android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Daler Mehndi: વિવાદ વકર્યો એટલે CM ધામીએ કહ્યું - દલેર મહેંદી અને મીકા બન્ને સાથે કરીશ વાત
calendar_today October 22, 2026

Daler Mehndi: વિવાદ વકર્યો એટલે CM ધામીએ કહ્યું - દલેર મહેંદી અને મીકા બન્ને સાથે કરીશ વાત

ઉત્તરાખંડના ટિહરી જિલ્લામાં આવેલા કુંજાપુરી મંદિરમાં આયોજિત એક કાર્યક્રમ દરમિયાન કેબિનેટ મંત્રી સુબોધ ઉનિયાલ અને ગાયક દલેર મહેંદી વચ્ચે વિવાદ વકર્યો હતો. આ મામલાને ઉકેલવા માટે ગુરુવારે મુખ્યમંત્રી પુષ્કર સિંહ ધામીએ હસ્તક્ષેપ કર્યો હતો. તેમણે જણાવ્યું હતું કે તેઓ આ ઘટના અંગે દલેર મહેંદી અને તેમના ભાઈ મીકા સિંહ બંને સાથે વાત કરશે.દહેરાદૂનમાં પત્રકારો સાથે વાત કરતા મુખ્યમંત્રીએ સંકેત આપ્યો કે તે સમયે મંત્રી સુબોધ ઉનિયાલ કદાચ જનતાના દબાણ હેઠળ હોઈ શકે છે. તેમણે જણાવ્યું કે મંત્રીએ પોતે સ્પષ્ટતા કરી છે કે તેમને દલેર મહેંદીની ખરાબ તબિયત વિશે જાણકારી નહોતી. મુખ્યમંત્રીએ કહ્યું, "મંત્રીએ પહેલેથી જ સ્પષ્ટ કરી દીધું છે કે તેમનો કોઈ ખરાબ ઈરાદો નહોતો, તેથી મને લાગે છે કે આ મામલો અહીં જ પૂરો કરી દેવો જોઈએ."ધામીએ વધુમાં કહ્યું કે ઉત્તરાખંડ હંમેશા કલાકારો, લેખકો અને વિદ્વાનોનું સન્માન કરનારી ભૂમિ રહી છે. જ્યારે તેમને દલેર મહેંદીના ભાઈ મીકા સિંહની માંગણી વિશે પૂછવામાં આવ્યું - જેમણે મંત્રી સામે કાર્યવાહી કરવાની અપીલ કરી હતી. ત્યારે ધામીએ જવાબ આપ્યો, "હું મીકા સાથે વાત કરીશ અને દલેર મહેંદી સાથે પણ વાત કરીશ. તે બંને સાથે મારા મિત્રતાભર્યા સંબંધો છે."ઉલ્લેખનીય છે કે, ટિહરી જિલ્લાના નરેન્દ્ર નગર વિસ્તારમાં 18 ઓક્ટોબરની રાત્રે આયોજિત 'સિદ્ધપીઠ મા કુંજાપુરી પ્રવાસન અને વિકાસ મેળા'માં દલેર મહેંદીના કાર્યક્રમ દરમિયાન ગાયકના લાઈવ અવાજ અને બેકગ્રાઉન્ડ સાઉન્ડટ્રેક વચ્ચે વિસંગતતાઓ જોવા મળતા હોબાળો થયો હતો.કાર્યક્રમમાં હાજર સ્થાનિક ધારાસભ્ય સુબોધ ઉનિયાલે આ બાબતે નારાજગી વ્યક્ત કરી હતી. તેઓ મંચ પર ગયા અને ટિપ્પણી કરી કે મહેંદીને આ પ્રદર્શન માટે મોટી રકમ ચૂકવવામાં આવી છે, તેથી તેમણે વધુ સારી ગુણવત્તા સુનિશ્ચિત કરવી જોઈએ. તેમણે વધુમાં પ્રશ્ન કર્યો કે જો ગાયકને બોલવામાં પણ તકલીફ પડી રહી હોય, તો તેઓ કેવી રીતે ગાઈ શકે? આના કારણે થોડા સમય માટે મંચ પર અજીબ પરિસ્થિતિ સર્જાઈ હતી. સોશિયલ મીડિયા પર આ ઘટનાનો વીડિયો વાયરલ થયા બાદ લોકોની પ્રતિક્રિયાઓ સામે આવી હતી અને મંત્રીને તેમના વર્તનને લઈને ફિલ્મ ઉદ્યોગ તેમજ વિવિધ રાજકીય પક્ષો તરફથી ટીકાનો સામનો કરવો પડ્યો હતો. ત્યારબાદ, બુધવારે ઉનિયાલે એક નિવેદન જારી કરીને સ્પષ્ટ કર્યું કે દલેર મહેંદીને એક જાણીતા કલાકાર હોવાને કારણે આ કાર્યક્રમમાં આમંત્રિત કરવામાં આવ્યા હતા, પરંતુ તેમણે પોતાની ખરાબ તબિયત વિશે આયોજકોને અગાઉથી જાણ કરવી જોઈતી હતી.ઉનિયાલે જણાવ્યું, "જ્યારે મંચ પર એ સ્પષ્ટ થયું કે તેઓ ગાઈ નથી રહ્યા, પરંતુ માત્ર હોઠ હલાવી રહ્યા છે (લિપ-સિંક કરી રહ્યા છે), ત્યારે સ્થાનિક પ્રતિનિધિ અને આયોજક સમિતિના સભ્ય તરીકે મારા પર જનતા તરફથી આ મુદ્દો ઉઠાવવા માટે દબાણ આવ્યું..." મંત્રીએ ઉલ્લેખ કર્યો કે તેમને જાણવા મળ્યું કે મહેંદીની ટીમને માત્ર હાથ હલાવવા અને લિપ-સિંક કરવા માટે સૂચના આપવામાં આવી હતી, જે બાબત સામે તેમણે વાંધો ઉઠાવ્યો."તેઓ ન તો યોગ્ય રીતે બોલી શકતા હતા કે ન તો ચાલી શકતા હતા."ઉનિયાલે ટિપ્પણી કરી, "તેઓ બોલી પણ શકતા નહોતા કે યોગ્ય રીતે ચાલી પણ શકતા નહોતા. તે સમયે મને એવું લાગ્યું કે કદાચ તેઓ કોઈ નશાની અસર હેઠળ છે . જોકે મને વાસ્તવિક કારણ ખબર નથી, કારણ કે કોઈ તબીબી તપાસ કરવામાં આવી ન હતી." બાદમાં મંત્રીને જાણ થઈ કે તેમનું બોલી ન શકવું એ ખરાબ તબિયતને કારણે હતું.ઉનિયાલે જણાવ્યું: "તેમણે ₹35 લાખની અગાઉથી ચૂકવણી લીધી હતીઉનિયાલે ફરી ભારપૂર્વક કહ્યું કે મહેંદીએ પોતાની ખરાબ તબિયત વિશે અગાઉથી જણાવી દેવું જોઈતું હતું. તેમણે ઉમેર્યું, "જો તેમની તબિયત સારી નહોતી, તો તેમણે આ કાર્યક્રમમાં આવવું જોઈતું ન હતું. અમે પહેલેથી જ ₹35 લાખની પૂરેપૂરી રકમ અગાઉથી ચૂકવી દીધી હતી અને હોટલની વ્યવસ્થા પણ કરી દેવામાં આવી હતી. મારે તેમની સામે કોઈ વ્યક્તિગત દુશ્મનાવટ નથી, અને ન તો મારો તેમને કોઈ તકલીફ પહોંચાડવાનો ઈરાદો હતો."આ પણ વાંચો: Dammam Airport attack: સાઉદી અરેબિયાના દમ્મામ એરપોર્ટ પર ભયંકર હુમલો, એક ભારતીયનું મોત

