પિતાએ જ પુત્રની હત્યા કર્યાનો ચોંકાવનારો ખુલાસો
હળવદ તાલુકાના ચંદ્રગઢ ગામે વાડીમાંથી યુવાનનો લોહીલુહાણ હાલતમાં મૃતદેહ મળવાના ચકચારી બનાવનો પોલીસે ગણતરીના દિવસોમાં ભેદ ઉકેલી નાખ્યો છે. આ હત્યા કેસમાં હત્યારો બીજો કોઈ નહીં પણ મૃતકનો પિતા જ નીકળતા સમગ્ર પંથકમાં ખળભળાટ મચી ગયો છે.મળતી માહિતી મુજબ, ચંદ્રગઢ ગામે રહેતા અનિલભાઈ રામજીભાઈ જાદવ (ઉ.વ. 27, દલવાડી સમાજ) બીજા નોરતાના દિવસે વાડીએ મગફ્ળી ઉપાડવાનું કામ હોવાથી વાડીએ ગયા હતા. મોડી રાત સુધી ઘરે પરત ન ફરતા પત્નીએ ફોન કર્યો હતો, પરંતુ ફોનનો જવાબ ન મળતા પરિવારજનો વાડીએ તપાસ કરવા ગયા હતા, જ્યાં ખાટલા પાસે અનિલનો લોહીથી લથબથ મૃતદેહ મળી આવ્યો હતો. ઘટનાની જાણ થતા પોલીસ તાત્કાલિક ઘટનાસ્થળે દોડી આવી હતી અને તપાસ હાથ ધરી હતી. પોલીસની ઝીણવટભરી તપાસ દરમિયાન મૃતકના પિતા રામજીભાઈ જાદવના ચપ્પલ પર લોહીનું ટપકું જોવા મળતા પોલીસને શંકા ગઈ હતી. પોલીસે કડક પૂછપરછ કરતા આખરે પિતાએ ભાંગી પડી પોતે જ પુત્રની હત્યા કરી હોવાની કબૂલાત કરી હતી. બનાવ સમયે પિતાએ પુત્રને જોઈને બેભાન થવાનું નાટક પણ કર્યું હતું. પોલીસ કબૂલાત મુજબ, મૃતક અનિલની પત્નીના ચારિર્ત્યને લઈને પિતા-પુત્ર વચ્ચે અવારનવાર ઝઘડા થતા હતા. બનાવના આગલા દિવસે પણ આ બાબતે ઉગ્ર બોલાચાલી થઈ હતી, જેમાં પુત્રએ પિતાને ધોકા માર્યા હતા. જેનો ખાર રાખી ઉશ્કેરાયેલા પિતાએ મોડી રાત્રે વાડીએ જઈ પુત્રની હત્યા કરી નાખી હતી. પોલીસે આરોપી પિતા રામજીભાઈ જાદવની ધરપકડ કરી વધુ કાયદેસરની કાર્યવાહી હાથ ધરીછે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
