Community News & Updates

Stay informed with the latest happenings, achievements, and announcements from our community.

All News

calendar_today February 6, 2026

Delhi : 3 અધિકારીઓ સસ્પેન્ડ, જનકપુરીમાં ખાડામાં પડી જતા યુવકના મોત મામલે કાર્યવાહી

દિલ્હીના જનકપુરી વિસ્તારમાં ખાડામાં પડી જવાથી એક યુવકનું મોત થયુ આ મામલે કાર્યવાહી કરી છે. જળ બોર્ડના JE સહિત 3 અધિકારી સસ્પેન્ડ કરાયા છે. જે કંપનીને હવાલો આપ્યો હતો તે કંપની વિરુદ્ધ તપાસ કરવામાં આવી રહી છે.મંત્રી પ્રવેશ વર્માએ આ અંગેની જાણકારી આપી છે. બાઇક સવાર યુવકનું મોત દિલ્હીના જનકપુરી વિસ્તારમાં એક દુ:ખદ અકસ્માતમાં એક યુવાન બાઇક સવારનું મોત થયું. મૃતકની ઓળખ કૈલાશપુરીનો રહેવાસી કમલ તરીકે થઈ છે. અહેવાલો અનુસાર કમલ રાત્રે રોહિણી સ્થિત તેની ઓફિસથી ઘરે પરત ફરી રહ્યો હતો. રસ્તામાં તે તેના પરિવાર સાથે સતત સંપર્કમાં હતો, પરંતુ મોડી રાત સુધી તે ઘરે પાછો ફર્યો નહીં. પરિવારે આખી રાત શોધખોળ કરી જ્યારે કમલ ઘરે પાછો ન ફર્યો ત્યારે તેનો પરિવાર ચિંતિત થઈ ગયો અને આખી રાત તેની શોધ કરી. તેઓએ ડઝનબંધ પોલીસ સ્ટેશનોની મુલાકાત લીધી, પરંતુ કોઈ માહિતી મળી નહીં. પરિવારે આખી રાત ચિંતામાં વિતાવી. અંતે, સવારે 7 વાગ્યાની આસપાસ તેમને પોલીસનો ફોન આવ્યો જેમાં દુર્ઘટનાનો ખુલાસો થયો. યુવાન ખાડામાં પડેલો મળ્યો પોલીસની માહિતીનો જવાબ આપતા પરિવારના સભ્યોએ કમલને તેની બાઇક સાથે ઊંડા ખાડામાં પડેલો જોયો. એવું જાણવા મળ્યું છે કે દિલ્હી જલ બોર્ડનું કામ ઘટનાસ્થળે ચાલી રહ્યું હતું અને રસ્તા પર ખાડો ખોદવામાં આવ્યો હતો. એવી શંકા છે કે કમલ તેની બાઇક સાથે તેમાં પડી ગયો હતો અને બહાર નીકળી શક્યો ન હતો.https://x.com/ANI/status/2019681742286979093 એક મિત્રએ હત્યાની શંકા વ્યક્ત કરી. તેના મિત્રએ કહ્યું અમે પોલીસ સ્ટેશન ગયા, પણ અમારો રિપોર્ટ નોંધવામાં આવ્યો નહીં. દબાણ કર્યા પછી અમે લોકેશન ટ્રેસ કર્યું. અમે બધા ઘણા પોલીસ સ્ટેશન ગયા અને આખી રાત ભટક્યા. આ પોલીસની ભૂલ છે. જો તેઓએ રાત્રે શોધ કરી હોત તો કદાચ તેઓ તેનો જીવ બચાવી શક્યા હોત. મિત્રએ એમ પણ કહ્યું કે અહીં કોઈ બેરિકેડ નહોતા. અમે રાત્રે આ ખાડાની તપાસ કરી; ત્યાં કંઈ નહોતું. મને શંકા છે કે કોઈએ હત્યા કરી છે.

Read Full Story arrow_forward

calendar_today February 6, 2026

પરીક્ષા પે ચર્ચા 2026 : ગેમિંગ રમવામાં બહુ રસ છે...શું કરું.. વિદ્યાર્થીનો સવાલ, જાણો પીએમ મોદીએ શું જવાબ આપ્યો

વડાપ્રધાન નરેન્દ્ર મોદીનો પરીક્ષા પે ચર્ચા કાર્યક્રમ લોકોને ખૂબ પસંદ આવ્યો છે. ખાસ કરીને વિદ્યાર્થીઓ આ કાર્યક્રમ દ્વારા પીએમ મોદી સાથે મન કી બાત કરવા આતુર હોય છે. આજે પીએમ મોદીએ 9મી વાર પરીક્ષા પે ચર્ચા હેઠળ વિદ્યાર્થીઓ સાથે સંવાદ કર્યો. આ કાર્યક્રમમાં પીએમ મોદીએ બોર્ડના વિદ્યાર્થીઓ સાથે અભ્યાસ, શિક્ષકથી લઈને જીવનના પડકાર ચર્ચા કરી. PMએ કૌશલ્ય અને માર્ક્સ બન્નેના મહત્વ સમજાવ્યા. એક વિદ્યાર્થીએ પીએમ મોદીને રસપ્રદ સવાલ પૂછયો. જેના જવાબ પીએમ મોદીએ બહુ શાનદાર આપ્યો.મને ગેમિંગમાં બહુ રસ છે..વિદ્યાર્થીનો પીએમ મોદીને સવાલપરીક્ષા પે ચર્ચા કાર્યક્રમમાં એક વિદ્યાર્થીએ પીએમ મોદીને કહ્યું કે મને ગેમિંગમાં બહુ રસ છે...પરંતુ મને માતાપિતા બહુ ઠપકો આપે છે. હું શું કરું..શરજીલ ગાડગીલ નામના વિદ્યાર્થીના આ સવાલ પર પીએમ મોદીએ સુંદર જવાબ આપ્યો. પીએમ મોદીએ કહ્યું કે ગેમિંગમાં રસ..અભ્યાસના ભોગે ના હોવો જોઈએ. પીએમ મોદીએ સામે તેને પૂછયું તને ગેમિંગ ગમે છે પણ અભ્યાસમાં ધ્યાન કેન્દ્રિત કરવામાં ખલેલ પહોંચાડતા હોય તો તે આદત બદલવી જોઈએ. ગેમિંગમાં રસ હોય તો શ્રેષ્ઠ ગુણવત્તાવાળી રમતો બનાવોપીએમમોદીએ હસતાં હસતાં આ શરજીલને કહ્યું કે માતાપિતા જીવનભર ઠપકો આપતા રહે છે. તે હંમેશા તમને એવું કહેશે કે ..આમ કર..આમ ના કર... પરંતુ તમે તમારા નિર્ણય પર અડગ રહો. તમે સફળ થશો ત્યારે તે તમારા પર ગર્વ કરશે. પરંતુ જો તમને ગેમિંગમાં રસ હોય તો શ્રેષ્ઠ ગુણવત્તાવાળી રમતો બનાવો, પરંતુ જે લોકો ગેમમાં જુગાર રમે છે તેઓ વિનાશકારી છે, આ માટે મેં હમણાં જ એક નવો કાયદો બનાવ્યો છે. પીએમ મોદીના આ જવાબ સાંભળી વિદ્યાર્થીની આંખો ખુલી ગઈ.વિદ્યાર્થી સાથે PM મોદીનો સંવાદનો સારાંશ આજે પીએમ મોદીએ પરીક્ષા પે ચર્ચા કાર્યક્રમમાં વિદ્યાર્થીઓ સાથે સંવાદ કર્યો. આ સંવાદના સારાંશના અંશો. પીએમ મોદીએ કહ્યું કે સારા શિક્ષકો સર્વાંગી વિકાસ કરાવી શકે છે. જીવન સર્વશ્રેષ્ઠ બને, તે માટે તૈયારી કરો. શિક્ષા અને સ્કિલ બન્ને જોડિયા ભાઈ છે સંતુલન બનાવીને ચાલવું જરૂરી છે સ્કિલ જીવનમાં અનિવાર્ય છે અભ્યાસ વગર સ્કિલ આવતી નથી જે વીતી ગયું છે, તેને વિચારીને સમય બરબાદ ન કરો શરીર અને મન બન્ને મજબૂત રાખો શિક્ષકથી એક પગલું આગળ રહેવાની PMની સલાહ પરીક્ષા સાથે જીવનના પડકારોનો સામનો કરવાની શીખ જીવન માત્ર પરીક્ષા માટે નથી શિક્ષકોથી આગળ રહેશો તો અભ્યાસમાં પાછળ નહીં રહો સાચું સંતુલન રાખીને ચાલશો તો ડગમગશો નહીં તમારી ભણવાની પૅટર્ન પર વિશ્વાસ રાખો સતત અધ્યયન વગર કોઈ સ્કિલ આવડતી નથી મનને જાણો, મનને જોડો, ત્યારબાદ વિષય નક્કી કરો

Read Full Story arrow_forward

calendar_today February 6, 2026

AAP leader : ગુરુદ્વારા બહાર ગોળીબાર! AAP નેતા લકી ઓબેરોયની જાલંધરમાં હત્યા

પંજાબના જાલંધર શહેરમાં આમ આદમી પાર્ટી (AAP)ના નેતા લકી ઓબેરોયની ગોળી મારીને હત્યા કરવામાં આવી છે. આ ચોંકાવનારી ઘટના શહેરના મોડેલ ટાઉન વિસ્તારમાં આવેલા ગુરુદ્વારા સાહિબની બહાર બની હતી. અહેવાલ મુજબ, અજાણ્યા હુમલાખોરોએ લકી ઓબેરોય પર અચાનક પાંચ ગોળીઓ ચલાવી હતી. ગંભીર રીતે ઘાયલ થયેલા લકી ઓબેરોયને તાત્કાલિક ખાનગી હોસ્પિટલમાં લઈ જવામાં આવ્યા હતા, જ્યાં સારવાર દરમિયાન તેમનું મોત નીપજ્યું હતું. જાણ થતાં જ જાલંધર શહેરમાં ભય આ ઘટનાની જાણ થતાં જ જાલંધર શહેરમાં ભય અને ગભરાટનું વાતાવરણ ફેલાઈ ગયું. લોકોમાં અસુરક્ષાની લાગણી વધુ ઘેરી બની છે, ખાસ કરીને કારણ કે ઘટના એક ધાર્મિક સ્થળની બહાર બની છે. પોલીસ તાત્કાલિક ઘટનાસ્થળે પહોંચી ગઈ હતી, સમગ્ર વિસ્તારને ઘેરી લીધો હતો અને ફોરેન્સિક ટીમ દ્વારા પુરાવા એકત્ર કરવાની કાર્યવાહી શરૂ કરવામાં આવી હતી. હુમલાનું કારણ હજુ સ્પષ્ટ નથી પોલીસ અધિકારીઓ જણાવે છે કે હુમલાનું કારણ હજુ સ્પષ્ટ થયા નથી. વ્યક્તિગત રંજિશ, રાજકીય દુશ્મની કે અન્ય કોઈ ગુનાહિત કડી—આ તમામ પાસાઓ પરથી તપાસ ચાલી રહી છે. હુમલાખોરોને ઓળખવા માટે CCTV ફૂટેજ અને સ્થાનિક લોકોના નિવેદનો તપાસવામાં આવી રહ્યા છે.  આ ચૂંટણીમાં પરાજય અહેવાલ મુજબ, લકી ઓબેરોયની પત્નીએ આમ આદમી પાર્ટીની ટિકિટ પર મ્યુનિસિપલ ચૂંટણી લડી હતી, જોકે તેઓ આ ચૂંટણીમાં પરાજય પામ્યા હતા. લકી ઓબેરોયને કેન્ટ વિસ્તારના ઇન્ચાર્જ રાજવિંદર કૌર થીઆડાના નજીકના વ્યક્તિ તરીકે પણ ઓળખવામાં આવતા હતા, જેના કારણે આ હત્યાને રાજકીય દૃષ્ટિકોણથી પણ જોવામાં આવી રહી છે.  રાજકીય ઘમાસાણ આ ઘટના બાદ રાજકીય ઘમાસાણ તેજ બન્યું છે. શિરોમણી અકાલી દળના નેતા સુખબીર સિંહ બાદલે આમ આદમી પાર્ટીની સરકાર પર આકરા પ્રહારો કર્યા છે. તેમણે કહ્યું કે પંજાબમાં કાયદો અને વ્યવસ્થાની સ્થિતિ સંપૂર્ણપણે બગડી ગઈ છે. સુખબીર બાદલના જણાવ્યા મુજબ, માત્ર જાન્યુઆરી 2026માં જ લગભગ 25 હત્યાઓ નોંધાઈ હતી, જ્યારે વર્ષના પ્રથમ અઠવાડિયામાં નવ લોકોએ પોતાના જીવ ગુમાવ્યા હતા. હત્યાઓ કોર્ટ પરિસર તેમણે આક્ષેપ કર્યો કે હત્યાઓ કોર્ટ પરિસર, બજાર, લગ્ન સમારોહ અને હવે તો ગુરુદ્વારા સાહિબની બહાર પણ થઈ રહી છે, જે રાજ્યની સુરક્ષા વ્યવસ્થાની નિષ્ફળતા દર્શાવે છે. બાદલે કહ્યું કે પરિસ્થિતિ એટલી ગંભીર છે કે શાસક પક્ષના નેતાઓ પણ સુરક્ષિત નથી અને મુખ્યમંત્રી ભગવંત માન પદ પર રહેવા અયોગ્ય છે. લકી ઓબેરોયની હત્યાએ ફરી એકવાર પંજાબમાં વધતા ગુનાહિત બનાવો અને રાજકીય હિંસા પર ગંભીર ચર્ચા શરૂ કરી છે. લોકો હવે સરકાર પાસેથી કડક પગલાં અને ઝડપી ન્યાયની માંગ કરી રહ્યા છે.આ પણ વાંચો : India US drug cooperation : ફેન્ટાનાઇલ સામેની લડાઈમાં ભારતનો મોટો હાથ! અમેરિકાએ સ્વીકાર્યા પુરાવા

Read Full Story arrow_forward