Community News & Updates

Stay informed with the latest happenings, achievements, and announcements from our community.

All News

calendar_today February 3, 2026

India-US Trade Deal : શું ભારત રશિયા પાસેથી ઓઈલ નહીં ખરીદે? ટ્રમ્પના દાવા પર મોસ્કોએ આપ્યો જવાબ

રશિયાએ અમેરિકા અને ભારત વચ્ચેના વેપાર કરાર અંગે સત્તાવાર રીતે પ્રતિક્રિયા આપી છે. રશિયાએ ટ્રમ્પના દાવા અંગે કોઈ જાણકારી ના હોવાનું કહ્યું છે કે ભારત હવે મોસ્કો પાસેથી ઓઈલ ખરીદશે નહીં. રશિયાએ જણાવ્યું હતું કે નવી દિલ્હી દ્વારા તેને આ અંગે જાણ કરવામાં આવી નથી.વેપાર સોદા પર ટ્રમ્પે શું કહ્યું? રશિયન રાષ્ટ્રપતિ કાર્યાલય દ્વારા જાહેર કરાયેલા એક નિવેદન મુજબ ભારત દ્વારા ઓઈલની ખરીદી બંધ કરવા અંગે કોઈ ચર્ચા થઈ નથી. ક્રેમલિને કહ્યું કે તેને ભારત તરફથી કોઈ સંદેશ મળ્યો નથી જે દર્શાવે છે કે ભારત તેની તેલ ખરીદી વ્યૂહરચના બદલી રહ્યું છે. ડોનાલ્ડ ટ્રમ્પે વેપાર સોદા પર એક નિવેદન બહાર પાડતા કહ્યું, "મેં ભારતના વડાપ્રધાન નરેન્દ્ર મોદી સાથે વાત કરી છે. મોદીએ મને કહ્યું કે અમે રશિયા પાસેથી ઓઈલ ખરીદીશું નહીં, ત્યારબાદ અમે ટેરિફ ઘટાડવાનો નિર્ણય લીધો છે. અમેરિકાએ ભારત પર 18 ટકા ટેરિફ લાદવાની ધમકી આપી છે. 2025માં રશિયા પાસેથી ઓઈલ ખરીદવાને કારણે અમેરિકાએ ભારત પર 50 ટકા ટેરિફ લાદ્યો હતો." ક્રેમલિનના પ્રવક્તા દિમિત્રી પેસ્કોવે પત્રકારોને જણાવ્યું કે અત્યાર સુધી અમને આ બાબતે નવી દિલ્હી તરફથી કોઈ નિવેદન મળ્યું નથી. ટ્રમ્પના દાવા પર ભારતે સત્તાવાર રીતે કોઈ પ્રતિક્રિયા આપી નથી. જોકે, સૂત્રો કહે છે કે ભારત એવા બધા દેશો પાસેથી ઓઈલ ખરીદવાનું ચાલુ રાખશે જેમના પર વૈશ્વિક સ્તરે પ્રતિબંધ નથી. ભારત રશિયા પાસેથી કેટલું ઓઈલ ખરીદે છે? ભારત રશિયા પાસેથી સૌથી વધુ ઓઈલ ખરીદે છે. 2024-2025માં ભારતે રશિયા પાસેથી આશરે 88 મિલિયન મેટ્રિક ટન તેલ ખરીદ્યું. ડિસેમ્બર 2025થી ઓઈલ ખરીદીમાં ઘટાડો થયો છે. ડિસેમ્બર 2025માં ભારતે રશિયા પાસેથી માત્ર 1.38 મિલિયન બેરલ ઓઈલ ખરીદ્યું, જે 2025ના બાકીના સમયની તુલનામાં 22 ટકાનો ઘટાડો દર્શાવે છે. અમેરિકાના રાષ્ટ્રપતિ ટ્રમ્પના મતે ભારત હવે વેનેઝુએલા પાસેથી ઓઈલ ખરીદશે. જોકે, આ ખરીદી ક્યારે શરૂ થશે અથવા ભારત વેનેઝુએલા પાસેથી કેટલું ઓઈલ ખરીદશે તે અંગે કોઈ સત્તાવાર માહિતી નથી.આ પણ વાંચો : World News: 'ગાઝા પીસ ઓફ બોર્ડ'ની રચના વચ્ચે પેલેસ્ટાઇનમાં રાજકીય જાહેરાત, 1 નવેમ્બરે યોજાશે ચૂંટણી

Read Full Story arrow_forward

calendar_today February 3, 2026

India US Trade Deal News: BRICSનું શું થશે? ભારત અમેરિકા વેપાર કરાર પછી ઉભા થાય 4 મોટા પ્રશ્નો

ડોનાલ્ડ ટ્રમ્પે કહ્યું છે કે, ભારત રશિયા પાસેથી તેલ ખરીદવાનું બંધ કરશે. પરંતુ રશિયાએ આ વાતને ફગાવી દીધી છે. આગામી દિવસોમાં પ્રક્રિયા કરાશે પૂર્ણ અમેરિકા રાષ્ટ્રપતિ ડોનાલ્ડ ટ્રમ્પે ભારત પર પારસ્પરિક ટેરિફ ઘટાડીને 18% કર્યો છે. આ ટેરિફ એપ્રિલ 2025 સુધી લાદવામાં આવ્યો હતો. ટ્રમ્પે ઓગસ્ટમાં રશિયન તેલની ખરીદી પર 25% દંડ ટેરિફ પણ લાદ્યો હતો. ભારતમાં યુએસ રાજદૂત સર્જિયો ગોરે જણાવ્યું હતું કે, ભારત અને યુએસ વચ્ચે વેપાર કરારને અંતિમ સ્વરૂપ અપાયુ છે. આગામી દિવસોમાં ફક્ત કેટલાક કાગળો પર હસ્તાક્ષર કરવાની જરૂર છે. 1. શું ભારત રશિયા પાસેથી તેલ ખરીદવાનું બંધ કરશે? ટ્રમ્પે કહ્યું છે કે ભારત રશિયા પાસેથી તેલ ખરીદશે નહીં. જોકે, તેમણે અન્ય વેપાર કરારોની સ્થિતિ સ્પષ્ટ કરી નથી. ટ્રમ્પે ટ્રુથ સોશિયલ પર લખ્યું હતું કે, પીએમ મોદી રશિયા પાસેથી તેલ ખરીદવાનું બંધ કરવા સંમત થયા છે. ભારત હવે અમેરિકા પાસેથી વધુ તેલ ખરીદશે. વધુમાં, વેનેઝુએલા પાસેથી તેલ ખરીદવાની શક્યતા પર પણ ચર્ચા કરાઇ હતી. 2. બ્રિક્સ ચલણ યોજનાને આંચકો? બ્રિક્સ દેશો લાંબા સમયથી ડોલર પરની તેમની નિર્ભરતા ઘટાડવા અને પોતાનું સામાન્ય ચલણ બનાવવાની વાત કરી રહ્યા છે. ચીન આ પ્રયાસમાં મોખરે રહ્યું છે અને યુઆનને પ્રોત્સાહન આપવા માટે કામ કરી રહ્યું છે. જો કે, આને અન્ય બ્રિક્સ સભ્યો તરફથી સમર્થન મળવાની શક્યતા નથી. 3. શું દક્ષિણ આફ્રિકા પણ અમેરિકા અને યુરોપિયન યુનિયનની નજીક ? ભારતની જેમ, દક્ષિણ આફ્રિકા પણ અમેરિકા અને યુરોપિયન યુનિયન સાથે વેપાર સોદો કરવાની તૈયારી કરી રહ્યું છે. 12 જાન્યુઆરીએ, યુએસ હાઉસ ઓફ રિપ્રેઝન્ટેટિવ્સે આફ્રિકન ગ્રોથ એન્ડ ઓપોર્ચ્યુનિટી એક્ટના ત્રણ વર્ષના વિસ્તરણને મંજૂરી આપી. આ કાયદો 32 દેશોના 1,800 થી વધુ ઉત્પાદનોને ટેરિફ-મુક્ત ઍક્સેસ પ્રદાન કરે છે. આ કાયદા પર સેનેટ મતદાન થવાની અપેક્ષા છે. ત્યારબાદ તે ટ્રમ્પ પાસે તેમના હસ્તાક્ષર માટે જશે. 4. ભારતમાં BRICS બેઠક: કયા મુખ્ય નિર્ણયો લેવાશે ? 2026માં ભારતમાં BRICS સમિટ યોજાવાની છે. ભારતે 1 જાન્યુઆરી 2026 ના રોજ બ્રાઝિલથી BRICS પ્રમુખપદ સંભાળ્યું છે. PM મોદીએ રિયો ડી જાનેરોમાં 17માં BRICS સમિટમાં કહ્યું હતું કે, તેઓ BRICSને ફરીથી આકાર આપશે. જો કે, હવે જ્યારે અમેરિકા સાથે વેપાર કરાર થયો છે. ત્યારે ભારત માટે BRICSની અંદર ક્રાંતિકારી નિર્ણયો લેવા મુશ્કેલ બનશે. ભારતે અમેરિકા અને પશ્ચિમી દેશો સાથે સંબંધો સુધારવા માટે સંતુલન બનાવવું પડશે. આ પણ વાંચોઃ India US Trade Deal: એક દેશ પર નિર્ભરતા ઓછી થશે અને ભાવ વધુ સ્થિર રહેશે, બજારની અનિશ્ચિતતા થશે દૂર

Read Full Story arrow_forward

calendar_today February 3, 2026

Manipur New CM : મણિપુરના નવા મુખ્યપ્રધાન બનશે યુમનામ ખેમચંદ સિંહ

યુમનામ ખેમચંદ સિંહ મણિપુરના નવા મુખ્યપ્રધાન બનશે. તેમને ભાજપના ધારાસભ્ય દળના નેતા તરીકે પસંદ કરવામાં આવ્યા છે. ખેમચંદ મેઈતેઈ સમુદાયથી આવે છે. સિંગજામેઈ વિધાનસભા સીટથી ધારાસભ્ય તરીકે ચુંટાયા છે. તે એન્જિનિયર છે. 62 વર્ષીય ખેમચંદ સિંહ બીરેન સરકારમાં નગર પ્રશાસન અને આવાસ વિભાગના મંત્રી હતા, તેમના રાજકીય પ્રભાવનો અંદાજ એ વાત પરથી લગાવી શકાય છે કે તેઓ 2022માં મુખ્યમંત્રી પદના દાવેદાર હતા. ખેમચંદને સંઘની નજીકના માનવામાં આવે છે. મણિપુરમાં લગભગ 1 વર્ષથી રાષ્ટ્રપતિ શાસન લાગુતમને જણાવી દઈએ કે આજે સાંજે 5.30 વાગ્યે મણિપુર ભાજપના ધારાસભ્યોની બેઠક ભાજપના હેડક્વાર્ટરમાં યોજાઈ, મણિપુરમાં લગભગ 1 વર્ષથી રાષ્ટ્રપતિ શાસન લાગુ છે અને ત્યાં મુખ્યપ્રધાન પદની જગ્યા ખાલી છે. ઉલ્લેખનીય છે કે આ પહેલા ભાજપના મહાસચિવોની ગૃહપ્રધાન અમિત શાહની સાથે ભાજપની એક્સટેન્શન ઓફિસમાં બેઠક થઈ, જેમાં ભાજપના રાષ્ટ્રીય અધ્યક્ષ નીતિન નવીન, સંગઠન મહાસચિવ બીએલ સંતોષ અને રાષ્ટ્રીય મહાસચિવ સુનીલ બંસલ હાજર રહ્યા. ક્યારે યોજાશે શપથગ્રહણ સમારોહ? ભાજપ હેડક્વાર્ટરમાં યોજાયેલી બેઠકમાં યુમનામ ખેમચંદ સિંહને ધારાસભ્ય દળના નેતા તરીકે પસંદ કરવામાં આવ્યા છે. આ અવસરે તરુણ ચુગ અને અન્ય વરિષ્ઠ નેતાઓએ તેમનું મોઢું મીઠું કરાવ્યું અને શુભકામનાઓ આપી. ત્યારે જણાવવામાં આવી રહ્યું છે કે 4 ફેબ્રુઆરીએ નવી સરકારનો શપથગ્રહણ કાર્યક્રમ યોજાઈ શકે છે. 13 ફેબ્રુઆરીએ બિરેન સિંહે રાજીનામું આપ્યું હતું ઉલ્લેખનીય છે કે મે 2023માં મેઈતેઈ અને કુકી જાતીની વચ્ચે જાતીય હિંસા થઈ. જેમાં 260થી વધારે લોકોના મોત થયા છે અને હજારો લોકો બેઘર બન્યા છે. ગયા વર્ષે 13 ફેબ્રુઆરીએ બિરેન સિંહે મુખ્યપ્રધાન પદ પરથી રાજીનામું આપ્યું, ત્યારબાદ કેન્દ્ર સરકારે ત્યાં રાષ્ટ્રપતિ શાસન લાગુ કરી દીધું હતું. આ પણ વાંચો : India US Trade Deal News: BRICSનું શું થશે? ભારત અમેરિકા વેપાર કરાર પછી ઉભા થાય 4 મોટા પ્રશ્નો

Read Full Story arrow_forward