Surat Crime News: ઉનમાં બે સગા ભાઈ પર હુમલો, એકનું મોત
સુરત શહેરમાં ગુનાખોરીનું પ્રમાણ સતત વધી રહ્યું છે. જે કારણે ડાયમંડ સિટી હવે ક્રાઇમ સિટી બની રહ્યું હોય તેવું જણાઈ રહ્યું છે. આવામાં વધુ એક હુમલા અને હત્યાની ઘટના સામે આવતા સમગ્ર પંથકમાં અરેરાટી વ્યાપી ગઈ છે. બે સગા ભાઈઓ પર અજાણ્યા લોકો પર ચપ્પુથી હુમલો કરવામાં આવ્યો હતો. આ હુમલામાં એક ભાઈનું મોત નીપજ્યું છે. જ્યારે બીજા ભાઈની હાલત ગંભીર છે.શું છે સમગ્ર ઘટના? ઘટનાની મળતી માહિતી અનુસાર, સુરત શહેરમાં આવેલા ઉન વિસ્તારમાં ચપ્પુના ઘા ઝીંકી એક યુવકની હત્યા કરી દેવામાં આવી છે. આ સાથે તેના ભાઈ પણ હુમલો કરવામાં આવ્યો હતો, જે કારણે તે ગંભીર રીતે ઘાયલ થયો હતો. જે બાદ તેને સારવાર અર્થે હોસ્પિટલ ખસેડવામાં આવ્યો હતો. જૂની અદાવતમાં અજાણ્યા લોકો દ્વારા બે સગા ભાઈઓ પર ચપ્પુ વડે હુમલો કરવામાં આવ્યો હતો. જેમાં ઝાફર અલીનું મોત થયું છે. પોલીસે આ મામલે હત્યાનો ગુનો નોંધી તપાસ હાથ ધરી છે.ત્રણ દિવસમાં આ ત્રીજી હત્યાની ઘટના સુરત શહેરમાં ત્રણ દિવસમાં આ ત્રીજી હત્યાની ઘટના છે. જેમાં આજે ઉન નવાબ રેસીડેન્સી નજીક અજાણ્યા શખ્સોએ આ હુમલાની ઘટનાને અંજામ આપ્યો હતો. જૂની અદાવતમાં આ હુમલો કરવામાં આવ્યો અનુમાન લગાવવામાં આવી રહ્યું છે. આ ઘટનાની જાણ થતા ભેસ્તાન પોલીસ ઘટના સ્થળે પહોંચી હતી. પોલીસે આ મામલે આ હત્યાનો ગુનો નોંધી હુમલાખોરોને ઝડપી લેવા ચક્રો ગતિમાન કર્યા છે. આ પણ વાંચો - Surat: ધર્માંતરણના મોટા રેકેટમાં મહિલા શિક્ષકની ધરપકડ, શિક્ષકો જ મોટા પાયે સંડોવાયેલા હોવાનો પોલીસ તપાસમાં ઘટસ્ફોટ
Read Full Story arrow_forward
