Surat News : સુરતમાં લક્ષ્મી ગ્રુપ પર ITના દરોડા બીજા દિવસે યથાવત, ભાગેડુ મેહુલ ચોક્સીના કનેકશનને લઇ પણ તપાસનો ધમધમાટ
ઓફિસ સ્ટાફને ત્યાં રોકડ રકમ મૂક્યાની માહિતી પણ છે અને મોટી ટેક્સ ચોરીની આશંકાને લઇ તપાસ કરવામાં આવી રહી છે, અલગ અલગ 30 સ્થળે 110 અધિકારી દ્વારા તપાસ કરવામાં આવી રહી છે, ડાયમંડ, રિયલ એસ્ટેટ, શિક્ષણક્ષેત્રે તપાસ ચાલુ છે અને ગઈકાલે દરોડા દરમિયાન દસ્તાવેજ જપ્ત કરાયા છે, લોકર સીલ કરીને રકમ, જ્વેલરી અંગે પણ તપાસ કરાઈ રહી છે. ભાગીદારોના ત્યાં પણ દરોડા પાડવામાં આવ્યા આ દરોડા ફકત ગજેરા પરિવાર પૂરતા નથી પણ તેમના વ્યવસાયિક ભાગીદારોને ત્યાં પણ પાડવામાં આવ્યા છે. અને આઈટી દ્વારા અલગ-અલગ દસ્તાવેજોની ચકાસણી કરવામાં આવી રહી છે અને ટેકસ કેટલો ભર્યો છે અને કેટલી ચોરી ટેકસમાં કરી છે તે દિશામાં પણ તપાસ ચાલું છે, આઈટી વિભાગે અલગ-અલગ દસ્તાવેજો તપાસ માટે લીધા છે આ ઓપરેશનને પગલે સુરતના અન્ય મોટા વેપારીઓમાં ભારે ફફડાટ વ્યાપી ગયો છે. સુરતના અન્ય વેપારી અને ઉદ્યોગ જગતમાં ફફડાટ ઈન્કમ ટેકસ વિભાગે વહેલી સવારથી દરોડા પાડયા હતા અને આઈટીના મોટા કાફલા સાથે આ દરોડા પાડવામાં આવ્યા હતા, સુરતમાં ડાયમંડના ધંધા સાથે સંકળાયેલા અન્ય વેપારીઓમાં પણ ફફડાટ વ્યાપ્યો છે. લક્ષ્મી ડાયમંડ ગ્રુપની વિવિધ જગ્યાઓ પર આ દરોડા પાડવામાં આવ્યા છે, વસંત ગજેરાના જે ગ્રુપ છે ધંધાને લઈ ત્યાં આગળ આ ચેકિંગ કરવામાં આવ્યું છે. IT અધિકારીઓની ટીમો દ્વારા તપાસનો ધમધમાટ શરૂ કરવામાં આવ્યો હતો. આ પણ વાંચો : Junagadh News : CM ભૂપેન્દ્ર પટેલે સાસણમાં સ્વદેશી અને સ્થાનિક પ્રોડક્ટ વેચતા તથા હસ્તકલાના સ્થાનિક વેપારીઓને કર્યા પ્રોત્સાહિત
Read Full Story arrow_forward
