Community News & Updates

Stay informed with the latest happenings, achievements, and announcements from our community.

All News

calendar_today February 4, 2026

Surendranagar: ધ્રાંગધ્રા મિલેટ્રી સ્ટેશનમાં ભારત રણભૂમિ યાત્રાનું આગમન થયું

ધ્રાંગધ્રા મિલેટ્રી સ્ટેશનમાં દ્વારકાથી નીકળેલી ભારત રણભૂમી યાત્રાના આગમન સમયે બ્રિગેડીયર સહિતના અધિકારીઓ હાજર રહી નિવૃત સ્ટાફ સાથે મુલાકાત કરી વીરનારીઓને સન્માનીત કરી શહીદોને શ્રાધ્ધાંજલી આપી યાત્રા ભુજ તરફ રવાના થઇ હતી.પ્રાપ્ત વિગતો અનુસાર ભારતીય સેનાની ત્રણેય પાંખ આર્મી,નેવી અને એરફોર્સ સહિતના ત્રણેય સેનાના અધિકારીઓ અને સ્ટાફ સાથે દ્વારકાથી દિલ્હી સુધી ભારત રણભૂમી યાત્રા ધ્રાંગધ્રા મિલટ્રી સ્ટેશન ખાતે પહોચતા સ્વાગત કરાયુ હતુ.આ યાત્રાનો મુખ્ય હેતુ દેશની વેસ્ટર્ન બોર્ડરમાં આવતા સેનાના સ્ટેશનની મુલાકાત લઇ શહીદોને શ્રાધ્ધાંજલિ આપવી, વીર નારીઓને સન્માનીત કરવી અને ભારતીય સેનામાં ફરજ બજાવી ચૂકેલા નિવૃત સ્ટાફ સાથે મુલાકાત કરી ઉત્સાહ વધારવાનો હેતુ છે. ત્યારે ધ્રાંગધ્રા ખાતે યાત્રા આવી પહોચતા વોર મેમોરિયલ ખાતે શહીદોને શ્રાધ્ધાંજલી આપી આ વિસ્તારની વીરનારીઓને સન્માનીત પણ કરી હતી. ત્યારબાદ ધ્રાંગધ્રા મિલેટ્રી સ્ટેશનના બ્રિગેડીયર યોગેન્દ્ર ચૌધરીની હાજરીમાં આ ભારત રણભૂમી યાત્રા ભુજ તરફ રવાના થઇ હતી. આમ યાત્રા પ્રસંગે સેનાના સ્ટાફ દ્વારા શહીદોને શ્રાધ્ધાંજલી, વીર નારીનું સન્માન અને નિવૃત સ્ટાફ સાથે મુલાકાત કરતા સૌએ આનંદ વ્યકત કર્યો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 4, 2026

Surendranagar: કેનેડાના વીઝા અપાવવાના બહાને રૂપિયા 13.50 લાખની છેતરપિંડી કરનાર ઝડપાયો

ધ્રાંગધ્રામાં રહેતા ખેડૂત પુત્રને માસ્ટર ડીગ્રી માટે કેનેડા જવાનું હોવાથી વીઝા માટે ભરૂચના એક શખ્સના સંપર્કમાં આવ્યા હતા. અને વીઝા માટે રૂ. 13.50 લાખ આપવા છતાં વીઝા મળ્યા ન હતા. આ અંગેની વર્ષ 2024માં ધ્રાંગધ્રા સિટી પોલીસ મથકે નોંધાયેલ ફરિયાદના ફરાર આરોપીને પેરોલ ફર્લો સ્કવોડની ટીમે વડોદરામાંથી ઝડપી લીધો છે.ધ્રાંગધ્રાના નરશીપરામાં રહેતા કેસરીસીંહ કરણસીંહ ઝાલાના પુત્ર અજયરાજસીંહ વર્ષ 2022માં અમદાવાદની કોલેજમાં બીએસસી કરતા હતા. અભ્યાસ પુરો થતા માસ્ટર ડીગ્રી માટે અજયરાજસીંહને કેનેડા જવાનું હતુ. આથી તેઓ એક મિત્ર થકી ભરૂચના અર્પીતસીંહ વિજયસીંહ પરમારના સંપર્કમાં આવ્યા હતા. જેમાં અર્પીતસીંહે વીઝાના રૂ.18 લાખ થશે તેમ કહી 75 ટકા રકમ એડવાન્સ માંગી હતી. જેમાં તા. 26-9-22ના રોજ રૂ. 4 લાખ અને તા. 7-10-2022ના રોજ રૂ. 9.50 લાખ એમ કુલ 13.50 લાખ અર્પીતસીંહને આપ્યા હતા. પરંતુ ત્યારબાદ અજયરાજસીંહના વીઝા થયા ન હતા. ત્યારબાદ ઉઘરાણી કરતા અર્પીતસીંહે વીઝા નહી થાય તેમ કહી પૈસા પરત આપવાનું કહ્યુ હતુ. જેના લીધે અન્ય સ્થળેથી વીઝા કરીને અજયરાજસીંહ કેનેડા અભ્યાસ અર્થે ગયા હતા. પરંતુ ત્યાર પછી અવારનવાર પૈસા માંગતા અર્પીતસીંહે હવે રૂપીયા માટે ફોન કરતા નહી, તમારા રૂપીયા દેવાના થતા નથી તેમ કહેતા તા. 14-5-24ના રોજ કેસરીસીંહે ધ્રાંગધ્રા સિટી પોલીસ મથકે આ બાબતે ફરિયાદ નોંધાવી હતી. આ કેસનો ફરાર આરોપી અર્પીતસિંહ પરમાર વડોદરામાં હોવાની બાતમી સુરેન્દ્રનગર પેરોલ ફર્લો સ્કવોડને મળી હતી. આથી ટીમના શકિતસિંહ, ભરતભાઈ, કપીલભાઈ સહિતનાઓએ વડોદરાના સોમા તળાવ પાસે વોચ રાખી ફરાર આરોપીને ઝડપી લઈ ધ્રાંગધ્રા સિટી પોલીસના હવાલે કર્યો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 4, 2026

