Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Viramgam: શહેરમાં જાહેરમાં નળ ખુલ્લા મૂકી પાણીનો વેડફાટ કરનારા પર તવાઈ

વિરમગામ શહેરમાં સ્વચ્છતા જાળવવા લાંબા સમય બાદ પાલિકા તંત્ર એકાએક આળસ મરડીને સફાળુ જાગી ગયું છે. શહેરના એક નાગરિક તરીકેની પોતાની ફરજો ભુલી ગયેલા જાહેરમાં ગંદકી ફેલાવનાર લોકો સામે તંત્રએ લાલ આંખ કરી દંડાત્મક કાર્યવાહી હાથ ધરી છે.પાલિકાના ચીફ્ ઓફ્સિર તાજેતરમાં વહેલી સવારે શહેરમાં આવી પોહચીને જાત તપાસ કરી હતી.જાહેરમાં ગંદકી કચરો ફેંકનાર દુકાનદારો,પ્રતિબંધિત પ્લાસ્ટિક વેચાણ કરતા દુકાનદારો,વાહનો ધોઈ આપનાર જાહેર માર્ગ પર પાણી વેહવડાવી ગંદકી ફેલાવનાર વ્યક્તિઓ સામે દંડની શિક્ષાત્મક પગલાં લેવાયા હતા.ત્યારે શહેરના ટાવર પાસે ટાંકી વિસ્તાર થી ઐતિહાસિક મુનસર દરવાજા તરફ્ના મુખ્ય રોડ પર રોજ પથરાતા પાણી અને ફેલાતી ગંદકીને અટકાવવા તંત્રના સેનેટેશન ટીમ દ્વારા કામગીરી કરવામાં આવી હતી.આ માર્ગ પર કેટલાક લોકો વહેલી સવારે પાલિકા દ્વારા આપતા ઘર વપરાશના પાણીના વિતરણમાં નળ ખુલ્લા મુકીને પાણીનો જાહેરમાં બગાડ કરી ગંદકી ફેલાવતા હતા.તેની ગુરુવારે સવારે તપાસ કરી પાંચ વ્યક્તિઓના રહેણાંક મકાનના પાણી જોડાણ કાપી કાઢયા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 1, 2026

Dhandhuka: લીમડી માર્ગ પર વાસણા પાસે ચાલકે અચાનક કાબૂ ગુમાવતા રિક્ષા ખાડામાં ખાબકી

અમદાવાદ જિલ્લામાં ધંધૂકા-લીમડી માર્ગ પર વાસણા ગામ નજીક એક રિક્ષા અચાનક રસ્તા પરથી ખાબકી ખાડામાં પડી જવાની ઘટના સામે આવી હતી. આ રિક્ષામાં ભડીયાદ ખાતે દર્શન કરી પરત ફરી રહેલા શ્રાદ્ધાળુઓ સવાર હતા. સદનસીબે કોઈ જાનહાનિ થઈ નહોતી અને તમામ મુસાફરોનો આબાદ બચાવ થયો હતો.ઘટનાની જાણ થતાં જ વાસણા ગામના હરજીભાઈ સોનારા સહિત ગ્રામજનો તાત્કાલિક ઘટના સ્થળે દોડી આવ્યા હતા અને માનવતાભરી કામગીરી કરી રિક્ષામાં સવાર તમામ લોકોને સુરક્ષિત રીતે બહાર કાઢવામાં આવ્યા હતા. ગ્રામજનોની સમયસૂચકતા અને સતર્કતાના કારણે મોટી દુર્ઘટના ટળી હતી. ઘટનાને પગલે થોડો સમય માર્ગ પર વાહનવ્યવહાર ખોરવાયો હતો, પરંતુ સ્થાનિકોની મદદથી પરિસ્થિતિ ઝડપથી સામાન્ય બની ગઈ હતી.આ ઘટના માનવતા, સહકાર અને તાત્કાલિક મદદનાઉત્તમ ઉદાહરણરૂપ સાબિત થઈ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 1, 2026

Surendranagar: ઝાલાવાડ ભાજપ સંગઠન દ્વારા પ્રદેશ મહામંત્રી અને ઉપાધ્યક્ષનું સન્માન

સુરેન્દ્રનગરના બે યુવા નેતાઓનો પ્રદેશની ટીમમાં સમાવેશ થતાની સાથે જ જિલ્લા ભાજપ દ્વારા સન્માન સમારોહ યોજાયો હતો. જેમાં જિલ્લા પ્રમુખની બીજી ટર્મની વરણી સમયે પક્ષના જ વિરોધીઓનો જાહેરમાં બળાપો કાઢયો હતો. સાથે કામ કરશો તો હોદે માંગવાની જરૂર નહીં પડે સામેથી નામ આવશે એવું જણાવી પાર્ટી માટે મહેનત કરવા ટકોર પણ કરી હતી.સુરેન્દ્રનગર જિલ્લા ભાજપ પ્રમુખ હિતેન્દ્રસિંહ ચૌહાણને પ્રદેશ ભાજપ મહામંત્રી અને અનુસૂચિત મોરચાના અધ્યક્ષ ગૌતમભાઇ ગેડીયાને પ્રદેશ ભાજપ ઉપાધ્યક્ષ બંનેનો પ્રદેશ ભાજપ સંગઠનમાં મોટા હોદમાં સમાવેશ થયો છે. આ બંન્નેનો જિલ્લા ભાજપ દ્વારા હજારો કાર્યકર્તાની હાજરીમાં સન્માન સમારોહ યોજાયો હતો. આ પ્રસંગે સાંસદ ચંદુભાઇ,નાયબ દંડક જગદીશભાઇ મકવાણા, પુર્વ મંત્રી આઇ.કે.જાડેજા, જિ.પં.પ્રમુખ હરિકૃષ્ણભાઇ પટેલ, કોઠારી મુકુંદરામબાપુ, ધારાસભ્યો સહિત ભાજપના નેતાઓ હાજર રહયા હતા. આ પ્રસંગે બંને યુવા નેતાઓને આંગળી પકડીને રાજકારણમાં લાવનારા પુર્વ મંત્રી આઇ. કે. જાડેજાને બંનેએ ખાસ યાદ કરી ગૌતમભાએ તો જણાવ્યુ કે આઇ. કે. જાડેજાએ આંગળી ના પકડી હોત તો આજે મોચીવાડના નાકે બેઠો હતો. બીજી તરફ હિતેન્દ્રસિંહ ચૌહાણનો ગંભીર અકસ્માત થયો ત્યારે જ હોદેદારોની વરણી થવાની હતી ત્યારે હાલના દંડક અને તત્કાલીન જિલ્લા પ્રમુખ જગદીશભાઇ મકવાણા સતત મારી ચિંતા કરી મારી પાસે હાજર રહી બધી જ આંટીઘુટી દૂર કરી મને જિલ્લા મહામંત્રી બનાવી મારૂ ઘડતર પણ કર્યુ . એમના આ કામને દિવસ નહી ભુલાય. બીજી તરફ હિતુભા બીજી ટર્મ પ્રમુખ બનતા સમયે પક્ષના હિતશત્રુઓ પ્રતિસ્પર્ધીએ જે વિરોધ કરી માહોલ બગાડવાનો પ્રયાસ કર્યો એ વાતને યાદ કરી તેમણે શાબ્દિક બળાપો પણ ઠાલવ્યો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward