Patan: સમી હાઈવે પર ઈકો ગાડી સાથે બાઈક અથડાતાં પાડલાના યુવકનું મોત
સમી નજીક હાઈવે પર છેલ્લા કેટલાક સમયથી અકસ્માતોની ઘટનાઓ પ્રકાશમાં આવી રહી છે. જેમા કેટલાક વ્યક્તિઓએ પોતાના જીવ ગુમાવ્યા હતા. વધુ એક અકસ્માત ગુરૂવારે બપોરે બનવા પામ્યો હતો.જેમાં ઈકો ગાડી અને બાઈક અથડાતાં બાઈક ચાલકનું ઘટનાસ્થળે જ મોત નિપજ્યું હતું. જેની જાણ સમી પોલીસને થતાં ઘટનાસ્થળે દોડી આવી મૃતદેહને પોસ્ટમોર્ટમ માટે મોકલી વધુ તપાસ હાથ ધરી હતી.ઘટનાસ્થળેથી મળતી માહિતી મુજબ શંખેશ્વર તાલુકાના પાડલા ગામના 31 વર્ષિય યુવક દશરથજી માધાજી ઠાકોર તેમનું બાઈક લઈને વરાણા ગામે યોજાઈ રહેલા ખોડીયાર માતાજીના મેળામાં દર્શનાર્થે આવી રહ્યા હતા. તે દરમિયાન સમી ખાતે આવેલ ફોરેસ્ટ ચેક પોસ્ટ નજીક પહોંચતા બાઈક અગમ્ય કારણોસર ઈકો ગાડી સાથે અથડાતા બાઈક ચાલક નિચે પટકાતાં ગંભીર ઈજાને કારણે તેનું ઘટનાસ્થળે જ મોત નિપજ્યું હતું. આ અંગેની જાણ થતાં લોકોના ટોળેટોળા ઉમટી પડયા હતા અને પોલીસ પણ દોડી આવી હતી. મૃતદેહને સમી સામુહિક આરોગ્ય કેન્દ્રમાં પોસ્ટમોર્ટમ માટે મોકલી આપી મૃતકના પરિવારને જાણ કરતા તેઓ પણ દોડી આવ્યા હતા અને ભારે રોકકળ કરી મુકતાં વાતાવરણમાં ગમગીની છવાઈ ગઈ હતી. અક્સમાતમા પિતાનું અવસાન થતાં નાના બાળકોએ પિતાની નાનપણમાં જ છત્રછાયા ગુમાવી દીધી હતી.સમી પોલીસે અકસ્માતે મોતની નોંધ કરી વધુ તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
