Patan: 1281માં સ્થાપના દિનની ઉજવણી માટે પાલિકામાં બેઠક મળી
ઐતિહાસિક નગરી પાટણના 1281 માં સ્થાપના દિનની ઉજવણી રંગેચંગે કરવા માટે નગરપાલિકામાં એક બેઠકનું આયોજન કરવામાં આવ્યું હતુ જેમાં નગરપાલિકા પ્રમુખ સહિત નગરસેવકો અને સંસ્થાઓના અગ્રણીઓ હાજર રહ્યા હતા.જેમાં જરૂરી સુચનો અને માર્ગદર્શન આપવામાં આવ્યું હતું.બેઠકમા રાજપુત સમાજના આગેવાનો દ્વારા વનરાજ ચાવડાની પ્રતિમા મુકવા પણ માંગ કરી હતી.આગામી 8 મી ફેબ્રુઆરીના દિવસે પાટણના 1281 માં સ્થાપના દિનની ઉજવણીને લઈને નગરપાલિકા પ્રમુખ હિરલબેન પરમારના અધ્યક્ષ સ્થાને એક બેઠક મળી હતી. જેમાં જરૂરી સુચનો અને માર્ગદર્શન આપવામાં આવ્યું હતું. વિક્રમ સંવત 802 ના મહાવદ સાતમના દિવસે રાજા વનરાજ ચાવડા દ્વારા અણહિલવાડ પાટણની સ્થાપના કરવામાં આવી હતી. જેના ગૌરવશાળી ઈતિહાસને જાળવી રાખવા માટે દરવર્ષે સ્થાપના દિનની ઉજવણી કરવામાં આવે છે.ચાલુ વર્ષે પણ પાટણ નગરપાલિકા સહિત અખિલ ગુજરાત રાજપૂત યુવા સંઘ અને અન્ય સંસ્થાઓના સહયોગથી સ્થાપના દિનની ઉજવણી કરવામાં આવશે. યોજાયેલી બેઠકમાં રાજપૂત સમાજના આગેવાનો દ્વારા શહેરમાં રાજા વનરાજ ચાવડાની પ્રતિમા સ્થાપિત કરવામાં આવે તેવી માંગ કરાતાં આગેવાન મનોજ પટેલે જણાવ્યું હતું કે જો પ્રતિમા સ્થાપિત કરવા માટે યોગ્ય જગ્યા બતાવવામાં આવે તો આગામી બોર્ડની મીટીંગ દરમિયાન પ્રસ્તાવ રજૂ કરી સર્વાનુમતે મંજૂર કરવામાં આવશે સાથે સાથે પાલીકા પ્રમુખે પણ તમામ નગરસેવકોને આ અંગે જાણ કરી જરૂરી સુવિધાઓ પુરી પાડવાની ખાતરી આપી હતી. આગામી 8 મી ફેબ્રુઆરીના દિવસે બપોરે 3 વાગ્યે નગરદેવી કાળીકા માતાજીના મંદિરેથી શોભાયાત્રા નિકળી બગવાડા દરવાજે પુરી થશે.યોજાનારી શોભાયાત્રામાં કરણી સેનાના યુવકો ડ્રેસ અને વિવિધ ટેબ્લો સાથે જોડાશે. જેમાં 51 યુવકો રાજપુતાના પોષાકમાં આકર્ષણનું કેન્દ્ર બનશે. શોભાયાત્રા બગવાડા દરવાજે પુરી થયા બાદ ઈતિહાસને ઉજાગર કરતાં પ્રવચનો, વિવિધ સિદ્દી ધમાલ, મેવાસી નૃત્યો અને રમતગમત વિભાગ દ્વારા સાંસ્કૃતિક કાર્યક્રમોનું આયોજન કરવામાં આવશે. તદ્પરાંત 7 અને 8 ફેબ્રુઆરીના દિવસે રાણકીવાવ મહોત્સવ નિમિત્તે નામાંકિત કલાકારોના કાર્યક્રમો? યોજાશે. યોજાયેલી બેઠકમાં પાલીકા પ્રમુખ હિરલબેન પરમાર, કન્વીનર યતીન ગાંધી મહિપતસિંહ જાડેજા, મદારસિંહ ગોહિલ, મનોજ પટેલ, જયેશ પટેલ તથા રાજપૂત સમાજના આગેવાનો, નગરસેવકો અને સંસ્થાઓના અગ્રણીઓ હાજર રહ્યા હતા. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
