Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Godhara: પરવડી બાયપાસ પર કાળમુખો ટ્રક બે મકાનોમાં ઘૂસ્યો, દિવાલો ધરાશાયી થતા મોટું નુકસાન

પંચમહાલ જિલ્લાના ગોધરા શહેરના પરવડી બાયપાસ રોડ પર આજે એક ભયાનક અકસ્માત સર્જાયો હતો. સિમેન્ટ ભરેલો એક બેકાબૂ ટ્રક રોડ સાઈડમાં આવેલા બે રહેણાંક મકાનોમાં ધડાકાભેર ઘૂસી જતાં મકાનોના સ્ટ્રક્ચરને ભારે નુકસાન પહોંચ્યું હતું. સદનસીબે આ અકસ્માતમાં જાનહાનિ ટળી છે.પૂરપાટ ઝડપે આવતી ટ્રકે સર્જ્યો આતંકમળતી માહિતી મુજબ, સિમેન્ટનો જથ્થો ભરીને પૂરપાટ ઝડપે આવી રહેલા ટ્રકના ચાલકે સ્ટેયરિંગ પરનો કાબૂ ગુમાવી દીધો હતો. જેના કારણે ટ્રક રોડ પરથી નીચે ઉતરી ગઈ હતી અને સીધી જ બાજુમાં આવેલા બે મકાનો સાથે અથડાઈ હતી. અકસ્માત એટલો પ્રચંડ હતો કે એક મકાનની દિવાલો અને ઉપરના પતરાં તૂટીને વેરવિખેર થઈ ગયા હતા. ધડાકાનો અવાજ સાંભળીને આસપાસના લોકો તાત્કાલિક ઘટનાસ્થળે દોડી આવ્યા હતા.અકસ્માત ઝોન બનેલો પરવડી બાયપાસઘટના સમયે મકાનમાં સભ્યો હાજર હોવા છતાં, કોઈને ગંભીર ઈજા કે જાનહાનિ થઈ નથી, જે એક ચમત્કાર માનવામાં આવે છે. જોકે, મકાન માલિકોને આર્થિક રીતે મોટું નુકસાન વેઠવાનો વારો આવ્યો છે. ટ્રકની ટક્કરથી મકાનોના પાયા અને દિવાલોમાં તિરાડો પડી ગઈ છે. સ્થાનિક રહીશોમાં આ ઘટનાને પગલે ભારે રોષ અને ચિંતા જોવા મળી રહી છે. લોકોનું કહેવું છે કે પરવડી બાયપાસ રોડ હવે 'ડેથ ઝોન' સમાન બની રહ્યો છે. અહીં અવારનવાર ભારે વાહનોના ચાલકો કાબૂ ગુમાવે છે અને અકસ્માતો સર્જાય છે. સ્થાનિકોએ અહીં સ્પીડ બ્રેકર મૂકવા અથવા ટ્રાફિકનું યોગ્ય નિયમન કરવા માટે તંત્ર સમક્ષ માંગ કરી છે.આ પણ વાંચો: ઉત્તરાયણ પૂર્વે પોલીસનો સપાટો, ટીમ્બા મહોલ્લામાંથી 36,000ની પ્રતિબંધિત ચાઈનીઝ દોરી ઝડપાઈ

Read Full Story arrow_forward

calendar_today January 1, 2026

Sabarkantha: ઈડરમા પ્રસૂતાની 108 એમ્બ્યુલન્સમાં સફળ પ્રસૂતિ, માતા અને શિશુનો જીવ બચાવ્યો

કહેવાય છે કે ‘સેવા એ જ પરમો ધર્મ’ અને આ ઉક્તિને ફરી એકવાર સાર્થક કરી બતાવી છે EMRI ગ્રીન હેલ્થ સર્વિસ ૧૦૮ની ટીમે. સાબરકાંઠા જિલ્લાના ઇડર તાલુકામાં ૧૦૮ની ટીમે સમયસૂચકતા અને કુશળતા દાખવી રસ્તામાં જ પ્રસૂતિ કરાવી માતા અને નવજાત શિશુનો જીવ બચાવ્યો છે. ૧૦૮ની ટીમ ગણતરીની મિનિટોમાં ઘટનાસ્થળે પહોંચી ગઈ ઇડર તાલુકાના રૂદરડી ગામના રહેવાસી અલકાબેન ગમારને અચાનક પ્રસૂતિની પીડા ઉપડતા પરિવાર દ્વારા તાત્કાલિક ૧૦૮નો સંપર્ક કરવામાં આવ્યો હતો. સંદેશ મળતાની સાથે જ ૧૦૮ની ટીમ ગણતરીની મિનિટોમાં ઘટનાસ્થળે પહોંચી ગઈ હતી.૧૦૮ એમ્બ્યુલન્સના EMT પંકજ પરમાર અને પાયલોટ શિવરામ સુતરિયા દર્દીને હોસ્પિટલ લઈ જઈ રહ્યા હતા પરંતુ રસ્તામાં જ પ્રસૂતિની પીડા અસહ્ય બની ગઈ હતી.સ્થિતિની ગંભીરતાને સમજીને,૧૦૮ની ટીમે એમ્બ્યુલન્સમાં જ પ્રસૂતિ કરાવવાનો નિર્ણય લીધો હતો. ૧૦૮ ખરેખર નવજીવનનો પર્યાય સાબિત થઈ છે ૧૦૮માં ઉપલબ્ધ આધુનિક સાધનસામગ્રીની મદદથી અને ERCP ડોક્ટરની સલાહ મુજબ સલામત રીતે પ્રસૂતિ કરાવવામાં આવી હતી. અલકાબેને સ્વસ્થ બાળકને જન્મ આપ્યો હતો. પ્રાથમિક સારવાર આપ્યા બાદ માતા અને બાળક બંનેને વધુ સારવાર અર્થે જનરલ હોસ્પિટલ ઇડર ખાતે લઈ જવામાં આવ્યા હતા. સમયસર મળેલી આ મદદથી શૈલેષભાઈ અને તેમના પરિવારે ૧૦૮ની સેવાની પ્રશંસા કરતા જણાવ્યું હતું કે,જો આજે ૧૦૮ની ટીમ સમયસર ન પહોંચી હોત અને કુશળતા ન દાખવી હોત તો મુશ્કેલી વધી શકી હોત. ૧૦૮ ખરેખર નવજીવનનો પર્યાય સાબિત થઈ છે. આ પણ વાંચોઃ Ahmedabad:શેરબજારમાં રોકાણના નામે ફ્રોડમાં EDની કાર્યવાહી, ગોલ્ડ અને સિલ્વર સહિત રોકડ જપ્ત કરાઈ

Read Full Story arrow_forward

calendar_today January 1, 2026

Mehsanaમાં ઉત્તરાયણ પૂર્વે સુરક્ષા અભિયાન: CM ભૂપેન્દ્ર પટેલે ટુ-વ્હીલર પર સેફ્ટી ગાર્ડ લગાવી વાહનચાલકોને સુરક્ષિત કર્યા

ઉત્તરાયણના પર્વમાં પતંગની દોરીથી વાહનચાલકોના ગળા કપાવવાની જીવલેણ ઘટનાઓ બનતી હોય છે. આ જોખમને ટાળવા માટે મહેસાણામાં રાજ્યસભા સાંસદ મયંકભાઈ નાયક દ્વારા એક વિશેષ 'સેફ્ટી ગાર્ડ' અભિયાન ચલાવવામાં આવી રહ્યું છે. આ પ્રેરણાદાયી અભિયાનમાં આજે રાજ્યના મુખ્યમંત્રી ભૂપેન્દ્ર પટેલે ખાસ હાજરી આપી હતી અને પોતે ટુ-વ્હીલર પર સેફ્ટી ગાર્ડ લગાવીને નાગરિકોની સુરક્ષાનો સંદેશ આપ્યો હતો.ઉત્તરાયણમાં સેફટી ગાર્ડ લગાવવાના અભિયાનમાં જોડાયારાજ્યસભા સાંસદ મયંકભાઈ નાયક દર વર્ષે ઉત્તરાયણ દરમિયાન વાહનચાલકોના બચાવ માટે આ ઝુંબેશ ચલાવે છે. આ અભિયાન હેઠળ ટુ-વ્હીલર પર આગળના ભાગે લોખંડના સેફ્ટી ગાર્ડ લગાવવામાં આવે છે, જે પતંગની કાતલ દોરીને વાહનચાલકના ગળા સુધી પહોંચતી અટકાવે છે. મુખ્યમંત્રી ભૂપેન્દ્ર પટેલે મહેસાણામાં જાતે ટુ-વ્હીલર પર સેફ્ટી ગાર્ડ ઇન્સ્ટોલ કરીને આ સુરક્ષા અભિયાનને વેગ આપ્યો હતો. તેમણે આ તકે જણાવ્યું હતું કે, તહેવારનો આનંદ ત્યારે જ જળવાય જ્યારે આપણે સાવચેતી રાખીએ. અભિયાન થકી વાહનચાલકને દોરીથી બચાવવાનો પ્રયાસસાંસદ દ્વારા કરવામાં આવેલો આ પ્રયાસ અનેક લોકોના જીવ બચાવવા માટે આશીર્વાદરૂપ સાબિત થશે. આ અભિયાન દ્વારા મહેસાણાના સેંકડો વાહનચાલકોને નિઃશુલ્ક સેફ્ટી ગાર્ડ પૂરા પાડવામાં આવી રહ્યા છે. સ્થાનિક લોકોએ પણ આ સુરક્ષા કવચને આવકાર્યું છે, જેથી ઉત્તરાયણના દિવસે રસ્તા પર અવરજવર કરતા સમયે અકસ્માતનો ભય ઓછો રહે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward