Community News & Updates

Stay informed with the latest happenings, achievements, and announcements from our community.

All News

calendar_today January 29, 2026

Gujarat Tableau : દેશના દિલમાં વસ્યું ગુજરાત, MyGov પોર્ટલના સર્વેક્ષણમાં ગુજરાતના ટેબ્લોને મળ્યું સર્વોચ્ચ સ્થાન

ભારતના પ્રજાસત્તાક પર્વની પરેડમાં ગુજરાત રાજ્યએ ફરી એકવાર ઇતિહાસ રચીને દેશભરમાં પ્રથમ સ્થાન હાંસલ કર્યું છે. આ વર્ષે ગુજરાતના ટેબ્લોની થીમ "વંદે માતરમ, સ્વતંત્રતાનો મંત્ર" રાખવામાં આવી હતી, જેને દેશના નાગરિકોએ ખૂબ જ પસંદ કરી છે. ભારત સરકારના MyGov પોર્ટલ પર હાથ ધરવામાં આવેલા ઓનલાઇન સર્વેક્ષણમાં લોકોએ ગુજરાતના ટેબ્લોને સૌથી વધુ મતો આપીને વિજેતા બનાવ્યો છે. આ સિદ્ધિ ગુજરાતની સાંસ્કૃતિક વિરાસત અને દેશભક્તિના પ્રતીક સમાન રજૂઆતનું પરિણામ છે.ઐતિહાસિક જીત આ સાથે જ દિલ્હીના કર્તવ્ય પથ પર રજૂ થયેલા અન્ય પ્રદર્શનોમાં પણ શ્રેષ્ઠ દેખાવ કરનારાઓને સન્માનિત કરવામાં આવ્યા હતા. જેમાં ભારતીય નૌકાદળ (Indian Navy) અને દિલ્હી પોલીસની ટુકડીએ શ્રેષ્ઠ માર્ચિંગ ટુકડીનો એવોર્ડ જીતીને પોતાની શિસ્ત અને સમર્પણનો પરિચય આપ્યો હતો. ગુજરાત માટે આ અત્યંત ગૌરવની ક્ષણ છે કારણ કે રાષ્ટ્રીય કક્ષાએ ગુજરાતની કલા અને વિચારધારાને સર્વોચ્ચ સન્માન મળ્યું છે, જે રાજ્યના સાંસ્કૃતિક વારસાને નવી ઊંચાઈ પર લઈ જાય છે. આ પણ વાંચો : Ahmedabad માં અશાંત ધારાના બોગસ દસ્તાવેજોનું મોટું કૌભાંડ, દાણીલીમડાના એપાર્ટમેન્ટ વેચાણમાં છેતરપિંડી!

Read Full Story arrow_forward

calendar_today January 29, 2026

Budget Session 2026: ભારત દુનિયા માટે આશાનું કિરણ, બજેટ સત્ર પહેલા બોલ્યા પીએમ મોદી