Surendranagar: ઝાલાવાડમાં અકસ્માતના 3 બનાવ, 8 વ્યક્તિને ઈજા

સુરેન્દ્રનગર જિલ્લાના લખતર-વિરમગામ હાઈવે, દસાડાના મોટી મજેઠી પાસે અને લીંબડી હાઈવે પર અકસ્માતના 3 બનાવો પોલીસ ચોપડે નોંધાયા છે. જેમાં લખતરમાં છકડા હડફેટે વૃધ્ધને ગંભીર ઈજાઓ પહોંચી છે. જયારે મોટી મજેઠી પાસે કચ્છનુ દંપતી ઘવાયુ છે. બીજી તરફ લીંબડી હાઈવે પર આઈશરે 2 કારને ઠોકર મારતા જામનગરના પરીવારના 5 સભ્યોને સામાન્ય ઈજાઓ થઈ છે. લખતરના મફતીયાપરામાં રહેતા 45 વર્ષીય કાળુભાઈ ગોવિંદભાઈ વઘાડીયા લખતર-વિરમગામ હાઈવે પર આવેલ ઉમીયા હોટલમાં રસોઈનું કામ કરે છે. તા. 1-2ના રોજ મોડી સાંજે તેમના પિતા 75 વર્ષીય ગોવિંદભાઈ ગાંડાભાઈ વઘાડીયા ચાલીને ઉમીયા હોટલ તરફ જતા હતા. ત્યારે યોગીરાજ પેટ્રોલપંપ અને હોટલ વચ્ચે સામેથી આવતા છકડા ચાલકે તેમને અડફેટે લીધા હતા. આ અંગે કાળુભાઈને જાણ થતા તેઓ દોડી ગયા હતા. અને ગંભીર રીતે ઘવાયેલા પિતાને સારવાર માટે પ્રથમ લખતર સરકારી દવાખાને અને ત્યાંથી સુરેન્દ્રનગર લઈ જવાયા હતા. આ અંગે લખતર પોલીસ મથકે કાળુભાઈ વઘાડીયાએ તા. 3ના રોજ સાંજે અજાણ્યા છકડા ચાલક સામે ફરિયાદ નોંધાવતા વધુ તપાસ એચસી રાજુભાઈ કુશાપરા ચલાવી રહ્યા છે. જયારે કચ્છના ગાંધીધામ તાલુકામાં આવેલ કીડાણા ગામે રહેતા 33 વર્ષીય બીલાલભાઈ ગફારભાઈ કાતીયાર ડ્રાઈવીંગ કરે છે. તા. 30-1ના રોજ સવારે તેઓ તેમના શેઠ બાલચંદભાઈ અને તેમના પત્ની પુષ્પાબેનને બાલચંદભાઈની ઈગ્નીશ કારમાં લઈને અમદાવાદ જતા હતા. જેમાં સવારના 11 કલાકના સમયે દસાડા તાલુકાના મોટી મજેઠી ગામ પાસે પસાર થતા સમયે સામેથી આવતી અલ્ટો કારના ચાલકે ગફલતભરી રીતે ચલાવી અકસ્માત કર્યો હતો. જેમાં બાલચંદભાઈ અને પુષ્પાબેનને ઈજાઓ થતા સારવાર માટે વિરમગામ સરકારી દવાખાને અને ત્યાંથી અમદાવાદ લઈ જવાયા હતા. આ અંગે બજાણા પોલીસ મથકે અલ્ટોકારના ચાલક સામે ફરિયાદ નોંધાતા વધુ તપાસ એચસી એમ.જી.પાણકુટા ચલાવી રહ્યા છે. બીજી તરફ જામનગરના એરફોર્સ રોડ પર આવેલી શિવમ સોસાયટીમાં રહેતા 53 વર્ષીય સુરેશભાઈ નારણદાસ સોલંકી બોકસનું કારખાનુ ચલાવે છે. તા. 3-2ના રોજ રાત્રે તેઓ પત્ની જયશ્રીબેન, દિકરો મનન, ભત્રીજો યુવરાજ અને ભત્રીજાવહુ કોમલબેન સાથે પોતાની કીયા કાર લઈને શ્રીનાથજી દર્શન કરવા જતા હતા. જેમાં રાત્રે 2-30 કલાકે લીંબડી હાઈવે પર પહોંચતા એચએફએમ હોટલ પાસે ટ્રાફીક જામ હોવાથી તેઓ ઉભા રહ્યા હતા. તેમની પાછળ એક સ્વીફટ કાર ઉભી હતી. ત્યારે તેની પાછળ પુરઝડપે આવેલા આઈશર ચાલકે સ્વીફટ કારને ટક્કર મારી હતી આથી કાર સુરેશભાઈની કાર પાછળ ધડાકાભેર અથડાઈ હતી. આ ઉપરાંત આઈશર ચાલકે પોતાનું આઈશર આગળ ચલાવી કીયા કારને સાઈડમાં અકસ્માત કર્યો હતો. આ બનાવમાં કીયા કારમાં બેસેલ તમામ પાંચેય વ્યકિતઓને સામાન્ય ઈજા થઈ હતી. જયારે સ્વીફટ કારમાં સવાર કોઈને ઈજા થઈ ન હતી. બનાવની આઈશર ચાલક અનવર શેખ સામે લીંબડી પોલીસ મથકે ફરિયાદ નોંધાતા વધુ તપાસ એચસી જે.પી.ડોડીયા ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward