android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Bhavnagar : નવનીત બાલધિયા કેસમાં જયરાજ આહિર સહિત 5ના જામીન મંજૂર
calendar_today February 7, 2026

Bhavnagar : નવનીત બાલધિયા કેસમાં જયરાજ આહિર સહિત 5ના જામીન મંજૂર

બગદાણા નવનીત બાલધિયા હુમલા કેસમાં મહુવા કોર્ટે જયરાજ આહિર સહિત પાંચ આરોપીઓને જામીન મંજૂર કર્યા છે. ગઇ કાલે મહુવા કોર્ટમાં જામીન અરજી પર સુનાવણી ચાલી હતી અને કોર્ટ દ્વારા ચૂકાદો પેન્ડિગ રખાયો હતો.કેસના 14 આરોપીઓ શરતી જામીન પર મુક્ત થયા આ કાર્યવાહી પછી, કેસના 14 આરોપીઓ શરતી જામીન પર મુક્ત થયા છે. અગાઉ 8 આરોપી અને હવે 6 આરોપી મળીને કુલ 14 આરોપીના જામીન મંજૂર થયા છે. બગદાણા નવનીત બાલધીયા હુમલા કેસે ભારે ચર્ચા જગાવી હતી રાજ્યમાં બગદાણા નવનીત બાલધીયા હુમલા કેસે ભારે ચર્ચા જગાવી હતી અને આ મામલે એસઆઇટી રચાયા બાદ તપાસમાં જયરાજ આહિરની પણ ધરપકડ કરાઇ હતી આ પણ વાંચો-----    Rajkot : પતિદેવોના વહીવટથી DDO લાલઘૂમ, પંચાયતમાં પતિદેવ વહીવટ કરશે તો તલાટી સામે કાર્યવાહી થશે, અન્ય કોઇની સહી હશે તો પણ કાર્યવાહી

Read Full Story arrow_forward
Agriculture News : અમરેલીમાં IVF ટેકનોલોજી દ્વારા રાજયની પ્રથમ ગીર વાછરડીનો સફળ જન્મ, વાંચો Inside Story
calendar_today February 7, 2026

Agriculture News : અમરેલીમાં IVF ટેકનોલોજી દ્વારા રાજયની પ્રથમ ગીર વાછરડીનો સફળ જન્મ, વાંચો Inside Story

અમરેલી ખાતે સ્થિત ગુજરાત પશુધન વિકાસ બોર્ડ (GLDB) હસ્તકની એમ્બ્રિયો ટ્રાન્સફર લેબોરેટરી ખાતે ઇન-વિટ્રો ફર્ટિલાઇઝેશન (IVF) જેવી અત્યંત આધુનિક પદ્ધતિથી રાજ્યમાં પ્રથમવાર ગીર ઓલાદની વાછરડીનો સફળ જન્મ થયો છે. આ સિદ્ધિ માત્ર એક પ્રયોગ નહીં, પરંતુ ગુજરાતના પશુપાલકો માટે આર્થિક સમૃદ્ધિના નવા દ્વાર ખોલનારી એક વૈજ્ઞાનિક ક્રાંતિ છે. IVF ટેક્નોલોજી દ્વારા ભ્રૂણ પ્રત્યારોપણની કામગીરી શરૂ કરવામાં આવી હતી ગુજરાતના પશુપાલકોને પશુ સંવર્ધનની આ આધુનિક ટેકનોલોજીનો વ્યાપક લાભ મળી રહે તે હેતુથી, રાજ્યના ગૌરવ સમાન ગીર ગાયના બ્રીડિંગ ટ્રેક્ટ વિસ્તારમાં આવતા વિવિધ જિલ્લાઓ પૈકી અમરેલી ખાતે ગુજરાત પશુધન વિકાસ બોર્ડ દ્વારા આધુનિક સુવિધાઓથી સજ્જ એમ્બ્રિયો ટ્રાન્સફર લેબોરેટરીની સ્થાપના કરવામાં આવી હતી. આ સંદર્ભે પશુપાલન મંત્રી શ્રી જીતુભાઈ વાઘાણીએ જણાવ્યું હતું કે, અમરેલીના વરુડી ખાતે સ્થિત આ લેબોરેટરીમાં નેશનલ ડેરી ડેવલપમેન્ટ બોર્ડ (NDDB)ના તકનીકી (Technical) સહયોગથી ગત વર્ષે પ્રાથમિક તબક્કામાં કુલ ૧૩ રેસિપિયન્ટ પશુઓમાં IVF ટેક્નોલોજી દ્વારા ભ્રૂણ પ્રત્યારોપણની કામગીરી શરૂ કરવામાં આવી હતી. ગુજરાત શ્વેત ક્રાંતિમાં ફરી એકવાર અગ્રેસર બનશે આ પ્રોજેક્ટની સૌથી વિશેષ બાબત એ છે કે, આધુનિક ભ્રૂણ પ્રત્યારોપણ પદ્ધતિ દ્વારા તાજેતરમાં જ કાંકરેજ ઓલાદની રેસિપિયન્ટ (ભાડૂતી) ગાયના ગર્ભમાંથી શુદ્ધ ગીર ઓલાદની વાછરડીનો જન્મ થયો છે. આ પ્રક્રિયામાં ઉચ્ચ આનુવંશિક ક્ષમતા ધરાવતી ગીર ગાયના ભ્રૂણનો ઉપયોગ કરવામાં આવ્યો હતો, જેના પરિણામે જન્મેલું બચ્ચું પણ ડોનર પશુ જેવા જ ઉત્તમ ગુણો ધરાવે છે. ગુજરાતના પશુપાલન વિભાગની આ સફળતાને વેગ આપવા માટે આગામી સમયમાં અમરેલી ખાતે સ્થિત એમ્બ્રિયો ટ્રાન્સફર લેબોરેટરી ખાતે ઉપલબ્ધ વધુ ૩૦ જેટલા રેસિપિયન્ટ પશુઓમાં ભ્રૂણ પ્રત્યારોપણની કામગીરી હાથ ધરવામાં આવશે. આ પ્રયાસોથી રાજ્યમાં ગીર ગાયના સંવર્ધનને એક નવી દિશા મળશે અને ગુજરાત શ્વેત ક્રાંતિમાં ફરી એકવાર અગ્રેસર બનશે. IVF અને એમ્બ્રિયો ટ્રાન્સફર કેમ પશુપાલકો માટે વરદાન છે? સામાન્ય રીતે ઉચ્ચ આનુવંશિક ક્ષમતા ધરાવતા માદા પશુઓ કુદરતી રીતે સમગ્ર જીવનકાળ દરમિયાન માત્ર ૭ થી ૮ જેટલા બચ્ચાઓને જન્મ આપે છે, પરંતુ IVF જેવી અદ્યતન ટેકનોલોજીએ આ મર્યાદાને તોડીને પ્રક્રિયાને અનેકગણી ઝડપી બનાવી છે. IVF પદ્ધતિમાં ઉચ્ચ ગુણવત્તાવાળા પશુઓને ડોનર પશુ તરીકે પસંદ કરીને અંડકોષ મેળવવામાં આવે છે અને લેબોરેટરીમાં તેનું ફલન કરવામાં આવે છે. ફલન બાદ તૈયાર થયેલા એમ્બ્રિયોને (ભ્રૂણને) ઓછી અથવા સામાન્ય ઉત્પાદકતા ધરાવતી 'રેસિપિયન્ટ' (સરોગેટ) ગાયમાં પ્રત્યારોપિત કરવામાં આવે છે. રાજ્યમાં ઉચ્ચ ગુણવત્તા ધરાવતા પશુઓની સંખ્યામાં વધારો થશે આ IVF ટેકનોલોજી દ્વારા જન્મ લેતા બચ્ચાઓ પણ ડોનર પશુ જેવા ઉત્તમ આનુવંશિક લક્ષણો ધરાવતા હોય છે. આથી, ઉચ્ચ આનુવંશિક ક્ષમતા ધરાવતા પશુમાંથી સમગ્ર જીવનકાળ દરમિયાન માત્ર ૭ બચ્ચાના સ્થાને ૧૦૦ જેટલા ગુણવત્તાવાળા બચ્ચાઓ પ્રાપ્ત કરી શકાય છે. આ પદ્ધતિના વ્યાપક ઉપયોગથી રાજ્યમાં ઉચ્ચ ગુણવત્તા ધરાવતા પશુઓની સંખ્યામાં વધારો થશે, જેના પરિણામે રાજ્યની દૂધ ઉત્પાદન ક્ષમતામાં પણ નોંધપાત્ર વધારો થશે, જે સીધી રીતે પશુપાલકોની આર્થિક સ્થિતિ મજબૂત કરશે. આ પણ વાંચો : Railway News : લાખાબાવળ અને પીપળી સ્ટેશન પર નહી ઉભી રહે આ ટ્રેન

Read Full Story arrow_forward
Junagadh: જિલ્લા જેલમાં કાચા કામના બે કેદીઓ વચ્ચે થયેલી અથડામણમાં પોલીસ ફરિયાદ
calendar_today February 7, 2026

Junagadh: જિલ્લા જેલમાં કાચા કામના બે કેદીઓ વચ્ચે થયેલી અથડામણમાં પોલીસ ફરિયાદ

જૂનાગઢ જિલ્લા જેલમાં બંધ કાચા કામના બે કેદીઓ વચ્ચે સામાન્ય તકરારમાં મારામારી થઈ હોવાની વિગતો પ્રકાશમાં આવી છે. જેલના સળિયા પાછળ સુરક્ષિત ગણાતા કેદીઓ અંદરોઅંદર બાખડતા જેલ પ્રશાસનમાં દોડધામ મચી ગઈ હતી.જૂનાગઢ જિલ્લા જેલમાં બે કેદીઓ વચ્ચે મારામારી મળતી માહિતી મુજબ, જેલની બેરેકની અંદર કેદીઓ લુડો રમી રહ્યા હતા. આ દરમિયાન કાચા કામના કેદી ઘેલા સોલંકીએ અન્ય કેદી સુરેશ સોલંકીને રમત બાબતે કોઈ સલાહ આપી હતી.રમતની સલાહ સુરેશ સોલંકીને ગમી ન હતી અને તે ઉશ્કેરાઈ ગયો હતો. ઉશ્કેરાયેલા સુરેશ સોલંકીએ કેદી ઘેલા સોલંકી પર હુમલો કરી તેને માર માર્યો હતો.અથડામણમાં પોલીસ ફરિયાદજેલની અંદર થયેલી આ હિંસક ઘટના બાદ જેલ સત્તાવાળાઓ હરકતમાં આવ્યા હતા. ભોગ બનનાર કેદીની ફરિયાદના આધારે પોલીસે સુરેશ સોલંકી વિરુદ્ધ ગુનો નોંધી કાયદેસરની કાર્યવાહી હાથ ધરી છે. આ ઘટનાએ સાબિત કર્યું છે કે જેલની અંદર પણ નાની-નાની વાતોમાં કેદીઓ હિંસક બની રહ્યા છે.આ પણ વાંચો: Junagadh: જૂથળ સેવા સહકારી મંડળીમાં 2.09 કરોડનું કૌભાંડ, તત્કાલીન મંત્રી વિરુદ્ધ ફરિયાદ

Read Full Story arrow_forward