Ahmedabad: અસલાલીમાં માત્ર રૂ. 500 માટે યુવકે સહકર્મીની હત્યા કરી દીધી
અસલાલીના કમોડ-પીરાણા રોડ પર આવેલા એક કોંક્રિટ પ્લાન્ટમાં એક ડ્રાઇવરની હત્યા થયાનું સામે આવ્યુ છે. આ પ્લાન્ટ કામ કરતા ડ્રાઇવર અને ટ્રાન્સિસ્ટ મિક્સર ટ્રકના ચાલક વચ્ચે ખર્ચાના 500 રૂ. મામલે ઝગડો થતા તેણે ડ્રાઇવરને માથામાં ટીફીન માર્યું હતું. આ ડ્રાઈવરનું મોત થતા સંબંધીએ ફરિયાદ નોંધાવી હતી.અસલાલીના કમોડ-પીરાણા રોડ પર કોનપ્લસ નામના કોંક્રિટ પ્લાન્ટમાં યુપીના 42 વર્ષીય સુનિલ તિવારી ડ્રાઈવર તરીકે કામ કરતા હતા. જ્યારે ટ્રાન્સિસ્ટ મિક્સર ટ્રક ચલાવવાનું કામ કરનાર યોગેશ દ્વિવેદી પણ ત્યાં જ કામ કરે છે. બે દિવસ પહેલા બંને વચ્ચે 500 રૂપિયાના ખર્ચા બાબતે ઝઘડો થયો હતો. ઝગડો થયા બાદ સુનિલ રૂમમાં બેભાન થઇ ગયો હતો. તેને હોસ્પિટલમાં લઇ જવાતા સારવાર દરમિયાન ડોક્ટરે તેને મૃત જાહેર કર્યો હતો. આ મામલે પોલીસને જાણ કરાતા પોલીસે તપાસ કરતા પૈસાની બાબતે યોગેશે મૃતક સુનિલને સ્ટીલનું ટિફીન માથામાં મારી દેતા તેને ગંભીર ઇજાઓ પહોંચી હતી. સુનિલને લોહી નીકળ્યા બાદ તે બેભાન થઇ ગયો હતો અને તેનું મોત નીપજ્યું હોવાનું સામે આવ્યુ હતું. જેથી અસલાલી પોલીસે હત્યાનો ગુનો નોંધી યોગેશ દ્વિવેદીની ધરપકડ કરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
