Community News & Updates

Stay informed with the latest happenings, achievements, and announcements from our community.

All News

calendar_today February 7, 2026

Gandhinagar News : ગાંધીનગર ચેરિટી કમિશનરનો મોટો નિર્ણય, મહુડી મંદિર વિવાદમાં ચુકાદો રખાયો અનામત

ગાંધીનગર જિલ્લામાં આવેલું સુપ્રસિદ્ધ જૈન તીર્થ મહુડી મંદિર હાલ ટ્રસ્ટીઓના આંતરિક વિવાદને કારણે ચર્ચાનું કેન્દ્ર બન્યું છે. ટ્રસ્ટના આજીવન સભ્ય દ્વારા ટ્રસ્ટીના પદ અને વ્યવસ્થાપનને લઈને ગંભીર વાંધાઓ ઉઠાવવામાં આવ્યા છે. આ વિવાદ એટલી હદે વકર્યો છે કે સભ્ય દ્વારા ટ્રસ્ટને બંધ કરવા માટેની વિધિવત નોટિસ આપવામાં આવી છે. આ નોટિસનો ચેરિટી કમિશનર કચેરી દ્વારા સ્વીકાર કરવામાં આવ્યો છે, જેના કારણે મંદિરના વહીવટમાં આગામી દિવસોમાં મોટા ફેરફારો થવાની શક્યતા સેવાઈ રહી છે.મહુડી મંદિર વિવાદ ચેરિટી કમિશનર કચેરી દ્વારા આપવામાં આવેલી નોટિસના પ્રત્યુત્તરમાં અત્યાર સુધી કોઈ નક્કર વાંધા સૂચનો રજૂ કરવામાં આવ્યા નથી. જેને પગલે કચેરીએ આ મામલે પોતાનો ચુકાદો અનામત રાખ્યો છે. આ કેસની આગામી સુનાવણી અને વહીવટી કાર્યવાહી 12 માર્ચે હાથ ધરવામાં આવશે. ભક્તોમાં અત્યંત આસ્થા ધરાવતા આ તીર્થધામમાં વહીવટી વિખવાદને કારણે જૈન સમાજ અને સ્થાનિક રાજકારણમાં પણ ભારે ઉત્તેજના જોવા મળી રહી છે. આ પણ વાંચો : Surat પોલીસનો સપાટો, ચોરીની દેશી બંદૂક સાથે ફરતા ઈસમને રાંદેર પોલીસે રંગેહાથ પકડ્યો

Read Full Story arrow_forward

calendar_today February 7, 2026

Nadiadમાં મોટી શાક માર્કેટની દુકાનોમાં ભીષણ આગ, અચાનક લાગેલી આગમાં 6 જેટલી દુકાનો લપેટાઇ

ખેડા જિલ્લાના નડિયાદ શહેરમાં આવેલી મોટી શાક માર્કેટમાં અચાનક ભીષણ આગ લાગવાની ઘટના સામે આવી છે. આ આગમાં અંદાજે 6 જેટલી દુકાનો સંપૂર્ણપણે આગની લપેટમાં આવી ગઈ હતી.કોથળા, શાકભાજી તેમજ અન્ય ચીજવસ્તુઓ સળગી ઉઠી આગના કારણે કોથળા, શાકભાજી તેમજ અન્ય ચીજવસ્તુઓ સળગી ઉઠી હતી. ખાસ કરીને લસણ સહિતના શાકભાજીનો મોટો જથ્થો આગમાં બળીને ખાખ થયો છે. આગને કારણે વેપારીઓને લાખો રૂપિયાનું નુકસાન થયું હોવાનું અનુમાન છે. નડિયાદ ફાયર બ્રિગેડની ટીમ તાત્કાલિક સ્થળ પર પહોંચી ઘટનાની જાણ થતાં જ નડિયાદ ફાયર બ્રિગેડની ટીમ તાત્કાલિક સ્થળ પર પહોંચી હતી અને ભારે જહેમત બાદ આગ પર કાબુ મેળવવામાં આવ્યો હતો. આગ વધુ ફેલાય તે પહેલાં જ ફાયર વિભાગે પરિસ્થિતિ સંભાળી લીધી હતી. આગ લાગવાનું ચોક્કસ કારણ જાણવા મળ્યું નથી હાલ આગ લાગવાનું ચોક્કસ કારણ જાણવા મળ્યું નથી. ઘટનાને લઈને પોલીસ અને ફાયર વિભાગ દ્વારા તપાસ હાથ ધરવામાં આવી છે. અફરા તફરીનો માહોલ આ ઘટનાથી શાક માર્કેટ વિસ્તારમાં અફરાતફરીનો માહોલ જોવા મળ્યો હતો.આ પણ વાંચો-----   ઠાકોર સમાજના બંધારણના ફરી ધજાગરા ઉડ્યા, શંખેશ્વરમાં DJના તાલે જન્મદિવસની ઉજવણી કરાઇ

Read Full Story arrow_forward

calendar_today February 7, 2026

Ahmedabad: ભારતીય સેનાની શક્તિનું પ્રદર્શન, એવોર્ડ સમારોહમાં આધુનિક શસ્ત્રો અને ટેકનોલોજીની ઝલક

જ્યારે રાષ્ટ્રની સુરક્ષા, સેનાનું શૌર્ય અને ટેકનોલોજીકલ શક્તિ એક મંચ પર એકત્ર થાય, ત્યારે તે માત્ર એક સમારોહ નથી રહેતો, પરંતુ દેશના ભવિષ્યની ઝલક બની જાય છે. અમદાવાદ ખાતે 6 અને 7 ફેબ્રુઆરી 2026 દરમિયાન સધર્ન કમાન્ડ ઇન્વેસ્ટિચર દ્વારા આયોજિત ભવ્ય ઇન્વેસ્ટિચર સેરેમની એ એવુ જ એક ગૌરવભર્યું દૃશ્ય સર્જ્યું. આ સમારોહમાં વીર જવાનોના સાહસને સન્માન મળ્યું, તો સાથે જ ભારતીય સેનાની આધુનિક લડાકૂ ક્ષમતાનું પ્રદર્શન પણ જોવા મળ્યું. જુઓ આ અહેવાલમાં....ભારતીય સેનાની ઇન્વેસ્ટિચર સેરેમનીભારતીય સેનાની સમૃદ્ધ પરંપરા મુજબ ઇન્વેસ્ટિચર સેરેમનીની શરૂઆત આર્મી કમાન્ડર માટેના ભવ્ય ગાર્ડ ઓફ ઓનરથી કરવામાં આવી હતી. આ પ્રસંગે લેફ્ટનન્ટ જનરલ ધીરજ સેઠ દ્વારા રાષ્ટ્ર પ્રત્યે અદમ્ય સાહસ અને વિશિષ્ટ સેવા દર્શાવનાર 34 વીર જવાનોને શૌર્ય પુરસ્કાર એનાયત કરવામાં આવ્યા. આ સાથે 33 સૈન્ય યુનિટ્સને GOC-in-C અને નિવૃત્ત સૈનિકોના યોગદાનને બિરદાવવા વેટરન એચિવર્સ એવોર્ડ પણ આપવામાં આવ્યા. આ ક્ષણો ભારતીય સેનાના બલિદાન, શિસ્ત અને નિઃસ્વાર્થ સેવાની જીવંત સાક્ષી બની છે.ભારતીય સેનાની વાસ્તવિક ઝલક  આ સમારોહ માત્ર પુરસ્કારો પૂરતો સીમિત ન રહ્યો. અહીં જોવા મળી ભારતીય સેનાની વાસ્તવિક ઝલક પણ જોવા મળી. વેપન એક્ઝિબિશનમાં T-90 ભીષ્મા, T-72 ટૅન્ક, રોકેટ લોન્ચર્સ, LMG ગન્સ, સ્નાઈપર રાઇફલ્સ, અને નાનાથી લઈને મોટા અદ્યતન ડ્રોન્સનું પ્રદર્શન કરવામાં આવ્યું હતું.આ હથિયારો અને સાધનો એ સ્પષ્ટ કરે છે કે ભારતીય સેના હવે માત્ર સંખ્યાબળ નહીં, પરંતુ ટેકનોલોજીકલ સુપ્રીમસી તરફ આગળ વધી રહ્યું છે.એક્ઝિબિશનમાં આકર્ષણ બન્યું રોબોટિક ખચ્ચર આ એક્ઝિબિશનમાં સૌની નજર ખેંચનાર આકર્ષણ બન્યું Robotic Dog–MULE (Multi-Utility Legged Equipment) જેને ‘રોબોટિક ખચ્ચર’ તરીકે ઓળખવામાં આવે છે. આ રોબોટિક ડોગ 30 કિલો સુધી વજન ઉપાડી શકે છે, 10 ફૂટ ઊંચાઈ સુધી ચઢી શકે છે, પાણીની અંદર જઈ નદીઓ-નાળાઓ પાર કરી શકે છે, -40 થી +55°C તાપમાનમાં કાર્યક્ષમ રહે છે ઉપરાંત તેમાં 360° કેમેરા, થર્મલ ઇમેજિંગ, ઇન્ફ્રારેડ અને સેન્સર સિસ્ટમ્સ લગાવવામાં આવી છે, જે સર્વેલન્સ, લોજિસ્ટિક સપોર્ટ અને જરૂર પડે ત્યારે લડાયક કામગીરીમાં પણ ઉપયોગી છે.ભારતીય સેના ભવિષ્યના પડકારો સામે તૈયારઅમદાવાદમાં યોજાયેલી આ ઇન્વેસ્ટિચર સેરેમની એ સ્પષ્ટ સંદેશ આપે છે કે ભારતીય સેના માત્ર ભૂતકાળના શૌર્ય પર ગર્વ કરતી નથી, પરંતુ ભવિષ્યના પડકારો માટે પણ સંપૂર્ણ રીતે તૈયાર છે. શહીદોના બલિદાનથી પ્રેરિત અને ટેકનોલોજીથી સજ્જ આ છે નવી યુગની ભારતીય સેના.

Read Full Story arrow_forward