Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 19 ઓક્ટોબરના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
નવરાત્રી મહોત્સવના સમાપન સાથે અસત્ય પર સત્યના વિજયના પ્રતીક સમાન વિજયાદશમી એટલે કે દશેરા પર્વની ગોધરા શહેર સહિત પંચમહાલ જિલ્લામાં મંગળવારે ભક્તિભાવપૂર્વક ઉજવણી કરવામાં આવશે. દશેરા પર્વને લઈને ગોધરા નગરપાલિકા દ્વારા શહેરના લાલબાગ ટેકરી મેદાન ખાતે રાવણ, મેઘનાદ અને કુંભકર્ણનાં વિશાળ પૂતળાંના દહનનો કાર્યક્રમ યોજવામાં આવશે.આ કાર્યક્રમ માટે નગરપાલિકા દ્વારા રાજસ્થાનના ડુંગરપુર સ્થિત બાબા રામદેવ ફાયર વર્ક્સના કારીગરોને બોલાવવામાં આવ્યા છે. કારીગરો દ્વારા રાવણનું 40 ફૂટ, મેઘનાદનું 30 ફૂટ અને કુંભકર્ણનું 25 ફૂટ ઊંચું પૂતળું તૈયાર કરવામાં આવી રહ્યું છે. ત્રણેય પૂતળાંના નિર્માણ માટે અંદાજે રૂ. 2.25 લાખથી વધુનો ખર્ચ કરવામાં આવ્યો છે.મંગળવારે સાંજે લાલબાગ ટેકરી મેદાન ખાતે યોજાનારા કાર્યક્રમમાં સૌપ્રથમ શસ્ત્ર્રપૂજા કરવામાં આવશે. ત્યારબાદ આતશબાજી સાથે રાવણ, મેઘનાદ અને કુંભકર્ણનાં પૂતળાંનું દહન કરવામાં આવશે. આ પ્રસંગે નગરપાલિકાના પ્રમુખ, જિલ્લાના અધિકારીઓ, મહાનુભાવો અને મોટી સંખ્યામાં શહેરીજનો ઉપસ્થિત રહેવાની સંભાવના છે. ખાસ કરીને બાળકોમાં રાવણ દહનને લઈને ભારે ઉત્સાહ જોવા મળશે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
આદ્યશકિત માં અંબાની આરાધનાના પર્વ સમાન નવરાત્રીની ઝાલાવાડમાં ભકિતભાવપૂર્વક ઉજવણી થઈ રહી છે. ત્યારે જિલ્લાના પવિત્ર યાત્રાધામ શકિતપીઠ ચોટીલા ખાતે રવિવારે નવરાત્રીની આઠમની ઉજવણી કરાઈ હતી. જેમાં ડુંગર પર વહેલી સવારે માં ચામુંડાની મહાઆરતી કરાઈ હતી. બાદમાં આઠમ પર્વે હવન યોજાયો હતો. જેમાં મોટી સંખ્યામાં ભકતોએ માતાજીના અને હવન કુંડના દર્શન કર્યા હતા.સુરેન્દ્રનગર જિલ્લામાં ગત તા. 11-10થી માતાજીના નવલા નોરતાની શરૂઆત થઈ છે. માઈભકતો નવરાત્રી દરમિયાન ઉપવાસ, એકટાણા રહીને માતાજીની ભકિત કરી રહ્યા છે. બીજી તરફ રાતના સમયે શેરી ગરબીઓ અને પાર્ટીપ્લોટમાં ગરબાની રંગત જામી રહી છે. ત્યારે નવરાત્રીના અંતીમ દિવસો નજીક આવતા જિલ્લામાં માતાજીની ભકિતની હેલી ચડી છે. ઝાલાવાડમાંથી પસાર થતા અમદાવાદ-રાજકોટ હાઈવે પર આવેલ સુપ્રસિધ્ધ યાત્રાધામ શકિતપીઠ ચોટીલા ખાતે નવરાત્રીની આઠમે રવીવારે હવનાષ્ટમી યોજાઈ હતી. ડુંગર મહંત પરિવાર દ્વારા આઠમ નીમીત્તે નવરાત્રીના સામાન્ય દિવસો કરતા 1 કલાક વહેલા પરોઢિયે 4-00 કલાકે ડુંગર પર મહાઆરતી કરાઈ હતી. જેમાં મોટી સંખ્યામાં માઈ ભકતો ઉપસ્થીત રહ્યા હતા. ત્યારબાદ આઠમ નીમીત્તે હવન યોજાયો હતો. જયારે બપોરે 2-30 કલાકે બીડુ હોમવામાં આવ્યુ હતુ. અને મોટી સંખ્યામાં ભકતોએ મહાપ્રસાદનો લાભ લીધો હતો. નવરાત્રીની આઠમે માંના દર્શનનું મહત્વ હોઈ સવારથી નમતી બપોર સુધીમાં અંદાજે 1 લાખથી વધુ ભકતોએ માતાજીના દર્શન કરી તેમના ચરણે શીશ ઝુકાવ્યુ હતુ.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward