Community News & Updates

Stay informed with the latest happenings, achievements, and announcements from our community.

All News

calendar_today January 21, 2026

Gandhinagar News: વિકાસના કામોની ગુણવત્તાને લઈ બાંધછોડ નહીં કરવા મુખ્યમંત્રીએ અધિકારીઓને કડક સૂચના આપી

ગાંધીનગરમાં આજે મુખ્યમંત્રી ભૂપેન્દ્ર પટેલની અધ્યક્ષતામાં ગુજરાત સરકારના મંત્રી મંડળની બેઠક મળી હતી. આ બેઠકમાં મુખ્યમંત્રીએ વિવિધ કામોને લઈને સૂચનાઓ આપી હતી. મુખ્યમંત્રી ભૂપેન્દ્રભાઈ પટેલે ગાંધીનગર ખાતે યોજાયેલ કેબિનેટ બેઠકમાં રાજ્યના વિકાસ માટે કરવામાં આવતા બાંધકામ કામોની ગુણવત્તા અંગે કોઇપણ પ્રકારની બાંધછોડ ન કરવા સબંધિત વિભાગોના વડાઓને કડક તાકીદ કરી હતી. મહેમદાબાદથી મહુધા માર્ગ ખરાબ થયો હોવાની ફરિયાદ કેબિનેટ બેઠક અંગે જાણકારી આપતા પ્રવક્તા મંત્રી જીતુવાઘાણીએ જણાવ્યું હતું કે, 200 કરોડના ખર્ચે એક વર્ષ પહેલા તૈયાર કરવામાં આવેલ મહેમદાબાદથી મહુધા માર્ગ ખરાબ થયો હોવાની ફરિયાદના પગલે મુખ્યમંત્રી દ્વારા આ બાબતને ગંભીરતાથી લેતા માર્ગ અને મકાન વિભાગના સચિવને આ માર્ગ તાત્કાલિક અસરથી વ્યવસ્થિત તૈયાર કરાવવા સૂચના આપી સંબંધિતો સામે તપાસ સોંપવામાં આવી છે. કસૂરવાર સામે કડક પગલા ભરવા સૂચના મુખ્યમંત્રી દ્વારા અપાયેલ સૂચના અનુસાર તમામ બાંધકામો પર ગુણવત્તાને કેન્દ્રમાં રાખીને કામગીરી કરવામાં આવી રહી છે. આમ છતાં ક્યાંક ક્ષતિ રહી જતી હોય તો જનતાના હિતમાં તાત્કાલિક અસરથી દુરસ્ત કરવા અને ગંભીર ક્ષતિના કિસ્સામાં કસૂરવાર સામે કડક પગલા ભરવા સૂચના આપવામાં આવી છે એમ પ્રવક્તા મંત્રી જીતુ વાઘાણીએ કહ્યું હતું.આ પણ વાંચોઃ Surendranagar News: સરકારી ફોરેસ્ટ પાસે દેશી દારૂની ફેક્ટરી ઝડપાઈ, બે બુટલેગર જેલભેગા

Read Full Story arrow_forward

calendar_today January 21, 2026

Ahmedabad : રેલવે સ્ટેશન પર નવા સાઉથ ફૂટ ઓવર બ્રિજના 42 મીટરના સ્પાનનું કરાયું સફળ લોન્ચિંગ

અમદાવાદ રેલવે સ્ટેશનના ચાલી રહેલા પુનર્વિકાસ કાર્ય અંતર્ગત નવા દક્ષિણ ફૂટ ઓવર બ્રિજ (FOB)ના સ્પાન-03 (42 મીટર)નું લોન્ચિંગ કાર્ય સફળતાપૂર્વક પૂર્ણ કરવામાં આવ્યું છે. આ પડકારજનક કામગીરી રેલવે લૅન્ડ ડેવલપમેન્ટ ઓથોરિટી (RLDA) દ્વારા અત્યંત મર્યાદિત અને મુશ્કેલ પરિસ્થિતિઓ વચ્ચે સંપન્ન કરવામાં આવી હતી.પશ્ચિમ તરફ 6 કાર્યરત રેલ લાઈનો આ સ્પાન સ્ટેશનના મધ્ય ભાગમાં આવેલો છે, જ્યાં બંને બાજુ ભારે રેલવે ટ્રાફિક સતત ચાલુ રહે છે. પૂર્વ તરફ પ્લેટફોર્મ નંબર 1થી 4 સહિત કુલ 10 કાર્યરત રેલ લાઈનો તથા પશ્ચિમ તરફ 6 કાર્યરત રેલ લાઈનો છે. ઉપરાંત, વિસ્તારમાં જટિલ અને ઘન ઓવરહેડ ઈક્વિપમેન્ટ (OHE) સિસ્ટમ હોવાના કારણે તથા ભારે ક્ષમતાવાળા રોડ ક્રેન માટે યાર્ડ સ્પેસ ઉપલબ્ધ ન હોવાથી કામગીરી વધુ પડકારજનક બની હતી. દરેક સ્ટીલ ગર્ડરનું વજન અંદાજે 25 મેટ્રિક ટન નવા ફૂટ ઓવર બ્રિજના આ સ્પાનની લંબાઈ 42 મીટર છે અને દરેક સ્ટીલ ગર્ડરનું વજન અંદાજે 25 મેટ્રિક ટન છે. સ્થળની મર્યાદાઓ અને ઓપરેશનલ પ્રતિબંધોને ધ્યાનમાં રાખીને અંતિમ લોન્ચિંગ કાર્ય 140 મેટ્રિક ટન ક્ષમતાવાળી એક્સિડેન્ટ રિલીફ ટ્રેન (ART) ક્રેનની મદદથી કરવામાં આવ્યું. કાર્યની શરૂઆત OC બિલ્ડિંગ વિસ્તારમાં તૈયાર કરાયેલા ગર્ડરોને 300 મેટ્રિક ટન ક્ષમતાવાળી ક્રેનની મદદથી રેલ લાઈન નંબર 2 અને 3 ઉપર લોડિંગ પોઈન્ટ સુધી પહોંચાડવાથી કરવામાં આવી. ત્યારબાદ ગર્ડરોને ડિપ લારીઓ પર મૂકીને અંદાજે 170 મીટરની દૂરી સુધી લઈ જવાયા. આ દરમિયાન બે ટર્નઆઉટ અને 4 ડિગ્રીના આડાં વળાંકમાંથી નિયંત્રિત ગતિ અને ચોક્કસ સંકલન સાથે પરિવહન કરવામાં આવ્યું. લૉન્ચિંગ સ્થળે દરેક ગર્ડરને 140 મેટ્રિક ટન ART ક્રેન દ્વારા એક પછી એક અત્યંત સંકુચિત ક્લિયરન્સ વચ્ચે ચાલુ રેલ લાઈનો અને OHE માળખાં વચ્ચે સાવચેતીપૂર્વક સ્થાપિત કરવામાં આવ્યા. તમામ ગર્ડરોને નિર્ધારિત બેરિંગ સ્થાનોએ સંપૂર્ણ ચોકસાઈથી બેસાડવામાં આવ્યા. લૉન્ચિંગ બાદ માળખાને વેલ્ડિંગ, બ્રેસિંગ અને અસ્થાયી સપોર્ટ દ્વારા સ્થિર કરવામાં આવ્યું. કામગીરીથી અસરગ્રસ્ત તમામ OHE ઘટકોને ફરીથી સ્થાપિત કરી પરીક્ષણ બાદ વીજ પુરવઠો પુનઃ શરૂ કરવામાં આવ્યો, જેથી રેલવે સેવાઓ સુરક્ષિત રીતે ફરી શરૂ કરી શકાય. ઉચ્ચ સ્તરની એન્જિનિયરિંગ કુશળતાનું ઉત્તમ ઉદાહરણ આ મહત્વપૂર્ણ કામગીરીમાં આશરે 100 શ્રમિકો, 75 OHE કર્મચારીઓ, 300 મેટ્રિક ટન ક્ષમતાવાળી ક્રેન (બેકઅપ સહિત), 140 મેટ્રિક ટન ART ક્રેન, હાઈડ્રા ક્રેન, OHE ટાવર વેગન તથા ડિપ લારીઓનો ઉપયોગ કરવામાં આવ્યો. અમદાવાદ મંડળના મંડળ રેલવે મેનેજર વેદ પ્રકાશે સફળ લોન્ચિંગ કાર્યને સચોટ આયોજન, આંતર-વિભાગીય સંકલન અને ઉચ્ચ સ્તરની એન્જિનિયરિંગ કુશળતાનું ઉત્તમ ઉદાહરણ ગણાવી તમામ અધિકારીઓ અને કર્મચારીઓને અભિનંદન પાઠવ્યા હતા. આ સિદ્ધિ અમદાવાદ રેલવે સ્ટેશનના આધુનિક પુનર્વિકાસ તરફનું એક મહત્વપૂર્ણ પગલું છે. આ પણ વાંચો: Gandhinagar News: કમોસમી વરસાદથી અસરગ્રસ્ત જિલ્લાઓના 32 લાખ ખેડૂતોને 9466 કરોડની સહાય ચૂકવાઈ

Read Full Story arrow_forward

calendar_today January 21, 2026

Gandhinagar News: વાહનોમાં સફેદ LED લાઈટ હશે તો કાર્યવાહી કરાશે, વાહન વ્યવહાર વિભાગે RTOને આદેશ કર્યો

ગુજરાતમાં વાહનો પર અનઅધિકૃત રીતે લગાવવામાં આવેલી સફેદ LED લાઈટ અને વધુ તીવ્રતાવાળા હેડ લેમ્પ્સ સામે વાહન વ્યવહાર વિભાગ દ્વારા કડક પગલાં લેવામાં આવી રહ્યા છે. આ અંગે વારંવાર મળેલી રજૂઆતો બાદ તંત્ર સક્રિય થયું છે. વાહન વ્યવહાર વિભાગે આવી લાઈટ વાળા વાહનો સામે કાર્યવાહી કરવાના આદેશ આપ્યાં છે. અકસ્માતો અને જાનહાનિનો ભય વાહન વ્યવહારે જાહેર કરેલા પરિપત્ર પ્રમાણે વધુ પડતી તીવ્રતાવાળી આ લાઇટ્સને કારણે સામેથી આવતા અન્ય વાહનચાલકોની આંખો અંજાઈ જાય છે.જેના પરિણામે અકસ્માત થવાની સંભાવના રહે છે.આવા અકસ્માતોને લીધે ક્યારેક ગંભીર ઈજાઓ અથવા તો મૃત્યુ પણ થતા હોવાથી આ બાબતને ગંભીરતાથી લેવામાં આવી છે.ડીલરો ઉપર પણ સઘન ચેકિંગની કાર્યવાહી કરવા જણાવાયું ઉચ્ચ કક્ષાએ પણ આ અંગે નોંધ લેવામાં આવી છે.તમામ પ્રકારના અનઅધિકૃત સફેદ LED હેડલાઇટ ધરાવતા વાહનો સામે નિયમિત અને સઘન એન્ફોર્સમેન્ટની કાર્યવાહી કરવા માટે સૂચના આપવામાં આવી છે.આ ઉપરાંત વાહનોના ડીલર કક્ષાએથી જ વાહનો પર આવી અનઅધિકૃત લાઇટ્સ ન આપવામાં આવે તે સુનિશ્ચિત કરવા માટે ડીલરો ઉપર પણ સઘન ચેકિંગની કાર્યવાહી કરવા જણાવાયું છે.આ પણ વાંચોઃ Surendranagar News: સરકારી ફોરેસ્ટ પાસે દેશી દારૂની ફેક્ટરી ઝડપાઈ, બે બુટલેગર જેલભેગા

Read Full Story arrow_forward