આજથી બજેટ સત્રની શરૂઆત પહેલા પીએમ મોદીએ સંસદ ભવનથી સંબોધન કર્યું હતું. પીએમ મોદીએ કહ્યું કે દેશ માટે આ મહત્વનું બજેટ સત્ર છે. ભારત દુનિયા માટે આશાનું કિરણ છે. ભારત અને યુરોપિયન યુનિયન વચ્ચે ઐતિહાસિક કરાર થયો છે. અમારુ મુખ્ય લક્ષ્ય..સંસદનું બજેટ સત્ર આજથી શરૂ થઈ રહ્યું છે. બુધવાર, 28 જાન્યુઆરીના રોજ, રાષ્ટ્રપતિ દ્રૌપદી મુર્મુએ સેન્ટ્રલ હોલમાં બંને ગૃહોને સંયુક્ત રીતે સંબોધિત કર્યા. સત્ર પહેલા, વડા પ્રધાન નરેન્દ્ર મોદીએ સંસદ ભવનના સંકુલમાં મીડિયાને સંબોધિત કર્યું. પીએમ મોદીએ કહ્યું, "અમારી સરકારનું મુખ્ય લક્ષ્ય સુધારા, કામગીરી અને પરિવર્તન છે. હવે અમે રિફોર્મ એક્સપ્રેસ પર આગળ વધી રહ્યા છીએ.આત્મવિશ્વાસ ધરાવતું ભારત આજે વિશ્વ માટે આશાનું કિરણ- PM MODI પીએમ નરેન્દ્ર મોદીએ સંબોધન કરતા જણાવ્યું કે  આ ત્રિમાસિક ગાળાની શરૂઆત ખૂબ જ સકારાત્મક રીતે થઈ છે. આત્મવિશ્વાસ ધરાવતું ભારત આજે વિશ્વ માટે આશાનું કિરણ બન્યું છે. તે આકર્ષણનું કેન્દ્ર પણ બન્યું છે. આ ત્રિમાસિક ગાળાની શરૂઆતમાં ભારત અને યુરોપિયન યુનિયને મુક્ત વેપાર કરાર પર હસ્તાક્ષર કર્યા. તે આગામી દિશાઓ કેટલી તેજસ્વી છે, ભારતીય યુવાનોનું ભવિષ્ય કેટલું તેજસ્વી છે તેનું પ્રતિબિંબ છે. મહત્વાકાંક્ષી ભારત માટે આ મુક્ત વેપાર, મહત્વાકાંક્ષી યુવાનો માટે મુક્ત વેપાર, આત્મનિર્ભર ભારત માટે મુક્ત વેપાર.  ભારત-EU FTA પર બોલતા, PM નરેન્દ્ર મોદી કહે છે, "મને ખૂબ વિશ્વાસ છે કે એક રીતે આ આત્મવિશ્વાસપૂર્ણ, સ્પર્ધાત્મક અને ઉત્પાદક ભારતની દિશામાં એક મોટું પગલું છે. 9મી વખત મહિલા નાણામંત્રી રજૂ કરશે બજેટ જે ગર્વની ક્ષણ- પીએમ મોદી PM Modiએ કહ્યું કે 21મી સદીનો ચોથો ભાગ વીતી ગયો છે. આ આગામી ક્વાર્ટરની શરૂઆત છે. વિકાસ ભારત 2047ના લક્ષ્યને પ્રાપ્ત કરવા માટે આ 25 વર્ષનો મહત્વપૂર્ણ તબક્કો શરૂ થઈ ગયો છે. સદીના આ બીજા ક્વાર્ટરનું પહેલું બજેટ રજૂ થવાનું છે. નાણામંત્રી નિર્મલા સીતારમણ દેશના પ્રથમ નાણાંમંત્રી છે, દેશના પ્રથમ મહિલા નાણાંમંત્રી છે જે સતત 9મી વખત સંસદમાં બજેટ રજૂ કરી રહ્યા છે. દેશના સંસદીય ઇતિહાસમાં આ એક ગર્વની ક્ષણ તરીકે નોંધાયેલ છે. 77માં પ્રજાસત્તાક પર્વ પર પીએમ મોદીએ પહેરી આકર્ષક પાઘડી, જુઓ તસવીરો

Read Full Story arrow_forward

calendar_today January 29, 2026

Ajit Pawar Plane Crash : સત્તા બદલાતી રહી, પદ નહીં! 45 વર્ષ અજિત પવાર હંમેશા ‘ડેપ્યુટી’ કેમ રહ્યા?

મહારાષ્ટ્રના રાજકારણમાં અજિત પવારને હંમેશા એક શક્તિશાળી અને નિર્ણાયક નેતા તરીકે ઓળખવામાં આવ્યા. રાજ્યમાં સરકાર કોઈ પણ બનાવે, અજિત પવારનું નામ નાયબ મુખ્યમંત્રી પદ સાથે જ જોડાયેલું રહ્યું. બુધવારે સવારે બારામતી નજીક વિમાન દુર્ઘટનામાં તેમનું દુઃખદ અવસાન થયું હતું. આ અકસ્માતમાં વિમાનમાં સવાર તમામ લોકોના મોત થયા હતા. અજિત પવારનો જન્મ અજિત પવારનો જન્મ 22 જુલાઈ, 1959ના રોજ અહમદનગર જિલ્લાના દેવલાલી પ્રવરામાં થયો હતો. તેઓ મહારાષ્ટ્રના દિગ્ગજ નેતા શરદ પવારના ભાઈ અનંતરાવ પવારના પુત્ર હતા. બાળપણથી જ રાજકીય વાતાવરણમાં ઉછરેલા અજિત પવારે પોતાના કાકા શરદ પવારના માર્ગદર્શન હેઠળ રાજકારણના પાઠ શીખ્યા. અજિત પવારનો રાજકારણમાં પ્રવેશ અજિત પવારનો રાજકારણમાં પ્રવેશ 1982માં થયો, જ્યારે તેઓ એક સહકારી ખાંડ મિલના બોર્ડમાં ચૂંટાયા. ત્યારબાદ તેમણે સહકારી ક્ષેત્રમાં મજબૂત પાયો ઊભો કર્યો. 1991માં તેઓ પુણે જિલ્લા સહકારી બેંકના ચેરમેન બન્યા અને એ જ વર્ષે બારામતીથી કોંગ્રેસની ટિકિટ પર લોકસભા સાંસદ તરીકે ચૂંટાયા. જોકે, આ બેઠક તેમણે શરદ પવાર માટે ખાલી કરી હતી. 1995માં અજિત પવારે રાજ્ય રાજકારણમાં પગ મૂક્યો 1995માં અજિત પવારે રાજ્ય રાજકારણમાં પગ મૂક્યો અને પહેલી વાર મહારાષ્ટ્ર વિધાનસભાની ચૂંટણી જીતી. ત્યારબાદ તેઓ સતત આઠ ટર્મ સુધી ધારાસભ્ય રહ્યા અને ક્યારેય ચૂંટણી હાર્યા નહીં. 1999 બાદ તેમણે NCPની ટિકિટ પર અનેક વખત વિધાનસભાની ચૂંટણી જીતી અને બારામતીના મજબૂત નેતા તરીકે પોતાની ઓળખ બનાવેલી. 45 વર્ષની રાજકીય કારકિર્દીમાં એક વખત સાંસદ અજિત પવારએ પોતાની 45 વર્ષની રાજકીય કારકિર્દીમાં એક વખત સાંસદ, સાત વખત ધારાસભ્ય અને 6 વખત નાયબ મુખ્યમંત્રી તરીકે સેવા આપી. તેઓ મહારાષ્ટ્રના સૌથી વધુ વખત નાયબ મુખ્યમંત્રી બનેલા નેતા હતા. સાથે જ તેઓ સૌથી વધુ વખત રાજ્યનું બજેટ રજૂ કરનાર નાણામંત્રી તરીકે પણ ઓળખાતા હતા. સિંચાઈ અને આયોજન જેવા મહત્વપૂર્ણ ખાતાં તેમણે કૃષિ, ઉર્જા, સિંચાઈ અને આયોજન જેવા મહત્વપૂર્ણ ખાતાં સંભાળ્યા. વિલાસરાવ દેશમુખ અને પૃથ્વીરાજ ચવ્હાણની સરકારોમાં તેમનો પ્રભાવ ખાસ જોવા મળ્યો. 2019 બાદ રાજકીય નાટક દરમિયાન તેમણે ટૂંકા સમય માટે ભાજપ સાથે જઈને સરકાર બનાવી હતી, પરંતુ બાદમાં ફરી શરદ પવાર સાથે જોડાયા.  અજિત પવારએ મોટો રાજકીય નિર્ણય 2023માં અજિત પવારએ મોટો રાજકીય નિર્ણય લઈને 40 ધારાસભ્યો સાથે અલગ જૂથ બનાવ્યું અને ભાજપ-શિવસેના (એકનાથ શિંદે) સાથે મહાયુતિમાં જોડાયા. ચૂંટણી પંચ પાસેથી તેમણે મૂળ NCPનું નામ અને પ્રતીક મેળવ્યું, જેના કારણે પક્ષ બે ભાગમાં વહેંચાઈ ગયો. છતાં, પવાર પરિવારના સંબંધોમાં સંપૂર્ણ તૂટ જોવા મળી નહોતી. ઘણી વખત મુખ્યમંત્રી બનવાની તક અજિત પવારને ઘણી વખત મુખ્યમંત્રી બનવાની તક મળી હતી, ખાસ કરીને 1999 અને 2004માં. પરંતુ રાજકીય સમીકરણો અને શરદ પવારની વ્યૂહરચનાને કારણે તેઓ મુખ્યમંત્રી બની શક્યા નહીં. તેમ છતાં, નાયબ મુખ્યમંત્રી તરીકે તેમણે જે સત્તા અને પ્રભાવ બતાવ્યો, તે તેમને “તાજ વગરના રાજા” બનાવે છે. અજિત પવારના અચાનક અવસાનથી મહારાષ્ટ્રના રાજકારણમાં મોટો ખાલીપો સર્જાયો છે. હવે NCPનું નેતૃત્વ કોણ સંભાળશે અને પવાર પરિવાર ફરી એક થશે કે નહીં, એ રાજકીય વર્તુળોમાં ચર્ચાનો વિષય બન્યો છે. આ પણ વાંચો : EU સાથે FTA બાદ ભારતને વધુ એક મોટી સફળતા? અમેરિકા સાથે વેપાર સોદો અંતિમ તબક્કામાં

Read Full Story arrow_forward