને બાઈક વચ્ચેના ત્રિપલ અકસ્માતમાં 3 વ્યક્તિનાં કમકમાટીભર્યા મોત

દાહોદ નજીક આવેલા કુશળગઢ અને અલીરાજપુર હાઈવે નંબર 47 પર એક અત્યંત ગમખ્વાર ત્રિપલ અકસ્માત સર્જાયો હતો. આ ભયાનક માર્ગ અકસ્માતમાં ઈકો કાર, ક્રૂઝર ગાડી તેમજ એક મોટરસાયકલ વચ્ચે જોરદાર ટક્કર થઈ હતી. આ દુર્ઘટનામાં ત્રણ વ્યક્તિઓના ઘટનાસ્થળે જ કમકમાટીભર્યા મોત નીપજ્યા છે, જ્યારે અન્ય એક વ્યક્તિ ગંભીર રીતે ઘાયલ થયો હતો.વાહનોના ફુરચેફુરચા ઊડી ગયા કુશળગઢ-અલીરાજપુર હાઈવે નંબર 47 પર સર્જાયેલા આ ત્રિપલ અકસ્માતની તીવ્રતા એટલી ભીષણ હતી કે વાહનોના ફુરચેફુરચા ઊડી ગયા હતા. માર્ગ પર ઈકો કાર, ક્રૂઝર વાહન અને મોટરસાયકલ વચ્ચે સામસામે અત્યંત જોરદાર ટક્કર થઈ હતી. બાઇક સળગી ગયુંઆ પ્રચંડ ટક્કરના કારણે મોટરસાયકલમાં તરત જ ભીષણ આગ ભભૂકી ઊઠી હતી અને જોતજોતામાં બાઈક સંપૂર્ણપણે બળીને ખાખ થઈ ગઈ હતી. બીજી તરફ, અકસ્માતમાં ઈકો અને ક્રૂઝર બંને ફોરવ્હીલર ગાડીઓનો પણ કચ્ચરઘાણ વળી ગયો હતો. વાહનોનો કુરદો બોલી જતાં ઘટનાસ્થળે અત્યંત અરેરાટીભર્યા દ્રશ્યો સર્જાયા હતા. આ ગમખ્વાર માર્ગ અકસ્માતમાં ત્રણ કમનસીબ લોકોના ઘટનાસ્થળે જ કમકમાટીભર્યા મોત નીપજ્યા હતા.ઇજાગ્રસ્તને હોસ્પિટલમાં ખસેડાયાઆ અકસ્માતમાં અન્ય એક વ્યક્તિને ગંભીર ઈજાઓ પહોંચી હતી અને તેની હાલત અત્યંત નાજુક જણાતી હતી. બનાવ અંગે તાકીદે કટોકટી સેવા 108ને જાણ કરવામાં આવતાં એમ્બ્યુલન્સની ટીમ તાબડતોબ ઘટનાસ્થળ પર પહોંચી ગઈ હતી. ત્યારબાદ ગંભીર રીતે ઘાયલ થયેલા ઈજાગ્રસ્તને પ્રાથમિક સારવાર આપીને 108 મારફતે તાત્કાલિક ધોરણે નજીકની સરકારી હોસ્પિટલ ખાતે સારવાર અર્થે ખસેડવામાં આવ્યો હતો. પોલીસ અને ફાયર વિભાગ પહોંચ્યુંઆ ભયાનક અકસ્માત અને આગની ઘટનાની જાણ મળતાં જ સ્થાનિક પોલીસ તેમજ ફાયર વિભાગની ટીમ પણ તાત્કાલિક ઘટનાસ્થળે દોડી આવી હતી. ફાયર વિભાગના જવાનોએ સ્થળ પર પહોંચીને આગ પર કાબૂ મેળવ્યો હતો. દાહોદ ગ્રામ્ય પોલીસે ઘટનાસ્થળનું પંચનામું કરી મૃતદેહોને પોસ્ટમોર્ટમ અર્થે મોકલી આપ્યા હતા અને અકસ્માતનો ગુનો નોંધીને સમગ્ર મામલે ઊંડાણપૂર્વક આગળની કાયદેસરની તપાસ હાથ ધરી છે. આ પણ વાંચો :   Sandesh Digital Explainer : દિવાળી પ્રવાસમાં ડિજિટલ ઠગાઈનો ખતરો, બુકિંગ કરતાં પહેલાં જાણી લો આ વાતો                                

