Ahmedabad News : “VCના બંગલાની ફાઇલ ત્રણ મહિનામાં મંજૂર, તો વિદ્યાર્થીઓની લેબ કેમ નહીં?”: HODના સત્તાધીશો સામે આકરા સવાલ
રાજ્યની અગ્રણી અને સૌથી મોટી એવી ગુજરાત યુનિવર્સિટીમાંથી શિક્ષણ જગતને હચમચાવતો એક મોટો વિવાદ સામે આવ્યો છે. યુનિવર્સિટીમાં અભ્યાસ કરતા M.Sc. (રસાયણશાસ્ત્ર) ના વિદ્યાર્થીઓ માટે અત્યંત જરૂરી એવી કેમિસ્ટ્રી લેબ સમયસર ન બનવાને કારણે માહોલ ગરમાયો છે. વિદ્યાર્થીઓના પ્રાયોગિક અભ્યાસ પર સીધી અસર પડતી હોવા છતાં લેબનું કામ અટવાઈ જતાં શૈક્ષણિક વર્તુળોમાં ભારે નારાજગી ફેલાઈ છે.લેબની રીનોવેશન ફાઇલ ત્રણ વખત ગુમ થયાનો આક્ષેપ અને ચેટ વાયરલઆ વિવાદે તે સમયે વધુ ઉગ્ર સ્વરૂપ ધારણ કર્યું જ્યારે લેબના રીનોવેશન માટે તૈયાર કરવામાં આવેલી મહત્વપૂર્ણ ફાઇલ એક કે બે વાર નહીં પરંતુ પૂરી ત્રણ વખત રહસ્યમય સંજોગોમાં ગુમ થઈ ગઈ હોવાનો ગંભીર આક્ષેપ કરવામાં આવ્યો છે. આ સમગ્ર મામલાની ચર્ચા કરતી એક વોટ્સએપ ગ્રુપની ચેટ પણ સોશિયલ મીડિયા પર ઝડપથી વાયરલ થઈ છે, જેના કારણે યુનિવર્સિટીના વહીવટી તંત્રની કામગીરી સામે મોટા સવાલો ખડા થયા છે.“બંગલાનું રીનોવેશન જરૂરી તો લેબ કેમ નહીં?”આ સમગ્ર મામલે વિભાગના વડા (HOD) દ્વારા યુનિવર્સિટીના ઉચ્ચ સત્તાધીશો સામે તીખા સવાલો ઉઠાવવામાં આવ્યા છે. વાયરલ થયેલી ચેટ અને વિરોધ વચ્ચે એવો દાવો કરવામાં આવ્યો છે કે વાઇસ ચાન્સલર (VC) ના બંગલાના રીનોવેશનની ફાઇલ માત્ર ત્રણ મહિના જેવા ટૂંકા સમયમાં જ મંજૂર થઈને કામ પૂર્ણ થઈ શકે છે, તો પછી ભવિષ્યના નિર્માતા સમાન વિદ્યાર્થીઓની કેમિસ્ટ્રી લેબની ફાઇલ બાબતે કેમ લાપરવાહી દાખવવામાં આવી રહી છે? સત્તાધીશો સામે ઉઠેલા આ સવાલો બાદ યુનિવર્સિટી પરિસરમાં રાજકારણ અને ચર્ચાઓનું જોર વધી ગયું છે.આ પણ વાંચો : Suratની મહેશ્વરી વિદ્યાપીઠમાં વાલીઓનો ભયંકર હલ્લાબોલ, હજારોની સંખ્યામાં વાલીઓ ઉમટી પડતા સર્જાયો હોબાળો!
Read Full Story arrow_forward