Community News & Updates

Stay informed with the latest happenings, achievements, and announcements from our community.

All News

calendar_today January 25, 2026

Valsad News : રીક્ષાની અડફેટે શ્વાનના મોત બાદ બબાલ, રીક્ષાચાલકનો સાગરિતો સાથે પરિવાર પર હુમલો

વલસાડમાં ગજબનો બનાવ સામે આવ્યો છે. રીક્ષાની અડફેટે શ્વાનનું મોત થયા બાદ એક પરિવારે રીક્ષા ચાલકને ટકોર કરતાં મામલો બીચક્યો હતો. રીક્ષા ચાલકે તેના સાગરિતો સાથે પરિવાર પર હુમલો કર્યો હતો. જેમાં પરિવારના સભ્યોને ઈજા પહોંચી હતી. વલસાડ પોલીસે ફરિયાદ લઈ વધુ તપાસ હાથ ધરી છે. રીક્ષાચાલકને ટકોર કરતા મામલો બિચક્યો વલસાડ શહેરના મોગરાવાડી વિસ્તારની આર એમ શ્રૃષ્ટી સોસાયટીમાં રીક્ષાની અડફેટે શ્વાનનું મોત થતા સોસાયટીના એક મકાનમાં રહેતા પરિવારે રીક્ષા ચાલકને ટકોર કરતા મામલો બીચક્યો હતો. ત્યાર બાદ રીક્ષા ચાલકે સોસાયટીના એક પરિવાર સાથે માથાકૂટ કરી હતી. આ રીક્ષા ચાલક બાદમાં તેના સાગરિતો સાથે આવ્યો હતો અને પરિવાર પર હુમલો કર્યો હતો. જેમાં પરિવારના સભ્યોને ઈજા પહોંચી હતી. સમગ્ર ઘટનાના વીડિયો સોશિયલ મીડિયામાં વાયરલ થયા હતાં. વલસાડ પોલીસે આ સંદર્ભે ફરિયાદ લઈને વધુ તપાસ હાથ ધરી છે. આ પણ વાંચોઃ  Madhya Pradesh : સિંગરૌલીમાં મોટી દુર્ઘટના, ભેખડ ધસી પડતા 3ના મોત

Read Full Story arrow_forward

calendar_today January 25, 2026

Surendranagar: મૂળીમાં નજીવી બાબતે થયેલી બોલાચાલીમાં ફાયરિંગ, જિલ્લા પંચાયત સદસ્યના પુત્રને પગમાં ગોળી વાગી

સુરેન્દ્રનગર જિલ્લાના મૂળી શહેરી વિસ્તારમાં રવિવારે સનસનાટીભરી ઘટના સામે આવી છે. સામાન્ય બોલાચાલી બાદ મામલો એટલો ઉગ્ર બન્યો હતો કે, એક નિવૃત્ત પોલીસ કર્મચારીએ જિલ્લા પંચાયતના સદસ્યના પુત્ર પર ફાયરિંગ કર્યું હતું. આ ઘટનાને પગલે સમગ્ર પંથકમાં ચકચાર મચી ગઈ છે અને પોલીસનો કાફલો ઘટનાસ્થળે દોડી ગયો છે.જિલ્લા પંચાયત સદસ્યના પુત્ર પર હુમલોપ્રાપ્ત વિગતો અનુસાર, મૂળીમાં નજીવી બાબતે બોલાચાલી થયા બાદ મામલો બિચક્યો હતો. જીલ્લા પંચાયતના સદસ્ય રાજેન્દ્રસિંહ પરમારના પુત્ર સત્યજીતસિંહ પરમાર પર ફાયરિંગ કરવામાં આવ્યું હતું. આ ફાયરિંગમાં સત્યજીતસિંહને પગના ભાગે ગોળી વાગતા તેઓ લોહીલુહાણ હાલતમાં ઢળી પડ્યા હતા. તેમને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે.નિવૃત્ત પોલીસ કર્મચારીએ કર્યું ફાયરિંગચોંકાવનારી બાબત એ છે કે, ફાયરિંગ કરનાર વ્યક્તિ નિવૃત્ત પોલીસ કર્મચારી છે. ડિસ્ટ્રિક્ટ બેંકના ચેરમેન હરદેવસિંહ પરમારના ભાઈ અને નિવૃત્ત પોલીસકર્મી હરિશચંદ્રસિંહ પરમાર દ્વારા આ ફાયરિંગ કરવામાં આવ્યું હોવાનું સામે આવ્યું છે. પ્રાથમિક અનુમાન મુજબ, આ હુમલા પાછળ કોઈ જૂની અંગત અદાવત જવાબદાર હોઈ શકે છે.પોલીસની કાર્યવાહી અને તપાસફાયરિંગની ઘટના બાદ આરોપી હરિશચંદ્રસિંહ પરમાર સ્થળ પરથી નાસી છૂટ્યા હતા. ઘટનાની જાણ થતા જ મૂળી પોલીસ અને ઉચ્ચ અધિકારીઓનો કાફલો ઘટનાસ્થળે પહોંચી ગયો હતો.આ પણ વાંચો: Bhavnagar: બે બાઈક વચ્ચે ગમખ્વાર અકસ્માત, 5 યુવાનો લોહીલુહાણ, એકની હાલત નાજુક

