Community News & Updates

Stay informed with the latest happenings, achievements, and announcements from our community.

All News

calendar_today January 29, 2026

Western Railway દ્વારા અમદાવાદ મંડળની આ 3 ટ્રેનના સમયમાં કરાયો ફેરફાર, વાંચો વિગત

પશ્ચિમ રેલવે દ્વારા ટ્રેનોની ગતિમાં વધારો કરવા તથા સમયપાલનને વધુ સુધારવાના ઉદ્દેશ્યથી અમદાવાદ મંડળની 3 ટ્રેનના સમયમાં (સાબરમતીથી મહેસાણા વચ્ચે) આંશિક પરિવર્તન કરવામાં આવ્યો છે. આ પરિવર્તન 01 ફેબ્રુઆરી, 2026થી અમલમાં આવશે.આ 3 ટ્રેનના સમયમાં ફેરફાર ટ્રેન સંખ્યા 12462 સાબરમતી–જોધપુર વંદે ભારત એક્સપ્રેસ સાબરમતીથી 16:45 વાગ્યાના બદલે 16:55 વાગ્યે પ્રસ્થાન કરશે તથા મહેસાણા સ્ટેશન પર આગમન/પ્રસ્થાનનો સમય 17:28/17:30 વાગ્યાના બદલે 17:38/17:40 વાગ્યે રહેશે. ટ્રેન સંખ્યા 12548 સાબરમતી–આગ્રા કૅન્ટ એક્સપ્રેસ (સપ્તાહમાં 4 દિવસ)/ટ્રેન સંખ્યા 22548 સાબરમતી–ગ્વાલિયર એક્સપ્રેસ (સપ્તાહમાં 4 દિવસ) સાબરમતીથી 16:55 વાગ્યાના બદલે 17:00 વાગ્યે પ્રસ્થાન કરશે તથા મહેસાણા સ્ટેશન પર આગમન/પ્રસ્થાનનો સમય 17:40/17:42 વાગ્યાના બદલે 17:47/17:49 વાગ્યે રહેશે. ટ્રેન સંખ્યા 79431 સાબરમતી–મહેસાણા ડેમુ સાબરમતીથી 17:05 વાગ્યાના બદલે 17:10 વાગ્યે પ્રસ્થાન કરશે તથા ચાંદખેડા 17:16/17:17 વાગ્યે, ખોડિયાર 17:22/17:23 વાગ્યે, કલોલ 17:32/17:33 વાગ્યે, ઝુલાસણ 17:42/17:43 વાગ્યે, ડાંગરવા 17:50/17:51 વાગ્યે, આંબલિયાસણ 17:57/17:58 વાગ્યે, જગુદણ 18:06/18:07 વાગ્યે અને મહેસાણા 18:28 વાગ્યે પહોંચશે. યાત્રીઓને વિનંતી છે કે ઉપરોક્ત ફેરફારોને ધ્યાનમાં રાખીને યાત્રા કરે. ટ્રેનોના સ્ટોપેજ, સમય તથા સંરચના સંબંધિત વિગતવાર માહિતી માટે યાત્રીઓ કૃપા કરીને www.enquiry.indianrail.gov.in પર જઈને અવલોકન કરી શકે છે.આ પણ વાંચો : Ahmedabad News: AMTSનું દેવુ પાંચ હજાર કરોડ જેટલું છે, આગામી દિવસોમાં 300 કરોડ સુધી વધી શકે

Read Full Story arrow_forward

calendar_today January 29, 2026

Vadodara News : હર્ષ સંઘવીની ટકોર બાદ મનપાના અધિકારીઓ દોડતા થયા, તાત્કાલિક ટોલ ફ્રી નંબર જાહેર કર્યો

ગુજરાતના નાયબ મુખ્યમંત્રી હર્ષ સંઘવીએ આજે ગાંધીનગરમાં મહાનગર પાલિકાના અધિકારીઓ અને પદાધિકારીઓ સાથે બેઠક યોજી હતી. આ બેઠકમાં તેમણે કડકપણે સૂચના આપી હતી કે, કોઈ પણ ફરિયાદ ગાંધીનગર સુધી પહોંચવી ના જોઈએ. હર્ષ સંઘવીની આ કડક સૂચનાની અસર વડોદરામાં જોવા મળી હતી. વડોદરા મનપા દ્વારા નાગરિકો માટે ટોલ ફ્રી નંબર સહિતની સુવિધાઓ શરૂ કરી દેવાઈ હતી. વીએમસી મોબાઈલ એપ્લિકેશન વડોદરા મહાનગર પાલિકા દ્વારા પ્રાથમિક સુવિધાઓને લઈને ટોલ ફ્રી નંબર જાહેર કરવામાં આવ્યો છે. ટોલ ફ્રી નંબર 1800 233 0265 પર લોકો પોતાના વિસ્તારની ફરિયાદ કરી શકાશે. આ ઉપરાંત મનપા દ્વારા એક વોટ્સએપ નંબર પણ જાહેર કર્યો છે. લોકો 9913166666 પર ફરિયાદ વોટ્સઅપ કરીને ફરિયાદ કરી શકશે. જ્યારે વીએમસી મોબાઈલ એપ્લિકેશન પર પણ ફરિયાદો કરી શકાશે. લોકો પાલિકાનો સંપર્ક સાધવા એક્શનમાં આવ્યા વડોદરા શહેરના લોકો ડ્રેનેજ, પાણી, રોડ, ગેસ, કચરા સહિતની ફરિયાદ ઉપરોક્ત ટોલ ફ્રી નંબર પર કરી શકશે. હવે રખડતા શ્વાન અંગે પણ ફરિયાદ કરી શકાશે. પહેલી જાન્યુઆરીથી 27 જાન્યુઆરી સુધી આ ટોલ ફ્રી નંબર પર 7696 ફરિયાદ મળી છે. જેમાંથી 5092 ફરિયાદોનો નિકાલ કરવામાં આવ્યો છે. જ્યારે અન્ય ફરિયાદો પર કામગીરી ચાલુ છે. મનપાને ટોલ ફ્રી નંબર પર સૌથી વધુ ડ્રેનેજની સમસ્યાની ફરિયાદો મળી છે. હર્ષ સંઘવીએ ટકોર કરતાની સાથે જ લોકો પાલિકાનો સંપર્ક સાધવા એક્શનમાં આવ્યા છે. આ પણ વાંચો: Ahmedabadનું 1205 કરોડનું સ્માર્ટ શિક્ષણ બજેટ મંજૂર, સ્પોર્ટ્સ અને સ્કોલરશીપ માટે ₹20 કરોડની ફાળવણી

Read Full Story arrow_forward

calendar_today January 29, 2026

PM Modiએ AI સેક્ટરના CEO અને નિષ્ણાંતો સાથે યોજી બેઠક, India-AI ઈમ્પેક્ટ સમિટને લઈને કરી ચર્ચા

વડાપ્રધાન નરેન્દ્ર મોદીએ આજે સવારે લોક કલ્યાણ માર્ગ પર તેમના નિવાસસ્થાને આર્ટિફિશિયલ ઈન્ટેલિજન્સ (AI) ક્ષેત્રમાં કામ કરતા CEOs અને નિષ્ણાતો સાથે બેઠક યોજી. ફેબ્રુઆરીમાં યોજાનારી ભારત-AI ઈમ્પેક્ટ સમિટને ધ્યાનમાં રાખીને આ બેઠકનો ઉદ્દેશ્ય AIમાં વ્યૂહાત્મક સહયોગ વધારવા, AI નવીનતા દર્શાવવા અને ભારતના AI મિશન લક્ષ્યોની સિદ્ધિને વેગ આપવાનો હતો.નવી ટેકનોલોજીનો અસરકારક રીતે ઉપયોગ કરવાની જરૂરિયાત પર ભાર આ બેઠક દરમિયાન CEOsએ AI ટેકનોલોજીમાં આત્મનિર્ભર બનવાના ધ્યેય માટે સંપૂર્ણ સમર્થન વ્યક્ત કર્યું. તેમણે વૈશ્વિક સ્તરે AIમાં ભારતને મોખરે મૂકવા માટે સરકાર જે પ્રયાસો અને સંસાધનો સમર્પિત કરી રહી છે તેના માટે પણ પ્રશંસા વ્યક્ત કરી. વડાપ્રધાને તમામ ક્ષેત્રોમાં નવી ટેકનોલોજી અપનાવવાની અને દેશના વિકાસ માટે તેનો અસરકારક રીતે ઉપયોગ કરવાની જરૂરિયાત પર ભાર મૂક્યો. તેમણે મુખ્ય ક્ષેત્રોમાં સ્વદેશી ટેકનોલોજીના ઉપયોગને પ્રોત્સાહન આપવાનું પણ આહ્વાન કર્યું. આગામી AI ઈમ્પેક્ટ સમિટ અંગે વડાપ્રધાને તમામ વ્યક્તિઓ અને કંપનીઓને આ સમિટનો સંપૂર્ણ લાભ લેવા, નવી તકો શોધવા અને તેમના વિકાસને વેગ આપવા વિનંતી કરી. તેમણે એમ પણ કહ્યું કે ભારતે UPI દ્વારા વિશ્વ સમક્ષ તેની ટેકનોલોજીકલ કુશળતા દર્શાવી છે અને AI ક્ષેત્રમાં પણ આવી જ સિદ્ધિઓ પ્રાપ્ત કરી શકાય છે. પીએમ મોદીએ શું કરી અપીલ? વડાપ્રધાને કહ્યું કે ભારતમાં સ્કેલ, વિવિધતા અને લોકશાહીનો અનોખો સમન્વય છે, જેના કારણે વિશ્વ ભારતના ડિજિટલ માળખા પર વિશ્વાસ કરે છે. બધા માટે AIના તેમના વિઝનના ભાગ રૂપે તેમણે કહ્યું કે ભારતે એવી ટેકનોલોજીઓ બનાવવી જોઈએ જે પ્રભાવ પેદા કરે અને વિશ્વને પ્રેરણા આપે. તેમણે CEO અને નિષ્ણાતોને ભારતને વૈશ્વિક AI પહેલ માટે એક મજબૂત અને વિશ્વસનીય કેન્દ્ર બનાવવા અપીલ કરી. વડાપ્રધાને ડેટા અને ટેકનોલોજીના લોકશાહીકરણના મહત્વ પર પણ ભાર મૂક્યો. તેમણે જણાવ્યું હતું કે આપણે એક એવી AI ઈકોસિસ્ટમ બનાવવી જોઈએ જે પારદર્શક, ન્યાયી અને સુરક્ષિત હોય. AIના નૈતિક ઉપયોગ પર કોઈ સમાધાન ન થવું જોઈએ. તેમણે AI કૌશલ્ય અને પ્રતિભા વિકાસ પર ધ્યાન કેન્દ્રિત કરવાની જરૂરિયાત પર પણ ભાર મૂક્યો. વડાપ્રધાને કહ્યું કે ભારતનું AI ઈકોસિસ્ટમ દેશના મૂલ્યો અને ચારિત્ર્યને સ્પષ્ટપણે પ્રતિબિંબિત કરે છે. મોટી કંપનીઓના CEO હાજર રહ્યા આ ઉચ્ચ સ્તરીય રાઉન્ડ ટેબલ બેઠકમાં વિપ્રો, ટીસીએસ, એચસીએલ ટેક, ઝોહો કોર્પોરેશન, એલટીઆઈ માઇન્ડટ્રી, જિયો પ્લેટફોર્મ્સ લિમિટેડ, અદાણીકોનેએક્સ, નેક્સ્ટ્રા ડેટા અને નેટવેબ ટેકનોલોજી જેવી કંપનીઓના સીઈઓ હાજર રહ્યા. આઈઆઈઆઈટી હૈદરાબાદ, આઈઆઈટી મદ્રાસ અને આઈઆઈટી બોમ્બેના નિષ્ણાતો પણ હાજર રહ્યા. કેન્દ્રીય ઈલેક્ટ્રોનિક્સ અને આઈટી મંત્રી અશ્વિની વૈષ્ણવ અને કેન્દ્રીય રાજ્ય મંત્રી રાજીવ ચંદ્રશેખર પણ ચર્ચાનો ભાગ હતા.આ પણ વાંચો : Varanasi : BHUમાં ફરી મચ્યો હંગામો, રૂઈયા અને બિરલા હોસ્ટેલના વિદ્યાર્થીઓ આવ્યા આમને-સામને

Read Full Story arrow_forward