Read Full Story arrow_forward
Tukaram Mundhe: મહારાષ્ટ્રમાં Domino’s Pizza પર FDAની કાર્યવાહી! 2 આઉટલેટ સહિત 11નાં લાઇસન્સ સસ્પેન્ડ
calendar_today October 22, 2026

Tukaram Mundhe: મહારાષ્ટ્રમાં Domino’s Pizza પર FDAની કાર્યવાહી! 2 આઉટલેટ સહિત 11નાં લાઇસન્સ સસ્પેન્ડ

મહારાષ્ટ્રમાં ખાદ્ય સુરક્ષાના નિયમોનું ઉલ્લંઘન કરવા બદલ ફૂડ એન્ડ ડ્રગ એડમિનિસ્ટ્રેશન (FDA)એ મોટી કાર્યવાહી કરી છે. વિભાગે Domino's Pizzaના 2 આઉટલેટ સહિત 11 ખાદ્ય સંસ્થાઓનાં લાઇસન્સ સસ્પેન્ડ કર્યાં છે. આ ઉપરાંત, રાજ્યભરમાં હાથ ધરાયેલી તપાસ દરમિયાન આશરે 38 ટન ખાદ્ય સામગ્રી જપ્ત કરવામાં આવી છે. તેની કિંમત ₹54.66 લાખ હોવાનું જણાવાયું છે.FDA દ્વારા ગુરુવારે જાહેર કરાયેલા નિવેદન અનુસાર, 21 અને 22 ઓક્ટોબરે હાથ ધરાયેલી તપાસ દરમિયાન અનેક સ્થળોએ સ્વચ્છતા અને ખાદ્ય સુરક્ષાને લગતી ગંભીર ખામીઓ મળી આવી હતી. તેમાં ગંદા રસોડાં અને ગટર વ્યવસ્થા, કાટ લાગેલા રૅક અને વાસણો, પરત આવેલી બ્રેડને તાજા જથ્થામાં ભેળવવી, ખાદ્ય સામગ્રીના તાપમાનનો અધૂરો રેકોર્ડ રાખવો અને કર્મચારીઓ પાસે તબીબી પ્રમાણપત્રો ન હોવા જેવી ખામીઓનો સમાવેશ થાય છે. કેટલીક જગ્યાએ મીઠાઈઓમાં મંજૂરી વગરના રંગોનો ઉપયોગ પણ જોવા મળ્યો હતો.મુંબઈમાં 9 સંસ્થાઓ સામે કાર્યવાહીFDAએ મુંબઈમાં 9 ખાદ્ય સંસ્થાઓનાં લાઇસન્સ સસ્પેન્ડ કર્યાં છે. તેમાં ભાંડુપ વેસ્ટ સ્થિત Domino's Pizzaના આઉટલેટ ઉપરાંત મઝગાંવની SK Bakery, ગ્રાન્ટ રોડની Nekzad Restaurant, બાંદ્રા વેસ્ટની Foodies Multi Cuisine, જોગેશ્વરી વેસ્ટની Arabian Lukma, કુર્લા વેસ્ટની Delhi Zaika, ઘાટકોપર વેસ્ટના R City Mallમાં આવેલી U-Me અને ગોવંડીની Bikkgane Biryaniનો સમાવેશ થાય છે.આ ઉપરાંત, બીડમાં Domino's Pizzaના એક આઉટલેટ અને પરભણીના રહમત નગરમાં આવેલી KK Bakers સામે પણ કાર્યવાહી કરવામાં આવી છે. વિભાગે ખાદ્ય સુરક્ષા અને ધોરણ અધિનિયમ હેઠળ આ પગલાં લીધાં છે.નવી મુંબઈમાં ₹50 લાખથી વધુનો ખાદ્ય જથ્થો જપ્તતપાસ દરમિયાન સૌથી વધુ ખાદ્ય સામગ્રી કોંકણ વિભાગમાંથી જપ્ત કરવામાં આવી હતી. નવી મુંબઈની RDC Agro Venture Private Limitedમાંથી 33,286 કિલો રાજમા અને દાળ જપ્ત કરવામાં આવી હતી. તેની કિંમત આશરે ₹50.05 લાખ છે. FDAને આ જથ્થો હલકી ગુણવત્તાનો અને ખોટા લેબલવાળો હોવાની શંકા હતી.નાશિક વિભાગમાં આશરે ₹1.70 લાખની કિંમતની 483.4 કિલો ખાદ્ય સામગ્રી જપ્ત કરવામાં આવી હતી. તેમાં રિફાઇન્ડ સોયાબીન તેલ, માખણ, ઘી, પીળી સેવ અને પાપડીનો સમાવેશ થાય છે. એક સંસ્થાની તપાસ દરમિયાન જરૂરી પ્રયોગશાળા, તકનીકી કર્મચારીઓ અને ખાદ્ય પદાર્થોના વિશ્લેષણના અહેવાલ જેવી વ્યવસ્થાઓનો પણ અભાવ જોવા મળ્યો હતો.બીજી તરફ, છત્રપતિ સંભાજીનગર વિભાગમાં ઔરંગાબાદ કોલ્ડ સ્ટોરેજ LLPમાંથી 4,222 કિલો ગોળ અને વરિયાળી જપ્ત કરવામાં આવી હતી. તેની કિંમત આશરે ₹2.91 લાખ હોવાનું જણાવાયું છે.FDAના જણાવ્યા અનુસાર, સમગ્ર મહારાષ્ટ્રમાં કુલ 37,991.4 કિલો ખાદ્ય સામગ્રી જપ્ત કરવામાં આવી છે. ખાદ્ય સુરક્ષાના નિયમોનું પાલન થાય તે સુનિશ્ચિત કરવા માટે વિભાગે આ તપાસ અભિયાન હાથ ધર્યું હતું.

Read Full Story arrow_forward
Gurugram Power Cut: ગુરુગ્રામમાં પાવર કટ થતાં લોકો રસ્તા પર ઉતર્યા! વીજ કર્મચારીઓની હડતાળને પગલે ખોરવાયો વીજપુરવઠો!
calendar_today October 22, 2026

Gurugram Power Cut: ગુરુગ્રામમાં પાવર કટ થતાં લોકો રસ્તા પર ઉતર્યા! વીજ કર્મચારીઓની હડતાળને પગલે ખોરવાયો વીજપુરવઠો!

હરિયાણાના ગુરુગ્રામમાં વીજ કર્મચારીઓની હડતાળને કારણે અનેક રહેણાક વિસ્તારો અને ઔદ્યોગિક વિસ્તારોમાં વીજ પુરવઠો ખોરવાયો છે. તેના કારણે કારખાનાંઓમાં કામકાજ ઠપ થઈ ગયું છે અને શહેરના અનેક વિસ્તારોમાં અંધારું છવાઈ ગયું છે. વીજળી ન આવતાં પરેશાન લોકો રસ્તા પર ઉતરી આવ્યા છે.હરિયાણાની આર્થિક રાજધાની ગણાતા ગુરુગ્રામના અનેક વિસ્તારોમાં અંધારું છવાયું છે. વીજ કર્મચારીઓએ જાહેર કરેલી અચોક્કસ મુદતની હડતાળની અસર હવે શહેરમાં સ્પષ્ટ જોવા મળી રહી છે. અનેક રહેણાક વિસ્તારોમાં કલાકોથી વીજળી નથી, જ્યારે દૌલતાબાદ, કાદીપુર અને સેક્ટર 37 જેવા ઔદ્યોગિક વિસ્તારોનાં કારખાનાંઓમાં કામકાજ અટકી ગયું છે.વીજ પુરવઠો ક્યારે ફરી શરૂ થશે તેનો ચોક્કસ જવાબ ન તો અધિકારીઓ પાસે છે કે ન તો સંબંધિત વ્યવસ્થા પાસે. શહેરના લોકોને અંધારા અને ભય વચ્ચે રાત વિતાવવાની ફરજ પડી રહી છે. વીજળી ન આવતાં પરેશાન લોકો રસ્તા પર ઉતરી આવ્યા છે અને અનેક વિસ્તારોમાં અફરાતફરીનો માહોલ સર્જાયો છે.કોઈ મોટી હિંસા, તોડફોડ કે વીજળીના ગ્રીડને નુકસાન પહોંચાડવાની આશંકાને ધ્યાનમાં રાખીને જિલ્લાના તમામ વીજ સબસ્ટેશન અને પાવર હાઉસ પર મોટી સંખ્યામાં પોલીસકર્મીઓ તૈનાત કરવામાં આવ્યા છે. આ સ્થળોને પોલીસ છાવણીમાં ફેરવી દેવામાં આવ્યાં છે.