Community News & Updates

Stay informed with the latest happenings, achievements, and announcements from our community.

All News

calendar_today January 30, 2026

Vadodara News : પાણીગેટ હત્યાકાંડમાં પત્નીનો ધડાકો, "મારા બદલે મારા પતિએ જીવ ગુમાવ્યો!"

વડોદરાના પાણીગેટમાં થયેલી મોહમ્મદ હુસેનની હત્યા બાદ તેની પૂર્વ પત્ની રાહિલા મલિકે સંદેશ ન્યૂઝ સમક્ષ ચોંકાવનારો ઘટસ્ફોટ કર્યો છે. રાહિલાએ જણાવ્યું કે તે પોતે આ મામલે નિર્દોષ છે અને તેના બે વર્ષ પહેલા જ મોહમ્મદ હુસેન સાથે તલાક થઈ ગયા હતા. તલાક બાદ તે વિશાલ કહાર સાથે વાતચીત કરતી હતી, પરંતુ વિશાલ તેને અને તેના પરિવારને જાનથી મારી નાખવાની સતત ધમકીઓ આપતો હતો. રાહિલાએ સૌથી ગંભીર આરોપ પોલીસ તંત્ર પર લગાવ્યો છે કે તેણે અગાઉ પોલીસને જાણ કરી હતી કે વિશાલ કહાર કોઈ મોટું નુકસાન પહોંચાડી શકે છે, પરંતુ કોઈએ તેની વાત સાંભળી નહીં અને અંતે જેનો ડર હતો તે જ કરુણતા સર્જાઈ.રાહિલાનો ખુલાસો રાહિલાના જણાવ્યા અનુસાર, વિશાલ કહાર તેના પર લગ્ન કરવા માટે અસહ્ય દબાણ કરતો હતો અને આ જ ઝનૂનમાં તેણે આ ખૂની ખેલ ખેલ્યો છે. રાહિલાએ રડતા રડતા કબૂલ્યું કે વિશાલનો ટાર્ગેટ કદાચ પોતે હતી, પરંતુ તેના બદલે તેના પતિએ જીવ ગુમાવવો પડ્યો છે. આ ઘટનાએ સમગ્ર વડોદરામાં ચકચાર મચાવી દીધી છે અને હવે રાહિલાએ માંગ કરી છે કે હત્યારા વિશાલ કહારને કડકમાં કડક સજા મળવી જોઈએ જેથી ભવિષ્યમાં કોઈ આવું પગલું ન ભરે. પોલીસ હવે રાહિલાના આ નિવેદનને આધારે તપાસના ચક્રો ગતિમાન કરી રહી છે. આ પણ વાંચો : Vadodara News : કરજણમાં ઉભેલા ડમ્પર પાછળ લક્ઝરી બસ ધડાકાભેર અથડાઈ, 2 મુસાફરોના મોત

Read Full Story arrow_forward

calendar_today January 30, 2026

Surat news: ડાયમંડ સિટી બન્યું ક્રાઈમ હબ, દર દસમા દિવસે હત્યાની ઘટના

સુરત શહેર સમગ્ર વિશ્વમાં હીરા ઉદ્યોગ માટે જાણીતું છે. જોકે, હવે સુરત શહેર જાણે ક્રાઈમ કેપિટલ બની રહ્યું હોય તેવા આંકડા સામે આવી રહ્યા છે. સુરતમાં દર દસમા દિવસે એક હત્યાનો બનાવ નોંધાતો હોવાનો એક RTIમાં ખુલાસો થયો છે. સુરતમાં છેલ્લા 3 વર્ષમાં હત્યાના કુલ 112 કેસ નોંધાયા છે. આ આંકડા મહામંત્રી દર્શન નાયક દ્વારા કરવામાં આવેલી RTIમાં સામે આવ્યા છે.સુરત શહેરમાં કાયદો અને વ્યવસ્થાની સ્થિતિ કથળી હત્યા ઉપરાંત સુરતમાં અન્ય ગુનામાં પણ વધારો થયો છે. જેમાં ચોરીના 1875 કેસ, દારૂબંધીના 34505 કેસ નોંધાયા છે. જ્યારે છેલ્લા 3 વર્ષમાં NDPSના 103 કેસ નોંધાયા છે. આ આંકડાને ધ્યાનમાં રાખીએ તો સુરત શહેરમાં કાયદો અને વ્યવસ્થાની સ્થિતિ કથળી હોય તેમ જણાઈ રહ્યું છે. શહેરમાં વધતી જતી ગુનાખોરી ગુજરાત પ્રદેશના મહામંત્રી દર્શન નાયકે કરેલી RTIના આંકડા મુજબ, છેલ્લા ત્રણ વર્ષમાં હત્યાના 112 કેસ, ચોરીના 1875 કેસ, દારૂબંધીના 34,505 કેસ અને NDPSના 103 કેસ નોંધાયા છે. શહેરમાં વધતી જતી ગુનાખોરી દર્શાવે છે. જેને દર્શન નાયકે ગંભીર બાબત ગણાવી છે. આ માટે નક્કર પગલા લેવામાં આવે તેવી માગ કરી છે. આ સાથે શહેરીજનોને સુરક્ષિત વાતાવરણ આપવામાં પોલીસ નિષ્ફળ રહી હોવાનું પણ તેમણે જણાવ્યું હતું. આ પણ વાંચો - Surat News : પાંડેસરામાં પત્નીની હત્યા કરી 13 વર્ષથી ફરાર આરોપી કોસંબાથી ઝડપાયો

Read Full Story arrow_forward

calendar_today January 30, 2026

DEXONA ઇન્જેક્શનથી લઇને ડિજિટલ ડેથ નોટ સુધી જોધપુરમાં સાધ્વી પ્રેમ બાઇસાની મોતની ગુથ્થી ગુંચવાઇ

બુધવાર, 28 જાન્યુઆરીના રોજ થયેલા આ મૃત્યુએ શ્રદ્ધા અને ભક્તિના વર્તુળોમાં સનસનાટી મચાવી દીધી છે. શરૂઆતમાં, તે ખોટા ઇન્જેક્શનને કારણે થયું હતું, પરંતુ જેમ જેમ પોલીસ તપાસ આગળ વધે છે તેમ તેમ આ કેસ પિતા-પુત્રીના સંબંધ અને એક જૂના વિવાદાસ્પદ વીડિયો પર કેન્દ્રિત હોવાનું જણાય છે. સાધ્વી પ્રેમ બાઇસા છેલ્લા બે દિવસથી અસ્વસ્થતા અનુભવી રહી હતી. રિપોર્ટ અનુસાર, સાધના કુટીર આશ્રમમાં એક કમ્પાઉન્ડરને બોલાવવામાં આવ્યો હતો. એવો આરોપ છે કે કમ્પાઉન્ડરે સાધ્વીને ડેક્સો(DEXONA)નાનો ડોઝ આપ્યો હતો. ઇન્જેક્શન આપ્યાના થોડા સમય પછી, સાધ્વીની હાલત બગડી ગઈ અને તે બેભાન થઈ ગઈ. મૃત્યુના ચાર કલાક પછી 'ડેથ નોટ' કોણે પોસ્ટ કરી? પોલીસ સામે સૌથી મોટો કોયડો સાધ્વીનું ઇન્સ્ટાગ્રામ હેન્ડલ છે. સાધ્વીનું અવસાન સાંજે 05.30 વાગ્યે થયું હતું, પરંતુ તેમના સત્તાવાર ઇન્સ્ટાગ્રામ એકાઉન્ટ પરથી રાત્રે 09.30 વાગ્યે એક ભાવનાત્મક પોસ્ટ શેર કરવામાં આવી હતી. સાધ્વીએ પોસ્ટમાં લખ્યું હતું કે, "હું આ દુનિયા છોડી રહી છું, જો અહીં નહીં, તો મને ભગવાનના દરબારમાં મને જરૂર ન્યાય મળશે." આ સાધ્વીની "ડિજિટલ ડેથ નોટ" માનવામાં આવી રહી છે. પ્રશ્ન એ ઊભો થાય છે કે જો સાધ્વીનું અવસાન સાંજે 05.30 વાગ્યે થયું હોય, તો આ પોસ્ટ તેમના મોબાઇલ પરથી રાત્રે 09.30 વાગ્યે કોણે પોસ્ટ કર્યુ ? શું કોઈએ તેને આત્મહત્યા જેવું બનાવવાનું કાવતરું ઘડ્યું હતું, કે પછી સાધ્વીએ તેને પૂર્વનિર્ધારિત કર્યું હતું? શંકાના ઘેરામાં પિતા વીરમનાથન પોલીસ તપાસમાં વીરમનાથની ભૂમિકા શંકાના દાયરામાં છે. તેઓ સાધ્વીના પિતા અને આધ્યાત્મિક ગુરુ બંને છે. વાયરલ વીડિયો પછી સ્થાનિક લોકો આશ્રમની અંદરની પ્રવૃત્તિઓ અને તેમના વર્તન વિશે શાંત સ્વરમાં વાત કરી રહ્યા છે. પોલીસ એ જાણવાનો પ્રયાસ કરી રહી છે કે શું તે રાત્રે પિતા અને પુત્રી વચ્ચે કોઈ ઝઘડો થયો હતો કે શું તેમના પર કોઈ બાબતે દબાણ કરવામાં આવી રહ્યું હતું.આ પણ વાંચો: Weather Update: વરસાદ, બરફવર્ષા અને શીતલહેર, પહાડોથી લઈને બિહાર સુધી હવામાનનો કહેર

Read Full Story arrow_forward