Read Full Story arrow_forward
Mumbai: શહેરની બગડતી હવાને લઇને બોમ્બે હાઇકોર્ટની આકરી ટિપ્પણી, કહ્યું, 'અધિકારીઓને ઉંઘ કેવી રીતે આવે છે'
calendar_today October 22, 2026

Mumbai: શહેરની બગડતી હવાને લઇને બોમ્બે હાઇકોર્ટની આકરી ટિપ્પણી, કહ્યું, 'અધિકારીઓને ઉંઘ કેવી રીતે આવે છે'

મુંબઈની હવામાં વધી રહેલું પ્રદૂષણ હવે ગંભીર ચિંતાનો વિષય બન્યું છે. શહેરની બગડતી હવાની ગુણવત્તાને લઈને બોમ્બે હાઈકોર્ટે ભારે નારાજગી વ્યક્ત કરી છે. અદાલતે કહ્યું કે પ્રદૂષણના મામલે મુંબઈ હવે દિલ્હીથી પણ આગળ નીકળી રહ્યું છે તે ચોંકાવનારી બાબત છે. હાઈકોર્ટે સવાલ ઉઠાવ્યો કે જ્યારે લાખો લોકો ખરાબ હવાને કારણે મુશ્કેલી ભોગવી રહ્યા છે, ત્યારે પ્રદૂષણ અટકાવવાની જવાબદારી ધરાવતા અધિકારીઓ શાંતિથી ઊંઘી કેવી રીતે શકે?અદાલતે બૃહન્મુંબઈ મહાનગરપાલિકા (BMC), મહારાષ્ટ્ર પ્રદૂષણ નિયંત્રણ બોર્ડ (MPCB) અને મુંબઈ પોલીસને પણ આકરી ટકોર કરી હતી. અદાલતે કહ્યું કે તહેવારો દરમિયાન ધ્વનિ પ્રદૂષણ અને ફટાકડા ફોડવા પર પ્રતિબંધ મૂકવા અંગેના તેના આદેશોનો અસરકારક રીતે અમલ કરવામાં આવી રહ્યો નથી. અદાલતે ચેતવણી આપી હતી કે પોતાની જવાબદારી નિભાવવામાં નિષ્ફળ રહેનારા અધિકારીઓ સામે કાર્યવાહી થઈ શકે છે.પોલીસ મથકની સામે ફોડવામાં આવ્યા ફટાકડાધ્વનિ પ્રદૂષણ અને રસ્તાઓ પર ફટાકડા ફોડવા સંબંધિત સ્વયંસંચાલિત જાહેર હિતની અરજી (PIL) પર સુનાવણી દરમિયાન આ મામલો સામે આવ્યો હતો. ન્યાયમૂર્તિ ગિરીશ એસ. કુલકર્ણી અને ન્યાયમૂર્તિ નીલા ગોખલેની ખંડપીઠે કહ્યું કે પોલીસ અદાલતના આદેશોનો અમલ કરવામાં ઢીલાશ દાખવી રહી છે. અદાલતે દક્ષિણ મુંબઈના ક્રોફર્ડ માર્કેટ નજીક મંગળવારે બનેલી ઘટનાનો ઉલ્લેખ કર્યો હતો.અહીં એક પોલીસ મથકની સામે વ્યસ્ત રસ્તા પર ફટાકડા ફોડવામાં આવ્યા હતા. અદાલતે આ ઘટનાને તેના આદેશોનું સ્પષ્ટ ઉલ્લંઘન ગણાવ્યું હતું. ખંડપીઠે પોલીસને સરઘસોમાં વપરાતી ધ્વનિ પ્રસારણ વ્યવસ્થાનાં પરવાનાંની તપાસ કરવા અને તહેવારો દરમિયાન રસ્તાઓ પર ફટાકડા ફોડવા પર સંપૂર્ણ પ્રતિબંધના આદેશનો કડક અમલ સુનિશ્ચિત કરવા જણાવ્યું હતું.