Community News & Updates

Stay informed with the latest happenings, achievements, and announcements from our community.

All News

calendar_today February 4, 2026

Surendranagar: દારૂની રીલ બનાવીને વાયરલ કરનાર કંકાવટીના યુવાનોને ખાખીએ લાલ આંખ કરતા માફી માંગવી પડી

ધ્રાંગધ્રા તાલુકાના કંકાવટી ગામે રહેતા યુવાનોએ દારૂ પીતા હોય તેવી રીલ બનાવી હતી. 5.63 લાખ ફોલોઅર ધરાવતા યુવાને આ રીલ ઈન્સ્ટાગ્રામમાં પોસ્ટ કરી હતી. આ વાત પોલીસને ધ્યાને આવતા યુવાનોની તપાસ કરાતા તેઓએ જીરા સોડાની રીલ કરી હોવાનું જણાવ્યુ હતુ. અને યુવાનોએ દારૂને પ્રોત્સાહન આપતી રીલ ડીલીટ કરી માફી પણ માંગી હતી. અને હવેથી આવા વીડિયો નહી બનાવવા બાહેંધરી આપી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 4, 2026

Chotila: હાઈવે પરની હોટેલ સપના પાસેથી દારૂનો જથ્થો ભરેલ ટ્રક ઝડપાઈ

સુરેન્દ્રનગર એલસીબી ટીમે ચોટીલા હાઈવે પર સાંગાણી ગામ પાસે આવેલ હોટેલ સપનાના મેદાનમાંથી ખાતરની આડમાં દારૂ ભરેલ ટ્રક સહિત રૂપીયા 1.06 કરોડનો મુદ્દામાલ જપ્ત કર્યો છે. બીજી તરફ સાયલાના નાગડકા ગામની સીમવાડીમાંથી ખેડુત દેશી-વિદેશી દારૂ સાથે પકડાયો છે.સુરેન્દ્રનગર એલસીબી ટીમના અજયસિંહ, વજાભાઈ સહિતનાઓને ચોટીલા હાઈવે પર પેટ્રોલીંગ દરમીયાન સાંગાણી ગામ પાસે આવેલ હોટલ સપનાના મેદાનમાં ઉભેલ સફેદ કલરના ટ્રકમાં દારૂ હોવાની બાતમી મળતા રેડ કરાઈ હતી. જેમાં ટ્રક પાસે કોઈ હાજર મળી આવ્યુ ન હતુ. જયારે ટ્રકમાં તપાસ કરતા ખાતરની આડમાં વિદેશી દારૂ હતો. આથી પોલીસે 11,496 દારૂની બોટલો કિંમત રૂપીયા 85,66,800, રૂપીયા 20 લાખનો ટ્રક, રૂપીયા 67,500ની ખાતરની 225 થેલીઓ અને મોબાઈલ સહિત રૂપીયા 1,06,34,800નો મુદ્દામાલ જપ્ત કર્યો હતો. અને ટ્રકના ચાલક, માલીક, દારૂ આપનાર, મંગાવનાર સામે ગુનો નોંધી વધુ તપાસ હાથ ધરાઈ છે. જયારે ધજાળા પોલીસની ટીમને પેટ્રોલીંગ દરમીયાન નાગડકા ગામનો જયદીપ ગભરૂભાઈ ધાધલ સીમમાં આવેલ તેની વાડીએ વિદેશી દારૂ રાખી વેચાણ કરતો હોવાની બાતમી મળતા રેડ કરાઈ હતી. જેમાં 26 વર્ષીય જયદીપ ધાધલ મળી આવ્યો હતો. તેને સાથે રાખી વાડીમાં તપાસ કરતા સુકી કડબના ઢગલા નીચેથી વિદેશી દારૂની 9 બોટલ અને 4 લીટર દેશી દારૂ પકડાયો હતો. આથી રૂપીયા 12,500ના મુદ્દામાલ સાથે જયદીપ ધાધલની ધરપકડ કરી તેની સામે ધજાળા પોલીસ મથકે પ્રોહીબીશન મુજબ ફરિયાદ નોંધવામાં આવી છે. બનાવની વધુ તપાસ એચસી વી.બી.ચૌહાણ ચલાવી રહ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 4, 2026

Mandal: સેવા સહકારી મંડળીની તા.15મી ફેબ્રુઆરીએ યોજાનાર ચૂંટણીનો ધમધમાટ

માંડલ સેવા સહકારી મંડળીના વ્યવસ્થાપક કમિટીના હોદ્દેદારોની મુદ્દત પુરી થવાથી કમીટીની કુલ 15 જગ્યાઓ માટે પાંચ વર્ષની મુદ્દત માટે હોદ્દેદારોની નીમણૂંક કરવાની હોઈ ચુંટણી અધિકારી આર.કે.બારોટ દ્વારા ચુંટણી પ્રક્રિયા હાથ ધરાઈ છે. સામાન્ય મોટા ખેડૂતની 9 બેઠકો, નાના ખેડૂતમાં 3, અનુસુચિત જાતિની 1 બેઠક અને મહિલા સામાન્ય મોટા ખેડૂતની 1 અને મહિલા નાના ખેડૂતની 1 બેઠક આમ કુલ 15 બેઠકો માટે ચુંટણી પ્રક્રિયાનો સેવા સહકારી મંડળીમાં ધમધમાટ જોવા મળી રહ્યો છે. અગાઉ રરમી જાન્યુઆરીએ પ્રથમ મતદારયાદી અને ખાલી પડેલ જગ્યાઓ પ્રસિદ્ધ કરાઈ, આખરી મતદારયાદી પ્રસિદ્ધ કરવાની પ્રક્રિયાને પુર્ણ કર્યા બાદ આજ તા.4 ના રોજ ઉમેદવારી પત્રો સ્વીકારવાની તેમજ ચકાસણી અને સાંજે પ કલાકે મંજુર થયેલ ઉમેદવારોની જાહેરાત કરાઈ હતી. બુધવારે ઉમેદવારી પત્રો ભરવાના દિને 15 બેઠકો માટે કુલ 26 ઉમેદવારોએ પોતાના ફોર્મ રજૂ કર્યા હતાં અને ચુંટણી અધિકારી દ્વારા ઉમેદવારી ફોર્મની ચકાસણી કરાતાં 6 ફોર્મ રદ્દ કરતાં 20 ફોર્મને મંજૂર કરાયાં હતાં. સામાન્ય મોટા ખેડુતની 9 બેઠકો સામે 10 ફોર્મ, નાના ખેડુતની 3 બેઠકો માટે 6 ઉમેદવારી પત્રો તેમજ અનુસુચિત ખેડુતની 1 બેઠક અને મહિલા સા.મોટા ખેડુતની 1 બેઠક બંને માટે બે બે ફોર્મ ભરાયાં હતાં. જ્યારે મહિલા સામાન્ય નાના ખેડુતની 1 જગ્યા માટે માત્ર એકજ ઉમેદવારી ફોર્મ રજુ થતાં તે મહિલા બેઠક બીનહરીફ વરણી કરાઈ હતી. જેની ચુંટણી પરિણામોની સાથે સત્તાવાર જાહેરાત કરાશે. માંડલ સેવા સહકારી મંડળીમાં 15 બેઠકો માટે 20 ઉમેદવારોએ ફોર્મ ભર્યા છે અને ઉમેદવારીપત્રો તા.6ના રોજ પરત ખેંચવાનો અંતિમ દિવસ છે. જોકે સેવા સહકારીઓમાં ચુંટણીઓ ક્યારેક થતી હોય છે, જેથી મંડળીના સંચાલકો દ્વારા આ વર્ષે ચુંટણી ના યોજાય અને તમામ 15 બેઠકો બિનહરીફ જાહેર થાય તેવા પ્રયત્નો કરી રહ્યાં છે. જો સેવા સહકારી મંડળીમાં ચૂંટણી કરવાની થાય તો તા.10મી ફેબ્રુઆરીના રોજ સવારે 9થી 3 દરમ્યાન મતદાન પ્રક્રિયા હાથ ધરાશે અને ત્યારબાદ ચૂંટણીના પરિણામોની જાહેરાત કરાશે. સેવા સહકારી મંડળીમાં ઉપરોક્ત તમામ બેઠકોમાં મળીને કુલ 631 મતદારો નોંધાયેલા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward