Community News & Updates

Stay informed with the latest happenings, achievements, and announcements from our community.

All News

calendar_today January 22, 2026

Petrol Diesel Price: પેટ્રોલ ડીઝલના ભાવમાં કેટલો આવ્યો ફેરફાર? જાણી લો આજનો લેટેસ્ટ રેટ

આજે 22 જાન્યુઆરી 2026 ના રોજ ભારતના મુખ્ય શહેરો માટે પેટ્રોલ અને ડીઝલના નવા ભાવ જાહેર કરવામાં આવ્યા છે. જો કે હજી સુધી તો પેટ્રોલ ડિઝલના ભાવમાં કોઇ ફેરફાર ખાસ આવ્યો નથી. પરંતુ વિવિધ શહેરોમાં તેના ભાવમાં વધ ઘટ જોવા મળી શકે છે. ત્યારે આવો જાણીએ ગુજરાતના વિવિધ શહેરોમાં શું છે આજનો લેટેસ્ટ ભાવ દેશના મોટા શહેરોમાં શું છે પેટ્રોલ ડીઝલની કિંમત ? દિલ્હીમાં પેટ્રોલનો ભાવ 94.72 રૂપિયા અને ડીઝલનો ભાવ 87.62 રૂપિયા પ્રતિ લિટર છે. મુંબઈમાં પેટ્રોલનો ભાવ 104.21 રૂપિયા અને ડીઝલનો ભાવ 92.15 રૂપિયા પ્રતિ લિટર છે. કોલકાતામાં પેટ્રોલનો ભાવ 103.94 રૂપિયા અને ડીઝલનો ભાવ 90.76 રૂપિયા પ્રતિ લિટર છે. ચેન્નાઈમાં પેટ્રોલનો ભાવ 100.75 રૂપિયા અને ડીઝલનો ભાવ 92.34 રૂપિયા પ્રતિ લિટર છે. ગુજરાતના મોટા શહેરોમાં શું છે ભાવ? (ગુડ રિટર્ન અનુસાર) શહેર પેટ્રોલ (રૂ.) ડીઝલ (રૂ.)અમદાવાદ 94.49 90.17ભાવનગર 96.10 91.77ગાંધીનગર 94.93 90.60રાજકોટ 94.27 89.96વડોદરા 94.15 89.82એસએમએસ દ્વારા જાણો પેટ્રોલ અને ડીઝલના ભાવઈન્ડિયન ઓઈલ: RSP અને તમારા શહેરનો પિનકોડ 9224992249 નંબર પર SMS કરો. ભારત પેટ્રોલિયમ: RSP અને તમારા શહેરનો પિનકોડ 9223112222 પર SMS કરો. હિન્દુસ્તાન પેટ્રોલિયમ: 9222201122 નંબર પર તમારા શહેરનો HPP કિંમત અને પિનકોડ SMS કરો. Stock Market Opening: ટ્રેડ ડીલ અંગે ટ્રમ્પનો પોઝિટીવ સંકેત, સેન્સેક્સમાં 730 પોઇન્ટનો ઉછાળો

Read Full Story arrow_forward

calendar_today January 22, 2026

Surat News : સુરતના લાલગેટ વિસ્તરમાં એક તરફ ભૂવો પડયો અને બીજી તરફ લગ્નનો મંડપ, ભૂવો પડતા ખુરશીઓ ભૂવામાં પડતા દોડધામ મચી

સુરતમાં મેટ્રોની ચાલુ કામગીરી દરમિયાન ભૂવો પડતા મોટી જાનહાની ટળી હતી, લગ્ન મંડપ પાસે જ ભૂવો પડતા જાનહાનિ ટળી હતી અને ભૂવો પડતા સમગ્ર વિસ્તારમાં લોકોએ કોર્પોરેશન સામે રોષ ઠાલવ્યો હતો, તો આ બધાની વચ્ચે ખુરશીઓ, લગ્ન મંડપનો ભાગ ભૂવામાં ગરકાવ થયો હતો, નજીકના બંગલાના કિચન પાછળ ભૂવો પડ્યો છે. મેટ્રો પ્રોજેક્ટથી પાણીની લાઇન તૂટી હોવાની શંકા મોટો ભૂવો પડતા સ્થાનિક લોકોમાં ભારે રોષ જોવા મળી રહ્યો છે, તો સ્થાનિકોનું કહેવું છે કે, મેટ્રોની કામગીરી દરમિયાન ઘણીવાર મકાનો પણ હલતા હોય છે અને હમણા પડી જશે તેવો પણ અહેસાસ થતો હોય છે, સુરતમાં વગર વરસાદે ભૂવા પડવાની મૌસમ ખિલી છે. મેટ્રો પ્રોજેક્ટની પાણીની લાઇન તૂટી હોવાની શંકા લોકો સેવી રહ્યા છે તો મેટ્રો કામ દરમિયાન નાગરિક સુરક્ષા પર પ્રશ્ન ઉભા થયા છે અને મહત્વની વાત તો એ છે કે આ ભૂવો પડયો તો કોર્પોરેશન કે મેટ્રોના અધિકારીઓ સ્થળ મુલાકાત કરવા પણ આવ્યા નથી. લાલગેટ વિસ્તારમાં એક મોટી દુર્ઘટના ઘટતા રહી ગઈ સુરતના લાલગેટ વિસ્તારમાં માછલીપીઠ નજીક મેટ્રોની કામગીરી ચાલી રહી છે અને અચાનક 20 ફૂટ ઊંડો ભૂવો પડતા દોડધામ મતી હતી અને લગ્નનો મંડપ બાંધ્યો હતો અને લોકોના જવ તાળવે ચોંટયા હતા, લગ્નના મંડપનો એક પાયો પણ ભૂવામાં ગરકાવ થઈ ગયો હતો અને સાથે 20થી 25 ખુરશીઓ પણ ખાડામાં પડી ગઈ હતી. આ સાથે જ ભૂવો પડ્યો તેની નજીકમાં કિચન હોવાથી ખાવાનું મૂકીને ભાગી ગયા હતા. આ પણ વાંચો : Kheda News : ખેડાના કપડવંજમાં 16 પત્તા પ્રેમીએ બાજી ચીપી અને સ્ટેટ મોનિટરિંગ સેલે દરોડા પાડયા, પોલીસે 1.37 લાખની રોકડ જપ્ત કરી

Read Full Story arrow_forward

calendar_today January 22, 2026

Surendranagar : થાનગઢમાં મધરાત્રિએ તંત્રનો સપાટો, સરકારી જમીન પર કરાયેલા 260 ગેરકાયદે દબાણો તોડી પડાયા, 210 કરોડની સરકારી જમીન દબાણમુક્ત

સુરેન્દ્રનગર જિલ્લાના થાનગઢ શહેરમાં મોડી રાત્રે તંત્ર દ્વારા વિશાળ ડિમોલિશન કામગીરી હાથ ધરવામાં આવી હતી. થાનગઢના સૂર્યા ચોકથી સોનગઢ તથા તરણેતર રોડ પર આવેલી સરકારી જમીન ઉપર થયેલા ગેરકાયદેસર દબાણોને ચુસ્ત પોલીસ બંદોબસ્ત વચ્ચે દૂર કરવામાં આવ્યા હતા.અનિચ્છનીય ઘટના ન બને તે માટે પૂરતો બંદોબસ્ત ગોઠવવામાં આવ્યો ચોટીલા પ્રાંત અધિકારીના માર્ગદર્શન હેઠળ મુળી મામલતદાર, ચોટીલા મામલતદાર તથા થાનગઢ મામલતદારની સંયુક્ત ટીમ દ્વારા આ કાર્યવાહી કરવામાં આવી હતી. મોડી રાત્રે શરૂ થયેલી આ કામગીરી દરમિયાન કોઈ અનિચ્છનીય ઘટના ન બને તે માટે પૂરતો બંદોબસ્ત ગોઠવવામાં આવ્યો હતો. સૂર્યા ચોકથી તરણેતર જવાના માર્ગની બંને બાજુએ પાકા ગેરકાયદેસર બાંધકામો કરવામાં આવ્યા હતા મળતી માહિતી મુજબ સૂર્યા ચોકથી તરણેતર જવાના માર્ગની બંને બાજુએ સરકારી સર્વે નંબર ૭૯, ૮૧, ૮૯ અને ૩૪૯ પર મોટા પાયે પાકા ગેરકાયદેસર બાંધકામો કરવામાં આવ્યા હતા. 260 ગેરકાયદેસર બાંધકામો તોડી પાડવામાં આવ્યા આ વિસ્તારમાં કુલ 231 દુકાનો, 7 સેનેટરીવેરના કારખાના અને 17 રહેણાંક મકાન સહિત કુલ 260 ગેરકાયદેસર બાંધકામો તોડી પાડવામાં આવ્યા હતા. આ કાર્યવાહી દ્વારા અંદાજીત રૂ. 210.26 કરોડની સરકારી જમીન દબાણમુક્ત કરવામાં આવી છે. તંત્રના જણાવ્યા અનુસાર, ખુલ્લી થયેલ જમીન પર ટૂંક સમયમાં તાર ફેન્સિંગ કરવામાં આવશે તેમજ સરકારી જમીનની જાળવણી માટે વિગતવાર કાર્યક્રમ જાહેર કરવામાં આવશે.આગળ પણ કડક પગલાં લેવામાં આવશે. મધરાત્રિએ થયેલી આ કાર્યવાહીથી વિસ્તારમાં ભારે ચર્ચા જોવા મળી રહી છે, જ્યારે તંત્રએ સ્પષ્ટ કર્યું છે કે સરકારી જમીન પરના ગેરકાયદેસર દબાણો સામે આગળ પણ કડક પગલાં લેવામાં આવશે. આ પણ વાંચો----   Ahmedabad:ચાંદખેડામાં ફ્લિપકાર્ટના વેરહાઉસમાં આગ, ફાયરની 4 ગાડીઓ ઘટનાસ્થળે

Read Full Story arrow_forward