ખાનગીકરણના નિર્ણય સામે કર્મચારીઓની હડતાળહરિયાણા વીજ કર્મચારી અને ઇજનેરોના સંયુક્ત સંઘર્ષ મોરચાના નેજા હેઠળ કર્મચારીઓ 22થી 24 ઓક્ટોબર સુધી ત્રણ દિવસની હડતાળ પર છે. હરિયાણા વીજ નિયમન પંચ (HERC)એ તાજેતરમાં Eleven Power Private Limitedને ગુરુગ્રામ અને નૂહમાં વીજ વિતરણ માટે 25 વર્ષનું સમાનાંતર લાઇસન્સ આપ્યું છે.કર્મચારીઓનો આક્ષેપ છે કે આ પગલું આડકતરી રીતે ખાનગીકરણ કરવાનો પ્રયાસ છે. તેમના મતે, તેના કારણે વધુ આવક આપતા ઔદ્યોગિક અને વ્યાપારી વિસ્તારો ખાનગી કંપનીઓના હાથમાં જતા રહેશે. આથી રાજ્ય સરકારની માલિકીના દક્ષિણ હરિયાણા વીજ વિતરણ નિગમ (DHBVN)ને મોટું આર્થિક નુકસાન થઈ શકે છે.નારાજ કર્મચારીઓએ રાજ્યભરમાં HERCના આદેશની નકલો બાળી હતી. આ ઉપરાંત, કેન્દ્રીય ઊર્જા મંત્રી મનોહર લાલ ખટ્ટર, મુખ્યમંત્રી નાયબ સિંહ સૈની અને HERCના અધ્યક્ષ મુકેશ ગર્ગનાં પૂતળાં પણ બાળવામાં આવ્યાં હતાં.સરકારે કર્મચારીઓને આપ્યો ભરોસોહડતાળ શરૂ થાય તે પહેલાં કર્મચારીઓના પ્રતિનિધિઓએ ઊર્જા મંત્રી અનિલ વિજ સાથે મુલાકાત કરી હતી. અનિલ વિજે કર્મચારીઓનું સમર્થન કરતાં જણાવ્યું હતું કે રાજ્ય સરકારે ક્યારેય અરજીઓ મંગાવી નહોતી અને સરકાર પણ આ આદેશની વિરુદ્ધ છે.તેમણે કહ્યું હતું કે સરકાર આગામી 5થી 6 દિવસમાં અપીલ ટ્રિબ્યુનલ ફોર ઇલેક્ટ્રિસિટી (APTEL)માં અપીલ કરીને આદેશ પર રોક લગાવવાની માગ કરશે. જરૂર પડશે તો સુપ્રીમ કોર્ટમાં પણ જશે.બીજી તરફ, મુખ્યમંત્રી નાયબ સિંહ સૈનીએ પણ ઉચ્ચ સ્તરીય બેઠક બોલાવી હતી. તેમણે ભરોસો આપ્યો હતો કે સરકાર કર્મચારીઓની સાથે છે અને કર્મચારીઓ ઇચ્છે તો પોતાની પસંદગીના વકીલો મારફતે પણ કાનૂની લડત આપી શકે છે.મુખ્યમંત્રીએ કર્મચારીઓને હડતાળ પાછી ખેંચવાની અપીલ કરી હતી. સાથે જ અધિકારીઓને સૂચના આપી હતી કે તહેવારોની મોસમમાં સામાન્ય લોકોને કોઈ મુશ્કેલી ન પડવી જોઈએ.

Read Full Story arrow_forward