નાગરિકોના મૂળભૂત અધિકારોનું ઉલ્લંઘનબોમ્બે હાઈકોર્ટે કહ્યું કે પ્રદૂષણને કાબૂમાં લેવામાં અધિકારીઓની નિષ્ક્રિયતા બંધારણની કલમ 14 અને 21 હેઠળ નાગરિકોને મળેલા મૂળભૂત અધિકારોનું ઉલ્લંઘન છે.અદાલતે મુંબઈના પોલીસ કમિશનરને તમામ પોલીસ મથકોના પ્રભારીઓ સાથે બેઠક યોજવા અને અદાલતના આદેશોનું કડક પાલન થાય તે સુનિશ્ચિત કરવાનો આદેશ આપ્યો હતો.આ ઉપરાંત, અદાલતે BMCના કમિશનર અને MPCBના કમિશનરને 26 ઑક્ટોબરે યોજાનારી આગામી સુનાવણીમાં હાજર રહેવા અને પ્રદૂષણને નિયંત્રિત કરવા માટે લેવામાં આવેલા પગલાંનો અહેવાલ રજૂ કરવા જણાવ્યું હતું.બાંધકામ સ્થળોએથી ફેલાતી ધૂળને લઈને નારાજગીઅદાલતે બાંધકામ સ્થળોએથી ફેલાતી ધૂળને નિયંત્રિત કરવા માટે પૂરતાં પગલાં લેવામાં ન આવતાં હોવા અંગે પણ સવાલો ઉઠાવ્યા હતા. ન્યાયમૂર્તિ કુલકર્ણીએ કહ્યું કે બાંધકામની પ્રવૃત્તિઓ પ્રદૂષણનું એક મોટું કારણ છે. નિયમોનું ઉલ્લંઘન કરતા બાંધકામ કરનારાઓ પર દંડ ફટકારવો જોઈએ.ન્યાયમૂર્તિ નીલા ગોખલેએ પણ કહ્યું કે શહેરના પ્રમાણમાં સ્વચ્છ વિસ્તારોમાં પ્રદૂષણનાં આંકડા સારા હોવાને કારણે વધુ વાહનવ્યવહાર અને ગીચ વસ્તી ધરાવતા વિસ્તારોમાં હવાની ખરાબ ગુણવત્તાને અવગણી શકાય નહીં.દૃશ્યતા 500 મીટરથી પણ ઓછી થઈ ગઈ હતીસુનાવણી દરમિયાન બોમ્બે હાઈકોર્ટે મંગળવારે ધુમ્મસ અને ધુમાડાના ગાઢ પડને કારણે મુંબઈમાં દૃશ્યતા 500 મીટરથી પણ ઓછી થઈ જવા અંગે ચિંતા વ્યક્ત કરી હતી.ન્યાયમૂર્તિ કુલકર્ણીએ કહ્યું કે મુંબઈની નજીક સમુદ્રકિનારો હોવા અને દરિયાઈ પવનો ફૂંકાતા હોવા છતાં શહેર ગંભીર પ્રદૂષણનો સામનો કરી રહ્યું છે.અદાલતે અધિકારીઓને સૂચન કર્યું હતું કે પ્રદૂષણની હાનિકારક અસરો વિશે લોકોને જાગૃત કરવા માટે સમાચાર માધ્યમો, સામાજિક માધ્યમો અને ફિલ્મી હસ્તીઓની મદદથી અભિયાન ચલાવવામાં આવે.બોમ્બે હાઈકોર્ટે કહ્યું કે ધ્વનિ પ્રદૂષણ અને ફટાકડાથી થતા નુકસાનને લઈને લોકોની વર્તણૂકમાં ફેરફાર લાવવો જરૂરી છે. અદાલતે એવી ટકોર પણ કરી હતી કે લોકોને ઘરની બહાર નીકળતાં પહેલાં હવા ગુણવત્તા સૂચકાંક (AQI) તપાસવાની ફરજ પડવી ન જોઈએ.પ્રદૂષણને કાબૂમાં લેવા માટે વહીવટીતંત્રે કડક પગલાં ભરવાની સાથે લોકોની ભાગીદારી પણ સુનિશ્ચિત કરવી પડશે.

Read Full Story arrow_forward
AI થી બનાવ્યો હતો વિધાનસભા ભવનને ઉડાવવાનો વીડિયો, હવે બેંગલુરુ પોલીસે કરી બિહારના યુવકની ધરપકડ
calendar_today October 22, 2026

AI થી બનાવ્યો હતો વિધાનસભા ભવનને ઉડાવવાનો વીડિયો, હવે બેંગલુરુ પોલીસે કરી બિહારના યુવકની ધરપકડ

બેંગલુરુમાં સોશિયલ મીડિયા પર એક વીડિયો વાયરલ થયો છે, જેમાં એક યુવક AIની મદદથી વિધાનસભા ભવન વિધાન સૌધાને ઉડાવી દેતો જોવા મળે છે. જે બાદ કર્ણાટક પોલીસ તરત જ સક્રિય થઈ ગઈ અને યુવકની માહિતી એકઠી કરી. પોલીસે હઝરત અલી નામના 25 વર્ષીય યુવકની ધરપકડ કરી છે, જે મૂળ બિહારના અરરિયા જિલ્લાનો છે અને મજૂર તરીકે બેંગલુરુ આવ્યો હતો, તે અહીં પાઈપ ફિટિંગનું કામ કરતો હતો. હાલમાં પોલીસ તેની પૂછપરછમાં વ્યસ્ત છે કે તેણે આ વીડિયો કેમ બનાવ્યો અને તેનો હેતુ શું હતો.શું છે બેંગલુરુનો આખો મામલો?ખરેખર, ઇન્સ્ટાગ્રામ પર 'Jnx king Hg' એકાઉન્ટ પરથી સોશિયલ મીડિયા પર એક વીડિયો પોસ્ટ કરવામાં આવ્યો હતો. જેમાં જોઈ શકાય છે કે એક યુવક બંદૂકનું ટ્રિગર દબાવવાની નકલ કરે છે અને તે પછી તરત જ જોરદાર વિસ્ફોટ થાય છે, જેમાં કર્ણાટકની ઐતિહાસિક વિધાનસભા ઈમારત સંપૂર્ણપણે નાશ પામેલી જોવા મળે છે. રાજધાની બેંગલુરુની સૌથી સુરક્ષિત ઈમારતોમાં તેનો સમાવેશ થાય છે, જેની સુરક્ષા પણ કડક છે. જોકે આ વીડિયો AIની મદદથી અપલોડ કરવામાં આવ્યો હતો. આ વીડિયો સોશિયલ મીડિયા પર વાયરલ થતાની સાથે જ પોલીસ તાત્કાલિક સક્રિય થઈ ગઈ હતી. વીડિયો વાયરલ થયા બાદ લોકોએ તાત્કાલિક કડક કાર્યવાહીની માંગ કરી છે.બેંગલુરુ પોલીસે તરત જ સ્પષ્ટતા કરીબેંગલુરુ પોલીસે આ કેસ નોંધ્યો અને તરત જ સ્પષ્ટતા જારી કરી કે ખરેખર કોઈ વિસ્ફોટ થયો ન હતો અને આ વીડિયો આર્ટિફિશિયલ ઈન્ટેલિજન્સ (AI) દ્વારા બનાવવામાં આવ્યો હતો. પોલીસના સાયબર સેલની મદદથી આરોપીનું હાલનું લોકેશન ટ્રેસ કરીને હઝરત અલી નામના યુવકને કસ્ટડીમાં લેવામાં આવ્યો હતો. તે જ ઇન્સ્ટાગ્રામ એકાઉન્ટ જેમાંથી આ વીડિયો શેર કરવામાં આવ્યો હતો. તે એકાઉન્ટ પણ પ્લેટફોર્મ પરથી હટાવી દેવામાં આવ્યું છે.હાલમાં બેંગલુરુ પોલીસ આરોપીની અટકાયત કરી રહી છે અને તેની સઘન પૂછપરછ કરી રહી છે, પોલીસનો મુખ્ય ઉદ્દેશ્ય એ જાણવાનો છે કે તેણે આ વીડિયો કેમ બનાવ્યો હતો. વિધાન સૌધા એ ઉચ્ચ સુરક્ષાવાળી સરકારી ઇમારત છે, જેમાં કર્ણાટકની વિધાનસભા છે. અધિકારીઓએ ચેતવણી આપી છે કે સંવેદનશીલ વિસ્તારો પર હુમલા દર્શાવતા નકલી વીડિયો બનાવવા અને ફેલાવવાથી લોકોમાં ગભરાટ પેદા થઈ શકે છે અને સુરક્ષાની ચિંતા વધી શકે છે. પોલીસે ચેતવણી પણ આપી છે કે AIનો દુરુપયોગ ધમકીભર્યા કે ભ્રામક સામગ્રી બનાવવા અને ફેલાવવા માટે કરવામાં આવશે નહીં. અન્યથા પોલીસ આવા કેસમાં કડક કાર્યવાહી કરશે.આ પણ વાંચો: Daler Mehndi: વિવાદ વકર્યો એટલે CM ધામીએ કહ્યું - દલેર મહેંદી અને મીકા બન્ને સાથે કરીશ વાત

Read Full Story arrow_forward