Community News & Updates

Stay informed with the latest happenings, achievements, and announcements from our community.

All News

calendar_today January 26, 2026

Maharashtra : પોલ્ટ્રી ફાર્મની આડમાં ચાલી રહેલી ડ્રગ્સ ફેક્ટરીનો પર્દાફાશ, 55 કરોડનું મેફેડ્રોન જપ્ત

મહારાષ્ટ્રના સહ્યાદ્રી રેન્જમાં DRIએ ડ્રગ્સ માફિયાની વિરૂદ્ધ મોટી કાર્યવાહી કરતા મોબાઈલ મેફેડ્રોન લેબનો પર્દાફાશ કર્યો છે. આ લેબ સતારા જિલ્લાના એક દુર્ગમ પહાડી વિસ્તારમાં પોલ્ટ્રી ફાર્મની આડમાં ચલાવવામાં આવી રહી હતી. DRIએ આ કાર્યવાહીને 'ઓપરેશન સહ્યાદ્રી ચેકમેટ' નામ આપ્યું છે.શું હતો ઓપરેશનનો ઉદ્દેશ્ય? DRI મુજબ ગુપ્ત જાણકારીના આધરે શરૂ કરેલા આ ઓપરેશનનો ઉદ્દેશ્ય સહ્યાદ્રી રેન્જમાં છુપાયેલા ડ્રગ્સ લેબ અને ફેક્ટરીઓની ઓળખ કરીને ખતમ કરવાનો હતો. આ કડીમાં 24 જાન્યુઆરીએ એક કાર્યવાહી દરમિયાન તેને અસ્થાયી પણ પુરી રીતે ચાલુ મેફેડ્રોન મેન્યુફેક્ચરિંગ યૂનિટની ઓળખ લગાવવામાં આવી હતી. તપાસમાં સામે આવ્યું કે આ ગેરકાયદેસર લેબને વારંવાર જગ્યા બદલી શકાય તે રીતે ડિઝાઈન કરવામાં આવ્યું હતું, જેથી એજન્સીઓની પકડથી બચી શકાય. પોલ્ટ્રી ફાર્મની આડમાં ચાલી રહેલા આ યુનિટની ઓળખ થઈ, જ્યાં મેફેડ્રોન બનાવવા માટે જરૂરી ઉપકરણ અને કેમિકલ હાજર હતા. ડ્રગ્સની કિંમત 55 કરોડ રૂપિયા DRIએ સ્થળ પર કૂલ 21.912 કિલો મેફેડ્રોન જપ્ત કર્યું, જેમાં 11.848 કિલો લિક્વિડ ફોર્મમાં, 9.326 કિલો અર્ધ-લિક્વિડ ફોર્મમાં અને 738 ગ્રામ ક્રિસ્ટલીય સ્વરૂપમાં શામેલ છે. આ સિવાય 71.5 કિલો કાચોમાલ પણ જપ્ત કરવામાં આવ્યો છે. જેનાથી લગભગ 15 કિલો NDPS પદાર્થ તૈયાર કરવામાં આવી શકતો હતો, ડ્રગ્સની કિંમત 55 કરોડ રૂપિયા આંકવામાં આવી છે. આ મામલે DRIએ 3 લોકોની ધરપકડ કરી લીધી છે. જેમાં ડ્રગ મેન્યુફેક્ચરિંગમાં સામેલ કુક, ફાયનાન્સર-કન્સાઈનર અને પોલ્ટ્રી ફાર્મનો માલિક સામેલ છે. તૈયાર NDPS પદાર્થની પ્રથમ બેચ પોલ્ટ્રી ફાર્મના માલિકના ઘરમાં છુપાડીને રાખવામાં આવી હતી. ફોલો-અપ કાર્યવાહી હેઠળ DRIએ ગાઢ જંગલમાં એક જુના ઓક્ટ્રોઈ ટોલ નાકાની પાસે નજર રાખી હતી. ડ્રગ્સ તસ્કરી નેટવર્કની વિરૂદ્ધ મોટી સફળતા અહીંથી માલ લેવા પહોંચેલા વધુ 2 આરોપીઓની ધરપકડ કરવામાં આવી છે. તપાસમાં એ પણ સામે આવ્યું છે કે ધરપકડ કરેલા આરોપીઓમાંથી 4 લોકો પહેલા પણ NDPS એક્ટ કે MCOCA જેવા ગંભીર કાયદાઓ હેઠળ ગુનાઓમાં સામેલ રહી ચૂક્યા છે. આ ઓપરેશન સંગઠિત ડ્રગ્સ તસ્કરી નેટવર્કની વિરૂદ્ધ મોટી સફળતા છે, જે કાયદો વ્યવસ્થા માટે ગંભીર જોખમ હતું.    આ પણ વાંચો : Rajasthan : નાગૌરમાં ગેરકાયદેસર વિસ્ફોટક સામગ્રીનો કેસ, NIA અને ગૃહ મંત્રાલયની સ્પેશિયલ ટીમે કરી તપાસ

Read Full Story arrow_forward

calendar_today January 26, 2026

Rajkot: રેકડીમાં સ્પાર્ક થયા બાદ આગ લાગ્યાનું અનુમાન, માલવિયા નગર પોલીસે FSL તેડાવી

રાજકોટના પોશ ગણાતા અમીન માર્ગ પર ફ્રૂટની રેકડીઓમાં લાગેલી ભીષણ આગના મામલે નવો વળાંક આવ્યો છે. આ ઘટનાના CCTV ફૂટેજ સામે આવ્યા છે, જેણે આ ઘટના કોઈનું કરતૂત છે કે અકસ્માત, તે અંગેના પ્રાથમિક સંકેતો આપ્યા છે.ફ્રૂટની રેકડીઓમાં લાગેલી આગના મામલે નવો વળાંકઘટનાના જે સીસીટીવી ફૂટેજ સામે આવ્યા છે તેમાં કોઈ શંકાસ્પદ વ્યક્તિ આગ લગાડતી જોવા મળી નથી. ફૂટેજ મુજબ, રેકડીમાં અચાનક એક સ્પાર્ક (તણખલો) થયો હતો. આ સ્પાર્ક થયાના થોડી જ વારમાં આગે વિકરાળ સ્વરૂપ ધારણ કર્યું હતું અને જોતજોતામાં એક પછી એક રેકડીઓ લપેટમાં આવી ગઈ હતી.નાના ધંધાર્થીઓને મોટું નુકસાનઆ આગની દુર્ઘટનામાં ગરીબ અને મધ્યમ વર્ગના નાના ધંધાર્થીઓની 10 જેટલી રેકડીઓ અને તેમાં રાખેલો લાખોની કિંમતનો ફ્રૂટનો જથ્થો બળીને ખાખ થઈ ગયો છે. રોજીરોટી છીનવાઈ જતાં પરિવારોમાં ચિંતાનું મોજું ફરી વળ્યું છે.પોલીસ અને FSLની તપાસમાલવિયા નગર પોલીસ આ મામલે ખૂબ જ ગંભીરતાથી તપાસ કરી રહી છે. આગનું ચોક્કસ કારણ જાણવા માટે પોલીસે FSL (ફિંગરપ્રિન્ટ અને સાયન્સ લેબોરેટરી) ની મદદ લીધી છે.સ્પાર્ક શોર્ટ સર્કિટને કારણે થયો હતો કે અન્ય કોઈ કારણસર, તે FSLના રિપોર્ટ બાદ જ સ્પષ્ટ થશે. પોલીસે હાલ પૂરતી તપાસ હાથ ધરી છે અને રિપોર્ટ આવ્યા બાદ હકીકત જાહેર કરવામાં આવશે તેમ જણાવ્યું છે.આ પણ વાંચો: નવનીત બાલધીયા કેસમાં ન્યાય મળતા હીરા સોલંકીએ કોળી સમાજની એકતાને બિરદાવી, યુવા શક્તિનો માન્યો આભાર

Read Full Story arrow_forward

calendar_today January 26, 2026

Surat News: ડ્રગ્સ વેચનાર અને તેનું દૂષણ ફેલાવનાર લોકોના શું હાલ થાય છે તે તમને ખબર છે

સુરતમાં આજે પ્રજાસત્તાક પર્વ પર યુવાધનને નશાની ટેવમાંથી બહાર લાવવા માટે Say No to Drugsની થીમ પર એક કાર્યક્રમનું આયોજન કરવામાં આવ્યું હતું. છેલ્લા 12 વર્ષથી સુરતમાં 26મી જાન્યુઆરીના દિવસે આ કાર્યક્રમનું આયોજન કરવામાં આવે છે. આજે આ કાર્યક્રમમાં નાયબ મુખ્યમંત્રી હર્ષ સંઘવી અને પોલીસ કમિશનર અનુપમસિંહ ગેહલોત સહિતના મહાનુભાવો હાજર રહ્યા હતાં. આ કાર્યક્રમમાં હર્ષ સંઘવીએ કહ્યું હતું કે, ડ્રગ્સ વેચનાર અને તેનું દૂષણ ફેલાવનાર લોકોના શું હાલ થાય છે તે હવે તમને ખબર પડશે. નશાના રવાડે ચઢેલા લોકોને સુરત પોલીસ સુધારે છે નાયબ મુખ્યમંત્રી હર્ષ સંઘવીએ આ કાર્યક્રમમાં કહ્યું હતું કે, ડ્રગ્સના દૂષણમાં ફસાયેલા લોકોનું કાઉન્સેલિંગ કરો. તમે દર મહિને એક કોલેજ કે એક યુનિવર્સિટીમાં જાઓ. સુરત પોલીસ નશાના રવાડે ચઢેલાને બચાવે છે. સુરતીઓ મોટા દિલ વાળા લોકો છે. આપણી અંદરની શક્તિનો ઉપયોગ કરો. આપણે માત્ર 26 મી જાન્યુઆરીએ આ કાર્યક્રમ પૂર્ણ કરીને આપણે જવાબદારીમાંથી હાથ ઊંચા નથી કરવાના. તમે અનેક યુવાનોને બચાવ્યા છે અને તમારી શક્તિ ખૂબ મોટી છે. હું સુરત પોલીસને અભિનંદન આપું છું. નશાના રવાડે ચઢેલા લોકોને સુરત પોલીસ સુધારે છે અને તેમની સામે કેસ કરવામાં નથી આવતો. દર મહિને તમે 10થી 20 મિનિટ આપો હર્ષ સંઘવીએ કહ્યું હતું કે, દર મહિને તમે 10થી 20 મિનિટ આ કામમાં આપો એટલે અમારી લડાઈ વધુ મજબૂત થશે. ડ્રગ્સ વેચનાર અને તેનું દૂષણ ફેલાવનારની શું હાલત થાય છે તે હવે તમને ખબર પડશે. આ રાજ્યમાં કોઈ વ્યક્તિનો ફોટો ગૃહમંત્રી સાથે હોય તો તેને પણ પકડવામાં આવે છે. તેનું મોટામાં મોટું ઉદાહરણ ગુજરાત પોલીસે આપ્યું છે. દરરોજ કોસવાના બદલે આપણી અંદર શું શક્તિ છે તે શક્તિનો ઉપયોગ કરીને એક પગલું આગળ ભરો અને પછી જુઓ કેવી રીતે આપણું નવું ભારત આગળ વધે છે. આ પણ વાંચોઃ Kolkata ના નઝીરાબાદમાં લાગી ભીષણ આગ, 5થી વધુના મોત, અનેક લોકો ફસાયા

Read Full Story arrow_forward