Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Morbi: સરકારે નેચરલ ગેસમાં ભાવ ઘટાડો કરવા છતાં પણ મોરબીના સિરામિક ઉદ્યોગને લાભ નહિવત

ગુજરાત ગેસ દ્વારા સિરામિક ઉદ્યોગને આપવામાં આવતા પાઈપલાઇન નેચરલ ગેસના ભાવમાં રૂ.4.50નો ભાવ ઘટાડો કરતા મોરબી સિરામિક એસોસિયેશને આવકારી સરકારનો આભાર માન્યો છે. જોકે, હાલમાં ગુજરાત ગેસના ભાવમાં હજુ પણ અઢી રૂપિયા વધુ હોવાનું અને પાઈપલાઇન ગેસ સાથે પ્રોપેન ગેસમાં પણ ભાવ ઘટાડવામાં આવે તેવી માંગણી કરી હતી.મોરબી સિરામિક એસોશિયેશન પ્રમુખે જણાવ્યું કે, ગુજરાત ગેસના ભાવમાં રૂ.4.50નો ઘટાડો થવા છતાં પણ ગુજરાત ગેસ અને પ્રોપેનના ભાવમાં રૂ.2નો તફાવત છે. હાલ સરકાર સાથે વાતચીત થઈ રહી છે. હજુ ભાવમાં ઘટાડો આવે તેવી શકયતા છે. જેથી ગુજરાત ગેસ અને પ્રોપેનના વપરાશમાં કોસ્ટિંગમાં જે ફરક આવે છે તે નહીં રહે. સિરામિક એસોશીએશન પ્રમુખે જણાવ્યું કે, અમે સરકારમાં રજૂઆત કરી હતી કે ગુજરાત ગેસ પ્રોપેનની સરખામણીમાં 7 રૂપિયા ઊંચો પડે છે. આનો ભાવ ઘટાડો કરવા માંગ કરાઈ હતી. પરિણામે સરકારે ગુજરાત ગેસમાં રૂ.4.50 ઘટાડયા છે. સિરામિક ઉદ્યોગોમાં રોજ ગુજરાત ગેસના નેચરલ ગેસનો સરેરાશ 16 લાખ ક્યૂબિક મિટર વપરાશ છે. રૂ.4.50નો ભાવ ઘટાડો થતા ઉદ્યોગોને 65 લાખનો ફાયદો થશે. વધુમાં મોરબીમાં પ્રોપેન અને એલપીજી ગેસનો વપરાશ થાય છે જેમાં પ્રોપેન ગેસમાં રૂ.2.5નો ભાવ વધારો થયો છે. પ્રોપેન ગેસનો દરરોજનો વપરાશ અંદાજે 55 લાખ ક્યુબીક મીટર છે. જેથી દરરોજ 1.40 કરોડની નુકસાની છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 2, 2026

Amreli: દારૂ પીને ઝઘડો કરતા સગા પુત્રની હત્યા કરીને પિતાએ લાશ દાટી દીધી

ધારીના ભાડેર ગામમાં મહિના પહેલાં પિતાએ સગા પુત્રની હત્યા કરીને લાશને જમીનમાં દાટી દઈ પુરાવાનો નાશ કર્યાનો બનાવ પ્રકાશમાં આવ્યો છે..ધારી પોલીસે જણાવ્યું કે, ભાડેર ગામે સીમમાં વશરામભાઈ સેંજલિયાની વાડીમાં કોઈનું શબ દાટેલું હોવાની માહિતી પોલીસને મળી હતી. પોલીસ વિભાગની ટીમો ઘટના સ્થળ પર પહોંચી ગઈ હતી. ઘટના સ્થળ પર ખોદકામ કરાતા અંદરથી દાટી દેવામાં આવેલું માનવ કંકાલ મળી આવ્યું હતું. માનવ કંકાલના અવશેષોને ભાવનગર ફોરેન્સિક લેબમાં મોકલાયા હતા. ગણતરીના કલાકોમાં જ પોલીસ દ્વારા સમગ્ર હત્યાનો ભેદ ઉકેલી લેવામાં આવ્યો છે. ધારીના પોલીસ ઇન્સ્પેક્ટર જાતે જ ફરિયાદી બનીને નોંધાવેલી ફરિયાદ મુજબ આરોપી વશરામ શામજીભાઇ સેજલીયા રહે. ભાડેર અને મૃતક હીતેષભાઇ (ઉ.વ.30) એ બન્ને સગા પિતા પુત્ર છે. ગત તા. તા.24/11ના રાત્રે 9:00 વાગ્યે ભાડેર ગામે તેમના મકાને આ ઘટના બની હતી. આરોપી વશરામનો દીકરો હીતેષ દારૂ પીવાની ટેવવાળો હતો. માતા પિતા સાથે દારૂ પી અને ઝઘડો તકરાર કરતો હતો. જેનાથી કંટાળી જઈ પિતાએ પુત્રનું ચોટીયો (દોરડુ) વડે ગળું દબાવી ખુન કરી, લાશને પોતાની વાડીના શેઢે દાટી દીધી હતી અને પુરાવાનો નાશ કરી દીધો હતો. એક મહિના પછી શ્રમિકો બળતણ વીણવા આવ્યા ત્યારે દુર્ગંધ આવતા ભાંડો ફૂટયો હતો. પુત્રની હત્યા કરી વશરામ રાજકોટ તેના મોટા પુત્રને ત્યાં નાસી ગયા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 2, 2026

Gandhinagar: સેક્ટર-10 એક્ઝિબિશન સેન્ટરનો પાંચ કરોડથી વધુનો ઘરવેરો ભરવાનો બાકી

સેક્ટર-10માં આવેલા એક્ઝિબિશન સેન્ટરનો પાંચ કરોડ ઉપરાંતનો પ્રોપર્ટી ટેક્ષ બાકી બોલે છે. પાંચ વર્ષથી પણ વધુ સમયથી પ્રોપર્ટી ટેક્ષ ભરવામાં આવ્યો નથી.કોર્પોરેશન દ્વારા બાકીદારોને નોટિસ ફટકારવામાં આવી છે તે રીતે એક્ઝિબિશન સેન્ટરના બાકી વેરા વસુલી માટે પણ નોટિસ બજાવવામાં આવી છે. મિલકત વેરાની પાંચ કરોડ જેટલી મોટી રકમની વસુલાત કરવાની હોવાથી તંત્ર પણ નોટિસ પછીની પ્રક્રિયા માટે રાહ જોઈને બેઠું છે. સેક્ટર-10 સ્થિત એક્ઝિબિશન સેન્ટરનું સંચાલન આમ ઈન્ડેક્સ-બી કરે છે, ઈન્ડેક્સ-બીએ એક્ઝિબિશન સેન્ટર કે એન્ડ ડી કોમ્યુનિકેશનને કોન્ટ્રાક્ટ બેઝથી આપ્યો હોવાની વિગત છે. પાંચ વર્ષથી આ એજન્સીએ એક્ઝિબિશન સેન્ટરનો મિલકતવેરો ભર્યો નથી. ગત વર્ષે જેમ તેમ કરીને વેરાની કુલ બાકી રકમમાંથી 40 લાખની વસૂલાત આવી શકી હતી. એ પછી પણ પાંચ કરોડ જેટલી જંગી રકમ વેરાની બાકી બોલે છે. પ્રતિ વર્ષ 75 લાખનું પ્રોપર્ટી ટેક્ષનું બિલ બને છે. કરોડોની લેણી નીકળતી રકમમાંથી માંડ 40 લાખ કોર્પોરેશનની તિજોરીમાં આવી શક્યા હતા. ત્યાં બાકી વેરાની રકમમાં બીજી વધુ રકમનો ઉમેરો થઈ જવા પામ્યો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward