Community News & Updates

Stay informed with the latest happenings, achievements, and announcements from our community.

All News

calendar_today January 30, 2026

Baramati plane crash : ખાનગી જેટ ક્રેશમાં વળતર મળે છે? જાણો કાયદો શું કહે છે

2026ની શરૂઆત ભારત માટે એક અત્યંત દુઃખદ વિમાન દુર્ઘટનાથી થઈ. મહારાષ્ટ્રના નાયબ મુખ્યમંત્રી અજિત પવાર સહિત 6 લોકોને લઈ જઈ રહેલું એક ચાર્ટર્ડ વિમાન બુધવારે સવારે પુણે નજીક ક્રેશ થયું. અકસ્માત એટલો ગંભીર હતો કે તમામ મુસાફરોના ઘટનાસ્થળે જ મોત થયા. આ ઘટના એવા સમયે બની છે જ્યારે દેશ હજુ પણ ગયા વર્ષે એપ્રિલમાં થયેલા એર ઇન્ડિયાના ભયાનક વિમાન અકસ્માતની યાદોમાંથી સંપૂર્ણપણે બહાર આવ્યો નથી, જેમાં લગભગ 200 લોકોના મોત થયા હતા. કરોડો રુપિયાનું વળતર એર ઇન્ડિયાના અકસ્માત બાદ વળતર અંગે દેશભરમાં ચર્ચા થઈ હતી અને પીડિત પરિવારોને કરોડો રૂપિયાની આર્થિક સહાય આપવામાં આવી હતી. હવે પુણેમાં થયેલા ચાર્ટર્ડ પ્લેન ક્રેશ પછી ફરી એક વખત એ જ પ્રશ્ન ઊભો થયો છે કે શું ચાર્ટર્ડ અથવા ખાનગી વિમાન દુર્ઘટનામાં પણ આવું વળતર મળે છે, મળે તો કેટલું અને કોણ આપે છે. કોમર્શિયલ ફ્લાઇટ્સના કિસ્સામાં વાણિજ્યિક એટલે કે કોમર્શિયલ ફ્લાઇટ્સના કિસ્સામાં વળતર માટે સ્પષ્ટ કાનૂની આધાર ઉપલબ્ધ છે. એર ઇન્ડિયા જેવી નિયમિત ફ્લાઇટ્સ પર મોન્ટ્રીયલ કન્વેન્શન 1999 લાગુ પડે છે, જે ભારત સહિત વિશ્વના મોટા ભાગના દેશોમાં અમલમાં છે. ભારતમાં આ આંતરરાષ્ટ્રીય સંધિનો અમલ કેરેજ બાય એર એક્ટ હેઠળ થાય છે અને તેની દેખરેખ ડિરેક્ટોરેટ જનરલ ઓફ સિવિલ એવિએશન દ્વારા કરવામાં આવે છે. વળતર ચૂકવવું ફરજિયાત મોન્ટ્રીયલ કન્વેન્શન મુજબ જો કોઈ મુસાફર કોમર્શિયલ ફ્લાઇટમાં મૃત્યુ પામે છે અથવા ગંભીર રીતે ઘાયલ થાય છે, તો એરલાઇનને કોઈ દોષ સાબિત કર્યા વગર પણ વળતર ચૂકવવું ફરજિયાત છે. હાલના ધોરણો પ્રમાણે પ્રતિ મુસાફર અંદાજે એકથી સવા કરોડથી લઈને લગભગ બે કરોડ રૂપિયા સુધીનું વળતર નક્કી કરવામાં આવ્યું છે. આ વળતર અકસ્માત પછી આપોઆપ લાગુ પડે છે. ચાર્ટર્ડ ફ્લાઇટ્સનો મામલો પરંતુ ચાર્ટર્ડ ફ્લાઇટ્સનો મામલો અલગ છે. ચાર્ટર્ડ ફ્લાઇટ્સ બિન-શિડ્યુલ હોય છે, એટલે કે તે સામાન્ય મુસાફરો માટે નિયમિત રીતે ટિકિટ વેચતી નથી. આ ફ્લાઇટ્સનો ઉપયોગ સામાન્ય રીતે VIP મુવમેન્ટ, કોર્પોરેટ ટ્રાવેલ અથવા ખાનગી મુસાફરી માટે થાય છે. આ કારણોસર મોન્ટ્રીયલ કન્વેન્શન ચાર્ટર્ડ ફ્લાઇટ્સ પર સીધું લાગુ પડતું નથી. ચાર્ટર્ડ વિમાન દુર્ઘટનામાં વળતર આનો અર્થ એ નથી કે ચાર્ટર્ડ વિમાન દુર્ઘટનામાં વળતર મળતું જ નથી. દરેક ચાર્ટર્ડ એરક્રાફ્ટ ઓપરેટરે પેસેન્જર ઇન્શ્યોરન્સ અને થર્ડ પાર્ટી ઇન્શ્યોરન્સ લેવો ફરજિયાત છે. અકસ્માત બાદ વળતર મુખ્યત્વે આ ઇન્શ્યોરન્સ પોલિસી પર આધારિત હોય છે. જોકે અહીં વળતર આપોઆપ મળતું નથી. પીડિત પરિવારોએ કાયદેસર રીતે સાબિત કરવું પડે છે કે અકસ્માત પાઇલટની બેદરકારી, ટેકનિકલ ખામી, યોગ્ય જાળવણીના અભાવ અથવા ઓપરેટરની ભૂલને કારણે થયો હતો. સિવિલ કોર્ટ અથવા ગ્રાહક કોર્ટનો સહારો ચાર્ટર્ડ વિમાન દુર્ઘટનામાં પીડિતોના પરિવારોએ વળતર માટે સિવિલ કોર્ટ અથવા ગ્રાહક કોર્ટનો સહારો લેવો પડે છે. કોર્ટ વળતર નક્કી કરતી વખતે અનેક પરિબળોને ધ્યાનમાં લે છે, જેમાં મૃતકની ઉંમર, આવક, આશ્રિત પરિવારજનો, સામાજિક સ્થિતિ અને અકસ્માતનું મૂળ કારણ સામેલ હોય છે. આ કારણે ચાર્ટર્ડ વિમાન અકસ્માતોમાં વળતર દરેક કિસ્સામાં સમાન હોતું નથી. કેટલાક પરિવારોને માત્ર પચાસ લાખ અગાઉના કિસ્સાઓમાં કેટલાક પરિવારોને માત્ર પચાસ લાખ રૂપિયા જેટલું વળતર મળ્યું છે, જ્યારે કેટલાક મોટા અને ગંભીર કિસ્સાઓમાં આ રકમ સાત કરોડથી લઈને અગિયાર કરોડ રૂપિયા સુધી પહોંચી છે. મેંગલુરુ અને કોઝિકોડમાં થયેલા વિમાન અકસ્માતોમાં કોર્ટ દ્વારા પીડિત પરિવારોને કરોડો રૂપિયાનું વળતર આપવામાં આવ્યું હતું.  વળતર મળવાની ખાતરી આપવામાં આવતી નથી છતાં પણ દરેક ચાર્ટર્ડ વિમાન અકસ્માતમાં વળતર મળવાની ખાતરી આપવામાં આવતી નથી. જો તપાસમાં સાબિત થાય કે અકસ્માત માત્ર ખરાબ હવામાન, કુદરતી પરિસ્થિતિઓ અથવા “ભગવાનનું કૃત્ય” માનવામાં આવે તેવા કારણોથી થયો છે, તો વળતર નકારી શકાય છે. પુણે દુર્ઘટનાના પ્રારંભિક અહેવાલોમાં ખરાબ હવામાનને મુખ્ય કારણ તરીકે દર્શાવવામાં આવ્યું છે. જો અંતિમ તપાસમાં પણ આ જ તારણ આવે, તો પીડિત પરિવારો માટે વળતર મેળવવું કાનૂની રીતે મુશ્કેલ બની શકે છે. એક અદ્યતન બિઝનેસ જેટ પુણે અકસ્માતમાં સામેલ લિયરજેટ 45XR એક અદ્યતન બિઝનેસ જેટ માનવામાં આવે છે. આ વિમાન ખાસ કરીને VIP અને કોર્પોરેટ મુસાફરી માટે ડિઝાઇન કરવામાં આવ્યું છે અને તેમાં સામાન્ય રીતે આઠથી નવ મુસાફરો મુસાફરી કરે છે. તેની ઊંચી ગતિ, ટૂંકા રનવે પર ટેકઓફ અને લેન્ડિંગ કરવાની ક્ષમતા અને આરામદાયક ડિઝાઇન તેને ખાનગી ઉડ્ડયન ક્ષેત્રમાં લોકપ્રિય બનાવે છે. આ પણ વાંચો : Union Budget 2026 : પ્રવાસન ક્ષેત્રની સરકાર સામે બે મોટી માંગણીઓ

Read Full Story arrow_forward

calendar_today January 30, 2026

Ajit Pawar NCP અંગે શું નિર્ણય લેવા માગતા હતા? નજીકના મિત્રએ દાદાની છેલ્લી ઇચ્છા જણાવી

મહારાષ્ટ્રના રાજકારણમાં ઊંડો પ્રભાવ ધરાવતા રાષ્ટ્રવાદી કોંગ્રેસ પાર્ટી (NCP)ના નેતા અજિત પવારના અચાનક અવસાન બાદ અનેક રાજકીય અટકળો શરૂ થઈ છે. પરંતુ આ બધાની વચ્ચે તેમના નજીકના સહયોગી અને પરિવારના વિશ્વાસુ કિરણ ગુર્જરે એક મહત્વપૂર્ણ વાત જાહેર કરી છે, જેનાથી રાજ્યના રાજકારણમાં નવી ચર્ચાઓ શરૂ થઈ ગઈ છે. કિરણ ગુર્જરના જણાવ્યા અનુસાર, અજિત પવારની છેલ્લી ઇચ્છા હતી કે NCPના બે ભાગોમાં વહેંચાયેલા જૂથો ફરી એક થઈ જાય. હંમેશા સંગઠનની મજબૂતીમાં અંતિમ સંસ્કાર બાદ મીડિયા સાથે વાત કરતા કિરણ ગુર્જરે જણાવ્યું હતું કે અજિત પવાર ‘દાદા’ તરીકે ઓળખાતા હતા અને તેઓ હંમેશા સંગઠનની મજબૂતીમાં વિશ્વાસ રાખતા. તેમણે કહ્યું કે દાદાની ઈચ્છા હતી કે પાર્ટીમાં ચાલતા મતભેદો અને વિભાજનનો અંત આવે અને બંને જૂથો એક મંચ પર આવીને ચૂંટણી લડે. પરિવારની અંદર પણ આ મુદ્દે ચર્ચા ચાલી રહી હતી અને આગામી સ્થાનિક સ્વરાજ્યની ચૂંટણીઓ માટે જોડાણ લગભગ નક્કી માનવામાં આવી રહ્યું હતું. છેલ્લી વખત થયેલી ફોન પર વાત ગુર્જરે વધુમાં જણાવ્યું કે તેમના અને અજિત પવાર વચ્ચે છેલ્લી વખત થયેલી ફોન વાતચીતમાં દાદાએ ચૂંટણી સંબંધિત કેટલાક દસ્તાવેજો માંગ્યા હતા. આથી સ્પષ્ટ થાય છે કે તેઓ અંતિમ સમય સુધી રાજકીય રીતે સક્રિય હતા અને પાર્ટીના ભવિષ્ય અંગે ગંભીર રીતે વિચારી રહ્યા હતા. તેમના મતે, પુણે અને પિંપરી-ચિંચવડ મ્યુનિસિપલ કોર્પોરેશનની ચૂંટણીઓમાં NCP અને NCP (SCP)એ સાથે મળીને લડત આપી હતી, જે બંને જૂથો વચ્ચે સમન્વયનું ઉદાહરણ છે.  આવનારી ચૂંટણીઓ માટે બંને જૂથો વચ્ચે ગઠબંધન આ ઉપરાંત, જિલ્લા પરિષદ અને પંચાયત સમિતિની આવનારી ચૂંટણીઓ માટે પણ બંને જૂથો વચ્ચે ગઠબંધનની ચર્ચા ચાલી રહી હતી. રાજકીય વર્તુળોમાં એવું માનવામાં આવી રહ્યું હતું કે બંને પક્ષો ફરી એક થવાની દિશામાં આગળ વધી રહ્યા છે અને અજિત પવાર આ પ્રક્રિયાના મુખ્ય કડી હતા.  NCPનું નેતૃત્વ કોણ સંભાળશે અજિત પવારના અવસાન બાદ મહારાષ્ટ્રના રાજકારણમાં નવી ચર્ચાઓ શરૂ થઈ છે કે હવે NCPનું નેતૃત્વ કોણ સંભાળશે અને નાયબ મુખ્યમંત્રી તરીકે કોની પસંદગી થશે. આ અંગે શિવસેનાના નેતા શૈના NCએ સ્પષ્ટ કહ્યું છે કે આ નિર્ણય સંપૂર્ણપણે NCPનો આંતરિક મુદ્દો છે. તેમણે ઉમેર્યું કે હાલમાં અટકળો કરવાને બદલે પરિવારને શોક વ્યક્ત કરવાની તક આપવી જોઈએ.  અજિત પવારનું અવસાન માત્ર એક પક્ષ શૈના NCએ કહ્યું કે અજિત પવારનું અવસાન માત્ર એક પક્ષ માટે નહીં, પરંતુ સમગ્ર મહારાષ્ટ્ર રાજ્ય માટે મોટી ખોટ છે. રાજકારણ આગળ ચાલતું રહેશે, પરંતુ આ સમય સંવેદનશીલ છે અને માનવીય દૃષ્ટિકોણ રાખવો જરૂરી છે. અજિત પવારની છેલ્લી ઇચ્છા અંગેનો આ ખુલાસો NCPના ભવિષ્ય માટે મહત્વપૂર્ણ માનવામાં આવી રહ્યો છે. જો બંને જૂથો એક થાય છે, તો તે માત્ર પાર્ટીની શક્તિ વધારશે નહીં, પરંતુ મહારાષ્ટ્રના રાજકારણમાં પણ નવા સમીકરણો સર્જી શકે છે.આ પણ વાંચો : Union Budget 2026 : Tourism sectorની સરકાર સામે બે મોટી માંગણીઓ

