Community News & Updates

Stay informed with the latest happenings, achievements, and announcements from our community.

All News

calendar_today January 30, 2026

Banaskantha : પાલનપુર નગરપાલિકાની અંતિમ સાધારણ સભા મળી, વિકાસના અનેક કામોને મંજૂરી

બનાસકાંઠા જિલ્લા મથક પાલનપુર નગરપાલિકાની આજે અંતિમ સાધારણ સભા મળી હતી.નગરપાલિકાની મુદત આગામી 7 માર્ચના રોજ પૂર્ણ થવા જઈ રહી છે, તે પહેલા યોજાયેલી આ અંતિમ સાધારણ સભામાં શહેરના વિકાસ કામોને લઈ શાશક પક્ષ અને વિપક્ષ ગરમ માહોલ જોવા મળ્યો હતો.ટર્મની અંતિમ સાધારણ સભા મળી પાલનપુર નગર પાલિકામાં આજે ટર્મની અંતિમ સાધારણ સભા મળી. જેમાં શહેરના વિકાસ અને શહેરને સ્માર્ટ સીટી બનાવવાના વચનો વચ્ચે પાલિકા અને વિપક્ષ વચ્ચે ગરમા ગરમીનો માહોલ પણ સર્જાયો હતો. વિકાસના અનેક કામોને મંજૂરી પાલિકા ના સતાધીશો નું કહેવું છે કે નગરપાલિકાની આ સાધારણ સભામાં શહેરના વિકાસના અનેક કામોને મંજૂરી આપવામાં આવી છે.અને આ કામો સમયસર પૂર્ણ કરવામાં આવશે. સ્વચ્છતાને વિશેષ પ્રાધાન્ય આપવામાં આવશે સેનિટેશન, બાંધકામ, ટ્રાન્સપોર્ટ શાખા સહિત વિવિધ વિકાસ કામોની ચર્ચા કરીને બહાલી આપવામાં આવી છે.શહેરમાં સ્વચ્છતાને વિશેષ પ્રાધાન્ય આપવામાં આવશે અને સફાઈ એજન્સી દ્વારા વધુ અસરકારક રીતે કામ કરાવવાનો પ્રયાસ કરવામાં આવશે.આ પણ વાંચો----    DyCM હર્ષ સંઘવીનો મનપા અધિકારીઓ અને પદાધિકારીઓને સીધો આદેશ, કોઈપણ મનપાની ફરીયાદ ગાંધીનગર સુધી ન આવવી જોઈએ

Read Full Story arrow_forward

calendar_today January 30, 2026

Surat News : સુરતમાં પાટીદાર સમાજના બંધારણનો ડ્રાફ્ટ તૈયાર, ખર્ચાળ રિવાજો બંધ કરવા લોકોનું સમર્થન

ગુજરાતમાં ઠાકોર અને રબારી સહિતના સમાજ દ્વારા સામાજિક બંધારણ તૈયાર કરવામાં આવ્યું છે. તાજેતરમાં જ રાજકોટના સાંસદ પુરુષોત્તમ રૂપાલાએ પાટીદાર સમાજનું બંધારણ ઘડવા માટે એક નિવેદન આપ્યું હતું. હવે સુરતમાં પાટીદાર સમાજમાં સામાજિક બંધારણની તૈયારી કરવામાં આવી છે. પદ્મશ્રી મથુર સવાણીએ આ બંધારણ મુદ્દે પાટીદાર સમાજનું સમર્થન માંગ્યું હતું. સુરતમાં યોજાયેલા કાર્યક્રમમાં નવા નિયમો માટેની માગ ઉઠી હતી. જનજાગૃતિ અભિયાનને બહોળો પ્રતિસાદ મળ્યો સુરતમા પાટીદાર સમાજમાં સામાજિક બંધારણ માટે સોશિયલ મીડિયામાં લાખો લોકોએ સમર્થન આપ્યું હોવાની વિગતો સામે આવી છે. પદ્મશ્રી મથુર સવાણીએ કહ્યું હતું કે, અનેક લોકોએ બંધારણ માટે સમર્થન આપ્યું છે. ખર્ચાળ રિવાજો બંધ કરવા બંધારણનો ડ્રાફ્ટ તૈયાર છે. એક હજારથી વધુ સંગઠનોને મથુર સવાણીએ પત્ર લખ્યો હતો. આ જનજાગૃતિ અભિયાનને બહોળો પ્રતિસાદ મળ્યો છે. લોકોના અભિપ્રાયથી પાટીદાર સમાજનું બંધારણ બનશે પદ્મશ્રી મથુર સવાણીએ લોકોના મળેલા પ્રતિસાદનો આભાર વ્યક્ત કરતો પત્ર સોશિયલ મીડિયામાં વાયરલ કર્યો છે. તેમણે આ પત્રને લોકો સુધી પહોંચાડવા અપીલ કરી છે. લાખો લોકોએ બંધારણ બાબતે અભિપ્રાય આપ્યા છે. લોકોના અભિપ્રાયની લાગણીઓને પત્રના માધ્યમથી રાજ્યના એક હજારથી વધુ પાટીદાર સમાજના સંગઠનના આગેવાનો સુધી પહોંચાડાશે. લોકોના અભિપ્રાયથી હવે પાટીદાર સમાજનું બંધારણ બનશે. આ પણ વાંચોઃ Surat News: ગેરકાયદે પાણી માફિયા પર તવાઈ, મનપાનું બુલડોઝર એક્શન

