android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vadodara News : ગુજરાતમાં પ્રથમવાર પ્રયોગ સફળ, પોલીસની 'નવરાત્રી સુરક્ષા એપ'ને મળ્યો અદ્ભુત પ્રતિસાદ
calendar_today October 22, 2026

Vadodara News : ગુજરાતમાં પ્રથમવાર પ્રયોગ સફળ, પોલીસની 'નવરાત્રી સુરક્ષા એપ'ને મળ્યો અદ્ભુત પ્રતિસાદ

સંસ્કારી નગરી વડોદરામાં નવરાત્રી મહોત્સવ દરમિયાન ખેલૈયાઓ અને ખાસ કરીને મહિલાઓની સુરક્ષા જળવાઈ રહે તે માટે વડોદરા જિલ્લા પોલીસ દ્વારા એક નવીન પહેલ કરવામાં આવી હતી. ગુજરાતમાં પ્રથમવાર પોલીસ વિભાગ દ્વારા ખાસ સુરક્ષા માટે તૈયાર કરવામાં આવેલી 'નવરાત્રી સુરક્ષા એપ'ને નાગરિકો તરફથી ભારે સરાહનીય અને સારો પ્રતિસાદ સાંપડ્યો છે. ટેકનોલોજીના માધ્યમથી સુરક્ષા વ્યવસ્થાને વધુ મજબૂત બનાવવાના આ પ્રયોગથી નવરાત્રી દરમિયાન શાંતિપૂર્ણ વાતાવરણ જાળવવામાં મોટી સફળતા મળી છે.27 હજારથી વધુ ડાઉનલોડ્સ અને 600થી વધુ SOS એલર્ટ નોંધાયાઆ એપની લોકપ્રિયતા અને ઉપયોગિતાનો અંદાજ એ વાત પરથી લગાવી શકાય છે કે આખી નવરાત્રી દરમિયાન 27 હજારથી વધુ લોકોએ પોતાના સ્માર્ટફોનમાં આ સુરક્ષા એપ ડાઉનલોડ કરી હતી. આ ઉપરાંત, ઈમરજન્સીના સમયે પોલીસની મદદ મેળવવા માટે આપવામાં આવેલા SOS બટનનો ઉપયોગ કરીને 600થી વધુ એલર્ટ પોલિસ કંટ્રોલ રૂમ સુધી પહોંચ્યા હતા. પોલીસની કંટ્રોલ રૂમ ટીમ દ્વારા દરેક એલર્ટ પર તુરંત જ ત્વરિત પ્રતિસાદ આપવામાં આવ્યો હતો, જેથી નાગરિકોમાં સુરક્ષાનો વિશ્વાસ વધુ દ્રઢ બન્યો હતો.એપની કાર્યક્ષમતા ચકાસવા નાગરિકોએ દબાવ્યું SOS બટનમહત્વની વાત એ છે કે પોલીસ દ્વારા જ્યારે 600થી વધુ SOS એલર્ટનું વિશ્લેષણ કરવામાં આવ્યું ત્યારે જાણવા મળ્યું હતું કે તેમાં કોઈ મોટી કે ગંભીર અપ્રિય ઘટના બની નહોતી. મોટાભાગના નાગરિકો અને ખેલૈયાઓએ એપ ખરેખર કેટલી ઝડપથી કામ કરે છે અને પોલીસ કંટ્રોલ રૂમનો રિસ્પોન્સ ટાઈમ કેવો છે તે માત્ર ચકાસવા (ટેસ્ટિંગ કરવા) માટે જ આ SOS બટન દબાવ્યું હતું. વડોદરા જિલ્લા પોલીસની આ સફળ પહેલની હવે સમગ્ર રાજ્યમાં પ્રશંસા થઈ રહી છે.આ પણ વાંચો : Ahmedabad News : ચાલતી બસમાં ગર્ભવતી મહિલાને ઉપડી પ્રસૂતિની પીડા, 108ની ટીમ બની દેવદૂત, કઠલાલ હાઇવે પર કરાવી સફળ ડિલિવરી

Read Full Story arrow_forward
ChhotaUdepur News : પાલિકામાં નવા પ્રમુખની વરણીના 3 દિવસમાં ભાજપમાં ભડકો, કામગીરી સામે અસંતોષ ચરમસીમાએ
calendar_today October 22, 2026

ChhotaUdepur News : પાલિકામાં નવા પ્રમુખની વરણીના 3 દિવસમાં ભાજપમાં ભડકો, કામગીરી સામે અસંતોષ ચરમસીમાએ

 છોટાઉદેપુર નગરપાલિકાના વોર્ડ નંબર 4ની ખાલી પડેલી બેઠક પર યોજાયેલી પેટાચૂંટણીમાં ભારતીય જનતા પાર્ટીના મેન્ડેટ પર રજનીબેન રાઠવા વિજયી બન્યા હતા. આ ચૂંટણી પરિણામ બાદ નગરપાલિકાના સુકાની તરીકે રજનીબેન રાઠવાની વરણી કરવાનો નિર્ણય લેવામાં આવ્યો હતો અને ત્રણ દિવસ અગાઉ જ તેમને સર્વાનુમતે નગરપાલિકાના નવા પ્રમુખ બનાવવામાં આવ્યા હતા.જોકે પ્રમુખ પદની આ વરણીના ગણતરીના કલાકોમાં જ સંગઠન અને ચૂંટાયેલા પ્રતિનિધિઓમાં અંદરોઅંદર અસંતોષની જવાળાઓ ભભૂકી ઊઠી હતી. પાલિકાના કેટલાક સભ્યોમાં ભારે નારાજગી જોવા મળીરજનીબેન રાઠવા પ્રમુખ બનતાની સાથે જ ભાજપ શાસિત પાલિકાના કેટલાક સભ્યોમાં ભારે નારાજગી જોવા મળી હતી.ત્રણ દિવસ પહેલાં જે પ્રમુખને સર્વાનુમતે ટેકો આપીને સત્તા સોંપવામાં આવી હતી.તે જ પ્રમુખ સામે ખુલ્લો મોરચો મંડાતા સ્થાનિક શાસનમાં માથાકૂટ શરૂ થઈ છે.પક્ષના આંતરિક મતભેદો સપાટી પર આવતાં જ છોટાઉદેપુરના રાજકીય વર્તુળોમાં ભારે ચર્ચા જાગી છે.નવનિયુક્ત પ્રમુખની કામગીરી સામે અસંતોષ વ્યક્ત કરીને પાલિકાના 17 જેટલા સદસ્યોએ એકત્ર થઈને સીધો જ ચીફ ઓફિસરને સંબોધીને એક પત્ર સુપરત કર્યો છે.આ પત્રમાં સહી કરનારા સભ્યોનું સમીકરણ અત્યંત ચોંકાવનારું અને સૂચક બની રહ્યું છે.પત્રમાં ભારતીય જનતા પાર્ટીના પોતાના મેન્ડેટ પર ચૂંટાયેલા 6 સભ્યો,અગાઉ અન્ય પક્ષમાંથી ભાજપમાં ભળેલા 10 સભ્યો અને એક કોંગ્રેસના સભ્ય મળીને કુલ 17 સભ્યોએ સહી કરી છે. પાંચ જેટલા મહત્વના મુદ્દાઓનો સ્પષ્ટ ઉલ્લેખ ભાજપના પોતાના જ 6 સભ્યો તેમજ અન્ય પક્ષમાંથી પક્ષપલટો કરીને ભાજપમાં આવેલા 10 સભ્યો સાથે વિપક્ષ કોંગ્રેસના એક સભ્યનું આ સંયુક્ત જોડાણ પાલિકામાં શાસક પક્ષના આંતરિક વિખવાદની ગંભીરતા દર્શાવે છે.ચીફ ઓફિસરને સંબોધીને લખાયેલા આ પત્રથી પાલિકાનું શાસન બે જૂથો વચ્ચે સ્પષ્ટપણે વહેંચાઈ ગયું છે. પોતાના જ પક્ષના ચૂંટાયેલા સાથીઓ દ્વારા વિરોધનો સૂર ઉઠાવવામાં આવતાં શાસક જૂથમાં મોટો ભૂકંપ સર્જાયો છે. ચીફ ઓફિસરને આપવામાં આવેલા આ સહીવાળા પત્રમાં મુખ્યત્વે પાંચ જેટલા મહત્વના મુદ્દાઓનો સ્પષ્ટ ઉલ્લેખ કરવામાં આવ્યો છે. ભાજપમાં આંતરિક વિખવાદ ખુલ્લેઆમ ચર્ચાનો વિષયપત્રમાં કરવામાં આવેલી મુખ્ય રજૂઆત અનુસાર,બહુમતી સભ્યોની પૂર્વ મંજૂરી લીધા વગર નગરપાલિકાના કોઈપણ નાણાકીય બિલો મંજૂર કરવા નહીં તેવી કડક તાકીદ કરવામાં આવી છે.આ ઉપરાંત અગાઉ ભરતી કરવામાં આવેલા કર્મચારીઓને કોઈપણ સંજોગોમાં નોકરીમાંથી છૂટા નહીં કરવાનો મુદ્દો પણ પત્રમાં ભારપૂર્વક ઉઠાવાયો છે.વહીવટી અને નાણાકીય નિર્ણયોમાં મનસ્વી વલણ ન અપનાવવા બાબતે પાંચ મુદ્દા આધારિત આ પત્ર ચીફ ઓફિસરને અપાતાં જ સત્તાપક્ષના બે જૂથો વચ્ચેનો ઘર્ષણ ચરમસીમાએ પહોંચી ગયો છે.નવા પ્રમુખ બન્યાના માત્ર ત્રણ જ દિવસમાં શાસક પક્ષના સભ્યો વચ્ચે જન્મેલા આ તીવ્ર આંતરિક વિરોધના કારણે છોટાઉદેપુર નગરપાલિકાનું સમગ્ર રાજકારણ અત્યંત ગરમાઈ ગયું છે અને ભાજપમાં આંતરિક વિખવાદ ખુલ્લેઆમ ચર્ચાનો વિષય બન્યો છે.આ પણ વાંચોઃ Gandhinagar News: તલાટી અને નાયબ મામલતદારોની દિવાળી બગડશે, ગ્રામ પંચાયતોમાં ચૂંટણીની તૈયારી શરૂ

Read Full Story arrow_forward
હોર્મુઝમાં તેલ ટેન્કર પર મિસાઇલ હુમલો, વૈભવ સૂર્યવંશીના રમવા પર સસ્પેન્સ,શેરબજારમાં મોટો ઘટાડો સહિતના સમાચાર
calendar_today October 22, 2026

હોર્મુઝમાં તેલ ટેન્કર પર મિસાઇલ હુમલો, વૈભવ સૂર્યવંશીના રમવા પર સસ્પેન્સ,શેરબજારમાં મોટો ઘટાડો સહિતના સમાચાર

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર1. Gujarat News: મંજૂરી વિના સરકારી શાળામાં પ્રવેશ્યા તો થશે કાર્યવાહી, શિક્ષણ વિભાગે પરિપત્ર કર્યો જાહેર2. Ahmedabad News: ગટરમાં ગુમ થયેલી બાળકી હવે નહીં મળે, તંત્રએ શોધવાની તપાસ પૂર્ણ કરી ખાડો પૂરી દીધો3. IND vs NZ T20I: ભારત અને ન્યુઝીલેન્ડ વચ્ચે પ્રથમ T20 મેચ, વૈભવ સૂર્યવંશીના રમવા પર સસ્પેન્સ4. Gold Silver Price Today: અચાનક ચાંદી 5000 રૂપિયા સસ્તી.. સોનામાં પણ ભાવ ઘટ્યો, જાણો 10 ગ્રામનો રેટ5.  Asian Para Games 2026: ભારતીય પેરા તીરંદાજ શીતલ દેવી અને તોમન કુમારે ગોલ્ડ જીતી રચ્યો ઇતિહાસ6. Hormuz સ્ટ્રેટમાં કુવૈતી તેલ ટેન્કર પર જોરદાર મિસાઇલ હુમલો, જહાજ પર સવાર હતા 21 ભારતીયો7. Delhi CJP: સૌરવ દાસ અને આશુતોષ રાંકાની મુશ્કેલી વધી, ક્રાઇમ બ્રાંચમાં થવુ પડશે હાજર8.Kedarnath Dham માં આગામી 3 દિવસ બરફવર્ષાની ચેતવણી, વહીવટીતંત્રે જાહેર કરી માર્ગદર્શિકા9. Stock Market Opening: શેરબજારમાં મોટો ઘટાડો, 608.22 પોઇન્ટ તૂટ્યો સેન્સેક્સ, નિફ્ટી 22,581 અંકે ખૂલ્યો10. Gujarat Weather News: સૂકા પવનો ફૂંકાવાથી ગરમીની અસર વધી, જાણો તાપમાનનો પારો ક્યાં સુધી પહોંચશે

Read Full Story arrow_forward