Read Full Story arrow_forward

calendar_today January 30, 2026

Surendranagar News : સુરેન્દ્રનગરના મુળી તાલુકાના કુંતલપુરના વાડી વિસ્તારમાં 108 એમ્બ્યુલન્સમાં ગુંજી બાળકની કિલકારી

રાજ્ય સરકારની 'સેવા-સુશ્રુષા'ની પ્રાથમિકતાને વરેલા આરોગ્ય તંત્રએ મુળી તાલુકાના કુંતલપુર ગામના અંતરિયાળ વાડી વિસ્તારમાં મધરાતે એક ૧૯ વર્ષીય સગર્ભા માતા માટે 'સંકટ સમયની સાંકળ' બની, માનવતા અને કર્તવ્યનિષ્ઠાનું ઉત્તમ ઉદાહરણ પૂરું પાડ્યું છે. કુંતલપુર વાડી વિસ્તારમાં રહેતા ૧૯ વર્ષીય સપનાબેન નાયકાને જ્યારે મધરાતે પ્રસૂતિની પીડા ઉપડી, ત્યારે ૧૦૮ની ટીમે ત્વરિત પ્રતિસાદ આપી તેમની વહારે પહોંચી હતી.આ ટીમે જોખમી ગણાતી ડિલિવરી સફળતાપૂર્વક કરાવી હતી પ્રથમવાર માતા બનવા જઈ રહેલા સપનાબેનની સ્થિતિ નાજુક હતી અને હોસ્પિટલ સુધીનું અંતર કાપવું જોખમી જણાતું હતું. આવા કપરા સમયે, પ્રશિક્ષિત ઈ.એમ.ટી. છોટાભાઈ અને પાયલોટ હરપાલસિંહે માત્ર એક કર્મચારી તરીકે નહીં, પરંતુ પરિવારના સભ્ય જેવી સંવેદના સાથે પરિસ્થિતિ સંભાળી લીધી હતી. રાત્રિના અંધકારમાં જ્યારે સમયસર હોસ્પિટલ પહોંચવું મુશ્કેલ જણાયું, ત્યારે ૧૦૮ની ટીમે એમ્બ્યુલન્સને જ 'મોબાઈલ લેબર રૂમ'માં ફેરવી નાખી હતી. સરકાર દ્વારા પૂરી પાડવામાં આવેલી અત્યાધુનિક જીવનરક્ષક સુવિધાઓ અને કુશળ તાલીમનો ઉપયોગ કરી, આ ટીમે જોખમી ગણાતી ડિલિવરી સફળતાપૂર્વક કરાવી હતી. મહિલાએ રાજય સરકાર અને 108ની ટીમનો આભાર માન્યો હતો એમ્બ્યુલન્સમાં ગુંજેલી બાળકની કિલકારીએ સાબિત કરી દીધું કે ગુજરાત સરકારની ૧૦૮ સેવા એ માત્ર વાહન નથી, પણ લાખો પરિવારો માટે આશાનું કિરણ છે. આ સફળ કામગીરી બાદ માતા અને નવજાત શિશુને વધુ સારવાર માટે સરકારી હોસ્પિટલમાં ખસેડવામાં આવ્યા હતા. છેવાડાના વાડી વિસ્તાર સુધી મધરાતે પહોંચીને માતા અને બાળકના જીવની રક્ષા કરી, ૧૦૮ની ટીમે ગુજરાત સરકારના "સૌનો સાથ, સૌનો વિકાસ અને સૌના કલ્યાણ" ના મંત્રને ચરિતાર્થ કર્યો છે. સરકારની આ ત્વરિત સેવા બદલ સપનાબેનના પરિવારે ગદગદિત હૃદયે રાજ્ય સરકાર અને ૧૦૮ની ટીમનો આભાર માન્યો હતો. આ પણ વાંચો : Unaના ખાપટ ગામે સિંહ પરિવારના ધામા, જુઓ Video

Read Full Story arrow_forward