Surat News : નિવૃત્ત કર્મચારીને ટાર્ગેટ કરી આચરાયું 42 લાખનું કૌભાંડ, બેંકના ઉચ્ચ અધિકારીઓની ધરપકડ
સુરતના સિટીલાઇટ વિસ્તારમાં રહેતા એક નિવૃત્ત કર્મચારી સાથે દર મહિને 10 ટકા નફો આપવાની લાલચ આપી 42 લાખ રૂપિયાની છેતરપિંડી આચરવામાં આવી છે. આ કેસમાં સૌથી ચોંકાવનારો ખુલાસો એ થયો છે કે, આ આખી ઠગાઈમાં પ્રતિષ્ઠિત બેંકોના મેનેજરો સામેલ હતા. સુરત સાયબર સેલે આ મામલે તપાસ હાથ ધરી બંધન બેંકના સેલ્સ મેનેજર અને ઈન્ડસઈન્ડ બેંકના મેનેજર સહિત કુલ ત્રણ શખ્સોની ધરપકડ કરી છે. આ ટોળકી નિવૃત્ત લોકોને ટાર્ગેટ કરી ઊંચા વળતરની લાલચ આપી તેમની જીવનભરની મૂડી પડાવી લેતી હતી.સિટીલાઇટ વિસ્તારમાં મોટી છેતરપિંડી સાયબર સેલની પ્રાથમિક તપાસમાં બહાર આવ્યું છે કે, આ ટોળકીએ એજન્ટોના માધ્યમથી વિવિધ બેંકોમાં 50થી વધુ શંકાસ્પદ ખાતાઓ ખોલાવ્યા હતા. ધરપકડ કરાયેલા બેંક મેનેજરોને આ છેતરપિંડીના વ્યવહારોમાં મદદ કરવા બદલ અંદાજે 60 હજાર રૂપિયા જેટલી રકમ કમિશન પેટે મળી હતી. આ નેટવર્ક ઘણું મોટું હોવાની આશંકા છે, કારણ કે અનેક લોકોના નામે બોગસ દસ્તાવેજો બનાવી ખાતા ખોલવામાં આવ્યા હતા. હાલમાં પોલીસે તમામ આરોપીઓના રિમાન્ડ મેળવી આ કૌભાંડમાં અન્ય કેટલા બેંક કર્મચારીઓ કે એજન્ટો સામેલ છે તે દિશામાં સઘન તપાસ શરૂ કરી છે. આ પણ વાંચો : Surat માં આયકર વિભાગનો સપાટો, લક્ષ્મી ગ્રુપ પર ચોથા દિવસે દરોડા યથાવત, 8 કરોડના દાગીના જપ્ત
Read Full Story arrow_forward
