Anand: બે બાઈક ધડાકાભેર ટકરાતાં ઘાયલ થયેલા બે યુવકોનાં આખરે મોત થયાં
શાહપુરમાં રહેતા ધર્મેશભાઈ મનુભાઈ પટેલે આપેલી ફરિયાદમાં જણાવ્યું હતું કે, ગામમાં રહેતા તેમના કાકાના દીકરા ચિરાગભાઈ મણીભાઈ પટેલ અને પરિવાર સાથે પેટલાદ જમવા માટે ગયા હતા.દરમિયાન પેટલાદમાં કામ હોવાથી ચિરાગભાઈ પટેલ બાઈક લઈને ગયા હતા. જ્યાંથી કામ પુરૂ કરીને શાહપુર પરત આવવા નીકળ્યા હતા. દરમિયાન પેટલાદ-શાહપુર માર્ગ પર આવેલ ખળી નજીકથી ચિરાગભાઈ બાઈક લઈને પસાર થઈ રહ્યા હતા. ત્યારે સામેથી પુરપાટ ઝડપે આવતા બોરસદના ગોરેલના એક્ટીવા ચાલક અલ્પેશભાઈ કનુભાઈ તળપદાએ ધડાકાભેર એક્ટીવા ચિરાગભાઈના બાઈક સાથે અથડાવ્યું હતું. આ અકસ્માતમાં ચિરાગભાઈ, અલ્પેશભાઈ અને એક્ટીવા પાછળ બેઠેલ જીતુભાઈ રોડ પર પટકાયા હતા અને ત્રણેયને ગંભીર ઈજાઓ પહોચી હતી. અકસ્માતની ઘટનાને લઈને સ્થાનિકો દોડી આવ્યા હતા અને 108 મોબાઈલ વાનને જાણ કરતાં ત્રણેય ઈજાગ્રસ્તોને પેટલાદ હોસ્પિટલમાં ખસેડાયા હતા. જ્યાં ફરજ પરના તબીબે સારવાર દરમિયાન ચિરાગ પટેલ અને અલ્પેશભાઈ તળપદાને મૃત્યુ પામેલા જાહેર કર્યા હતા. જ્યારે ઈજાગ્રસ્ત જીતુભાઈને પ્રાથમિક સારવાર આપીને વધુ સારવાર માટે વડોદરાની હોસ્પિટલમાં ખસેડવામાં આવ્યા હતા. આ અંગે પેટલાદ રૂરલ પોલીસે ધર્મેશભાઈ પટેલની ફરિયાદના આધારે એક્ટીવાચાલક મૃતક અલ્પેશભાઈ તળપદા વિરૂદ્ધ અકસ્માતનો ગુનો દાખલ કરીને કાર્યવાહી હાથ ધરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
