Junagadh ડિસ્ટ્રિક્ટ કોર્ટને બોમ્બથી ઉડાવી દેવાની ધમકી: 3 કલાકના સઘન સર્ચ બાદ તંત્રએ લીધો રાહતનો શ્વાસ
જૂનાગઢની ડિસ્ટ્રિક્ટ કોર્ટને બોમ્બથી ઉડાવી દેવાની ધમકી મળતા આજે કોર્ટ સંકુલમાં ભારે અફરાતફરીનો માહોલ સર્જાયો હતો. એક અજાણ્યા શખ્સ દ્વારા ઈમેઈલ મારફતે બપોરે 2:10 મિનિટે બ્લાસ્ટ કરવાની ધમકી આપવામાં આવી હતી, જેને પગલે સમગ્ર પોલીસ તંત્ર દોડતું થઈ ગયું હતું.ડિસ્ટ્રિક્ટ કોર્ટને ઉડાવી દેવાની મળી હતી ધમકી ધમકીભર્યા મેઈલની જાણ થતા જ જૂનાગઢ પોલીસના ઉચ્ચ અધિકારીઓ સહિત SOG, BDS અને ડોગ સ્ક્વોડની ટીમો તાબડતોબ કોર્ટ સંકુલ પહોંચી ગઈ હતી. સુરક્ષાના ભાગરૂપે કોર્ટ સંકુલને ખાલી કરાવીને ખૂણેખૂણાની તપાસ હાથ ધરવામાં આવી હતી. અંદાજે ત્રણ કલાક સુધી ચાલેલી આ સઘન તપાસ દરમિયાન કોઈ પણ પ્રકારની શંકાસ્પદ કે વાંધાજનક વસ્તુ મળી આવી ન હતી. મેઈલ કરનાર સામે એ ડિવિઝનમાં ફરિયાદ તપાસના અંતે કોઈ વિસ્ફોટક ન મળતા તંત્ર અને હાજર લોકોએ રાહતનો શ્વાસ લીધો હતો. જોકે, આ ગંભીર મામલાને જોતા પોલીસ એક્શન મોડમાં આવી છે: ખોટી અફવા ફેલાવી ભયનો માહોલ પેદા કરનાર અજાણ્યા શખ્સ સામે એ ડિવિઝન પોલીસ સ્ટેશનમાં ગુનો નોંધવાની તજવીજ હાથ ધરવામાં આવી છે. સાયબર ક્રાઈમની મદદથી આ મેઈલ ક્યાંથી અને કોણે મોકલ્યો છે તેની તપાસ તેજ કરવામાં આવી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