Read Full Story arrow_forward

calendar_today January 25, 2026

Surendranagar: જિલ્લાકક્ષાના રાષ્ટ્રીય પર્વની આજે ઉજવણી

સુરેન્દ્રનગર શહેરના જવાહર પોલીસ પરેડ ગ્રાઉન્ડ ખાતે 4 વર્ષ બાદ આજે રાષ્ટ્રીય પર્વની જિલ્લાકક્ષાની ઉજવણી થઈ રહી છે. જિલ્લાના પ્રભારી મંત્રી આજે તિરંગો લહેરાવી રાષ્ટ્રધ્વજને સલામી આપનાર છે. ત્યારે શહેરીજનોને ધ્વજવંદન સાથે સાથે શાળાના બાળકો દ્વારા રજુ કરાતા વીવીધ સાંસ્કૃતી કાર્યક્રમો, પોલીસની પરેડ, સરકારી વિભાગના ટેબ્લો જોવાનો લ્હાવો મળશે.સમગ્ર દેશમાં તા.15મી ઓગસ્ટે સ્વતંત્રતા પર્વ અને તા. 26મી જાન્યુઆરીએ પ્રજાસત્તાક પર્વની ઉમંગભેર ઉજવણી થાય છે. વર્ષો પહેલા ગુજરાતમાં રાજયકક્ષાની ઉજવણી ગાંધીનગર અને જિલ્લાકક્ષાની ઉજવણી જે તે જિલ્લાના વડામથક ખાતે થતી હતી. પરંતુ નરેન્દ્ર મોદી જયારે રાજયના મુખ્યમંત્રી બન્યા ત્યારબાદ તેઓ આ ઉજવણીમાં ફેરફાર કર્યો હતો. જેમાં રાજયના વીવીધ જિલ્લાઓમાં ક્રમશઃ રાજયકક્ષાના રાષ્ટ્રીય પર્વની ઉજવણી અને દરેક જિલ્લાના તાલુકા મથકે ક્રમશઃ જિલ્લા કક્ષાની ઉજવણી કરાઈ છે. જેમાં આ વર્ષે નવા બનેલા વાવ-થરાદ જિલ્લામાં રાજયકક્ષાનું પ્રજાસત્તાક પર્વ ઉજવવામાં આવનાર છે. જયારે સુરેન્દ્રનગર જિલ્લાકક્ષાના પ્રજાસત્તાક પર્વની ઉજવણી સુરેન્દ્રનગર શહેરમાં થનાર છે. અત્રે ઉલ્લેખનીય છે કે, વર્ષ 2022માં 26મી જાન્યુઆરીના દિવસે જવાહર પોલીસ પરેડ ગ્રાઉન્ડમાં પ્રજાસત્તાક પર્વ ઉજવાયા બાદ ફરી 4 વર્ષે આજે સોમવારે ઉજવાશે. જેમાં રાજયના શહેરી વિકાસ મંત્રી અને જિલ્લાના પ્રભારી મંત્રી દર્શનાબેન વાઘેલા તિરંગો લહેરાવી સલામી આપશે. ત્યારે જિલ્લાકક્ષાની ઉજવણી શહેરમાં થતી હોઈ શહેરીજનોમાં ભારે ઉત્સાહ જોવા મળી રહ્યો છે. જિલ્લાના શાળાના બાળકો આજે સાંસ્કૃતીક કાર્યક્રમો રજુ કરશે. જેને નિહાળવા મોટી સંખ્યામાં બાળકો પોતાના વાલીઓ સાથે આવશે. બીજી તરફ ગ્રાઉન્ડમાં તૈયારીઓને આખરી ઓપ અપાઈ ચૂક્યો છે. અને પોલીસ કર્મીઓ પરેડની પ્રેકટીસ કરતા જોવા મળ્યા હતો. જિલ્લા વહીવટી તંત્રે પણ લોકોએ આ ગરીમામય કાર્યક્રમમાં મોટી સંખ્યામાં નાગરીકોને હાજર રહેવા અપીલ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward