બે દિવસ પહેલા સુરતમાં હતું Baramati plane crashનું પ્લેન, જાણો કારણ
મહારાષ્ટ્રના રાજકારણ અને સમગ્ર દેશમાંથી એક અત્યંત દુઃખદ સમાચાર સામે આવ્યા છે. પુણે જિલ્લાના બારામતીમાં થયેલી એક ભયાનક વિમાન દુર્ઘટનામાં મહારાષ્ટ્રના નાયબ મુખ્યમંત્રી અજિત પવારનું નિધન થયું છે. આ સમાચાર વાયુવેગે પ્રસરતા સમગ્ર રાજ્યમાં શોકનું મોજું ફરી વળ્યું છે.સુરત સાથેનું ખાસ કનેક્શન તપાસમાં આ દુર્ઘટનાગ્રસ્ત વિમાનનું સીધું કનેક્શન સુરત શહેર સાથે હોવાનું બહાર આવ્યું છે. મળતી માહિતી અનુસાર, VSR વેન્ચર્સ પ્રાઈવેટ લિમિટેડ કંપનીનું આ લિયરજેટ-45 (Learjet-45) ચાર્ટર્ડ પ્લેન છેલ્લા બે દિવસથી સુરત એરપોર્ટ પર જ પાર્ક હતું. સેલિબ્રિટીઝની અવર-જવર માટે થયો હતો ઉપયોગ સુરતના લાલભાઈ કોન્ટ્રાક્ટર સ્ટેડિયમ ખાતે રમાઈ રહેલી સેલિબ્રિટી ક્રિકેટ મેચમાં સ્ટાર્સ અને વીઆઈપી મહેમાનોને લાવવા-લઈ જવા માટે આ પ્લેનનો ઉપયોગ કરવામાં આવ્યો હતો. આ વિમાન 25 અને 26 જાન્યુઆરી દરમિયાન સુરત એરપોર્ટ પર પાર્ક કરવામાં આવેલું હતું. 28 જાન્યુઆરીની સવારે 8 કલાકે આ વિમાને મુંબઈથી બારામતી જવા માટે ટેક-ઓફ કર્યું હતું, જે કમનસીબે દુર્ઘટનાગ્રસ્ત થયું હતું. અન્ય 4 લોકોના પણ મોત બારામતી પ્લેન ક્રેશની દુર્ઘટના સમયે વિમાનમાં અજિત પવારની સાથે અન્ય ચાર વ્યક્તિઓ પણ સવાર હતી, જેમના પણ આ અકસ્માતમાં કરૂણ મોત નીપજ્યા છે. ટેકનિકલ ખામી કે ખરાબ હવામાન, દુર્ઘટનાનું ચોક્કસ કારણ જાણવા માટે અત્યારે હાઈ-લેવલ તપાસ શરૂ કરી દેવામાં આવી છે. આ પણ વાંચો - Ajit Pawar Funeral: અંતિમ યાત્રા પર અજિત દાદા, હિબકે ચઢ્યું બારામતી
Read Full Story arrow_forward