Read Full Story arrow_forward

calendar_today January 30, 2026

Dahod: ભારતમાળા પ્રોજેક્ટમાં સ્ટીલની ચોરીનું કૌભાંડ, સુપરવાઇઝરની મિલીભગત સામે આવી

દેશના મહત્વાકાંક્ષી 'દિલ્હી-મુંબઈ એક્સપ્રેસવે' (ભારતમાળા પ્રોજેક્ટ) માંથી સ્ટીલના સળિયાની ચોરી થવાનો સનસનીખેજ મામલો સામે આવ્યો છે. દાહોદ જિલ્લાના આંબા ગામ પાસેથી પસાર થતા આ પ્રોજેક્ટના પેકેજ નંબર 26 માંથી લાખોની કિંમતના સળિયાની ચોરી થતા ચકચાર મચી ગઈ છે.ભારતમાળા પ્રોજેક્ટમાંથી સ્ટીલના સળિયાની ચોરીમળતી માહિતી મુજબ, ભારતમાળા પ્રોજેક્ટના નિર્માણ કાર્ય માટે રાખવામાં આવેલા સ્ટીલના સળિયા પર તસ્કરોએ હાથ સાફ કર્યો હતો. ચોરોએ આશરે 8 હજાર કિલો (8 ટન) જેટલું સ્ટીલ ચોરી કરીને તેને સ્થાનિક ભંડારમાં વેચી દીધું હતું. આ ચોરીની ગંભીરતાને જોતા લીમડી પોલીસે તાત્કાલિક કાર્યવાહી હાથ ધરી હતી.પોલીસ કાર્યવાહી અને ધરપકડલીમડી પોલીસે બાતમીના આધારે વોચ ગોઠવીને સ્ટીલના સળિયાથી ભરેલી એક બોલેરો પીકઅપ ગાડી ઝડપી પાડી હતી. પોલીસે તપાસ દરમિયાન કુલ ₹5.20 લાખની કિંમતનું સ્ટીલ કબજે કર્યું છે. આ મામલે પોલીસે ત્રણ શખ્સોની ધરપકડ કરી છે, જેઓ આ ચોરીના માલની હેરાફેરીમાં સામેલ હતા.અંદરના વ્યક્તિની સંડોવણીઆ કેસમાં સૌથી ચોંકાવનારો વળાંક ત્યારે આવ્યો જ્યારે પોલીસ તપાસમાં જાણવા મળ્યું કે, આ ચોરીમાં પેટા કોન્ટ્રાક્ટ લેનાર કંપની 'આશાપુરા પ્રા.લી.' ના સુપરવાઇઝરની સીધી મિલીભગત હતી. સુપરવાઇઝરે પોતાની સત્તાનો દુરુપયોગ કરી પ્રોજેક્ટનું સ્ટીલ સગેવગે કરવામાં મદદ કરી હતી. હાલમાં આ સુપરવાઇઝર ફરાર છે.આ પણ વાંચો: Bharuch news: દયાદરા પ્રાથમિક શાળામાં બાળકો પાસે કરાવાયું કડિયા કામ

Read Full Story arrow_forward