Patan: ચાણસ્મા ખાતે હાઈવે ઉપરનું સર્કલ મોટુ હોવાથી નાનું કરવા માંગ કરાઈ
ચાણસ્મા શહેરમાં હાઈવે ચાર રસ્તા પર આવેલું સર્કલ મોટું હોવાથી અકસ્માતો થતાં હોય અને વેપારીઓને પણ અડચણ થતી હોવાથી તેને હાલમાં ચાલી રહેલી ફેરલેન હાઈવેની કામગીરી દરમિયાન નાનું કરવામાં આવે તેવી માંગ નેશનલ હાઇવે ઓથોરિટીના પ્રોજેક્ટ મેનેજરને પત્ર લખી કરવામાં આવી છે.ચાણસ્મા શહેર તાલુકાનું મુખ્ય મથક હોવાથી દરરોજ મોટી સંખ્યામાં ગ્રામ્ય વિસ્તારોમાંથી લોકો આવતાં હોય છે. સાથે સાથે મહત્વની કચેરીઓ પણ આવેલી છે. જેને લઈ વાહનો અને રાહદારીઓનો ઘસારો રહે છે. તદ્પરાંત બેચરાજી તરફ્ મોટાભાગની કંપનીઓ આવેલી હોવાથી ભારે વાહનો પણ ચાણસ્મા સર્કલ પરથી પસાર થતાં હોય છે. જેને લઈ કેટલીક વખત ટ્રાફ્કિની પણ સમસ્યા સર્જાય છે. જેને લઈ કેન્દ્રીય ન્યાય આયોગના સભ્ય મિહીર પટેલે નેશનલ હાઇવે ઓથોરિટીના પ્રોજેક્ટ મેનેજરને એક પત્ર લખી રજૂઆત કરી છે કે. હાલમાં પાટણથી ગોઝારીયા સુધીના 68 નંબરના ફેરલેન હાઈવેનું કામપુર્ણતાના આરે છે. તેમાં ચાણસ્મા હાઇવે સર્કલ આવે છે. જે મોટું હોવાથી ઘણાં અકસ્માતો થાય છે. અને આજુબાજુના વેપારીઓને અડચણ ઉભી થાય છે. તથા પસાર થતા રાહદારીઓને પણ તકલીફ્ થતી હોવાથી સર્કલ નાનું બનાવવામાં આવે તેવી માંગ કરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
