Community News & Updates

Stay informed with the latest happenings, achievements, and announcements from our community.

All News

calendar_today February 4, 2026

Patan: સરસ્વતી તાલુકાના કાંસા ગામે બંધ મકાનમાંથી ચોરી કરનાર શખ્સ ઝબ્બે

સરસ્વતી તાલુકાના કાંસા ગામે આવેલ એક બંધ મકાનને તસ્કર દ્વારા ગત છ મહિના અગાઉ નિશાન બનાવી. મકાનમાં પ્રવેશ કરી અંદરથી તિજોરીના લોકરના તાળા તોડી. અંદરથી સોના ચાંદીના દાગીના તથા રોકડ રકમની ચોરી કરી ગયા અંગેની ફરીયાદ સરસ્વતી પોલીસ સ્ટેશનમાં નોંધાઈ હતી. જેની તપાસ દરમિયાન ચોરીને અંજામ આપનાર શખ્સને ઝડપી લેવામાં પાટણ લોકલ ક્રાઇમ બ્રાન્ચના માણસોને સફ્ળતા મળી હતી. અને પોલીસે તસ્કર પાસેથી રૂ. 1.96 લાખનો મુદ્દામાલ કબજે કર્યો છે. સરસ્વતી તાલુકાના કાંસા ગામે છ મહિના અગાઉ સુરેશભાઈ દલપતભાઈ રાજપુરોહિતના બંધ મકાનની ધાબાની સીડી પરથી તસ્કરે મકાનમાં પ્રવેશ કરી. તિજોરીનો લોક તોડી અંદરથી 1,72,500 ની કિંમતના સોના ચાંદીના અલગ અલગ દાગીના તથા 7 હજાર રોકડ રકમની ચોરી કર્યાની ફરીયાદ નોંધાવી હતી. જેની તપાસ દરમિયાન લોકલ ક્રાઇમ બ્રાન્ચે હ્યુમન સોર્સ તથા ટેકનીકલ એનાલીસીસના આધારે અમદાવાદ ખાતે રહેતા મહેશ ઉર્ફે અક્કુ ઉર્ફે કાળુ ડોન વાલ્મિકીને ઝડપી લીધો હતો. પોલીસે તેની પાસેથી 1,96,826 ની કિંમતના સોના ચાંદીના દાગીના કબજે કરી વધુ તપાસ હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 4, 2026

Surendranagar: ઝાલાવાડમાં આજથી બોર્ડ પરીક્ષાના બારણે ટકોરા

સુરેન્દ્રનગર જિલ્લામાં આજે તા. 5મી ફેબ્રુઆરીને ગુરૂવારથી ધો. 12 વિજ્ઞાન પ્રવાહની પ્રાયોગીક પરીક્ષાઓ શરૂ થનાર છે. જેમાં સુરેન્દ્રનગર જિલ્લામાં સુરેન્દ્રનગર શહેર અને ધ્રાંગધ્રા એમ ર કેન્દ્રો પર 4 પરીક્ષા સ્થળ બનાવાયા છે. તા. 5મીથી તા. 13મી ફેબ્રુઆરી સુધી પ્રાયોગીક પરિક્ષાઓ યોજાશે. જેમાં કેમેસ્ટ્રી અને ફીઝીકસના 1109 તથા બાયોલોજીના 575 વિદ્યાર્થીઓ પ્રેકટીકલ પરીક્ષા આપશે.ગુજરાત રાજય માધ્યમીક અને ઉચ્ચતર માધ્યમીક બોર્ડ દ્વારા આગામી તા. 26મી ફેબ્રુઆરીથી ધો. 10 અને ધો. 12ની બોર્ડની વાર્ષીક પરીક્ષાઓ લેવામાં આવનાર છે. ત્યારે આ પરીક્ષા પહેલા તા. 5મી ફેબ્રુઆરીને ગુરૂવારથી સમગ્ર રાજયમાં ધો. 12 વિજ્ઞાન પ્રવાહના વિદ્યાર્થીઓ માટે પ્રેકટીકલ પરીક્ષાનું આયોજન કરાયુ છે. આ અંગે સુરેન્દ્રનગર જિલ્લા શિક્ષણાધીકારી એ.એમ.ઓઝાએ જણાવ્યુ કે, તા. 5મી ફેબ્રુઆરીથી શરૂ થનાર ધો. 12 સાયન્સ સ્ટ્રીમની પ્રેકટીકલ પરીક્ષા તા. 13મી ફેબ્રુઆરી સુધી ચાલનાર છે. જે પરીક્ષા માટે શિક્ષણ નિરીક્ષક કે.એન.બારોટને ઝોનલ અધીકારી અને મદદનીશ શિક્ષક નીરીક્ષક બી.ડી.રાણવાને મદદનીશ ઝોનલ અધીકારી બનાવાયા છે. આ પરીક્ષા જિલ્લામાં 2 કેન્દ્રો ધ્રાંગધ્રા અને સુરેન્દ્રનગરમાં કુલ 4 ઈમારતોમાં લેવામાં આવી રહી છે. જેમાં સુરેન્દ્રનગરની એન.ટી.એમ. હાઈસ્કુલ, આર.પી.પી. ગર્લ્સ હાઈસ્કુલ, આર.એ.પટેલ બોયઝ સ્કુલ અને ધ્રાંગધ્રાની સર અજીતસીંહજી સરકારી હાઈસ્કુલમાં પરિક્ષા લેવાશે. ધો. 12 સાયન્સ વિભાગની પ્રેકટીકલ પરીક્ષા માટે રસાયણ વિજ્ઞાન વિષયના 1109, ભૌતીક વિજ્ઞાન વિષયના 1109 અને જીવ વિજ્ઞાન વિષયના 575 વિદ્યાર્થીઓ પરીક્ષા આપનાર છે. પરિક્ષાનો સમય દરરોજ સવારે 10 થી 1 અને બપોરે 2 થી 5નો રહેશે. પરિક્ષા દરમીયાન કોઈ ગેરરીતી ન થાય તેમજ વિદ્યાર્થીઓને પણ કોઈ મુશ્કેલી ન પડે તે માટે તમામ સ્થળ સંચાલકો, લેબ આસીસ્ટન્ટ, આંતરીક અને બાહ્મ મુલ્યાંકનકાર, સરકારી પ્રતીનીધી અને ઝોન સ્ટાફની નીમણુંક કરી દેવાઈ છે. જયારે તેઓને પરીક્ષાલક્ષી તાલીમ પણ અપાઈ છે. તા. 27 જાન્યુઆરીથી બોર્ડની વેબસાઈટ હોલટીકીટ પણ આપવાની શરૂ થઈ ગઈ છે. શાળાનો ઈન્ડેકસ નંબર, નોંધાયેલ મોબાઈલ નંબર નાંખીને હોલટીકીટની પ્રીન્ટ કાઢી નીયત સ્થળે આચાર્યના સહી સીક્કા કરી શાળા દ્વારા વિદ્યાર્થીઓને આપવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 4, 2026

Viramgam: ભરવાડી દરવાજાથી રૈયાપુર દરવાજા વચ્ચેના દબાણો પર તંત્ર દ્વારા બુલડોઝર ફેરવાયુ

વિરમગામ શહેરના રૈયાપુર ત્રણ રસ્તાથી ભરવાડી દરવાજા તરફ્નો માર્ગ પોહળો બનાવવા સાથે વરસાદી પાણીની ગટર લાઈનમાં કામગીરી તેમજ જર્જરિત ગઢની જુની દીવાલ તોડી નવી દીવાલ બનાવવાનું વિકાસ કામ તંત્ર દ્વારા હાથ ધરવામાં આવ્યું છે.ત્યારે અહીંયા થયેલા દબાણો બુધવારે હટાવવામાં આવ્યા હતા.ભરવાડી દરવાજા બહાર સામે બાજુની લાઈનમાં રૈયાપુર દરવાજા તરફ્ જતા ક્રિષ્ના ગેરેજ વચ્ચે ના દબાણ પર તંત્રનો કોરડો વીંઝાયો હતો.સવારે 10:30 કલાક થી પોલીસ સાથે તંત્રનો કાફ્લો બે બુલડોઝર,ટ્રેકટરો સાથે પોહચી ગયો હતો અને છ જેટલા પાકા તેમજ અન્ય કાચા ઊભા કરેલા દબાણતોડી પાડવામાં આવ્યા હતા.બીજી તરફ્ આ જગ્યાએ પેટિયું રળતા લોકોની જગ્યા જતા પરિવારજનોમાં ચિંતા સાથે રોષ છવાયો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward