android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Sonia Gandhi Autobiography: સોનિયા ગાંધીનું ઇન્સ્ટાગ્રામ પર ડેબ્યૂ.. શેર કરી આત્મકથા ‘બિલોન્ગિંગ: અ જર્ની ઓફ લવ’ની ઝલક
calendar_today October 22, 2026

Sonia Gandhi Autobiography: સોનિયા ગાંધીનું ઇન્સ્ટાગ્રામ પર ડેબ્યૂ.. શેર કરી આત્મકથા ‘બિલોન્ગિંગ: અ જર્ની ઓફ લવ’ની ઝલક

CPP ચેરપર્સન સોનિયા ગાંધી પણ હવે સોશિયલ મીડિયા સાઈટ ઈન્સ્ટાગ્રામ પર પહેલીવાર જોવા મળ્યા છે. . આજે તેમણે તેમની આત્મકથા ' બિલોન્ગિંગ'નો ફર્સ્ટ લુક રિલીઝ કર્યો છે. તેમણે ઇન્સ્ટા પોસ્ટમાં લખ્યું કે હું ક્ષણ તમારા બધા સાથે શેર કરવા માટે હું ખરેખર આભારી છું.  આ સાથે જ તેમણે શેર કરેલા વીડિયોમાં બુકના પાના ખોલતા જોવા મળી રહ્યા છે અને કહી રહ્યા છે, પ્રિયંકા ગાંધીના બહુ બધ ફોટો છે. સોનિયા ગાંધીની આત્મકથાનો ફર્સ્ટ લુક જાહેર આ  પુસ્તકમાં સોનિયા ગાંધીએ ઇટાલીમાં તેમના બાળપણથી લઈને કેમ્બ્રિજમાં રાજીવ ગાંધીને મળવા, ભારત આવવા, ઈન્દિરા ગાંધીના પરિવાર સાથે જોડાવાના અને પરિવારમાં થયેલી દુ:ખદ ખોટના અનુભવો શેર કર્યા છે. ભારત પ્રત્યેના પ્રેમ, ખોટ અને સંબંધની લાગણીઓને ધ્યાનમાં રાખીને લખાયેલી આ આત્મકથા વાચકોને તેમના અંગત અને જાહેર જીવનની અનોખી ઝલક આપશે. શેર કર્યો વીડિયો સોનિયા ગાંધીએ વીડિયોના કેપ્શનમાં લખ્યું છે, "બધાને નમસ્તે, હું 'બિલોંગિંગ: અ જર્ની ઓફ લવ' ની પહેલી ઝલક તમારા બધા સાથે શેર કરવા બદલ ખૂબ આભારી છું. તે પ્રેમ, જવાબદારી, અલગ થવાની પીડા અને પોતાનું સ્થાન શોધવાની વાર્તા છે. હું તેને તમારા બધા સાથે શેર કરવા માટે આતુર છું." વીડિયોમાં સોનિયા ગાંધીને પુસ્તકના પ્રકાશક હાર્પરકોલિન્સ દ્વારા પુસ્તકની ત્રણ નકલો ભેટમાં આપવામાં આવી છે. સોનિયા ગાંધી પુસ્તક માટે તેમનો આભાર માને છે અને પછી પાનાઓ ખોલવાનું શરૂ કરે છે. પહેલા ટીઝરમાં શું ખુલાસો થયો હતો?અગાઉ પુસ્તકનું ટીઝર રિલીઝ કરવામાં આવ્યું હતું, જેમાં સોનિયા ગાંધીના જીવન અને ગાંધી પરિવારની અંદરની તેમની સફરની ઝલક આપવામાં આવી હતી. ટીઝરમાં સમજાવવામાં આવ્યું હતું કે સોનિયા મૈનો 18 વર્ષની ઉંમરે કેમ્બ્રિજમાં રાજીવ ગાંધીને મળી હતી. ત્રણ વર્ષ પછી, 21 વર્ષની ઉંમરે, તે તેમની સાથે લગ્ન કરવા ભારત આવી હતી.ટીઝરમાં જણાવાયું હતું કે સોનિયાએ ફક્ત તેના લગ્નના દિવસે જ નહીં, પરંતુ તે પછીના દરેક દિવસે આ પરિવારનો ભાગ બનવાનું નક્કી કર્યું. તેણીએ પોતાનો પરિવાર સ્થાપિત કર્યો. બે બાળકોનો ઉછેર કર્યો અને ભારતને પોતાનું ઘર બનાવ્યું. પછી તેણીએ એક એવી દુર્ઘટનાનો સામનો કર્યો જેની કોઈએ તૈયારી કરી ન હતી.21 વર્ષની ઉંમરે, તેણીએ એવી જવાબદારીઓ સ્વીકારી જેની તેણીએ ક્યારેય કલ્પના પણ નહોતી કરી. ટીઝરનો સંદેશ એ હતો કે પ્રેમથી શરૂ થયેલી આ સફર ધીમે ધીમે એક પરિવાર અને પછી સમગ્ર રાષ્ટ્ર સાથેના જોડાણની વાર્તા બની.આ પણ વાંચો: Sanwaliya Seth: 23 કરોડ રોકડ, 92 કિલો સોનું ચાંદી અને..સાંવરિયા શેઠ મંદિરનો ખૂલ્યો ભંડાર

Read Full Story arrow_forward
Amit Shah: વોટ ચોરીના આરોપ પર અમિત શાહનો વળતો જવાબ, કહ્યું - રાહુલના આરોપ જુઠ્ઠા
calendar_today October 22, 2026

Amit Shah: વોટ ચોરીના આરોપ પર અમિત શાહનો વળતો જવાબ, કહ્યું - રાહુલના આરોપ જુઠ્ઠા

દિલ્હીમાં યમુના નદીની સફાઈ માટે સરકારે એક મોટી યોજના તૈયાર કરી છે. ગુરુવારે, કેન્દ્રીય ગૃહમંત્રી અમિત શાહ યમુનાની સફાઈ સંબંધિત 43 પરિયોજનાઓનું ઉદ્ઘાટન કરી અને તેનો શિલાન્યાસ કર્યો છે. આ તમામ પરિયોજનાઓ આગામી બે થી અઢી વર્ષમાં પૂર્ણ થવાની અપેક્ષા છે, જેના પછી યમુનામાં કોઈ પણ પ્રકારનું પ્રક્રિયા વગરનું (અનટ્રીટેડ) ગંદુ પાણી વહેશે નહીં. તેનો ઉદ્દેશ્ય નદીને સંપૂર્ણપણે સ્વચ્છ કરવાનો છે. તેનો કુલ ખર્ચ ₹8941 કરોડ છે.આ પરિયોજનાઓમાં એક નવો સુએજ ટ્રીટમેન્ટ પ્લાન્ટ (STP), અનેક વિકેન્દ્રિત સુએજ ટ્રીટમેન્ટ પ્લાન્ટ્સ (DSTPs) અને નવી સીવર લાઈનોનો સમાવેશ થાય છે. આ કામગીરીની શરૂઆત નજફગઢ વિસ્તારથી થશે. અમિત શાહે વિપક્ષ પર આકરા પ્રહાર કર્યા છે. અમિત શાહે પ્રતિક્રિયા આપતા કહ્યું છે કે, વિપક્ષે યમુનામાં ગટરનું પાણી છોડ્યું. અમે તેને 2029 પહેલા શુદ્ધ કરીશું. હાલ યમુના શુદ્ધિકરણ માટે કામ ચાલી રહ્યું છે. યમુનાને શુદ્ધ કરવાનો સંકલ્પ છે.  =આ દરમિયાન અમિત શાહે રાહુલ ગાંધી પર આકરા પ્રહાર કર્યા છે. તેમણે કહ્યું કે કોંગ્રેસ ઘુસણખોરોને બચાવે છે. તેમજ સવાલ ઉઠાવતા કહ્યું કે રાહુલ ગાંધી દેશવિરોધી લોકોને કેમ મળે છે? આ સિવાય અમિત શાહે કહ્યું છે કે, કોંગ્રેસ વોટચોરીના ખોટા આરોપો લગાવે છે. તમારો પક્ષ આગામી ૩૦ વર્ષ સુધી સરકાર નહીં રચી શકે – અમિત શાહઅમિત શાહે વધુમાં કહ્યું, "જુઓ! મારો જન્મ અહીં થયો છે, હું અહીં રહું છું અને હું અહીં જ મૃત્યુ પામીશ. મારે દર છ મહિને વિદેશ જવાની જરૂર પડતી નથી; હું આ દેશના લોકોની વચ્ચે રહેવાનું પસંદ કરું છું. તમે જે નકારાત્મક રાજકારણ કરી રહ્યા છો તે જોતાં, હું ચોક્કસપણે કહી શકું છું કે તમારો પક્ષ આગામી 30 વર્ષ સુધી સરકાર નહીં રચી શકે. મારી આ વાત યાદ રાખજો."તેમણે ઉમેર્યું, "કેરળમાં તાજેતરમાં યોજાયેલી ચૂંટણીઓ જુઓ તે જ મતદાર યાદીઓ, તે જ ચૂંટણી કમિશનરો, તે જ ઈવીએમ (EVMs) છતાં તમે ચૂંટણી જીતીને હોદ્દાના શપથ લીધા; ત્યારે અચાનક ચૂંટણી પંચ 'સારું' થઈ ગયું. તમે તેલંગાણામાં જીત્યા ત્યારે પણ ચૂંટણી પંચ 'સારું' જ હતું."તેમણે કહ્યું, "આજે, આ મંચ પરથી, હું કોંગ્રેસ પક્ષ અને તેના સાથી પક્ષોને કહેવા માંગુ છું: ક્યારેક તમે EVMને બહાનું બનાવો છો, તો ક્યારેક તમે એવો દાવો કરો છો કે મતો ચોરાઈ ગયા છે. પરંતુ હું તમને જણાવી દઉં કે, કેન્દ્રમાં મોદીના નેતૃત્વવાળી ભારતીય જનતા પાર્ટીની સરકાર સત્તામાં આવી તે પહેલાં પણ, તમે ઘણા રાજ્યોમાં ચૂંટણી જીતવામાં નિષ્ફળ રહ્યા હતા.""ગુજરાતમાં તમે 41 વર્ષથી સરકાર બનાવી નથી. ત્યાં તમે એક પણ ચૂંટણી જીત્યા નથી. ઉત્તર પ્રદેશમાં 41 વર્ષથી, બંગાળમાં 54  વર્ષથી અને તમિલનાડુમાં 64 વર્ષથી તમે કોઈ ચૂંટણી જીત્યા નથી. રાજસ્થાન અને મધ્ય પ્રદેશમાં, તમે 28 વર્ષથી સ્પષ્ટ બહુમતી સાથે સરકાર બનાવી શક્યા નથી. આ ઉપરાંત, અરુણાચલ પ્રદેશમાં 2 વર્ષથી, મિઝોરમમાં 13 વર્ષથી, મણિપુરમાં 14 વર્ષથી, દિલ્હીમાં 18  વર્ષથી અને આસામમાં 12 વર્ષથી તમે ચૂંટાઈ આવ્યા નથી. શું આ બધું વડાપ્રધાન મોદીના આવ્યા પછી જ શરૂ થયું છે? અને જ્યારે હું એમ કહું છું કે ભારતીય જનતા પાર્ટી 30 વર્ષ સુધી સત્તામાં રહેશે, ત્યારે તેઓ જનતાને કહે છે કે આ તો 'મતોની ચોરી'નો મામલો છે. જાણે કે અમિત શાહને આ વાત જાણવાનો બીજો કોઈ રસ્તો જ ન હોય!"આ પણ વાંચો: India: લાદેનની જેમ દાઉદ પણ પાકિસ્તાનમાં જ છે', ભારતે UNની કાઢી ઝાટકણી

Read Full Story arrow_forward
Delhi: મને તારા પર ગર્વ.. રેહાન વાડ્રાની 74 તસવીરો પ્રદર્શનીમાંથી હટાવાતા ભડક્યા પ્રિયંકા ગાંધી, જાણો વિવાદ
calendar_today October 22, 2026

Delhi: મને તારા પર ગર્વ.. રેહાન વાડ્રાની 74 તસવીરો પ્રદર્શનીમાંથી હટાવાતા ભડક્યા પ્રિયંકા ગાંધી, જાણો વિવાદ

કોંગ્રેસ નેતા પ્રિયંકા ગાંધી વાડ્રાના પુત્ર રેહાન વાડ્રા દ્વારા દિલ્હીમાં આયોજિત ફોટો પ્રદર્શનને લઈને વિવાદ સર્જાયો છે. રેહાને આરોપ લગાવ્યો છે કે દિલ્હીમાં આવેલા 'બીકાનેર હાઉસ'ના સંચાલકોએ તેમને પ્રદર્શનમાંથી અમુક તસવીરો હટાવવા કહ્યું હતું. જેમાં ભારતીય ત્રિરંગાની તસવીરોનો પણ સમાવેશ થાય છે. પુત્ર રેહાન વાડ્રાના ફોટો એક્ઝિબિશનને લઇને વિવાદ સંચાલકોએ આ તસવીરોને "વાંધાજનક" ગણાવી હતી કારણ કે તેમાં દિલ્હીમાં થયેલા વિરોધ પ્રદર્શનોના દ્રશ્યો હતા. આ વિવાદ વચ્ચે પ્રિયંકા ગાંધીએ સોશિયલ મીડિયા પ્લેટફોર્મ 'X' પર પોસ્ટ કરીને પોતાના પુત્રને સમર્થન આપ્યું છે.પ્રિયંકા ગાંધીએ લખ્યું કે જ્યારે સત્તામાં રહેલી વ્યક્તિ અન્ય કોઈની અભિવ્યક્તિથી ડરવા લાગે છે, ત્યારે તેઓ એ સમજવામાં નિષ્ફળ જાય છે કે જે સત્તાને તેઓ બચાવવાનો પ્રયાસ કરી રહ્યા છે તે તો તેઓ પહેલેથી જ ગુમાવી ચૂક્યા છે. તું સત્યની સાથે ઊભો રહે, અને જે કંઈ પણ સુંદર છે તે પોતાનો રસ્તો શોધી જ લેશે. મને તારા પર ગર્વ છે, અને હંમેશા રહેશે."આ પહેલાં, રેહાનના પિતા અને ઉદ્યોગપતિ રોબર્ટ વાડ્રાએ પણ પોતાના પુત્રની પોસ્ટ શેર કરી હતી. આ દરમિયાન કોંગ્રેસના રાજ્યસભા સાંસદ પવન ખેડાએ આ મુદ્દે સરકાર પર નિશાન સાધતા કહ્યું કે જો સેન્સરશિપથી ત્રિરંગો પણ સુરક્ષિત ન હોય, તો સમસ્યા કળામાં નથી, પરંતુ વ્યવસ્થામાં જ છે. ખેડાના જણાવ્યા અનુસાર, પ્રદર્શનમાંથી લગભગ 74 કલાકૃતિઓ હટાવી દેવામાં આવી હતી, જેમાંથી અડધા જેટલી કૃતિઓને "રાજકીય" ગણાવવામાં આવી હતી.શું છે સમગ્ર વિવાદ ? બુધવારે, રેહાન વાડ્રાએ આક્ષેપ કર્યો હતો કે 'નો આઈડિયા ઈઝ ફાઈનલ' (No Idea Is Final) નામના તેમના પ્રદર્શનમાં મૂકવામાં આવેલા ફોટોગ્રાફ્સ જેમાં દિલ્હીમાં યુવા પ્રદર્શનકારીઓને દર્શાવવામાં આવ્યા હતા તેના પર બિકાનેર હાઉસના મેનેજમેન્ટે વાંધો ઉઠાવ્યો હતો. તેમણે વધુમાં દાવો કર્યો હતો કે તેમને એવા બે ફોટોગ્રાફ્સ હટાવવાનું કહેવામાં આવ્યું હતું જેમાં ત્રિરંગો (ભારતીય રાષ્ટ્રધ્વજ) દેખાતો હતો. =રેહાનના જણાવ્યા અનુસાર, તેમણે રાષ્ટ્રધ્વજવાળા ફોટોગ્રાફ્સ હટાવવાનો ઇનકાર કરી દીધો હતો. પરિણામે, હાલ પૂરતું આ પ્રદર્શન મર્યાદિત સ્વરૂપે યોજવાનો નિર્ણય લેવામાં આવ્યો છે, જ્યારે વિરોધ પ્રદર્શનો સાથે સંબંધિત ફોટોગ્રાફ્સના સંપૂર્ણ સંગ્રહને પ્રદર્શિત કરવા માટે અન્ય કોઈ વૈકલ્પિક સ્થળ શોધવામાં આવી રહ્યું છે.'નો આઈડિયા ઈઝ ફાઈનલ' પ્રદર્શન 22 ઓક્ટોબરે સાંજે 7 વાગ્યે શરૂ થવાનું હતું. નોંધનીય છે કે, ઉપલબ્ધ માહિતીમાં ફોટોગ્રાફ્સ અંગે વાંધો ઉઠાવવાના આક્ષેપો પર બિકાનેર હાઉસના મેનેજમેન્ટનો પક્ષ કે દ્રષ્ટિકોણ સામેલ નથી.રેહાન વાડ્રા કોણ છે?રેહાન રાજીવ વાડ્રા એ કોંગ્રેસ નેતા પ્રિયંકા ગાંધી વાડ્રા અને ઉદ્યોગપતિ રોબર્ટ વાડ્રાના પુત્ર છે. 25 વર્ષીય રેહાને રાજકારણને બદલે ફોટોગ્રાફી અને વિઝ્યુઅલ આર્ટ્સ (દ્રશ્ય કળા)ની દુનિયામાં પોતાની આગવી ઓળખ બનાવવાનું પસંદ કર્યું છે.રેહાનને બાળપણથી જ ફોટોગ્રાફીમાં રસ હતો. એવું કહેવાય છે કે જ્યારે તેઓ સાત વર્ષના હતા, ત્યારે પ્રિયંકા ગાંધીએ તેમને કૌટુંબિક પ્રવાસો દરમિયાન ઉપયોગ કરવા માટે એક કેમેરો આપ્યો હતો. વન્યજીવન અને જંગલોની તસવીરો લેવાની શરૂઆત સાથે આ કળામાં તેમનો રસ વધતો ગયો.  તેમણે ઉત્તરાખંડમાં જિમ કોર્બેટ નેશનલ પાર્ક અને રાજસ્થાનમાં રણથંભોર નેશનલ પાર્કની મુલાકાત દરમિયાન પણ ફોટોગ્રાફ્સ લીધા હતા.વર્ષ 2017માં, શાળાના અભ્યાસના છેલ્લા વર્ષ દરમિયાન, ક્રિકેટ રમતી વખતે થયેલી ઈજાને કારણે રેહાને તેમની ડાબી આંખની દ્રષ્ટિ ગુમાવી દીધી હતી. આ ઈજાને કારણે તેમણે લગભગ બે વર્ષ સુધી ફોટોગ્રાફીથી દૂર રહેવું પડ્યું હતું, જોકે બાદમાં તેમણે ફરીથી આ ક્ષેત્રમાં વાપસી કરી હતી.

Read Full Story arrow_forward