Bharuch news: દયાદરા પ્રાથમિક શાળામાં બાળકો પાસે કરાવાયું કડિયા કામ
સરકારી શાળામાં શ્રેષ્ઠ શિક્ષણની વાતો કરતી સરકારના દાવાઓ પોકળ સાબિત થયા હોય તેવો કિસ્સો સામે આવ્યો છે. હાલ સોશિયલ મીડિયા પ્લેટફોર્મ્સ પર એક વીડિયો વાયરલ થયો છે. જેમાં જોઈ શકાય છે કે, એક શાળામાં બાળકો શાળાના સમય દરમિયાન કડિયા કામ કરી રહ્યા છે. આ સમગ્ર કામગીરીનું સુપરવિઝન એક શિક્ષક દ્વારા કરવામાં આવી રહ્યું હોવાનું પણ વીડિયોમાં જોઈ શકાય છે. બાળકો પાસે ક્ષમતા કરતા વધુ કામ કરાવવાનો અને શાળામાં શિક્ષણ સમયે આવી રીતે કડિયા કામ કરાવતા વાલીઓ અને સ્થાનિકોમાં રોષ ફેલાયો છે.ભરૂચની દયાદરા પ્રાથમિક શાળાનો વીડિયો થયો વાયરલ ઘટનાની મળતી મહિતી અનુસાર, ભરૂચ જિલ્લામાં આવેલા દયાદરા ગામની પ્રાથમિક શાળામાં બાળકો પાસે મજૂરી કરાવતા હોવાનો આક્ષેપ વાલીઓ દ્વારા કરવામાં આવતા શિક્ષણ બેડામાં ચકચાર મચી જવા પામી છે. સોશિયલ મીડિયા પર આ સમગ્ર ઘટનાનો વીડિયો વાયરલ થઈ રહ્યો છે. આ વીડિયોમાં જોઈ શકાય છે કે, બાળકો સિમેન્ટ-રેતીનો માલ બનાવતા નજરે પડે છે. આ વીડિયો વાયરલ થયા બાદ બાળમજૂરી, શિક્ષણના હક્કોનું ઉલ્લંઘન હોવાની ચર્ચા ગામમાં થઈ રહી છે. બાળકો પાસે મજૂરી કરાવતો વીડિયો વાયરલ થતા દયાદરા પ્રાથમિક શાળા તંત્ર સામે સવાલ ઉઠી રહ્યા છે. શિક્ષક બચવાનો પ્રયાસ કરતા જોવા મળ્યા જાગૃત નાગરિક દ્વારા આ સમગ્ર ઘટનાનો વીડિયો બનાવી ઘટનાની રજૂઆત કરવામાં આવતા ભાંડો ફૂટ્યો હતો. રજૂઆત બાદ પણ શિક્ષક બચવાનો પ્રયાસ કરતા જોવા મળ્યા હતા. શિક્ષકની ભણાવવાની જવાબદારી પર ગંભીર સવાલો વાલીઓ દ્વારા કરવામાં આવી રહ્યા છે. આ સાથે વાલીઓને શાળામાં સુરક્ષા અને ભણતરની ચિંતા સતાવી રહી છે. આ પણ વાંચો - Bharuch News : નાયબ કલેક્ટર સુપ્રિયા ગાંગુલી એક્શન મોડમાં, ટંકારીભાગોળમાં ગેરકાયદે દબાણોનો સફાયો
Read Full Story arrow_forward
